تجمع امهات العالمية الامريكية

[mr000]

رد: رد : تجمع امهات العالمية الامريكية

ناموو 12 شسوي بعمري باجر اتعدل نومتهم

وعندي ولدي بكي جي قاعده احاتيه مسكين اول مره بدش المدرسه مو داش حضانه ولا شي

ووايد متعلق فيني الله يستر من الفلم اللي بسويه باجر

السلام امهات اشلونكم..اشلون عيالكم مع أول يوم عسى ماتعسروا عليكم..فوز وعليه ليلحين تبجين لي بجت بنتج ...بس عسى مايصير فيني جذي لما بنت ولدي تروح الحضانه:eh_s(2):.جولي بقيت أسألج إذا ولدج مورايح حضانه من قبل اشلون عاللغه يعني قدر يمشي بالمقابله عادي؟؟لأن بنت ولدي بسجلها بالحضانه عندهم بس قالتلي السكرتيره لازم تودونها حضانه انجليزيه بالبدايه يعلمونها شويه وإلا يمكن ماتنقبل عندنا..

 

[ReeMaN]

سلام امهات شخباركم ؟؟

شلونكم مع اللويه اليووم ؟ واي اليوم زحممممممممه شي مو طبيعيه هذا وبس احنا اول مدرسه تداوم برمضان وبالساحه عفيييسه مع انى عارفه صف ولدي بس مافي ترتيب بالجداول مادري يمكن مع اللويه وزحمه الاهالى والخدم __ صج مو متعوده على زحمه الابتدائي

بيلا اتعرفين مس لوفل ماره عليج من قبل بتدريس العيال ؟ احسها وايد ناشفه مع اليهال ماشوفها اتسلم عليهم بس تاخذ اليههال وتصفهم بالطابور شكلها مالها خلق يمكن اكون ظالمتها لانها حامل وشايفين الجو اليوم رطوبه ....

المهم لحقنا اليهال الين الصف ومو كلهم مداومين اليوم بس سته اللي مداومين بصفه

اما الهده يالهوييييييييييييييييييييييي زحممممممممممه تخيلو ينهدون الساعه 2.20 انا طلعت الساعه 3 بس من مواقف المدرسه من الزحمه
بس مره ثانيه بخلي سايق بيت اهلى مع الشغاله ايبونهاسهل لهم من لويه المصفط

يالله قولو شنو مواقفكم اول اليوم ؟؟ وينج نونا متابعينج

 

[mr000]

السلام أمهات..اشلونكم ..الهاي سكول شي ثاني..الله يعينا..خل أروح المكتبه نشتري الطلبات..يالله موفقين ان شاءالله

 

[omlolo]

امهات شلونكم وشخباركم ومبارك عليكم باجي الشهر


شلونكم مع الزحمه اليوم وااااااااااي شي عجيب

ولدي ب كي جي 1-1 منو ولدها بكلاس ولدي؟؟؟

اليوم كان دراماتيكي بمعنى الكلمه ) اهو يبجي ونا ابجي فلم هندي


بس اشوه يوم خديته الا هو ساكت عاد الله يستر من باجر

 

[mr000]

هلا والله أم لولو اشلونج..والله حتى ريلي يقول عن الزحمه..آنا ماأقدر أوصل ولدي هالفتره عندي بنت ولدي..يالله ان شاءالله ولدج يتعود عالمدرسه ومايبجي..اليوم رحت مكتبة مشرف وإلا كلها بنات وصبيان من مدرستنا والمشكله كلهم نفس الطلبات تقريبا لأن أغلبهم ثانويه ومتوسط فماشاءالله خامين الملفات والاوراق زين لحقنا على شي.:j013:.تالي دشينا أثليت فوت بنشتري كور تنس إلا نفس السالفه كلهم قاعد يشترون كور تنس..أشوه حصلنا علبه..بس الخبر اللي كلش مو شي..تذكرون الصبي المصري اللي كان مأذي ولدي هالسنه معاه ب3 مواد :nocommint: أقول حق ولدي خل نغير صفك..يقول هم ألحين نفس نظام المقررات ماكو صف معين..يعني كل كورس ممكن يكون معاه بماده أو مادتين :ssssso: !! شفتوا الاوراق اللي وزعوها..حطوا مدير يديد حق المدرسه ..مايندرى اشلونه..

 

[Fouz]

رد : تجمع امهات العالمية الامريكية

السلام عليكم
شخباركم أمهات

أم لولو ترى عادي لازم الفيلم الهندي أول جم يوم تالي تتعدل الأمور بنتي داشة حضانة سنتين و العام كانت بنفس المدرسة و اليوم سوت لنا مناحة و انا ما قصرت بس كلها يومين و تتعدل الأمور

فراولة حياج الله ،،،والله للأسف ما أعرفها يمكن البنات يفيدونج، بس العام مدرسة بنتي كانت مصرية و بالعكس بنتي وايد استفادت منها و كانت تحبها مع ان الاسيستانت كانت أمريكية بس بنتي كانت تموت على المصرية، و الله يوفق ولدج ان شاءالله

مرو الله يعينج انا بعدي ما وصلت مرحلة الطلبات، الله يسلمج عطونا أوراق يبون (clear book) عاد بنتي الا تبي وردي و المشكلة اللون الوردي متوفر بس ب10 صفحات و اهما يبون على الأقل 30 صفحة ما لقيت الا بنفسجي مايل للوردي غصب اقتنعت و قالوا يبون 15 دينار حق الاغراض حتى ما عطونا لستة شنو يبون بصراحة فكة مالي خلق افتر، و قالوا يبون جناط متوسطة علشان تكفي واجباتهم يعني موبس حق الأكل مثل جناط كي جي 1 و هم عطونا كويستشنير فيه اسئلة عن الياهل شنو يحب و معلومات عنه و سلامتكم

نونا وينج شكلج تعقدتي من بدلياتي شخبارج مع أول يوم

جولي ولدج عند أي مدرسة؟ عسى الامور كانت سهلة و ما بجى

مااااااااااااااااااااااعندهم سالفة ماراح يسوون قرقيعان حق اليهال،، اليوم سألت الموظفة اللي بالريسبشن تقول مافي بس اذا عندكم قرقيعان بتوزعونه على صف عيالكم عادي ييبوه، عاد حلاته اليهال يستانسون بملابسهم و يقرقعون

اليوم شفت بيلا ياحلوها،، ريمان و كاراميلا مكانكم مبين بطلعة الكي جي بس ريمان لاحقينج السنة الياية بإذن الله و كاراميلا نشوفها بالكورس الثاني عقب ولادتها بالسلامة بحيل الله

 

[ReeMaN]

هفففففففففففففففففففففففففففف كتبت رد شطوله وانمسح ومانى عايدته لو تنقزون هههههههه

بس اللي بقوله ان اليوم ولهت على ربع الدريشه ....... ابي ربعيييييييييييي مالي شغل ابييييييييييييهم :lkmnkl: ولهت

على التخزز ابي اصيد مروو وكاراميلا :tongue22: :eh_s(2): :eh_s(2)::eh_s(2):

مروو الله يعينج ويغين وليدج صج مو خوش خبر .. بس انشالله هالهاي سطول تخليه يعقل والله يهديه انشاءالله لابارج الله فيه ههههه

والامهات شكلهم نامو مبجر الليله قبل اليهال من كثر ما بجو على عيالهم الصبح

 

[N0oNa]

هاي بنات شلونكم
واااي صج لويه الصبح باجر حدي بدش صوب لفت المسيد اتوقع اهون من اللفه الاولى لان كانت واقفه
و الله دشيت عادي ولا كاتبين اسم ولدي غلط مسكين وطابعين على كل شي
عاد حاجيتهم قالت نفس الي بالجواز قتلها مايصير مسمينه زياد بالجواز مو معقوله عاد جيكت ولا اطلعت اهيا الي غلطانه و قالت بتعدله
طبعا ولدي اول ما دشينه مستانس شاف الليتات من برا بالصف ومن دش لوول شاف بنت تبجي مسكين اخترع و قعد يبجي اقوله هذي بيبي انت كبير ما تبجي عاد قعدته جدام لعبه جان يسكت و طلعت عادي ما قال شي و من خذيته كان مستانس و طلبوا 15 دينار و كمبل و مخده
طبعا نام العصر ما بقيت انومه قص علي قالي بنام وديته جان اغفي انا و اهوا قاعد يتكوكس على الفراش و كل ما يطيح علي افز و اخر قدرت علي لان كنت حدي تعبانه و ريلي مو موجود يقعد معاه و خدامه ماكو وقبل شوي نام 12 و نص الله يستر الصبح


وااي حدي قرقت سوري
باي بكمل زواره خميس

 

[Fouz]

رد : تجمع امهات العالمية الامريكية

ريمان جكيتج هاي سطول ها جيكي على أصابعج الظاهر عاديتج
والله انا بعد ولهت عليج بس ان شاءالله نشوفج بالهاف داي

نونا الحمدلله ان ولدجاستانس و مع الأيام بتشوفينه يتعلم على المكان زيادة

انا حدي متضايقة على بنتي بشوفها اذا هاليومين ما تأقلمت بسأل اذا أقدر أغير صفها لان مدرستها أكثر من وحدة قلات لي انها شديدة و انا بنتي وايد هادية و حساسة أخاف تعقدها، بصبر يومين و أشوف و الله يكتب اللي فيه الخر
اذا تعرفون مدرسات زينين بكي جي 2 قولولي علشان أحاول لأنقلها في حال تأزمت الأمور

 

[mr000]

آنا أقول شنو الهاي سطول؟ ألحين فهمتها..يبيلي احط يمي قاموس علشان افهم بدلياتكم..بس عسى ماأخوره وتتشمتون فيني..نونا زين الحمدلله ولدج ماتعسر وايد الصبح وان شاءالله يتكيف بسرعه..كراميلا طمنينا عليج..تروالي آنا الوحيده بالكويت اللي مااتابع زوارة خميس..فوز سألي جيهان عن مدرسات كي جي 2 يمكن تساعدج والله ماتقصر..بيلا وريمان اشلونكم شخباركم..

 

[ReeMaN]

خخخخخ فوز حسبيالله على ابليسج بس لو تشوفين بدليياتج بدال ماتعيبين وايد احسن ههههههههههه عاد بسرعه سويت تعديل على جم كلمه

اخاف تصيدينى فيهم ياحلووج والله

والله انا اقول خلي بنتج بصفها احسن لازم تتعلم على التغيير والابلات اصلا يبيلهم وقت يالله يتعلمون على طريقتها ويتعودون عليها او عطيها

فرصه الاسبوع الياي كله اذا ماشفتى نتيجه كلميهم وبسالج عيال ربعي مو مع بنتج بالصف اقصد بيلا وكاراميلا ؟

مروو لا خلاص شكلج لاحقتنا بالبدليات بالرد الياي هههههه .... كاراميلا معذوره هالايام الين تولد بالسلامه انشاءالله .... بس بيلا وييينها

وين اتحوس ؟؟ ماعندها عذر مروو خصمي عليها لا شفتيها لحقيها بالشارع وعطيها مخالفه عدم المشاركه اليوميه بالمنتدى خو بعد ماشوفها

بالمدرسه هم بعد تغط عنا هني ؟؟ مايصير

 

[ReeMaN]

واااااي يمه بسرعه عدلت البدليات قبل لاتصيدنى فوز

 

[Fouz]

رد : تجمع امهات العالمية الامريكية

هههه وناسة صرت مرعبة :lololoe:

دلال بنت بيلا مو معاي بس ولد كاراميلا ما اعرف اسمه يمكن وياها و يمكن لأ، تدرين ريمان شورتج و هداية الله و ما أبي أحكم بسرعة والله يا ريمان قلبي معورني عليها و من صليت الفير و انا أدعي ربي يسخر لها المدرسات و بشوفها هاليومين و يارب تتأقلم، تدرين وين المشكلة ان مدرستها مالت العام و رفيجتها صاروا بصف واحد فأنا ما أبي أنقلها هناك يعني لو رفيجتها بصف ثاني جان مو مشكلة بس ما أبيها تتعود على تكرار الشي بالضبط يعني نفس المدرسة و نفس الرفيجة لأنها بتينني تالي بالابتدائي، مو قادرة أنام من كثر ما أحاتيها وايد تعور قلبي :0bee2e8d89:

بيلا اليوم شفتها و قالت انها ما تقدر تشبك وايد برمضان فسوولها استثناء تستاهل السمحة

شكلي ماني مودية بنتي الخميس لأن الأربعاء مسوين قرقيعان و يايبين حنطور و بو طبيلة و أخاف أطول هناك و بصراحة ما بي تطوفها الوناسة كلها مرة بالسنة و المدرسة لاحقين عليها بعد أنحس من دوامهم ماكو

أشكرة معدلة 100 مرة لزوم تصيد بعض الناس

 

[jolie_q8]

رد : تجمع امهات العالمية الامريكية

صباح الخير

توني يايه من الكتبه اخذ الطلبات مالت قريد 3 و2 ,, واي هلكت وماحصلت كلشي
وفي اشياء ما عرفتها :/

جولي شلون ولدج حبيبي عسى ما تعسر خصوصا ان أول مرة يداوم

ولدي اول يوم ماسكني ومو راضي يهدني اخر شي اقتنع يلعب بالطين ولهى وتغافلته وطلعت ,, مع انه كان ودي اقوله باي

واخليه يواجه مصيره,,ولما رديت اخذه كان ساكت بس حسيت هلكان بجي وخذيته وشريت له لعبه واستانس

ومدرسته اسمها ليان او شي جذيه << خوش ام انا مااحفظ اسامي كلش

.جولي بقيت أسألج إذا ولدج مورايح حضانه من قبل اشلون عاللغه يعني قدر يمشي بالمقابله عادي؟؟لأن بنت ولدي بسجلها بالحضانه عندهم بس قالتلي السكرتيره لازم تودونها حضانه انجليزيه بالبدايه يعلمونها شويه وإلا يمكن ماتنقبل عندنا..

انا يوم انقل عيالي شرطت عليهم قلت اذا ماراح تقبلونه ماراح انقلهم يا كلهم ينقبلون يا اخليني على مينوني(التكامل)
وقلت لها ترى اهوا مو داش حضانه واشلون على المقابله ,, جان تقول احنا بصراحه اهم شي عندنا يكون طبيعي ومو متخلف
او ذكاءه قليل (فاهمه قصدي)؟
وولدي يعرف شويه الوان وارقام بس ما يعرف اشكال
فحاولي تعلمينها الالوان والاشكال والباجي حاطين لهم بزل وحيوانات يرتبونها من الاكبر للاصغر ,, المقابله سهله
وولدي اصلا مارضى يتكلم ولا كلمه والحمدلله عدينا

 

[mr000]

[جولي زين الحمدلله طمنتيني..والله جانزين تنقبل ..وأشوه اقبلوا ولدج بدون مايتشددون بالمقابله..اليوم جنطة ولدي والله ماتنشال من الأرض من ثقلها ..هذا بعد مااستلموا الكتب الثقيله توهم عالعربي والدين والنوت بوكس والملفات....ان شاءالله يعطونهم اللوكر اليوم..والمشكله صفوفهم بالدور الرابع وممنوع يستخدمون الاسنسير..وينزلون حق الpe بالسرداب ويردون يصعدون..

 

[N0oNa]

هاي بنات
تصدقون اول يوم عدا بس 2 يوم قصب طلعت ابجي عور قلبي
طبعا الصبح صراح ما يبي يلبس و معافر
و من نزلنه من السياره طول الطريج لي الصف و اهوا يحن مابي حضانه
و من ييت بهده جان يبرطم قاضب البجيه وااي قلبي عورني قتله شفييك ما يرد خايف البجيه تخر قتله انا بروح و بييي
و وصلت لي الباب و اهوا يطالعني بنظره شلون بتهديني عاد بس ركبت السياره خريتها بجيي عور قلبي

 

[jolie_q8]

رد : تجمع امهات العالمية الامريكية

عفيه بنات ساعدوني بالطلباااااات لو سمحتو في اشياء ما عرفتها

اول شي حق قريد تو :

شنو يعني

Box Bags (with zipper,quart or gallon size- شنو يعني؟

هذا نوع المقص والا ماركته؟ ووين الاقيه لانه ما لقيته بالمكتبه pair of Scissirs(fiskars

-----------
وحق قريد 3

student copy books 22cm by 16cm اخذ اي نوع سكر واحد والا 4 سطور؟ انا خذيت دفاتر مسطره لاين واحد بس
مكتوب فوق العنوان والتاريخ بالعربي والانجليزي عادي؟

large packs lined paper (college notebook paper,150 sheets per package >> ما فهمت شلون صاير هالنوتبوك !!

box of large zipper sealed bags << قصدهم الملف اللي فيه مثل سحاب فوق؟ والا شنو بالضبط

طالبين حق الميوزيك the clear book recorder شلون صاير؟ دفتر عادي؟

فيدونا الله يعافيكم واشكركم على تعاونكم

 

[بتيفوره]

رد : تجمع امهات العالمية الامريكية

هاي. امهات اشلونكم انا بسكوته اذا تذكروني بس كان خربان وكنت بس اقرى سوالفكم وبعدين ولدت ولهيت والحين عوده حميده مع االمدارس اعيالي اب كي جي 1 وكي جي 2

 

[بتيفوره]

رد : تجمع امهات العالمية الامريكية

سوالفي كلها بدليات  بنتي كي جي ١-٣. وولدي كي جي ٢-٢ احد معاهم. واللي اسالت عن مس روان كانت مدرسه ولدي العم اتينن وحنوووونه وايد

 

[ReeMaN]

سلام حبايبي ... شخباركم ؟؟؟

جولي انتى روحي المكتبه ووريهم الطلبات اللي ماتفهمين عليها اهمه يطلعونه لج انا بمركز سلطان سويت جذي نفس ماقالت لى بيلا

خلاص بيلا مسامحتج مرخوصه ان شاءالله

بنات بعرف شنو هالجورنالـ اللي يعطونه اولى ابتدائي مده ثلث ساعه journal؟؟؟ ويعنى شنو d.e.a.r ؟؟ مافهمته