~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[عنيّد]

جسوت ،، دايم احس الكورنفليكس مثل الخبز مادري شكو :nocommint: المهم بكمل هالاسبوع الثاني طبيعي ، ومن الاسبوع الثالث انشالله بحذف النشويات وبجرب الوضع :27d66a9c24b146327bf


اثمان ،، والله مادري بس مابي اعدل شي واخرب شي ثاني

 

[عنيّد]

منمننننن ،، صباااااح الطششش والرششش ، ها شكلج بايقه الوقت بووووق خخخخخخخ

 

[mn.mn]

هلا والله عنيد إي والله قلت اطل قبل اهمه ما يبوقوني لوووووول

شلونكم وشخباركم ؟

جسوت تعالي نسولف قبل ما أروح

 

[mn.mn]

أنا الحمد الله أمس كنت أوكي نوعا ما طلعت بليل وجاهدت نفسي عشان أرد البيت أتعشى وما اخربط

شربت بس قهوة تركية ورديت تعشيت توست ومرتديلا وجبن والحمد الله

اليوم ريوقي صمونة فلافل وعصير برتقال

بطبط انا لي طلعت اسوي شغل بره لا تخافين علي اسوي لي جم مشوار لي عالطاير يعني اليوم ناوية أمر البيرق

 

[عنيّد]

منمن ،، الله يعطيج العااااافيه ، اي اي امبين انج بايقه الوقت :d
وعليج بالعافيه الفلافل ، ايييييه والله يبيله فلافل

 

[mn.mn]

الله يعافيج عنيد

لا الحين فاضية حصتي تبدي 10 وثلث بس الحين بروح أكتب السبورة

وبعد حصتي بروح اخلص مشوار المنطقة وبمر البيرق عندي شغله ببدلها بنكست وتالي باخذ زوزو من الروضة وأرد المدرسة

أدري راسي بيفتر وجبدي بتقلب من الرطوبة بس هم أحسن من القعدة والحكرة بالمدرسة

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح النور والنوير

هلا منمن

 

[عنيّد]

الله يعينج يا منمن على هاللويه ، بس على قولتج احسن من حكرة الدوام والله :eh_s(15):


وييييينكوووووم

 

[بطة رشيقة]

صباح الخير ..

وكل عام وقوقل بخير ..

شلوونكم بنات شخباركم ...

عيدكم مبارك عطووونا عيديه

شلووونكم بنات شخباركم عساكم بخير ان شالله كل الامور بخير .. اليوم بروح حق رفيجتى والده وخل اقولكم شسويت امس رحت المكتبه بشترى لها علبه عشان احط الفلوس فيها والا المكتبه ذبح مذااابح شسوى شسوى ياربى جان اروح اشترى مميه عنونه يختى والله وحطيت فيها كريشه ورديه وربطت الفلوس بشريطه وقطيتهم بوسط المميه ولفيتهم بشريطه وحطيتهم بجيس .. ابيه ما ادرى اذا فشله والا لا بس شسوى هذا اللى طلع وياى ...

منمن الله يعطيج العافيه على المشاااوير وصج الله يعينج انا كنت احاتى مشواار انى اخذ ولدى من الروضه كل يوم بس الحمدلله بنت اختى معاه بنفس الروضه وابوها ايبهم كل يوم ما قصر قوزو مال اختى ولا اللى يضحك تقول اختى هم نيب ولدج وهم يكفخ بنتى بالطريج مره ثانيه ترى بنسنده عند باب السكه خخخخخخخخخخخخخخخخخخخخخخخخخخخخخ ..

جسووت صباح الخير يا حبيبتى وتقبل الله طاعتج شعور اخر يوم صيااام حلو

زيووون صباح الخير وعفيه عليج الالتزام كملى يا رشيقه كملى

عنوده الحلووووه اهم شى انج قاعد تنزلين مو مهم وايد والا شويه ربى يوفقج ويسعدج ويتمم عليج ان شالله ..

شوشو حبيتبى الله يوفقج وان شالله يكون عرسج على بداايه السنه اليديده وربى يسعدج يالغاليه ..

اثمان قوه

جنى مصختها كل يوم حاطه ورده بس كيفى رفيجه زيوووون مو احسن منى اللى تدلع روحها بورد :33_1185028183:​

 

[عنيّد]

بطبط ،، صبااااح الخيرااااات هلا بالورد هلا :blueSmCLR: ^ـــ^
عجبتني فكرة المميه والله ، مادري اشوفها فنتك حلييييو :icon30:



هممممم انا خبري الجو رطوبه ، هل صار غبار ؟ ياربي احس بالغبار !!

 

[mn.mn]

هلا والله بطبط واثمان

بطبط الحمد الله انج ارتحتي من سالفة طلعة الروضة لان صج تتقيدين

انا الحمد الله روضة زوزو يمي وسهالات ان شاء الله

وعلى الهدية عادي علبو فكرة يديدة كلش كلش حطي الفلوس بكرت حلو وخلاص

بوابة الهدايا اللي بمشرف ودوه فوق يم المكياج والعطور لو مارتهم وماخذه منهم كرت عاد كروتهم وايد حلوة

جسوت وين اختفيتي ؟ تعالي بعد شوي بروح حصتي وتالي بطلع

 

[eng.q8]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباااااح الخيييييير​

:aha:

 

[عنيّد]

هلاااااا انووووووج صبااااح الخيراااات
هااا كيفوووو غررررردي

 

[eng.q8]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

تمااااااااااااام والحمدالله وانتي بشري شلون الالتزااااام؟؟

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا بطه

الله يقويج

 

[بطة رشيقة]

هلا وغلا كلكم شلووونكم عساكم بخير ردينا من بعد الصلاه الحمدلله شخباركم عسى الكل بخير وصاجه منمن حركه المميه اى يعنى اكون طالعه فيها خخخخ والله قلت ما يسوى اوقف بالطابوور عشان قووطى بنص دينار والا دينار .. وان شالله تعجبها الحركه يحليلها يابنت بنووته مشالله الاشهر كله بنات يمكن رحت حق 6 او اكثر واالدااات وكلهم يايبين بنات يا حلو البنات والله يهبلووون يختى والله الله يرزقنى ان شالله بنووته حلوه ومشتهيه اسميها زينه والا وزين بس وين اللى يطااووع اسميها زينه عشان تصير مثل خالتها زينه من كبار الشخصيااات الله كريم ان شالله ...

انوج هلا وغلا شلووونج اليوم شفت وحده وياى بالطريج عند البصمه احسبها انتى واقوول والله انووج خاقه خل اقولها انج ضعفاانه عشان اشجعها يوم التفتتت والا مو انتى زين ما تليقفت وناديتها على بالى انتى خخخخخخ

 

[Dam3ya..]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

دامعيه الله يوفقج وشثر نزلتى معاه ؟؟؟؟

حبيبتي هذة اول مره اراجع عنده

وهذا اول رجيم عطاني اياه ..

يوم الاحد ان شاءلله راح اقيس واقولكم عاد ههه

 

[Dam3ya..]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زينه والله مادري

بس ما حسيت بيوووع عاااادي

والصرااحه وايد نااااس اضعفوااا معااااه


وان شاء الله اضعف


بجرب شورااااي ..

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم
اشلون الرشيقات اليوم ؟ ان شاء الله بخير .. وامورهم عسل .. ان شاء الله دوووم يارب

بالنسبة لي اليوم معتدل نسبيا والرياح شمالية غربية خفيفة الى معتدلة السرعة لوووول
اكلت توست امريكا الاسمر فيه حلوم وخس (الجاهز)
عصير اناناس
حليب كاكاو كي دي كاو اليوم يايبنهم حق الروضة وناسة يابو لنا ثلاجه فيها انواع الحليب ومجسم بقرة ووتحلبينها يطلع منها حليب ..لووول الاسبوع الياي احنا بنييب لهم ماكدونالدز يسون لهم مسابقات وباجر انا والابلات اللي معاي مسوين لهم برنامج عرض مسحية بالداتا شو ومسرح عرايس ومسابقات .
لما رجعت البيت اكلت مع بنتي اشوية معكرونية بالبشمل وكلتها واكلت اشوي معاها
وسناكي كان 3 حبات تمر وقفشة روب فيتال المراعي خالي اوقليل الدسم ما اذكر ( المهم تاكل) لووول
واكلت عرموطة وحدة وجم حبة عنب وشربت شاي اخضر بالنعناع والجنجير وبش .. للحين اوكي تقريبا بس الله يستر من هبوب الرياح والغبار والكاكاو

بنات فلكس غورمية مسويين عرض حلو .. 175 -5 وجبات 3 رئيسية 2 سناك يوصلونهم للبيت مع اشتراك مجاني بالنادي لمدة شهر بفليكس فتنس اللي بالشعب يم فيلا فيروز وجلسة مساج وحدة وسشوار كله 175 دينار مسوينه جم ساعة امبلشين من امس وهذا رقمهم 22522566 يعني اللي حابه تشترك معاهم وانا بصراحة جربت النادي قبل ايام العطلة كان حلو عجبني بصراحة خصوصا رياضة السبيننج عجيبة يضعف ويشد الجسم وعندهم فوق سبا بس ما جربته لأني مو صوب المساج كلش ما احبه .. للفايدة فقط

 

[عنيّد]

استغفرالله
انا من اشوف اسم فلكس تلوع جبدي وخاطري اكسر التلفون
من كثر عروضهم احس النادي صار كانه يوم الحشر استغفرالله

ويقولون بس اليوم العرض والحق لاتلحق ، وجذاذبه يمددون والف مره يعيدون هالعروض
ماحب النادي المزحوم >ـــ<

يانا اشتراك مجاني واشتركنا انا واختي ورفيجتي ٣ اشهر ماطبينا فيه ولا يوم والله :d