ريوووووقــ الدوامـــــ

[mar( مرمر )mar]

رد : ريوووووقــ الدوامـــــ

تسلمين ياخت عهود الحب علي الاطراء
وانا بالخدمة

 

[شـ ShOoNa ـونـا]

أنـــا ايـــيــب ريــوقــي بــروحي
مــا احط قطيــه مع القســم ,, اولت العامـ قطيـت والله ان زاد وزنــي من الاكل
مشـالله عليـهم يـاكلون كل شي .

ريـوقي أنـا بالمـدرسه بسـيط وعلى قــدي , كورن فـلكس و نســكـافيـه بـــــــــــس .

 

[سكوتي اذلك فيه]

رد: رد : رد: ريوووووقــ الدوامـــــ

ممكن تصورين الآلة مالت البيض ابيها لعيالي او اسمها و من وين شاريتها


و طريقتكم حلوة ما شاء الله


و ابي صورة الآلة لاتنسين ها ترى انطرج لي سنة جدام :eh_s(6):


مشكورة عالمشاركة القيمة عسى ربي يحببكم بالريجيم ويكرهكم بالمطاعم قولي آمين

:aha:​

العفو حبيبتي و من عيوني اصورها لج بس اداوم وحده جابتها من يوريكا ماذكر سعرها بس ماوصلت 10 دنانير حلوة حتى للسفر لان حجمها صغير ونسوي فيها الفول بس نغسلها مو تقعد سنة عقب الطبخ اللي تسوي هي مسئولة تنظفها وتردها مكانها

 

[أم علاوووي 70]

و الله الصراحه خلونا ناكل ليش ماناكل على كل هالكراف أنا أحس أني واااايد أيوع بالمدرسه، و ترى عموما أكلنا خفيف أجبان و زيتونات و هالخرابيط ترى أهم شي وجبة الريوووووووووووووووووووووووووووووق أكلوا أبلات مالكم شغل

 

[ملاك-77]

رد: رد : رد: ريوووووقــ الدوامـــــ

العفو حبيبتي و من عيوني اصورها لج بس اداوم وحده جابتها من يوريكا ماذكر سعرها بس ماوصلت 10 دنانير حلوة حتى للسفر لان حجمها صغير ونسوي فيها الفول بس نغسلها مو تقعد سنة عقب الطبخ اللي تسوي هي مسئولة تنظفها وتردها مكانها

اختي تقصدين الآله اللي شكلها (دجاجه) اللي بالصورة؟ بحثت بالنت ماكو الا هذي
واشلون تسوون فيها الفول على قولتج اذا في هذي الآله؟

- آمن حيث ان الجهاز يفصل الكهرباء تلقائيا حين انتهاء الماء
- سهل الاستخدام ومفيد جدا للعزاب وربات البيوت
ويشجع اللاطفال انهم ياكلوا بييض مسلووووووووووق^_*
- توفير الوقت حيث لاتتجاوز الطبخ بضع دقائق
- - كهرباء 220 فولت
- - يوفر كميات هائلة من الماء حيث انه مقدار الماء المستخدم لايتجاوز فنجال الشاي العادي لطبخ سبع بيضات (المكيال مرفق فالجهاز )
- شكل جميل وجذاب يشبه الدجاجه


منقووووووول

 

[bader-albdor]

ما شاء الله عليج
ابي اصير مثلج بس استحي تدرين ليش
لانه الي اسمعه عن المدرسات الي يسوون جذيه انهم بخله ولا تقول اشفيج صايره جنج من -------- (احد الجنسيات)
انا شنو كنت اسوي كنت اقط معاهم و اخليهم اييبون لي اكل الرجيم الي اهو توست اسمر و جبن شرايح خالي الدسم الجاي الاخضر و العلي كفيه و الشابوره
و الي ساعدني بهالشي انه القسم كله امسوي دايت فما تلقينا نطلب من بره اله وين و وين
يعني اذا ثلاجتنا فضت أو اذا نبي نغير
و بس

 

[قلبي تركواز]

انا افكر ماابي اقط معاهم بعد

بامكانج تاخذين تبر وير صغير تحطين فيه جبن مالح وزعتر وطمام ومخلل او زيتون حسب رغبتج
نص خبزه سمرا وتقطعين منها وتلقطين بالجبن والزعتر بدل التوست
او
بيضه مسلوقه مقطع معاها طمام وجبن فيتا
توست اسمر تحشينه حزه الحزه بالبيض والطمام والجبن وتدخلينه الشوايه
او
توست حلوم مسويتها بالبيت
وتبر وير فيه تبوله <<<<< امممممممممم غرامي
و
عصير انانس كي دي دي وكيوي مخلوط بالخلاط محضرته من الصبح وحاطته بمغ

اذا تحبين الحمسات تقدرين تحطين بتبر وير حمسه فول مسويته بس بدون زيت
او عدس
على فكره ترى الفول والعدس وايد مفيدين اذا انتي سويتيهم بدون زيت واكتيهم بكميه مناسبه

 

[سكوتي اذلك فيه]

رد: رد : رد: ريوووووقــ الدوامـــــ

اختي تقصدين الآله اللي شكلها (دجاجه) اللي بالصورة؟ بحثت بالنت ماكو الا هذي
واشلون تسوون فيها الفول على قولتج اذا في هذي الآله؟

- آمن حيث ان الجهاز يفصل الكهرباء تلقائيا حين انتهاء الماء
- سهل الاستخدام ومفيد جدا للعزاب وربات البيوت
ويشجع اللاطفال انهم ياكلوا بييض مسلووووووووووق^_*
- توفير الوقت حيث لاتتجاوز الطبخ بضع دقائق
- - كهرباء 220 فولت
- - يوفر كميات هائلة من الماء حيث انه مقدار الماء المستخدم لايتجاوز فنجال الشاي العادي لطبخ سبع بيضات (المكيال مرفق فالجهاز )
- شكل جميل وجذاب يشبه الدجاجه


منقووووووول

نفسها من داخل لكن من برا مو دجاجة لا عادي بلاستيك غطاها
ويكون معاها علبة بلاستيك مثل الاستكانه تعبينه ماي وهو مقدار فوح البيض وتغطينها ومن تخلص تصفر ماتاخذ 4 دقايق


والفول والحلوم في معاها واحد من القوالب تشيلين مال البيض المفيوح وتحطينه تصير بيضاوي وفيه 3 خانات نمسح شوي زبدة ونحط فيه الفول المقشور مع الطماط المقصص طبعا مقدار شوي علبه الفول تبيلها دورين عشان تخلص

ولما تشوفينه يبقبق سكري الجهاز واكليه بالف عافيه

والحلوم نحط زبدة وطماط وحلوم ونخليه يتطابخ شوي لين تذبل

وطبعا حتى مع الفول والحلوم لازم بالجهاز من تحت نحط ماي بنفس مقدار المعيار اللي معاها


وان شاء الله ان داومت صورتها لكم

 

[يالبا قلبي]

رد : ريوووووقــ الدوامـــــ

والله بالدوام ما يمدي حق شي

توست وجبن
وحزة الفجه بسكوت ونسكافيه


المطاعم وقت الفضاوة والايام اللي ما فيها طالبات

 

[أوركيد]

عهود...

آنا الربعي من الشخصيات اللي احبها واحترمها وأثر فيني بوايد اشياء..
اللـــــــه يرحمه ..

صج كان يخاف على الكويت وقلبه يحترق عليها ...

لو عندنا من الربعي 10 بالكويت جان احنا بخير ..

آآآآآآآآآآه ياقلبي آآآآآآآه
وازين البيديان زينااااااااااااه آآآآآآآآه

واااااااااااااااااااي ام خالد ...عاد الا البيديان :eh_s(11):

كلش مو مال مقاومه وتعنفق..:hjy5jewf:

امبييييه عذاااب ...

 

[غربــــة اِحساس]

خخخخخخ وراكم دوام نامو


انا لاحقتكم يوم الاحد

<<< انا مو مدرسة بس بتلزق فيكم شكلكم بتطردوني شسوي موضوعج عهود مفيد : )

انا اكثر شي اكره بقسمي انهم ياكلون وماينظفون وراهم عاد تخيلي الطاولة شلون شكلها وحتى الاغراض مايردونها مكانها عاد تخيلوا المنظر

واااي كانج تتكلمين عن الي معاي بالدوام ..

مايستحون حريم كبار تقوم الوحده وتخلى الطاولة عفسه وبقايا اكل حتى ما تكلف نفسها تشيله

فشلة احنا عندنا بورتر رجال

تخيلوا ينظف الطاولة بعدهم : (

 

[رضاب]

رد : ريوووووقــ الدوامـــــ

عهود شكلها نامت


لووووووووول
أحلام سعيدة

وشكلها قاعدة تتذكر أسماء المدرسات تغذيه راجعه


حلو اسمي بنت المطر

معنى
رضاب الرضاب: الريق وشهد العسل وفتات المسك وقطع السكر وقطرات الندى المتساقطة على الشجر والماء

 

[ام دودو المزيونه]

انزين خواتي ليش اكلكم مطاعم احنا عندنا ثلاجه صغيره الحمدالله تكفي تشيل ماجله لأسبوع والقطه كل وحده شيلها مره بالشهر تشيلها لمدة اسبوع مو اكثر وتسال كل مدرسه اشخاطرها فيه واذا في طلبات معينه وحده تحب نسكافيه 3 ان ون نييبه لها من ان محد بالقسم يشربه معاها وثانيه تحب حليب كاكاو نوفره لها وثالثه تحب بسكوت دايجستف اللايت نوفره ونترس الثلاجه اجبان وعصاير وبيبسي للي تبي ومكدوس طبعا زعتر ومربي غير الشاي والقهوه ( قهوتنا بالدوام انسويها ) وخضروات واحيانا نشتري شويت فاكهة لشتهينا بس فيه ابلات يبدعون باسبوعهم فمسكينه تتفنتق بالريوق بالبيت مع ان احنا مو شارطين والفرع يم المدرسة اذا نقص شيئ انطرش الفراشه بس مو كل مره ترضي الوكيله
بس ابصراحه توني دخلت المطبخ وزهبت كوبي وعلبة الساندويش ومطارة القهوة لأن اول يوم مافي شيئ والمعاش امصفر
بالنسبه للي ما ياكلون ما نقصبهم بالعكس تلقينا احنا نقول لها لا تقطي بس دينارين للشاي والقهوه ودينار للفراشه وعندنا مدرسه مسيحيه لها شهر بالسنه تصوم فيه عن اي شيئ فيه منتج حيواني حتي التوست ما تاكله لأن داخل فيه الحليب او البيض فبس نطلب منها دينارين للشاي والقهوة

 

[عهود الحب]

رد : رد: ريوووووقــ الدوامـــــ

لووووووووووووووووووووووول

موضوعكم مو صج

أنا عن نفسي ما احب اتريق بالمدرسة

بالبيت اشرب حليب وبيضة مسلوقة ولبنة وخبز

بالمدرسة عادة انا عندي الحصة الأولى فا ما يمديني آكل

اشرب شاي وآكل مكسرات وبعض المرات روب بفواكه

وكل هذا علشان الرجيم , ونظافة الاسنان , لاني ما احب افرش اسناني بالدوام

بس الأبلات اللي معاي عرفوا طبعي , كانوا بالأول يقطون نغزات بس ما عطيتهم ويه فسكتوا وصار علي الشاي والقهوة

وحدة منهم صارت مثلي ما تاكل وايد

بس الباقي أكلهم مو صج

مشلتت , قشدة , فطاير لحم , جبن كرافت , فلافل

وي تعالى عاد شمي الريحة

وييييييييييييييع , كرهوني بالفطاير

شكرا على موضوعج

و الله طريقتج حلوة و زين تسوين مادام انتي متعودة على جذي استمري يا حلوووو الرشاقة صج صج حياة

انا اتمنى بيوم اسوي جذي بس ما اقدر لأنه انا صراحة عندي خمسة بالمدارس بسم الله عليهم

و الفترة الي قبل المدارس تضيع بتلبيس وتمشيط وترتيب اشكالهم ونكلمهم لو سوالف خفيفة


انا قبل الدوام اجهز الشغلات الي لازم فريش واطلع ركض للسيارة وتوصيل مدارس

ولو نفسي مفتوحة للأكل آكل بس مشكلتي نفسي دايما منسدة الصبح ما آكل


اما ريحة الأكل فهي الحمدلله اكثر شي مخليني اكره المطاعم لله الحمد


هذي نعمة صراحة ً


استمري وان شاء الله البنات الي حابين فكرتج يطبقونها

ميرسي :blueSmCLR:​

 

[عهود الحب]

رد : رد: ريوووووقــ الدوامـــــ

آآآآآآآآآآه ياقلبي آآآآآآآه
وازين البيديان زينااااااااااااه آآآآآآآآه

شفيكم يابنات شفيكم ؟؟

شفيكم على البيديان والبطاط والزهر والحمص والمسبحه والمتبل وهالسوالف السنعه

ليش كل هالحقد والحسد عليهم @@

حرام عليكم راجعو نفسكم وعدلو حساباتكم

شنو شابورة .. شنو توست اسمر .. شنو وشنو وشنو

ان ماحصلت هالصمونه المدلـله اللي كلها مقالي
ولا كلش كلش اضعف الايمان
اضعف الايمااااااااااااااااااان
خبزة ايرانيه مع بيضة

الله كريم

احم عقب هالمقدمه اللي ادري بحصل الرشاش منكم لوووول

انا قرقرت
اني اسويلي سندويشه خفيفه لأني ناويه اهتم بجسمي .. انا الحمدلله ضعيفه بس ضعف مرض مو صحة
يعني جسمي مو قوي وعضلاتي مو قوية .. تخيلو اني اخاف من اليهال يدزوني .. الحقيرين مره سووها فيني
صف درسته بأولى .. يوم راحو ثانيه شافوني بالكورنر جان يتيمعون حوالي اول شي مسوين روحهم ولهانين علي ومشتاقين والكل لامني
جان وحده اسم الله عليها تقول تعالي صفنا .. ما اشوف الا كلهم يدزوني ودخلوني صفهم
لوما ابلتهم فكتني ولا جان انا ليلحين بالصف

ترى السالفه صج لوووول بعد شسوي الكثره تغلب الشجاعه .. انا ابله مو بورسلي

المهم فـ انشالله ناويه ابدي تمارين خفيفه وجذي .. ليلحين ماقررت نادي ولا مو نادي امبيه مو جني هذره لووووووووووووووووووووول
قلت قصة حياتي

المراد

انا ناويه اشوف كتاب المطاحن مال الصندويجات .. واطبق منه
يعني صمونة بيض
صمونة لبنه وطماطم
واكو طريقة انصحكم فيها

توسته محمصه فيها جبن كيري وشرااايح رقييييييييقه حيل عشان ماتتفخ الصمونة .. خيار وطماط وفلفل اخضر
حطوها شوي بالضغاطه او الشوايه على قولتكم الحمدلله والشكر ماتعرفون تتحجون " شفيها اللي بتتهاوش "
او يمكن اخلي الخدامه تضبطني بصندويجات فول

بس السؤال اللي يركض يركض ويطمر ويتكوكس تالي يسدح نفسه
الخبز الفرنسي اللي يسير طويل

من وين واللي تقولي اسويلها بيض طماط مع خبز ايراني

انتي قصة عاد


ام خالد شنو كان وضعج وانتي تكتبين الرد هههههههههههههههه شاربة شي شامة شي ياحلوج


الصمونه بمركز سلطان انا اشتريها دايمن واتوقع تلاقينها بأماكن أخرى بس انا تعودت اشتريها منهم


كتاب المطاحن يمكن فيه شي انا عندي الكتاب الجدديد وبشوفه اذا حصلت شي اسحبه لكم للمنتدى

اذا تحسين مافيج حيل و شوية يبيلج طاقة

لازم تغيرين للأكل الصحي لأنه اكل المطاعم يسبب كوليسترول وهذا مالها شغل بضعيف ومتين

وهم تفتر الحيل على قولة امي ما تعطيج طاقة بالعكس تخلي فيج كسل وخمول


انصحج تاكلين المكسرات النية وتكثيرن من الفواكه والخضروات وخاصة الورقية

واذا فيج فقر دم كثري من الشمندر و البقدونس والفلفل البارد بألوانه


مشكورة عالوصفة وانا بجيك عالكتاب وارد لج خبر​

 

[عهود الحب]

رد : رد: ريوووووقــ الدوامـــــ

عشان خاطر عويناتكم السود

سويت سيرج بس بالاجنبي لأن العربي اتوقع معروف ويبت جم طريقه

احم ترى الأكلة ثقيله بس انتو ضبطوها وشيلو الزبده منها

صاند ويشيي " سندويشة " بيض مع جبن

اول شي شريحه التوست المحمصة تدهنينها بقليل من الزبده الطريه تالي مسحة مايونيز " عهود بتطقني ادري "
تالي تسدحين شريحة الجبن الامريكي مادري شنو هذا ولا وين نحصله .. السنعه اللي تعرفه تورينا صورته ومن وين نشتريه
تالي تحطين بيضة عيون وعقبها شريحة توست اتوقع بعد مدهونه بالزبد والمايونيز مادري مافهمت شنو مكتوب لول

مايونيز لأ

حتى لو قالولج لايت مو زين لأنه المايونيز عبارة عن دهن

تبين سندويشات شوفي قناة فتافيت مرات يحطون هيلث فود

حتى الأكل الي مو صحي يحولونه لصحي


وهذا صاير الهاجس مالي هالأيام شلون يتحول الأكل المعتاد الى اكل صحي وبسعرات حرارية أقل


:rerrerek:​

 

[عهود الحب]

رد : رد: ريوووووقــ الدوامـــــ

عهودالحب لا انا مو سلطان حولي انا رحت اللي بسوق شرق والله العظيم 10 مرات هههههه
والا يحصلي الشرف بشوفتج

وشريت امس تبروير بس مالقيت اللي من داخل مقسم مثل اللي كان عندي العام اختفى مالقيته
وماحط بذمتي يمكن خدامتي اللي سافرت أخذته والا ضيعته ..عليها بالعافيه هههه المهم اخذت لي واحد عادي لاني مالقيت اللي ابيه....

انزين شنو اشتري سكر امس احترت وطلعت مو عارفه شنو احسن نوع؟ انا مجربه سكرين وتروبيكانا اللي على ذرة بس مايمدحونهم عاد ابي همتكم معاي بالنوع الزين

ما عمري جربت اروح لسلطان شرق تصدقين على يوم بغير واروح له

انا الي يحصلي الشرف اشوة مو انتي لأنه صج نفست علي وانا اخامط اجياس الرفاعي

تحسين اني انسانة مشفوحة ههههه فشلة

التبروير انا راح ادوره ولما احصله بقولج وين خبري فيه اذا ماني غلطانه بالميرة


السكر انصحج بالسكر الأسمر او السكر الطبيعي ارحم من المصنع ديربالج

وابتعدي عن اي شي دايت مكتوب على محتوياته كلمة الاسبراتايم ترى مادة خطرة وتسبب تلف باعصاب المخ

بس الناس طايحة فيه وماتدري

خليج سكر طبيعي بس قللي منه قد ما تقدرين وتعودي على نسبة أقل من السكر بكل شي تشربينه


حتى ال3 بواحد النسكافيه في نوع يمدحونه 2 بواحد بدون شكر وانتي تحددين الي تبينه من كمية السكر


:blueSmCLR:​

 

[عهود الحب]

رد : رد: ريوووووقــ الدوامـــــ

اول شي عسى الله يرزقنا انا وملوكه الرياييل الصالحين الرومانسيين اللي يطبخون لنا وبعد ملاك تطرش لي نقصة مني مناك لأني ماحب المطبخ

ثاني شي منقول من منتديات عروس العضوة عروس جذابة => اخاف بس

اليوم جبت لكم طريقه للفطور زوجي وايد يحبها....
اهي في منها جاهزه بس أنا أحب اسويها بيدي .. وايد أحسن وأنظف والحلو أني اقدر أضيف لها أي شي احبه..
والأحلى أني أقدر اسوي منها كميه وأحطها في مرطبان علشان أستعملها بأي وقت..

المقادير...
جبنه بيضاء ويفضل إلي تحصلونها مع الماء (انا اخذها من كارفور أو جيان او ميدوي) يعني الي تجي كميات كبيره وانتي تقولين له كم كيلو تحتاجين... انا اخذ نص كيلو او كيلو..
زيتون أسود وأخضر شرايح (أو نوع واحد بس) لكن انا افضل اللونين احلى
زيت زيتون
زعتر
لبنه
جبنه فيلادلفيا ( موشرط)
فليفله خضراء مقطعه قطع صغييييره جدا
جزر مبشور
خبز لبناني

الطريقه...
تقطعين الجبنه البيضاء قطع صغيره جدا وبعدين
تحطينها في وعاء كبير وتضيفين جميع المقادير عليه وتخلطين جيدا و اذا حسيتيه جاف كثري شوي من زيت الزيتون....
و الجزر اذا ماتحبينه ممكن تستغنين عنه بس اهو يطلع احلى معاه....
و بعدين تاخذين الخبز وتحشينه بخلطتنا و بس بالهناء والشفاء ومطرح مايسري يمري...
وخلي الي يزيد في مرطبان وسكري عليه زين.. واستعمليه اي وقت تبينه واذا حسيتيه جف شوي ضيفي عليه زيت زيتون....
تره الطريقه سهله وحلووووووووه وايد ولذيذه وصحيه في نفس الوقت... ومفيده للأطفال => وزعوا على اليهال بالروضة والطالبات بالمدارس

ياويييييييييييلي شنو هذا


بنات انا مو مسؤولة عن عواقب الوصفة انا اخلي مسؤوليتي من الحين اقولكم ها


حرام عليج لبنة وجبن نوعين وزيتون وزيت وحوسة

يويلي لأ لأ لأ لا ما افكر


الوصفة حلوة تهبل بس ما تصلح للي يبي وزنه مايزيد وان حصل غلطة واكلتوا خلوها مرة بسسسسسسسسسس

وبكمية قليلة نصيحة لأنه حيل دسمة


مشكورة ام خالد بس انتي حدج مضيعة هذا مو موضوع تسمين الخدود و الفخوذ


حرام عليج :j013: حررررررررررام عليج احنا شسوينا لج :j013:​

 

[عهود الحب]

رد : رد: ريوووووقــ الدوامـــــ

يماااااااه لذيذة ، عاد صايمة

وشكلها لذيذة

مالومج


بس ترى ام خالد من الحزب المعادي :lkmnkl:​

 

[عهود الحب]

رد : ريوووووقــ الدوامـــــ

تسلمين ياخت عهود الحب علي الاطراء
وانا بالخدمة

تستاهلين المدح واكثر

طمعانين بكرمج اكيد

ما نستغني عن اي معلومة أو افادة لخواتج

:nbvppw:​