تجمع امهات العالمية الامريكية

[ReeMaN]

نونا مسكين ولدج يكسر الخاطر بس شنسوي بعد احنا كلنا كنا جذي تقطع قلوبنا على بجي عيالنا بس ال مدرسه شر لابد منها ...وانشاءالله كلها جم يوم ويتعود على المدرسه ويحب ابلته بس انتى قولي له اذا ماصيحت بوديك الجمعيه او الفرع تشتري اللي تبيه ووديه مو تقصين عليه وماتودينه وشوفيه شوي بتلاقينه متعود على المدرسه وينطر العطله اتخلص عشان يداوم

 

[jolie_q8]

رد : تجمع امهات العالمية الامريكية

ريمان انا هذا اللي سويته ما عرفو خل اروح مركز سلطان يمكن يفهمون احسن

 

[ReeMaN]

مرووو تونى اشوف الرد واعليه على ظهر وليدج مسكين الله يعينه على هالكتب بس احسن يخلي كتبه باللوكر عاد اليوم اشوف الهاي سكول

شكثر شايلين كتب وفي اللي مو ماسكين شي مادري ماعطوهم والا مخلينهم بالمدرسه بس اشوف هالبنات ماشالله تسريحات شعر عجيبه

وغريبه ماشاءالله جنهم توهم طالعين من الصالون واللي حاطه ميك اب خفيف .... وتنانير وايد قصيره مايقولون لهم شي ؟

 

[mr000]

السلام امهات اشلونكم..بيتيفوره الحمدلله عالسلامه والله يوفق عيالج..نونا كسر خاطري ولدج..تخيلت بنت ولدي لما تروح الحضانه وعورني قلبي..بس ان شاءالله يتعود ولدج عالمدرسه ..جولي والله هالطلبات تعقد..ماكو إلا تدورين لج هندي أو فلبيني يعرف أحسن..العام بمركز سلطان كم واحد كله مصريين مندوبين المكتبات مايعرفون..بس شفت بنات مدرسه خاصه كبار بالثانويه وساعدوني في بعض الشغلات..ريمان الجورنال..أذكر لما كان ولدي بالابتدائي جنه كان يكتب صفحه عن موضوع..بس مو متذكره بالضبط عن قصه قراها..أو موضوع معين تطلبه المدرسه..

 

[mr000]

ريمان والله هالسنه بعدي مارحت المدرسه كلش..وماشفت اشكالهم..بس يمكن بالثانويه معطينهم حريه أكثر من المتوسط..مع ان بالأوراق اللي يابهم ولدي ووقعناهم وايد متشددين عالسلوك..ويقولي ولدي في كاميرات مراقبه بكل مكان عندهم بالثانويه....بس تصدقون اليوم الهنديه مالت الستور سوت شغله بايخه باجر بدق عليها ..آنا طرشت بنتي المدرسه تسأل عن ملابس الpe اللي طالبتهم من العام لأن عنده pe يوميا هالكورس..فردت يايبه كيس فيه ملابس قالت الهنديه تقول كاهم وصلوا..قلت زين اشوه .. بس تالي اشوفهم إلا نفس السايز اللي رجعته عليها العام..يعني معطيتنا نفس الملابس اللي رديناهم..متأكده..ألحين آنا مضطره أخليهم لأنه محتاج ملابس حق الpeحتى لو شويه ضيق..بس بدق عليها ليش تكذب وبعدين أبي السايز اللي وصيتها عليه..

 

[engineera q8ia]

رد : تجمع امهات العالمية الامريكية

مرحبا بنات ,, انا عيالي مع عيالكم ,, انا خلصت طلبات عيالي كلهم من مكتبة المقهوي , انا برايي اريح من الجمعيات إلي كل شي خالص منهم و أهمه فاهمين أسامي الأشياء المطلوبة لأن هذي بضاعتهم مو بضاعة مندوبين في أشياء مكتوبة ما أعرفها بس وايد ساعدوني فيها و فتكييييت .

 

[mr000]

السلام امهات اشلونكم..اشلون عيالكم اليوم مع الدوام..engineera حياج الله وزين سويتي شريتي من المقهوي صاجه هم يفهمون في طلبات المدارس أكثر..اليوم الهنديه مالت الملابس مسكره نقالها.:0bee2e8d89:.أكيد عليها زحمه ومشغوله بس بطت جبدي..ماكو إلا يوم الاحد أوصل ولدي الصبح وأدش أكلمها..الجو الظهر وايد حار ..اليوم طلعت عندي مشوار ضروري وايد تعبت ونشف ريجي ..وعليه على العيال اللي صايمين وبالمدرسه ويردون الظهر بالزحمه والحر والله يعين الاهالي بعد..الله يهديهم لو بس مخلين الدوام ورا العيد>>>آنا ليلحين أتحلطم:krkrkr:

 

[omlolo]

امهات لحقوا شوفوا شنو قالي ولدي اليوم:krkrkr:


رحت اخذه من الدرسه ولدي ب كي جي 1 ركب السياره جان يقولي


ماما انا اليوم رحت الحمام اسوي بي بي - تكرمون- والناني خلتي اسوي بي بي ونا واقف؟؟؟؟؟؟!!!!!!!!!!!!!!!
وبعدين ماما لما خلصت قلتلها غسليلي بس اهي بس امسحت بكلينكس؟؟؟؟؟؟؟؟؟؟؟!!!!!!!!!!!!!!!

طبعا ولدي تكلم بالانجليزي ويكلم الناني بالانجليزي يعني فاهمه عليه:krkrkr:

انا الولد معلمته يسوي بي بي وهو قاعد ويغسل حق عمره قايلتله ماما لازم تسوي جذيه عشان احنا مسلمين

مادري شسوي ومن اكلم :0bee2e8d89:


ساعدوني امهات

زوجي يقولي يمكن لانها نظام امريكي مايعترفون بهالسوالف ؟؟؟ قلتله بس احنا مسلمين وهم يدرون ان جذيه مايصير

شوروا علي شسوي ماعجبني هالتصرف

 

[jolie_q8]

رد : تجمع امهات العالمية الامريكية

تبين الصج ,, اصلا انظف له وهو واقف ,, بس بالبيت خل يقعد ,, وعادي كلميها وقوليلها خل يغسل

واصلا اذا ردوا لازم يتسبحون

انا معلمه عيالي جذيه اذا بره البيت بس الصغير اللي بالكي جي ما يعرف وهو واقف لازم يقعد ,, ومسكين مو متعلم على المدرسه يودونه بس ما يسوي شي

ويوصل البيت وهو واصل حده

 

[mr000]

السلام أمهات اشلونكم..باجر دوام ..بوصل ولدي الصبح عسى موزحمه وايد عاد عندي موعد طبيب..

 

[N0oNa]

و الله الطريج فاضي بس اللفه توقف و قصب تمشي هالمكان ياخرج

 

[mr000]

هلا نونا اشلونج..آنا لما أوصل ولدي دايما أدش من شارع بن خلدون..عند جمعية المعوقين اعتقد..يعني بظهر المدرسه..وايد أخف بالزحمه من اللفه اللي جدام المدرسه..وأول كنت أنزله من الباب الخلفي اللي ينزلون عنده الطلبه من الباصات وايد أخف واسرع تالي قالولهم ممنوع ..بس حق الباصات..فقمت أوديه من الباب اللي جدام بس هم ايي من ظهر المدرسه..

 

[Fouz]

رد : تجمع امهات العالمية الامريكية

السلام عليكم أمهات شخباركم
عمي رجع بالسلامة الحمدلله بس بغيت ممرضات زينين يجابلونه بالمستشفى
بليز اللي تعرف شركة زينة تعطيني رقمهم و مشكورين

 

[mr000]

السلام امهات اشلونكم..فوز الحمدلله على سلامة عمج وزوجج..والله أشوف هالممرضات في بيوت ناس من الاهل حاطينهم حق حريم كبار يحتاجون عنايه..بس والله ماعندي فكره من اي شركه..مو جنه في شركة العيسى؟؟

 

[mr000]

أبشركم بأحلى خبر كاراميلا ولدت بالسلامه..اليوم طرشتلي مسج:hearting: الحمدلله على سلامتها والله يخلي لها مايابت ويعطيها الصحه والعافيه:wqedqw::lolo::lolo::lolo::lolo::lolo:

 

[Fouz]

رد : تجمع امهات العالمية الامريكية

السلام عليكم
مشكورة مرو و اتصلنا بالعيسى و الحين عنده ممرضة منهم
الحمدلله على سلامتها _ الحمدلله اللي ربي فرحها بسلامتها اهي و البيبي

 

[mr000]

رد : تجمع امهات العالمية الامريكية

فوز والله من فرحتي أول ماعرفت الخبر كتبت

 

[ReeMaN]

رد : رد: تجمع امهات العالمية الامريكية

سلاااااااام امهااات شلونكم ؟؟؟

فوز الحمدلله على سلامة عمج وقرت عينج بردة زوجج والاهل ..... يازينج والله اليوم اتهبلين تبارك الرحمن والله ماعرفتج الا لما طالعتينى

الف مبروك على سلامة كاراميلا ومبرووك ماياها ويتربى بعزهم .... انا من العصر ابي ارد عليج بس ماعرفت شقصه اضافة الرد السريع

شخبارج مروو زهبتى اغراضج شكلج مثلي حزة الحزه تزهبينها ؟؟؟ وباجي الامهات شخباركم حبايبي شلونكم مع ثاني اسبوع ؟

 

[ReeMaN]

رد : رد: تجمع امهات العالمية الامريكية

امهات بليز هيلب بليز ابي اعرف يعنى شنو pre-test كل ثلاثا عنده اللى قلتلكم عنه

والخميس عنده السبيلنق يعنى شنو الفرق بينهم ؟؟؟ وماقلتو لى يعنى شنو d.e.a.r ??? ماعندكم اي فكره عنهم ؟؟؟

 

[mr000]

رد : رد: تجمع امهات العالمية الامريكية

ريمان الpre test يعني مراجعه قبل الامتحان >>والسبيلنغ اختبار املاء بالكلمات..بس الكلمه الاخيره مااعرفها..