~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

هلا فيج عنوووده اى والله صاااجه الورد شحلوه وانا احطها لكم اقول جان زين احد يعطينىب وكيه ورد مثل هذا خبرى بالورد يوم انا بالمستشفى والده كارز ياحاااافظ يا عقااايل الله قبل 4 سنين و4 شهوور شدعواا محد يذكرنى بورده حتى قوزو الله يسامحه ما ذكرنى شسوى يعنى اروح اشترى بوكيه وايبه حق روحى

 

[just-me]

أهلا بالغالين

صباح الفل عنيد

صباح الورد بطه

زين سويتي عنيد فريتي الدار بس ديري بالج لا يتلخلخ الاثاث

وعلى الريوق في بالي شي بس خايفة اقوله لكم

بس بقول لووووووول

المهم افكر اتريق معاهم و ما اتغدا و اتعشى روب وخيار او خفايف

الصراحة الربع اهني كل يوم ريوقهم احلى من الثاني ما ادري عاد

ليش اني صايمة والا فعلا اكلهم لذيذ

بطه ليش تسمحين لابليس يقص عليج انتي قصي عليه وضبطي اللارم بالتلفون

وخلي التلفون يم الحمام تكرمين انا اسوي جذي عشان اقوم و امشي و اصكه على ما استوعب

وين Snoz ووين Stop الا طارت نص النومه تالي اشوف الحمام يمي و ادخل و اتيدد

بعد شنسوي الله يتقبل

 

[بطة رشيقة]

اى والله جسوووت خووش خطه وان شالله بوسها والله يتقبل منا الصلاه يارب شلوووون بتتريقين مع البنات وانتى صايمه جسووت تعوذى من بليس وخلصى صيااامج وان شالله ما بقى الا باجر خلصى وافتكى وعقبها امشى انا وياج نتريق باحلى مكان خخخ والله عاد تبين الصج حدى حدى مشتهيه اروح اتريق او اشرب قهوه وحلو او كيكه بكافيه من زماااااااااااااااااااااااااااااااان عن هالحركه وودى اسويها قبل ما ابى الرجيم اليديد .. الله كريم

 

[Dam3ya..]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هاااي بناااات


طبا اليوم داومت اول يوم بالكليه

ومااشيه ع الرجيييم


صرااحه سوالفكم شجعتني اضعف من الحين احسسن لي


باجر دواام ريوووق ووو

الحين ما عندي شي اسستقل الفرررصه احسسلي

عاد اليوم لما تريقت كنت ماشيه ع الرجيم ولا رفيجتي تقولي ليش تسوين رجيم عند دكتوووور

سوري من عندج وتضعفين انتي ما يبيلج وااايد

وضعيفه


امبيه بناااات مااااااااااااصدقت

حسيت اني بحللللللللللللللم

وناااااااااااااااااااااااااااسه يالله متى نسمعها من كل الناس ومحد يقووولنا ان امتااااااااان


بس على فكره كنت لابسه عبايه والعبايه تضضضضضعف الششكل هههههه

 

[just-me]

بطه من صجج لالالا قصدي عقب لا اخلص صيامي اقري شنو كتبت ..كتبت عقب

ما اعييد .. الظاهر اليوع مأثر بطه

انا اقول لج وين تتريقين .. جربي سوق شرق بره كافيه مارين

او مارينا كريسينت اي مطعم فيهم بس نطري اسبوعين خل يبرد الجو اكثر

 

[بطة رشيقة]

اى والله جسوووت يبيله ان شالله على يوم لازم احقق هالحلم ما يندرى متى الله كريم ان شالله واى اشوى على بالى اليوم تبين تفطرين الله يتمم عليج ان شالله

دامعيه هلا وغلا تعالى انتى ما قلتى لنا جم وزنج وشنو الرجيم اللى تسوينه وعند اى دكتور ..؟

 

[just-me]

الحين شنو اتفطر اليوم ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مليت من حمسة الهمبرجر و من الدياي ... امممممم يمكن اطلب كباب يم يم

 

[شوكولاته&فانيلا]

صباح الخير اشلونكم بنات..

جسوت ربي يتمم عليج الالتزام ويتمم علينا طلاتج الحلوة وهذرتج اللي تشرح القلب ياحلو سوالفج والله

وعالريوق اذا بتظلين على قطع النشويات خلي ريوقج مثلا مكسرات نيه+فواكه هالشغلتين فيهم طاقه وحلوين ومو نشويات مثلا الريوق موز+تفاحه او مكسرات +عنب او خوخ او او او.....الخ ...هذا اللي جاء في بالي وقلت اقولج

بطبط الله يسمع منج وان شاء الله احكي لكم مغامرات عيالي عقب خخخخخ وتكون ديوانيتنا ديوانية الحفاظ عالوزن ونكون وصلنا لأهدافنا جميعا وعلى العرس رديت عليج سابقا انه لي الحين ماتحدد عرسي متى الله كريم حبيبتي وان شاء الله لما يتحدد بقولكم وبعزمكم عشان
ترقصون بعرسي ..رفيجات ديوانيتي اكيد لازم اول ناس يكونون بعرسي

عنيد يعطيج العافية عالتعديلات عالصبح واستمري ماشاء الله ربي يتمم عليج الالتزام موفقه يارب

زيون شوقتني عالعروس لي فتره مو رايحه وبشرينا اليوم عسى رديتي زيون الاوليه وبلشتي الجد

دامعيه موفقه بالدراسه والريجيم وناطرين بياناتج,,

 

[شوكولاته&فانيلا]

جسوت طلبي شيش طاووق وتبولة يم يم يم الكباب لما آكله يقعد على جبدي طول اليوم ومااشتهي اكل شئ ثاني عقبه هههههههه

بالعافية عليج الفطور مقدما وتقبل الله طاعتج..
............

تريقت صمونه مدوره سمرا اللي تكون بالنخاله+جبن وزيتون+حليب بنسكافيه بكيس واحد تروبيكانا سلم << اول مره اجربه دورت على سبلندا بس مالقيته جان اشتري هذا واذا خلص بكون عرفت مكان سبلندا وشريته

الغداء بيكون صدر دياي+سلطة ومارااح اكل نشويات عالغداء..

 

[شوكولاته&فانيلا]

شكلي انا دشيت وانتوا طلعتوا اكيد خلصتوا دوماتكم قواكم الله

اشوفكم تالي ان شاء الله

برررب،،

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

شلونكم ؟

اليوم يوم السوائل .. و الالتزام للحين تمام التمام .. جيلت الثلاجه عصيرات و خرابيط .

تريقت سانكست ---> شخباااااري ذكرني فيه العبد !
و غداي سلطة فواكه بدون موز .. و عصير فراوله .
و للحين ما ادري شنو بيكون باجي اليوم .. بس نفس الطقه
و الله يعين على مشاوير الحمام !!


تيكري .. يفشل .. بروح اشيله .. و اغيره ان شاء الله من الاربعا الياي ..لاني الاربعا اللي فات وازنه .

عنيد ..حلو حلو تغيير الدار بس الحزه مو حلوه .

جسوت .. بدى ابليس الخرابيط يتسلط عليج .. خلج من الدوام و ريوقهم .. نسيتي نصايحج فيما مضى حق بطبط بخصوص ريوقات الدوام .. هااا .. ديري بالج .. اني ارى ان وضعج تدور عليه الدوائر .

بطبط .. على طاري الورد .. اكو وحده كل اسبوع شاريه جم ورده و اتسنعهم بمزهريه بصالة شقتها .. تقول الورد حلو و فريش و يعطي جو .. قلت بقلبي و الله انتي اللي مروئه و فاضيه لج مشوار بالاسبوع حق محل الورد !

دامعيه .. موفقه بالدراسه و الريجيم .

شوشو .. شنو هالطله الصباحيه .. ما تعودنا ؟ لوووول


شالاخبار ؟؟؟

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم .. اشلونكم يا احلى رشيقات شخباركم .. راسي داييير من صيحة الياهال بالروضة مو قاعدة اركز اقره اللي طافني بس مو متذكرة شنو قريت لووووول عالعموم بالعافية اللي كليتوه ..والله يتمم عليكم الريجيم والالتزام كلكم .. اليوم كان :
ريوقي:
توست اسمر -قفشة جبن قلاص - عصير اناناس كي دي دي السناك:
عرموطة و4 حبات عنب
الغدا
قوطي روب اكتفيا مع سلطة
توسته وحدة سمرة -قفشة مايونيز صغيرة-قطعة صدر دجاج مسلوق
عصير اناناس كي دي دي
وباقي لي العشا ان شاء الله يكون خفيف

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ميزو .. بالعافيه و ان شاء الله يومج يكون تمام

 

[شوكولاته&فانيلا]

بااك..

هلا زيون استانست ببدايتج القوية اليوم ماشاء الله تبارك الرحمن ربي يتتم لج على خير وعلى الطلة الصباحيه ايه والله قليل اطل الصبح

مع اني قاعده بالبيت لا شغله ولا مشغله لا دوام ولاهم يحزنون بس مادري مااقعد عالنت الا عقب

تغديت صدر دياي+شوي سلطة وبس الحمد لله

السناك مادري للحين ماقررت..

ميزو منورة والله وان شاء الله العشاء يكون في أطار الريجيم والله يتمم عليج

 

[mn.mn]

السلااااااااااااااام عليكم

شلونكم وشخباركم ؟

قلت بطل عليكم صباحي بس استلموني شغل من الصبح لي نهاية الدوام ما فضيت كلش

اليوم نوعا ما أكلي زوين بس باجي لي العشا وان شاء الله يكون أوكي

مادري متى بوزن ما ودي عشان ما أنصدم بس لا بد من هالخطوة يمكن أأجلها لين التزم شوي وتروح آثار الخربطة

زيون على طاري الورد ترى أنا فترة حاشتني هالحالة كنت كل ما أروح مركز سلطان آخذ من بوكيهات الورد صج

وجوده بالبيت يعطي شعور بالانتعاش ويفتح النفس على الطاولة بس والله من مدة ما شريت يبيله هاليومين جود تتعدل النفسية

باجر بعد عندي قائمة أعمال لازم أخلصها وهم عندي شغل بالمنطقة لازم أروح أخلصه الله يكون بالعون وأقدر أخلص هالشغل وأفتك

 

[بطة رشيقة]

قوووه بنات شلووونكم عيدكم مبارك وتقبل الله طاعتى الحمدلله خلصت صياام وعسى ربى يتقبل منى ومنكم صالح الاعمال اليوم استغفر الله تعبت ما ادرى شفينى خقيت على اخر يوم الحمدلله على كل حال .. تفطرت سلطه وشوى مجبوووس دياى وقلاص عصير وحبين كبه بطاط وبس رديت البيت نومت كارز وغسلت مواعين وتونى شااابكه ويايبه معاى دايت سفن ووارووووووو ...

منمن قواج الله يا الغاليه وان شالله ربى ياجرج على هالشغل المتعب واى اكره شى انى اطلع من الدوام عشان اسوى مشوار حق الدوام بالشمس والحر .. وعلى الورد اى والله زيون ومنمن الورد قميل قميل الورد شكلى انا بعد بقلد اللى راااائيه هذه رفيجه زيون وايب بوكيه ارزه بالصاله ...

ميزوووو قواج الله ابلتنا الحلوه العنونه والله يعينج على صياااح الياهال وصراااخهم صج ازعاج قووواج الله بس عسى خفوا بجى وتعودوا على الروضه ..؟

الله يعطيج العافيه ..

جسوووت الله يعينج على الصيام وربى ياجرج ..

بنات

نداااء ندااااااء

ابى اقص شعرى احس انى لايعه جبدى منه ما ابى اصبغه بس ابى اقصه يعنى اسوى له حركه لان عندى عرس السبت الياى وابى اطلع بنيووو لوووك وين تنصحوونى ما ابى اروح مكان ينتفووون الشعر ...؟؟ وين تنصحووونى

 

[Dam3ya..]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله

انا حطيت لكم بياناتي .. بس يمكن محد انتبه .. ماعليه اقووولكم //


انا عمري 19 سنه

ادرس في كليه الدراسات التجاريه وبحول من اول كوورس ان شاء الله << ادعوولي

احول للتربيه الاساسيه ان شاء الله ..

وهذا اول كورس لي بالكليه .. واليوم كان اول يووم ..


اسوي رجيم عند الدكتور .. طالب الشمري ..

وزني لما رحت له اول مره كان .. 80 ..

ونضامي ..


اشرب نسكافيه اول ما اقعد من النوم

وبعدين اتغدا صمونه ودايت

وبعدين نسكافيه لما ايووع . السناك

والعشا صمونه ودايت .. وبسس

هذا طبعاا اول اسبوعين وبعدين عاد يعطني غيره .. وهيك

 

[بطة رشيقة]

دامعيه الله يوفقج وشثر نزلتى معاه ؟؟؟؟

 

[المتميزة دائما]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بااك..

هلا زيون استانست ببدايتج القوية اليوم ماشاء الله تبارك الرحمن ربي يتتم لج على خير وعلى الطلة الصباحيه ايه والله قليل اطل الصبح

مع اني قاعده بالبيت لا شغله ولا مشغله لا دوام ولاهم يحزنون بس مادري مااقعد عالنت الا عقب

تغديت صدر دياي+شوي سلطة وبس الحمد لله

السناك مادري للحين ماقررت..

ميزو منورة والله وان شاء الله العشاء يكون في أطار الريجيم والله يتمم عليج

السلام عليكم :q8::ada:

هلا حبييبتي شوشو ولكم بااك .. والله المكان منور ابأهله ومنور بوجودج حبيبتي .. انتوا نور وملح الدوانية كلكم حبايبي .. الله لايحرمني منكم حبايبي

بطوطة هلا حبيبتي هلا الغالية .. الاطفال اليوم اهدى اشوي يستعسرون اول ما يدخلون بعدين عاد شوي شوي يتأقلمون وعلى نهاية الدوام تطلع مواهبهم :dddds: لووول يحليلهم .. الله يخليهم حق اهلهم ويخلي لنا اعيالنا ويهديهم يارب
هلا هلا زينة .. الله يعافيج حبيبتي
انا اليوم بنات للغدا كنت اوكي .. بس بعدين :0bee2e8d89: طلععت مواهبي الاجرامية _03BA: اكلت كاكاو وبرد وقطعة بلاك فورست وحلاو مصاص يعني بالمصري لهفت الاكل كله :krkrkr:حسافة خربتها عالآخر وبعدين ضاق خلقي وحسيت اني ببجي وتنرفزت وعصبت ... بس شيفيد الندم .. قلت ان شاء الله باجر اكون اكثر التزام

 

[بطة رشيقة]

حبيبتى ميزوووووو لا تضيقين خلقج حبيبتى ان شالله باجر احسن .. وعلى الياهال اى والله ربى يحفظهم ان شالله