ريوووووقــ الدوامـــــ

[غربــــة اِحساس]

التمر الصبح شنو فايدته دايما اقرا البنات ياكلونه جم حبة تمر الصبح
وعقب يتريقون !! أفيدينا أفادك الله ليش ناكل 3 حبات تمر الصبح واشمعنى 3؟

ادري ملاك السؤال مو موجه لي بس اللقافه اشتغلت خخخخخخخ

تدرين انه سنة عن الرسول صلى الله عليه وسلم

تتصبحين الصبح بسبع تمرات نوع عجوة

يقولج عشان مايصيبج السحر

واكيد التمر متروس قيمة غذائية كبيرة والياف وفيتامينات يعني يفيد الصبح ويقوي الجسم

استغفر الله سبع تمرات ماقدر عليهم دايما فاكتفي بعدد فردي

يعني ا او 3 او خمس ...

بنات نصيحة ابدوا صوموا دينكم عشان تلحقون على ايام الست من شوال

وعسى ربي يتقبل منا ومنكم .. : )

 

[ملاك-77]

ادري ملاك السؤال مو موجه لي بس اللقافه اشتغلت خخخخخخخ

تدرين انه سنة عن الرسول صلى الله عليه وسلم

تتصبحين الصبح بسبع تمرات نوع عجوة

يقولج عشان مايصيبج السحر

واكيد التمر متروس قيمة غذائية كبيرة والياف وفيتامينات يعني يفيد الصبح ويقوي الجسم

استغفر الله سبع تمرات ماقدر عليهم دايما فاكتفي بعدد فردي

يعني ا او 3 او خمس ...

بنات نصيحة ابدوا صوموا دينكم عشان تلحقون على ايام الست من شوال

وعسى ربي يتقبل منا ومنكم .. : )

جزاج الله خير ماقصرتي وبالعكس مو لقافه
هذي إفادة وتعاون منج
بميزان اعمالج يارب

 

[عهود الحب]

رد : رد: ريوووووقــ الدوامـــــ

انا اسفة لهيت هاليومين بمشاغل الدوامات وحوسته بس رديت لكم

و معاي شنو الجديد الي سويته بفترة غيابي هذي :hjy5jewf:

واتمنى افيدكم باللي عندي من معلومات

انا افكر ماابي اقط معاهم بعد

بامكانج تاخذين تبر وير صغير تحطين فيه جبن مالح وزعتر وطمام ومخلل او زيتون حسب رغبتج
نص خبزه سمرا وتقطعين منها وتلقطين بالجبن والزعتر بدل التوست
او
بيضه مسلوقه مقطع معاها طمام وجبن فيتا
توست اسمر تحشينه حزه الحزه بالبيض والطمام والجبن وتدخلينه الشوايه
او
توست حلوم مسويتها بالبيت
وتبر وير فيه تبوله <<<<< امممممممممم غرامي
و
عصير انانس كي دي دي وكيوي مخلوط بالخلاط محضرته من الصبح وحاطته بمغ

اذا تحبين الحمسات تقدرين تحطين بتبر وير حمسه فول مسويته بس بدون زيت
او عدس
على فكره ترى الفول والعدس وايد مفيدين اذا انتي سويتيهم بدون زيت واكتيهم بكميه مناسبه

كل كلامج صح مية بالمية ومفيد

وافكارج حلوة حيل افدتيني يا تركواز

حتى لونج التركوازي حلو شكلي بفصل بدلة تركواز بس عشان توقيعج يشوق حيل


مشكورة و انتظري جديدي الي اليوم بحطه لكم :hjy5jewf:​

 

[عهود الحب]

رد : رد: رد : رد: ريوووووقــ الدوامـــــ

نفسها من داخل لكن من برا مو دجاجة لا عادي بلاستيك غطاها
ويكون معاها علبة بلاستيك مثل الاستكانه تعبينه ماي وهو مقدار فوح البيض وتغطينها ومن تخلص تصفر ماتاخذ 4 دقايق


والفول والحلوم في معاها واحد من القوالب تشيلين مال البيض المفيوح وتحطينه تصير بيضاوي وفيه 3 خانات نمسح شوي زبدة ونحط فيه الفول المقشور مع الطماط المقصص طبعا مقدار شوي علبه الفول تبيلها دورين عشان تخلص

ولما تشوفينه يبقبق سكري الجهاز واكليه بالف عافيه

والحلوم نحط زبدة وطماط وحلوم ونخليه يتطابخ شوي لين تذبل

وطبعا حتى مع الفول والحلوم لازم بالجهاز من تحت نحط ماي بنفس مقدار المعيار اللي معاها


وان شاء الله ان داومت صورتها لكم

ترى للحين ناطرين الصورة يا الغالية

اذا فيها احراج بالخاص وريني بس انا ههههههههههههههههههههه


بنات لاتزعلون انا اولى منكم بس اوعدكم :lkmnkl:


اذا شريت مثل هالجهاز راح اصوره لكم عشان محد يعصب علي :tongue22:​

 

[عهود الحب]

رد : ريوووووقــ الدوامـــــ

والله بالدوام ما يمدي حق شي

توست وجبن
وحزة الفجه بسكوت ونسكافيه


المطاعم وقت الفضاوة والايام اللي ما فيها طالبات

صاجة ما يمدي انا هالايام عشان حوسة الترتيب للفصول والتنظيف احس ريوقي نكتة بايخة
ماعندي وقت اتريق

بس مع الدوامات والتدريس بنحتاج للنشاط


وانا مرات من التعب ما اكل الا بعد الهدة وانا انطر عيالي بالسيارة :/

مشكورة :hearting:​

 

[عهود الحب]

رد : رد: ريوووووقــ الدوامـــــ

عهود...

آنا الربعي من الشخصيات اللي احبها واحترمها وأثر فيني بوايد اشياء..
اللـــــــه يرحمه ..

صج كان يخاف على الكويت وقلبه يحترق عليها ...

لو عندنا من الربعي 10 بالكويت جان احنا بخير ..

أوركيد حبيبتي

الربعي كان يتنفس حب الكويت واحنا نحبه عسى ربي يرحمه

افكاره ماكانت كلها تعجبني بس كان يعجبني فيه ولاءه الشديد لديرته ودفاعه المستميت عنها

انا ما انسى لما كان يطلع ببرنامج الاتجا المعاكس الله يرحمه

في كتاب عن حياته بس للأسف مو لاقيته

واااااااااااااااااااي ام خالد ...عاد الا البيديان :eh_s(11):

كلش مو مال مقاومه وتعنفق..:hjy5jewf:

امبييييه عذاااب ...

تقدرين تسوين الباذنجان بدون دهن

شوي والا بالفرن


وانا شارية شوايتي مخصوص لحضرة سي السيد الباذنجااااااااااان

غرامي

بس تدرين اخر مرة اكلته مشوي ومدلع ومسقع بالدهن قبل رمضان باسبوع

ومن بلشت ريجيمي خلاص بح :eh_s(13): الرشاقة أحلى ​

 

[عهود الحب]

رد : رد: ريوووووقــ الدوامـــــ

خخخخخخ وراكم دوام نامو


انا لاحقتكم يوم الاحد

<<< انا مو مدرسة بس بتلزق فيكم شكلكم بتطردوني شسوي موضوعج عهود مفيد : )





واااي كانج تتكلمين عن الي معاي بالدوام ..

مايستحون حريم كبار تقوم الوحده وتخلى الطاولة عفسه وبقايا اكل حتى ما تكلف نفسها تشيله

فشلة احنا عندنا بورتر رجال

تخيلوا ينظف الطاولة بعدهم : (

تسلمين حبيبتي بالعكس مشاركاتج تشرفني


بس ما قلتي شنو وظيفتج


بس تكفين شيلي صورة القناعي ما احب هالصورة حيل تبجيني وتأثر فيني وما احب اشوف انسان منكسر

بالنسبة لتنظيف الطاولة

هذا اكثر عنصر يسد الشهية ويخليني اسوي ريجيم


تقدرون تكلمونهم بصراحة احنا كانت معانا واحدة قوية شوي قبل بروضتي الاولانية

وكانت طفارتها هالسوالف واذا شافت حوسة حاست المعلمة الي تخلي وراها وصخ

وهم مو ملحقة على كثر ما تسوي ماكو فايدة

مشكورة:eh_s(17):​

 

[عهود الحب]

رد : ريوووووقــ الدوامـــــ

عهود شكلها نامت


لووووووووول
أحلام سعيدة

وشكلها قاعدة تتذكر أسماء المدرسات تغذيه راجعه


حلو اسمي بنت المطر

معنى
رضاب الرضاب: الريق وشهد العسل وفتات المسك وقطع السكر وقطرات الندى المتساقطة على الشجر والماء

على اني حاولت بس هذيك الليلة ما نمت كلش

و انتي اسمج بنت المطر اقصدج تجين مع المطر وتجيبين الخير معاج

لأنه ما نشوفج واجد عرفتي

وحلو معنى نيك نيمج وغريب والله وقليل ما اسمعه :nbvppw:​

 

[عهود الحب]

رد : رد: ريوووووقــ الدوامـــــ

انزين خواتي ليش اكلكم مطاعم احنا عندنا ثلاجه صغيره الحمدالله تكفي تشيل ماجله لأسبوع والقطه كل وحده شيلها مره بالشهر تشيلها لمدة اسبوع مو اكثر وتسال كل مدرسه اشخاطرها فيه واذا في طلبات معينه وحده تحب نسكافيه 3 ان ون نييبه لها من ان محد بالقسم يشربه معاها وثانيه تحب حليب كاكاو نوفره لها وثالثه تحب بسكوت دايجستف اللايت نوفره ونترس الثلاجه اجبان وعصاير وبيبسي للي تبي ومكدوس طبعا زعتر ومربي غير الشاي والقهوه ( قهوتنا بالدوام انسويها ) وخضروات واحيانا نشتري شويت فاكهة لشتهينا بس فيه ابلات يبدعون باسبوعهم فمسكينه تتفنتق بالريوق بالبيت مع ان احنا مو شارطين والفرع يم المدرسة اذا نقص شيئ انطرش الفراشه بس مو كل مره ترضي الوكيله
بس ابصراحه توني دخلت المطبخ وزهبت كوبي وعلبة الساندويش ومطارة القهوة لأن اول يوم مافي شيئ والمعاش امصفر
بالنسبه للي ما ياكلون ما نقصبهم بالعكس تلقينا احنا نقول لها لا تقطي بس دينارين للشاي والقهوه ودينار للفراشه وعندنا مدرسه مسيحيه لها شهر بالسنه تصوم فيه عن اي شيئ فيه منتج حيواني حتي التوست ما تاكله لأن داخل فيه الحليب او البيض فبس نطلب منها دينارين للشاي والقهوة

طريقتكم حلوة


بس للأسف مو بكل المدارس في ناس تراعي جذي

عسى ربي يجمعكم عالمحبة

:33_1185028183:​

 

[عهود الحب]

رد : رد: ريوووووقــ الدوامـــــ

عهودالحب عليج بالعافيه ومطرح مايسري يمري
بس شنو السر بسالفه التمر الصبح؟
كذا بنت تقول الصبح تاكل من 3 الى 5 تمرات وبعدين تتريق
هل له فايده الصبح؟وشنو احسن نوع تمر عن تجربه؟

حطي لنا بانتظار جديدج مع كتاب المطاحن ..

انا نمت متاخر امس واليوم من تغديت( صدر دجاجه ماكملته وسلطه شمندر بالجزر والروب) وانا مصحصحه احس مافيني نوم وشبكت بالمنتدى والحين بدا علي تأثير النعاااااااس عاد يا يغلبني والا أغلبه ههههههه

تسلمين حبيبتي

التمر شنو اتكلم عنه ؟ شوفي بالنت شنو فوائد التمر
واحنا طبع من كنا صغار اول شي تمر

كتاب المطاحن تصدقين مافيه ريحة الدايت

كله دهون وخرابيط

بس اانا ماراح ايأس راح ادور عالأكل الدايت الين الاقيه حتى لو اشتري كتاب عن الاكل الصحي

وانتظري الافادة عن هالموضوع مني


انا شريت تبروير مقسم عشان وعدتج وشريت شغلات بنزلهم لج الحين وشوفيهم اوكي​

 

[عهود الحب]

رد : رد: ريوووووقــ الدوامـــــ

متابعتكم


لاني حييييييييييييييييييييييييييييييييييييييييييييييييل متنت و السبه البلع بالدوام لذلك قررت الاتي :


1- اشتري تمر و بسكوت دايجستف رجيم و بجرب الاوميغا و مكسرات الرفاعي الدايت


2- بييب شابورة و جبن دايت و تيركي دايت او بييب كورنفلكس صغير يوميا مع حليب خالي الدسم


3- اذا مليت بمر اييب من دايت كير صمونه او سلطه من امريكانا او توست اسمر و جبن و تيركي بالشوايه او بيض مفيوح مع جبن و خس


وبفتك من المطاعم لاني بصراحه لازم اتريق اتعب فباكل اكل صحي

علييييييج بالعاااافية وناطرين التطورات الي بتصير معاج

وانا ابشرج من الحين انج راح تضعفين بس هاااااااا يبيلج تكملين لاتنطرين معجزة من اول اسبوع

لازم تطولين بالج و تقللين اكل بالبيت وبالمدرسة

واذا تبين نصايح ابشري

انا متنت قبل مدة وعقب سويت ريجيم ورياضة ومشي وحالة وعقب رديت وزني الي ضعفته

والحين شاطة نفسي حيل مع الريجيم والحمدلله الكل قاعد يشجعني

وانا ناوية استمر الين عالاقل انزل وزني الي زدته وعندي طموح للوزن المثالي


اي شي تبينه انا حاضرة :hearting:​

 

[عهود الحب]

رد : ريوووووقــ الدوامـــــ

الحمد لله اللي معاي بالقسم حيل متعاونين ومتفهمين
يعني قطيتنا نشتري فيها ( خيار طماط خس امريكي ) جبن قليل الدسم توست اسمر لبنه قليلة الدسم زعتر
واللي فاضية منا الحصة الثالثة تجهز الريوق
احنا 7 واللي بتخربط ياويلها من الباقي

الحمدلله الله يتمم عليييييييكم يارب :aha:​

 

[ملاك-77]

فديتج عهودالحب ماتقصرين دايما
ونحن بانتظار الجديد

جديد x جديد

 

[عهود الحب]

رد : رد: ريوووووقــ الدوامـــــ

مرحبا
احب اضيف شغلة:ابتعدو عن الجاي والقهوة لان هذا راح يلزمنا باكل الحلو
وبالتالي يزيد الوزن

اتمنى ضفت شي جديد لاني ماقريت اللي قبل
لوووووووووووول فيني اعجلة

الجاي مرة ومرة حليب حسب المزاج
اما القهوة قاطعتها للأبد
بس بالبيت اشربها عادي

و اصلا قهوة الدوام مو دايمن على نفس ما اشتهي :cxxxp:

حياج الله :33_1185028183:​

 

[عهود الحب]

رد : ريوووووقــ الدوامـــــ

موضوعج حيل حلو شدني .. اذكر لج بعد موضوع اينن عن المواعين كنت اتابعه قبل لا اسجل بالمنتدى ^^ مواضيعج تهبل عسى الله يحفظ لج بنياتج ~
انا ليلحين ماتوظفت بس جد جد انا قايلة ريوق بالدوام ! no way

انا متعودة اتريق بالبيت من ايام الجامعه .. حتى زوجي عودته على جذي ~
مايصير بعد طلعت له كريشة من صمون وفطاير الدوام لوووووول ^^ الكنترول ضروري
ريوق البيت سهل وخفيف ويسد الجوع :-
بيض عيون شي اساسي حقي عالريوق .. مع البيضة آكل صمونة سمرة احشيها حسب المزاج كل يوم شي ..
* ساعات جبن سلايد لايت مع مرتديلا واحطها بالشوية عشان تتحمش
* او جبن كرفت قلاص لايت مع فلفل بوديج لوووول غرامي ^^ جربوا جبن القلاص الكرفت اللايت الي لونه وردي مو ازرق .. الوردي عجيب
* ساعات احط بالصمونة بس جبنة سلايد لايت واخليها بالشواية لين تذوب الجبنة واي عذاب
احب احط زيتون اسود على جنب وآكله بروحه مع البيض والصمون .. الاسباني المقطع شحلاته لذيذ وخفيف .. ولازم احط فاكهه بالريوق شي اساسي .. يا افندي او موز او فراولة .. الي متوفر احطه .. ساعات اذا الثلاجة عامرة احط رقي او بطيخ (شمام لغير الناطقين باللهجة الكويتية ^^)

وعلى فكرة انا سمعت الدكتورة اللبنانية الي تطلع بفتافيت تقول زيت الزيتون كثرته مااااااامنها مضرة ابد بالعكس وايد مفيد حلو حق الدايت .. اهيا اساسا تنصح الي وياها واحد متين الله يشفيه انه يحط زيت الزيتون بأغلب طبخاته

مفكرة انا اذا توظفت اخذ معاي سلطات دايت كير او صمونهم الجاهز .. صحي ويسد الجوع .. عهود اذا تبينهم تلقينهم محذفين بكل جمعية .. شوفي الزهرة والخالدية في قسم لهم

اممم وبعد شنو .. اي مفكرة احط قطية مع البنات بس ما اكل شي منهم بصراحة عالم الدوامات دمار شامل !!~
وليش زاد وزنج لما اكلتي من سبوي؟ انا اذا طلبت منهم ما احط بالساندوش الا طماط وخس وجبن واخذ الصمونة السمرة مو الـ italian عاد هذي صج تتفخ ^^

اذا تذكرت شي برجع لج .. يشرفني تكون اول مشاركة لي بموضوعج عهود ~​

حيااااااج الله حبيبتي

وشرفتيني بردج الأول وعسى ربي يتمم عليج

وان شاء الله ما تقاطعينا وتستمرين تفيدين وتستفيدين ياااااارب

اول شي في جم شغله حطيتيهم ترى يسمنون يعني ضد عالم الرشاقة

مثال : جبن القلاص حتى لو دايت مليان دسم

والفلفل بوديج هذا عدو الرشاقة الأول يفتح الشهية ويخليج تشتهين تكملين اكل انا مقاطعته حاليا

مع انه كان حبيبي ولازال بس مخاصماه حاليا :eh_s(13):

بالنسبة لباقي طرقج حلوة ومرتبة

القطية لاتقطين لشي انتي ما تاكلينه


لأنه من الأول لازم ينقطع العرق ونسيح دمه ونرتاح

لاتدفعين عشان ما تاكلين وبداية الانفجار عزيمة بسيطة ومستحى وعقب اوف عاد شيوقف الحلج

اما سابواي بناتي خذوا صمونة 6 انش انا لاااااااااااااا 12 انش اقص على روحي واقول ما يمتن

اما نوعية الخبز كانت الي فيها اوريغانو لذيذة لاتذكريني

نورتيني :33_1185028183:​

 

[عهود الحب]

رد : رد: ريوووووقــ الدوامـــــ

ها عهود شلونج اليوم

وشلونكم بنات التجمع

شنو ريوقكم اليوم...

انا تريقت بالدوام مجهزته مبجر ( حمسة السلق اللي وحده ذكرتها لنا لذيذة الله يعطيها العافية
مع 2 خبز الصويا الميني(صغار) من امير الامراء + خيار وطماط
وشربت شاي مااستغني عنه طبعا )

وبعدين رحت ارتب صفي واعدل الدثرة لوووول والساعة 10 ونص أكلت بسكوته أوميغا 3
مع كابتشينو وسلامتكم

انا بخير

السلق انا شريته بس ماطبخته للحين ولا جربته

امير الامراء ناوية عليه بس يا ملاك لعوزوني عيالي ولعوزتني حوسة تجهيز المدارس

بالعاااااااافية

ما شاء الله عليج طبقتي افكار البنات واستفدتي

الله يرزقج الرشاقة اللين تصيرين جدة قولي آمين

وناطرين باقي اخبارج اليومية :nbvppw:​

 

[عهود الحب]

رد : ريوووووقــ الدوامـــــ

عليج بالعافيه ملاك أنا صايمة هالأسبوع

تقبل الله طاعتج يارب :33_1185028183:​

 

[عهود الحب]

رد : ريوووووقــ الدوامـــــ

الله يعطيج العافية وجربي تسوين همبورغر دايت بالبيت تطلع لذيذة حق الغدا او العشا ~
حطي الهمبورغر بالشواية لاتقلينها .. مع صمون اسمر وجبن لايت وخس وطماط يطلع شي



الله شلون صايرة مطارتج من وين شاريتها؟ انا ناوية لي توظفت اشتريلي مطارة جذي حدها تنفع مع كوبها ^^

انا اسوي عالغدا واحب المربع مال امريكانا
وسوس اتش بي ومرات افكر ادور طرق جديدة يمكن بيوم اضيف مشروم مفيوح ومخلل للسوس واجرب الطعم


بالنسبة للمطارة اهي روتبونت ام نقطة حمرا


ما لقيت لها صورة بالنت بس هذي صورة مقاربه لها من موقعهم

http://www.rotpunkt-online.de/english/kat_eng/bild_eng/45_eng/45_eng.html

و شاريتها من سيتي سنتر الشويخ

تقريبا 2 و 400 فلس

و تكفي كوب ونص بالضبط وتحفظ الحرارة من الصبح اليييي العصر انصحج فيها

موخسارة :nbvppw:​

 

[عهود الحب]

رد : رد: ريوووووقــ الدوامـــــ

اشلونكم بنات انا توني هالكورس ميداني والكورس الجاي انشاء الله التعيين بس موضوعكم حيييييييييل مفيد لان هالشغله احاتيها انا مو مشكله عندي اقط معاهم بس المشكله لو بكقولكم عن اكلي تنصدمون حتى زوجي منصدم مني يقولي انتي شنو معدتج الحين بقولكم نظامي ومو سالفه رجيم لا والله انا جسمي حلو ومو محتاجه بس هذا طبعي من عمري وتعودت عليه ما اعرف اغيره الحين ببدا اقولكم عن اكلي
الشاي والقهوه ما اواطنهم كلش ولا عمري شربتهم وممكن اشرب الشاي في حال كان الكوب 3ارباعه حليب والربع يكون الشاي
البيض ما احبه كلش في جميع الاحوال مقلي مفيوح مع اضافات بدونها ما احبه كلش
الزيتون والمخللات والاجبان الفرنسيه والمالحه وغيرها ما احبها
بتقولون شتاكلين ؟؟؟؟؟؟؟؟؟اكل كورن فلكس وعصير فرش او توست اسمر بالحبوب فيه جبن سلايد مع حليب فرش او عصير فرش او كرواسان بلين
والاجبان اللي اكلها جبن كيري او كرفت او سلايد بس باقي الانواع ما احبها
والكابتشينو ما احبه كلششششششششششش والنسكافيه لانه من مشتقات القهوه
حتى حليب البودر ما اشتهيه حليب فرش المراعي او نادك وما احب المشروبات الغازيه
فمتوهقه اخاف يقولون عني بخيله فعشان جذي بحط بس ماني ماكله واذا ما اكلت اخاف يقولون وسواسيه وانا هذا طبعي فما ادري انا ما احب المقالي والحمسات

والله زين تسوين وخلي حياتج جذي و بتعيشين صح


خلج جذي نصيييييحة و لايهمج كلام الناس


وحياج الله :nbvppw:​

 

[عهود الحب]

رد : ريوووووقــ الدوامـــــ

امس رحت و شريت التبروير او البلاستيك المقسم مثل ما وعدتج ملاك

و لأني شفاحة شريت كذا حجم ونوعيتهم حلوة مضغوووووط من النوع الي لو يميل ما ينزل منه ولا قطرة حتى لو شوربة مايسيح

وهني مبطلين من الداخل شوفيهم

و رحت لمحل بالشويخ ورى سوق لندن ولقيت فيه شغلات كانت بخاطري


مرات اشتهي حليب كبتشينو وما احب الـ Mug

رغم انه يحفظ حرارة الشراب او برودته بس سبحان الله كرهته جذي من الله

فشريت من محل اشياء للسفري عشان بالسيارة بسرعة وانا رايحة للدوام وممكن اعبيه بالدوام واشربه

نفس لون الثانية على بني شوي وسعره حلو وكان في احجااااااام وانا حبيت الحجم الوسط

وخذيت بعد حق العصير الفريش الي ذكرته لنا الأخت

و افكر بهالنوع وين احصله عاجبني حق عيالي واريح لهم

و حصلت سكر من الجمعية مقسم بأكياس عنونة بدال الحوسة ومحدد جم غرام وجذي ما احط اكثر من حاجتي

و خذيت بعد ملاعق بلاستيك بالمرة و مصاص للعصير بالمرة بعد


العلب التبروير من الميرة و الاكواب من محل اسمه القدس اظن وتلاقونه انه تخلون سوق لندن يمينكم

وتكملون مومتأكدة اول لفة ولا ثاني لفة عاليمين بس اهو يم محلات جملة الحلويات

عالم الحلويات وربعه​