تجمع امهات العالمية الامريكية

[Fouz]

رد : تجمع امهات العالمية الامريكية

السلام عليكم أمهات شلونكم

أنا اليوم ضايق خلقي و من كثر ما بجيت مصدعة اختي توها ردت أمريكا عاد أول مرة تطول اهني العادة اسبوعين و تمشي عاد صج فقدتها عسى الله يوفقها بدراستها و ترد لنا متخرجة ان شاءالله

مرو مشكورة على المواعيد و توكلي على الله و استانسي ترى عادي انا كله جذي أحن على السفر و اذا قرب وقته قمت أتحسف و اذا رحت استانست

بيلا شخبارج، صج ولهت عليج ان شاءالله عقب رمضان نتشاوف مثل قبل، م ما عندهم سالفة ما قولون كل ياهل بأي صف أتوقع بتصير لوية عند المدخل مال الكي جي، تصدقين حماتي تقول مدرسة عيالها يدزولهم قبل أسبوع من بداية المدرسة الياهل بأي صف و منو المدرسة و اسامي اليهال اللي وياه مع أرقام أهاليهم، يتراوالي وايد أحسن لو يسوون جذ بس بدون أرقام و عناوين اليهال لان مو كل الناس تتقبل

ريمان حبيبتي عسى الله يتمم عليج يا سمبتيكة و شجعتيني أروح عاد بمرهم هاليومين عقب لوية القرقيعان لان ودي أدخل اللي بديسكفري أقرب شي حقي، و تسلمين على السؤال حبيبتي عمي بعده ما وصل و الله يسمع منج و يرجعون بالسلامة

نونا ما سويت فحص دم كلش و الملف اصح ما فيه ش بس كتبون انج مطعته و تالي تودينه مستوصف نطقتكم و الدكتور يكتب لائق و تالي يختمه أمن المستوصف و بس ماكو تحاليا بالمرة، و اليهال اللي بالحضانة و الروضة تودينهم و تيبينهم من الصف

 

[N0oNa]

مشكورين على الرد صج وفرتوا علي البجي و الصراخ
انا اقول شكو بعد فقر الدم و حولتنا على الصقر عشان التحليل قلت شدعوه عاد
اوكي جذي وايد اامن حق الياهل خاصه المدرسه فيها لي الثانويه

 

[ReeMaN]

هاو هاو هاو فوز اشفيهم اصابيعج هالمره كله بدلياااات وخزياه ... عاد قلنا بدليه وحده ثنتين ميخالف بس مو بكل سطر ههههههههه

بعد عمري والله خنت حيييل يذكرتينى بقبل لما اختى اتسافر مع زوجها كان يدرس بره كنا نتضايق جم يوم وبعدين نتعود .... الله يردها بالسلامه يارب واتشوفينها متخرجه وباعلى المناصب

يالله سجلي وانشاءالله نتلاقى

مرووصج اتبطييين الجبد و اشوه انج دافعه حق التذاكر يعنى مافي مجال تكنسلين ... والله احلى وقت اخترتيه هالحزه يكون الجو انشاءالله

حلووو وماتحاتين ولدج لانهم مو فتره امتحانات وكلها سفرتج اسبوع وراده بالسلامه انشاءالله

 

[حلم الطفولة]

السلام عليكم // شلوووووووووووووووووووووووووووووووووووووووووووووووووووووووووووووووووووووونكم ؟؟؟

عفيه بكتب موضوووع جديد وفيه سؤاااال ياريت تجاوبوني عليه ,, وشكرا!

 

[mr000]

وييه فوز ذكرتيني لما كانت اختي واخواني يدرسون بره كان صج يضيق خلقي لما يسافرون..بس شنسوي كم يوم ونتعود..الله يردها بالسلامه متخرجه وبأعلى الشهادات ان شاءالله..ريمان ان شاءالله بسافر إذا ماطلعلي أي ظرف طاريء يخليني أهون..كراميلا طمنينا عليج ان شاءالله كل أمورج تمام ومستقره..بيلا اشلونج شخبارج..عسى ناموا العيال مبجر علشان يتعودون حق المدرسه؟هلا والله حلومه..ان شاءالله نجاوب على سؤالج..تامرين أمر..نونا اشلون ولدج متهيأ حق المدرسه؟

 

[Fouz]

رد : تجمع امهات العالمية الامريكية

هههههه ريمان موتيني من الضحك، الله يسلمج هاللاب توب اللي شابكة فيه عنده مشكلة بحرف الياء علشان جذيه الحجي طالع روعة، خاصة اللي كاتبته حق نونا والله عفية عليج نونا فهمتي كلامي جنه شفرة >>>>> لاحظي اني قارية الكلام قبل لا أضيف الرد منعا للبدليات

مرو و ريمان مشكورين و صاجة كلها جم يوم و نتعود ان شاءالله

الله يذكرج بالشهادة مرو بسؤالج عن كاراميلا ان شاءالله تكون بخير و أمورها مستقرة يارب

 

[caramella]

رد : تجمع امهات العالمية الامريكية

السلام عليكم أمهات
اشلونكم و شخباركم
ولهانه على سواليفكم كلها
حبيباتي ما تقصرون بالسؤال عني
الله يسلمكم مادري اشصاير كل يوم تطلع لي سالفه يديده الحمدلله على كل حال الحين الدكتوره تقول الماي الهادي شوي كميته قاله عن قبل
فا مني و رايح لازم اشوفها كل يوم و ترك و الله كريم
على النومه و القعده مبجر يا حسرة قلبي ولدي امس نام 4 الفير مستغل سالفة اني ما اقدر اتحرك و يسهر على كيف كيفه اقعده الحين ابيه يقعد عشان ينام مبجر مو راضي يقوم لأن مو شبعان
قريت ردودكم كلها بس ما قدر ارد عليها لأن بروح موعدي عند الدكتوره سامحوني
بس عندي سؤال بيلا و فوز بخصوص الواجب اللي لي ولدي سلماه بكت نووون لأن انشلع قلبي استغفر الله من التلوين ما يبي يلون و كل صفحه لون لا ولا صفحة ارسم 10 اشياء يعيشون بالبحر الله وكيلكم انا اللي رسمت بس نخلص
السؤال
الصفحه اللي يوصلون فيها الصوره بالحرف
حرف ال e وال f في صورة مهرج مادري عرقوز تحت هذا شيطلع اي حرف e ولا f
وبعد هم سؤال ثاني
الصفحه اللي فيها رسمات وتحت كل رسمه 3 حروف رسمة ال coin هذي اي حرف ما في c من الخيارات

 

[Fouz]

رد : تجمع امهات العالمية الامريكية

أهلين كاراميلا، حبيبتي عسى الله يتمم عليج ياربي و تعدين هالفترة و تفرحين بسلامتج و سلامة البيبي يارب
بالنسبة حق الواجب اللي جنه اراقوز (Elf) و الفلوس (Quarter) و سلامتج و لو وليدج يرضى يرجع معاي جان يبته لاني ياية القادسية أول و تالي، بليز كاراميلا اذا بغيتي شي لا يردج الا لسانج

 

[mr000]

كراميلا الله يتمم عليج حمالج وتولدين بالسلامه يارب..الله يعينكم على لوية الصبح باجر والايام الأولى مع اليهال علما يتعودون..اليوم وديت ولدي الصبح الحلاق تعمدت قعدته 9 وطول الطريج يتحلطم ماله خلق يداوم باجر...والله صك راسي من القرقه..بس مادري معقوله بس احنا اللي باجر مداومين..أمس في صبيان من كبره ومن الابتدائي من مدارس خاصه قاعد يشترون أغراض بمشرف بس مادري من أي مدرسه..الصغار كان بأيدهم ورقة طلبات من المدرسه..أنتوا عطوكم ورقة الطلبات؟

 

[bella bambina]

السلام أمهات
ريمان لما ردينا من السفر ماريا وماري لو كانو مسوين لنا احتفال وكيكه وزينه وتفافيخ بس ما عليج أكيد تمويه وظايق خلقهم ان رينا :dddds:
فوز توله عليج العافيه بعد ولهت عليج وعلى الكل ان شاء الله باجر أشوفكم على خير وان شاء الله ترد اختج بالسلامه واهيه متخرجه ولو آنا منج أستغل الموضوع وكل فتره أروح أطل عليها
ريمان الابتدائي يطلعون بره مع أبلاتهم ويوقفون معاهم كل صف بروحه من الباب اللي الصبح يدخلون منه والباب الثاني حق الكبار ودايما أولى ابتدائي يطلعونهم أول شي
عيالي ما قدرت أنومهم وأقعدهم مبجر والحين ناطرين القرقيعان يعني حامض على بوزي ينامون مبجر فما لي حل الا _03BA:أعطيهم دوا كحه وأخليهم ينامون والله ودي بس طبعا أخاف
مرو روحي استانسي وولدج الله يسلمه كبير وخليه يعتمد على نفسه ان شاء الله تغيرين جو وتردين لنا فريش مرو لأ ما عطونا ورقة طلبات هذي أول سنه ما يعطونا بس شريت الأساسيات
كراميلا الله يتمم عليج وتولدين بالسلامه ان شاء الله

 

[N0oNa]

هلا فوز تصدقين قريت ردج حق ريلي عشان يستانس بسالفه سحب الدم اقراله شوي و اوقف اصحح البدليه و ارد اكمل
و اهوا يطالعني يقولي شفيج ما تعرفين تقرين لووول
وااي مرووو هاليومين حدي معفوسه ما عندي خدامه و الله لا يوريج البارحه نايمه 4 الفير و قاعده من سبته 6 و نص الصبح و للحين ما نمت
ووديته الحلاق
و اليوم قررت انام بيت اهلي قلت على الاقل في يهال يستانس معاهم و يطخ من الحنه بس ما يندرا اذا بنام مبجر ولا لا خاصه ان اهوا الوحيد مدرسه باجر

 

[ReeMaN]

هلا والله كاراميلا الله يتمم ويسهل عليج يارب ويقومج بالسلامه يارب .... اليوم مريت المدرسه باخذ له قمصان واشوه ماكان في زحمه جدامي بس اربعه بس الريحه بالمخزن الله لايوريييكم ريحه هنود وولدي كل شوي مفشلنى ماتشمين يمه ريحه خايسه وانا انقز فيه اسكت لحد يسمعك

وبطلعتى الاداره قلت حق اللي بالاستقبال ماعرف اسمها قلت لها يصير يشوف صفه قالت اى عادي صعدي الى فوق والا الابلات بكل الصفوف يجهزون حق باجر حطوه بصف 1-4 ماعرف اسمها لانها ماكانت موجوده ....

بس نزلنا على الكي جي شاف مس ماااهي مالت العربي ياحلوووها هالابله انشاءالله يارب عيالكم يطيحون عندهااا لانها اتهبل لمت ولدي وبغيت المهاا وقالت انها ماتدرس القريد

بيلا مايخالف خليهم هاليومين يتاخرون اشوي خو جم قرقيعان عندنا بالسنه ؟؟ صج مصاخه مابدا الدوام الا بيوم القرقيعان :flower:

 

[ReeMaN]

نومتو عيالكم ؟؟؟

ولدي نام بالعشر ونص واعليه راح اشوي مع عيال اختى قرقعو بالفريج و ردو قطوه البيت وكملو المشوار :eh_s(2):

نحيسين بموعد الدوام ماتسلطو علينا الا بهاليوم :lkmnkl:

 

[N0oNa]

الحمدلله انا ولدي نام 9 ونص
انشالله يقوم شبعان نوم من غير صراخ و بجي

 

[sweet lady]

شلووونكم امهات العالميه الامريكيه متابعه بصمت والله يوفق عيالكم يارب
انشاءالله ناويه ادخل ولدي بالمدرسه بس اللي مضايقني دوامهم مبجر واشلووون على العطل الرسميه مع الحكومه يعطلووون مثل الاعياد وشهر فبراير

 

[jolie_q8]

رد : تجمع امهات العالمية الامريكية

ناموو 12 شسوي بعمري باجر اتعدل نومتهم

وعندي ولدي بكي جي قاعده احاتيه مسكين اول مره بدش المدرسه مو داش حضانه ولا شي

ووايد متعلق فيني الله يستر من الفلم اللي بسويه باجر

 

[mr000]

السلام امهات اشلونكم..سويت ليدي لا والله العطلات مو مع الحكومه عندهم الكريسمس بشهر 12 والايستر بشهر 4 وعطلة عيد الفطر والاضحى..نونا أشوه ولدج نام مبجر..جولي الله يعينج ميخالف شتسوين..ان شاءالله شوي شوي تتعدل نومتهم بس ديري بالج لي ردوا دايخين وناموا لاتخلينهم ينامون وايد لي المغرب تالي ماينامون مبجر..الله يعينا باجر عالمكتبه والطلبات..بس أشوه مافيه زحمه لأن اعتقد محد مداوم غيرنا..

 

[jolie_q8]

رد : تجمع امهات العالمية الامريكية

صباح الخير

اشلونكم مع اول يوم دراسي

 

[Fouz]

رد : تجمع امهات العالمية الامريكية

السلام عليكم شلونكم أمهات ان شاءالله بخير

شخباركم مع لوية اليوم، واااايد زحمة و ردينا على اللي ما ينطرون بالدور و يدخلون سياييرهم غصب طيب يعني مستعيلين يكون احنا رايحين نتمشى مو حالنا حالهم بنوصل عيالنا المدرسة

الله يسلمكم بنتي نامت الساعة 10 و نص و الوضع زين عاد انا ما ياني نوم كنت قاعدة بالصالة ما وعيت الا الحبيبة ياية الصالة و شبعانة نوم هالحجي الساعة 2 بالليل فبالغصب نامت على الساعة 5 عاد يوم قعدتها الصبح الا العسارة مالها والي و البجي يقطع القلب من دشت الصف و اهي تبجي و تقولي ماما احبج لا تخليني و كالعادة وقفت برة و بجيت تالي رديت البيت،، المشكلة ان أكثر من وحدة ما مدحت لي مدرستها عاد بشوف وضع بنتي هاليومين اذا مو مرتاحة بحاول انقلها صف ثاني بس ان شاءالله تتأقلم بدون مشاكل يارب وعسى الله يسخر المدرسة لها و بنتي تتوالم معاها،،،، عاد الحين مجابلة الصغيرة الله يحفظها و بنطر صلاة الظهر تالي أمر المدرسة اخذها، ان شاءالله باب المسيد مفتوح وايد أريح من الرئيسي

جولي شلون ولدج حبيبي عسى ما تعسر خصوصا ان أول مرة يداوم

نونا بشرينا شصار مع ولدج عسى الامور كانت سهالات

 

[farawla_q80ia]

رد : تجمع امهات العالمية الامريكية

السلام عليكم امهات وكل عام دراسي وانتوا بخير منو تعرف مس روان بكداش اللي بكي جي 1بعرف مستواها ما ادري ليش مو متقبله مدرسة عربية تدرس ولدي واحد يعرف الطريقه اذا بودية من صف لي صف