محتره

[روحي تحبه غصب]

كل واحد يقوم باصله واللي عينه متروسه ماتهمه الاربعه او العشره (انا ما اقصدج لورا اقصد الريال)


والله يابنات عندنا عموم قبيلتنا واتوقع باقي القبايل

ابو البنت مايطلب المهر في العقد تدرون شنو يقول(دينار وشيمت رجال)

واذا يابوا المهر على حسب 7 او 8 الاف مع الشبكه
وانا ماعممت انا اتكلم عن اغلبية قبيلتنا________________حمران النواظر

 

[:: لورا ::]

حبيبتي انا ماعندي تعليق على موضوعج بكبره بس تعليق على كلمة حتى المكسوره ما ترضى بهالدزه يعني قصدج كل بنت دزوها بأربعه اقل من مكسورة لا غلطانه لان انا دزتي اربعه وفوقهم دبله الماص وشبكه وعرسي انشالله بالهوليداي العرس اب صاله والبوفيه بالصاله اللي اصغر منها وغير الفرق وغير القصار وغيره وغيره تدرين هذا كله على منو على اهل االمعرس والحمدالله متفقين لا وفوق هذا شهر عسل وفوق هذا كله واللي اهم ريل مثل الذهبه عسى الله ما يحرمني منه .. والحمدالله اهلي ما قصرو معاي تدرين ليش لان احنا لما نطلع من بيوت اهالينا لي بيوت ريايلنا نكون محهزين من عز اهلنا مو من مهر!! وسوري على كلامي ولا قاعده اعلق ان ليش مهركم بهالكم لان مو اول ناس جذي وايد ناس يمرون علي جذي وعادي بس تعليقي على جملة حتى المكسوره ماترضى
وعسى الله يهون عليج

ونسيت ازيدج بعد ان يابو دزتي قبل الملجه يعني قبل لا ياخذ من الحكومه

انتي قلتي بلسانج فوقهم شبكة ودبلة الماس يعني خلاص ريلج جهزج انتي الحين خلصتي كل شي
يعني مو ال4 حاااااااااااااااااااااااااااااااف بدون حتى دبلة

والدزه مو عشان المره تشتري فيهم مو حقها ؟؟

وانتي غير كا يابو لج شبكة ودبلة انا لو منج اكيد بستانس

وماشا الله لاتخافين ماراح احسدج

بس تزعل السالفه

الحين صارت السالفه اكبر شنو معناتها هالحركات هذا اللي محيرني

 

[:: لورا ::]

كل واحد يقوم باصله واللي عينه متروسه ماتهمه الاربعه او العشره (انا ما اقصدج لورا اقصد الريال)


والله يابنات عندنا عموم قبيلتنا واتوقع باقي القبايل

ابو البنت مايطلب المهر في العقد تدرون شنو يقول(دينار وشيمت رجال)

واذا يابوا المهر على حسب 7 او 8 الاف مع الشبكه
وانا ماعممت انا اتكلم عن اغلبية قبيلتنا________________حمران النواظر

والله والله كلمة نفس كلام يدتي كل واحد يقوم باصله

 

[live your life]

امممم الله يعينج بس شوفي دام صارت هذي المشكله من البدايه وانتي متقنعه ان تبتعدين عنه انا اقول الطلاق احسن شي يمكن يكون خيره واييج اللي احسن منه بس لو كاتبين بالعقد 10 اضمن شفتي شنو سوو مالهم امان بس العيب مو منكم لانكم اهل اصول وناس سنعه اكبر من هالسوالف واهمه انا مابي احكم عليهم لان حركتهم تشهد شنو بنيتهم

 

[miss_q8ya]

شفتي انتي قلتيها طلاق يعني الناس يايه منغثه من الاساس ويدورون زعلنا باي طريقة

واهم فاهمين الدنيا مقلوبة ويدرون انه غلط اللي مسوينه بس انا

بمسكها عليهم وبعايرهم فيها

انتي ترضين يصير فيج جذيه ؟ يعطونج الف واهلج كلهم 20 و15 الف ؟ اتوقع تاكلينهم بلسانج

حبيبتي الزواج مافي شي غصب ومنغثين مايبونج مو مجبورين فيج يدقون علي امج ويقولون مافي نصيب ماييبون اربعه علشان ينحشونج هذا اول شي

وثاني شي مافي شي اسمه معروفين مهرنا اب 10 ليش انتو منزلينه باعلان بالجريده ولا شنوو ؟؟
وكا انتي الحين مو عاجبج الوضع وتبين اتطلقين لو معطيج 10 والي مكتوب 4 شيضمن حق الريال ترديله فلوسه اكيد بتقولين ماعطاني الا 4 ؟؟

وطول عمره البنات يتشيحطون ابمهرهم المكتوب مو الي استلمووو لان محد داري جم خذت ماسمعتي بسالفة الي خذت مهر 4 وطلبت تكتب بالعقد 20 وماصار نصيب وتطلقة وطالب الريال بالمهر 20 الف ؟؟

وثالث شي اصلا عيب سالفة لمناشب علي المهر ليش انتي قاعده اطرين منهم وبطريقتج تبينين لهم انج تموتين علي لفلوس وماعندج اجهزين عمرج غير بفلوسهم

والله انا يوم تزوجت قال ابوي انتو زوجتو بناتكم وزوجتو عيالكم واهيا وحده من بناتكم يقول عيب علي ريال قاعد بين الريايل واطلب والله ابي جذي

والحمدالله بسلامت ابوي ماقصرني شي وجهزت احسن تجهيز

 

[أنفاسي دخون]

شوفي حبيبتي لو مهرش 20 الف مو 4 بتقولين ما كفوني واذا الولد اخلاقه زينه ودين ويخاف الله لا تفرطين فيه عشان فلوس وامه صادقه تبين يحط على ظهره قروض الدنيا ولا دخل عليش الا متوهق ومعاشه طاير على الاقساط والديون !!!!

وبالاول والاخير الراي لش استخيري

 

[نــعــوومــه]

ماهان تبارك .. ​

​

 

[يمة يادلبي]

امبيييه شكو ردي
يمكن الريال على قد حاله
وهذي حدود امكاناته
شتبيننه يسوي
يبوق بنك عشان ترتاحين

 

[انتظر حبه]

رد : محتره

اعتقد ان الفلوس موكل شي واذا الريال زين وانا اختج لاطوفينه المراه موكل يوم لها ريل

 

[ice_cream]

وليش زعلانه ونايمه بالمستشفى فركشي السالفه وقعدي ابيت اهلج احسن

بس بعدين لا تزعلين لين يصير عمرج فوق ال 30 وانتي مو متزوجه

با جر اتحسفين واتقولين ياريت قبلت بالف بعد

خافو ربكم كل انسان والي يقدر عليه بدال لا تسألين عن الفلوس سألي شلون راح تعيشون ويا بعض وشلون راح تبنون حياتكم وحيات عيالكم

باجر

بعدين تقولون ليش البنات ما يتزوجون

 

[ام-اسماء]

رد : محتره

والللللللللله قوات عيين ويقولون نسبه الطلاق كثرت ونسبه العوانس عيب لو شايفين خير ماتطلبون مهر وانا الحمدالله مهري جاني من غير اتفاق رغم قبيلتنا وعطوني 11 الف والحمدالله يارب

 

[live your life]

رد: رد : محتره

والللللللللله قوات عيين ويقولون نسبه الطلاق كثرت ونسبه العوانس عيب لو شايفين خير ماتطلبون مهر وانا الحمدالله مهري جاني من غير اتفاق رغم قبيلتنا وعطوني 11 الف والحمدالله يارب

حبيبتي السالفه مو بالمهر السالفه بالاتفاق وبعدين ترى نسبة العنوسه ولا الطلاق مازادت مني والطريج وماكو وحده تبي تخرب بيتها مني والطريج اكيد في اسباب مقنعه وبعدين على قولة المره ان الولد كان حاط 10 شنو اللي صار وخلاهم ينقصون وليش نقصو وعلى اي اساس شوفي احنا من عاداتنا ان لازم نتفق على كل شي قبل الملجه اتفقنا والقبول من الطرفين كان بها ما قبلنا لا والله بنتكم عندكم ولدنا عندنا اما تتفقون معانا وتعطونا كلمه وانتو تدرون بعاداتنا وتقاليدنا وتخلفون لا والله هذا مو سنع

 

[British Girl]

شوفي حبيبتي انتي طلبتي راينا وانا ما احب اجامل احد

انتي داشه حرب ؟
قاعده تدعين عليهم وعلى عايلتهم شحقه ؟؟
امبيه مو شايفه خير ؟
شدعووووووه تطيحين بالمستشفى عشان المهر 4 الاف ؟؟؟
مشفوحه ؟
شتقولين عيل حق البنات اللي ماتزوجوا ولا يالهم خطيب واحد ؟؟؟ حمدي ربج بس
وعيب تدقون على الناس تقولون شنو هالمهر !!

انا ادري ليش محتره وحار قلبج زياده انه كل بنات اهلج ماخذين 10 الاف وانتي 4 الاف محتره منهم
منحرجه منهم ومن نظرتهم لج لانج اقل وحده خذيتي
امبيه بفهم وحده للحين مادش عليها زوجها تناشبه وتدعي على اهله عشان فلوووووووووووس !!!!
وتنطرين منه انه يعايدج بعد !!!

خل ايي ويشوف لسانج ودعاويج عليهم من امه بهون عنج
وتتكلمين عنهم انهم رديييين بعد ؟؟ شوفي اسلوبج بالاول شلون تتكلمين على اهل ريلج جذي ؟
نصيحتي لج انه تنفصلون وياخذ وحده ثانيه وايد احسن له مسكين الله يعينه عليج وعلى لسانج

 

[ice_cream]

الرسول صلى الله عليه وسلم اوصى بمهر المثل
يعني مثل ما خواتج او عماتج او خالاتج ياخذون انتي تاخذين


بس شوفي حبيبتي دام مكتوب بالعقد 4 ماتقدرين تقولين شي

ماتدرين انشالله يكون ولد حلال والله كاتبلج فيه الخير
واستخيري
والله يوفقج

حبيبتي الرسول عليه الصلاة والسلام لما اوصى بمهر المثل ما اوصى ان الريال ينكسر ظهره ويروح يحط قروض على نفسه

عشان المسعده مرته تروح تتفيخر جدام الناس ان مهرها 10 الاف دينار

يمكن غيره مقتدر يقدر يدفع 20 الف كل واحد على قده

حلوه هذي لان بنات خالاتها وبنات عماتها ماخذين 10 الاف لازم اهي بعد تاخذ 10 الاف واذا واحد دفع حق بنت خالتها 50 الف شلون يعني لازم كل واحد يا خذ من هل عايله يدفع 50 الف

شهل منطق

 

[.MiNi.]

شوفي حبيبتي انتي طلبتي راينا وانا ما احب اجامل احد

انتي داشه حرب ؟
قاعده تدعين عليهم وعلى عايلتهم شحقه ؟؟
امبيه مو شايفه خير ؟
شدعووووووه تطيحين بالمستشفى عشان المهر 4 الاف ؟؟؟
مشفوحه ؟
شتقولين عيل حق البنات اللي ماتزوجوا ولا يالهم خطيب واحد ؟؟؟ حمدي ربج بس
وعيب تدقون على الناس تقولون شنو هالمهر !!

انا ادري ليش محتره وحار قلبج زياده انه كل بنات اهلج ماخذين 10 الاف وانتي 4 الاف محتره منهم
منحرجه منهم ومن نظرتهم لج لانج اقل وحده خذيتي
امبيه بفهم وحده للحين مادش عليها زوجها تناشبه وتدعي على اهله عشان فلوووووووووووس !!!!
وتنطرين منه انه يعايدج بعد !!!

خل ايي ويشوف لسانج ودعاويج عليهم من امه بهون عنج
وتتكلمين عنهم انهم رديييين بعد ؟؟ شوفي اسلوبج بالاول شلون تتكلمين على اهل ريلج جذي ؟
نصيحتي لج انه تنفصلون وياخذ وحده ثانيه وايد احسن له مسكين الله يعينه عليج وعلى لسانج

^^

معاج قلبا و قالبا ^_^

واختي لورا احس انج تدورين اللي يعجبج من رد البنات و تعلقين ..!

اكيد انتي لما وافقتي على الريال ماوافقتي على الفلوس ..!

والريال مو بفلووسه بشخصه .!

 

[ريماR]

الله يوافقج

 

[الجــادل]

رد : محتره

عييييييييب عندنا الشرط

واختي يوم تملج ابوي وصى امي انها ما تطلب شي من الحموله وقال حنا نشتري الرجال الصالح

وحزه الملجه معروف عندنا ما نشرط والملجه على ريال وشيمه رجال

وملجو على 6 وجابو 8 و دبلتين الماس لان اختي ما عجبتها وحده راحو شرو ثانيه

وابوي تكفل بتجهزيها كاااامل دفع فوق فلوسهم 23 الف و الشبكه حنا شريناها

لذلك انا اقولج شدعوه كل هذا عيييييييب اذا الرجال زين واهله زيينين توكلي على الله

اما اذا طاحو من عينج ومن الحين كارهتهم الانفصال افضل

 

[احب المنتدى]

رد : رد: محتره

دام مكتوب بالعقد 4 بس فـ خلاص الناس رايتهم بيضا ماعليهم غلط ..
آنتوا المفروض تكتبون شروطكم بـ العقد حتى لو اهم عندهم خبر هم لازم تكتبونها
هذا عقد زواج ، في ناس تكتب حتى شرط الوظيفه شرط السكن شرط السواقه
فما بالج مهر ..



تدرين آحنا قبيلتنا ناخذ 4 بس ؟ واللحين عشان الدنيا غلت صارو يعطون 5 و 6
والحمدلله ما آنكسرنا بالعكس الله مبارك لنا بالزواج الحمدلله ومسهل علينا ..
وماعندنا نسبة عنوسه بـ قبيلتنا آلف الحمدلله والشكر ..
الرسول عليه الصلاة والسلام: { آقلهن مهور آكثرهن بركه }
يعني المهر القليل مو يعني آنكسار ، بالعكس مثل مانتي شايفه بركه وتسهيل من الله الحمدلله ..




عشان جذي آنا آقول لو كاتبين المهر بـ العقد آفضل "حتى لويعرفون"
وحبيبتي آنتي معصبه اللحين لاتاخذين قرارات تندمين عليها بعدين
السالفه ماتسوى والآربع آلاف فيهم خير وبركه ..
لاتضيقين خلقج وتحرمين عمرج من دشة الصاله : )
هونيها وتهوووون

​

انا معااااااااااااج

و بصراااااااااحه انتوا الغلطانين لانكم ماكتبتم 10

بعديت ليش 10 وااااااااااااااااااااايد
المهر على 6 هذا الي دارج بعايلتنا و اهلنا و قرايبنا

بعدين خالتج ردها صج ماتستحي عيب عايها

استخيري

 

[طموحه بزياده]

ماتدرين يمكن الرجال سنع لكن الظروف حدتهم ماعندهم فلوس لاتخلين الفلوس تحرج ترا هذا مو عقل سليم خلي الحره حق شي يسوى مو عشان فلوس والرسول عليه الصلاة والسلام ما ينطق عن الهوا وقال اقلهن مهرا اكثرهن بركه وانتي زيدي من عندج وجهزي وترا التجهيز مو هو اللي يوفقج اللي يوفقج الله لو مهرج مليوون وخلي عنج المظاهر

 

[eng.meema]

دام مهركم 10 ليش كاتبين 4 بالعقد جان كتبتو 10 وضمنتو

الحين خلصت السالفه وعيب ادقون تتناقشون على الفلوس ويمكن اهمه صارت لهم ظروف وقالو انتو عندكم خير وماكو فرق بينكم