تجمع لامهات سنه اولى حضانه

[blue rose]

السلام عليكم شلونكم بنات؟
آنا بنتي عمرها 3 سنوات
وأول شي رحت شفت حضانة أسرار القبندي ثنائية اللغة وعجبتني
بس اللي ما عجبني فيها ان مدرسات الانجليزي هنود وفلبينيات ومدرسة العربي مصرية.. قلت المصرية مايخالف عربية.. بس هنود وفلبينيات مابي
وانا اطلع بنتي من الحضانة الساعة 2 بحكم دوامي فقالولي تقعد مع الفراشات من 1ونص.. بصراحة خفت
والحين سجلتها بحضانة دار الفرح اللي بالقادسية.. تابعة حق جمعية بيادر السلام
بصراااحة من أول يوم.. بنتي الحمدلله متشققة.. أصلا لما رحت آخذها ما تبي
وماشاء الله عليهم كلهم كويتيات ويهبلوووون
ويعلمونهم.. لغة عربية.. انجليزية وسيرة نبوية

والحمدلله بنتي ما تحتاج حفاضة.. فمو متأذية من هالناحية
وأحطلها بجنطتها.. كرواسون أو توست أحشيه باللي تحبه وعصير أو حليب وفاكهة وماي
تقبلو مروري وتحياتي

السلام اختي
وين صايره حضانة دار الفرح بالقادسيه ؟وجم رسومها ؟ واذا عندج تليفونهم عطيني اياه بليييز اكون شاكرتلج

 

[om__jana]

اليوم رحت عالم الطفل اللي بجنوب السره وصراحه ماعجبتني مع ان وايد بنات مدحوها
ورحت فيوتجر جينيريشن مادري هم عاديه

حسيت رينبو مع انها صغيره بس الانشطه اكثر واليهال كانوا مستانسين لمن شفتهم بالصف واللي مسوين قطار ينتقلون من صف ليه صف

احترت

بنات منو مدخله بنتها او ولدها رينبو؟؟


وعلى عمر بنتي احس احسنلها تروح الحضانه عالاقل تتعلم شي وتخالط اليهال ما عندنا يهال قدها بالبيت كلهم صبيان .. وتتعلم تنام امبجر عالاقل 7 مو الحين قاعده ليه 2 !
وثالث شي مابي احطها مع الخدامه انا ساكنه بسلوى وبيت اهلي بالجابريه ودوامي بجنوب السره عشان اوديها هناك تطلع روحي الصبح مع الزحمه وساعات مسكينه امي اتيي تاخذها من الصبح حرام معذبتها فهذا الحل الوحيد

 

[opera]

رد : تجمع لامهات سنه اولى حضانه

ام مريووون انا بخير عساج بخير

تصدقين عاد لو مدخلته وهو اصغر جان تعود عالوضع الحين ليش فاهم اني كل يوم بوديه وبخليه يبجي

حتى ريلي لمن ياخذه من الحضانه يقول انه مبوز :\

باجر بدق على ابلتهم اشوووف شالسالفه

اليوم ريلي ماخذه الساعه 2ونص يقول كان قاعد بروحه مو قاعد يلعب مع اليهال :\\


مع انه ولدي شخصيته مو جذي كلللللش .. جريئ وحركي بش مادري اشسالفته

 

[BaLLoNa]

بنات والله قاعدة ابجي يوم الاحد انشاالله ولدي بيداوم وااي ماقدر احس اني ببجي بلحضانة

 

[ملاك ^ الحب]

انا سجلت بنتي بحضانه الابداع بصباح السالم وهذي تجربتي بكل امانه

بنتي من اوديها لين اخذها واهي تبجي وبما ان الاكل من عندي اكتشفت ان الاكل ياخذونه ويوزعونه على اليهال زين انا شلون اعرف بنتي شنو كلت ومن اقولها يلا روحي نامي بوديج الحضانه تقعد تبجي خليتها تقريبيا شهرين ماكو فايده بس للمانه ابلتها تهبل مصريه اسمها ابله زينب وبصراحه لا اداره تعاملهم زفت حشاكم وبس يصرخون على اليهال وما ارتحت كلش

المهم طلعتها ووديتها الحضانه البريطانيه بصباح السالم امبي تهبل كلمه تهبل شوي يكفي نفسيه المديره وابلتها نسيت اسمها ام عيون ملونه تهبل والله يابنات بس اسبوعين وتعودت بنتي عليهم وما تبجي وبس اقولها تروحين الحضانه تقولي اي ابي اروح ومو بس جذي تعلمت شغلات وايد وطبعا انا متابعتها بالبيت

ظليت تقريبا شهرين ما سجلتها صار عندي ظروف والله تحن علي تقولي ماماتي وديني الحضانه رحت امس رديت سجلتها وواستانسوا لمن شافوني بس قالتلي ان بنتي تنتقل حق صف ثاني يعني دراسه عربي وانجليزي ورياضيات ويعطونها كتب {{{{{ الام استانست اكثر من البنت

وانشالله اليوم اختي بتروح تسجل بنتها
وعلى فكره بنات المديره قالتلي ان في بعض الصفوف عالويتنق

 

[om__jana]

مشكورة ملاك على نقل تجربتج ياريت رقمهم او العنوان

 

[نونو ام كشة]

بنااااااات باجر دوووام ولدي ومسوين لهم حفله وبعد باجر الدوام الرسمي
الله يستر

 

[nazek_q8]

انا ولدي صارله 10 ايام الحين وهذا اهو يبجي وكل يوم اقوله باجر نروح حضانه يقول مابي

بس انا بجرب الشهر وبشوف انشالله بس يكون تعود عليهم

وحضانته البريطانيه انا مررتاحه لان المديره والاستاف يهبلون

 

[om__jana]

بناااااااات البريطانية وين صايره وجم رقمهم؟؟

 

[ام سعودي]

صباح الورد
شخباركم وشخبار الطلاب و الطالبات الحلويين
سامحوني ما دخلت من زمان بس كنت تعبانه حدي
اشلون اعيالكم ان شاءالله تاقلمو؟؟

 

[جوري الكويت]

رد : تجمع لامهات سنه اولى حضانه

شلونكم بنات

اليوم رحت بسجل بنتي ب حضانه بارني حطين

حددددددي راهيه يقولون مكتفين

انشالله باجر بروح حضانه 180 منو عندها فكره عنها

او عن اي حضانه زينه ب جنوب السره

 

[ام الحلوين :)]

انا سجلت ولدي بحضانة درر بالشامية
وايد حلوة الحضانة
وولدي وايد مستانس عليها
والابلات يهبلوووون
والناظرة على طول موجودة بالحضانة وتتابع كل شي بنفسها

 

[ام عواشة]

اليوم رحت عالم الطفل اللي بجنوب السره وصراحه ماعجبتني مع ان وايد بنات مدحوها
ورحت فيوتجر جينيريشن مادري هم عاديه

حسيت رينبو مع انها صغيره بس الانشطه اكثر واليهال كانوا مستانسين لمن شفتهم بالصف واللي مسوين قطار ينتقلون من صف ليه صف

احترت

بنات منو مدخله بنتها او ولدها رينبو؟؟


وعلى عمر بنتي احس احسنلها تروح الحضانه عالاقل تتعلم شي وتخالط اليهال ما عندنا يهال قدها بالبيت كلهم صبيان .. وتتعلم تنام امبجر عالاقل 7 مو الحين قاعده ليه 2 !
وثالث شي مابي احطها مع الخدامه انا ساكنه بسلوى وبيت اهلي بالجابريه ودوامي بجنوب السره عشان اوديها هناك تطلع روحي الصبح مع الزحمه وساعات مسكينه امي اتيي تاخذها من الصبح حرام معذبتها فهذا الحل الوحيد

حبيبتي ام جنا انا بعد رجت رينبو ويمكن اسجلها وودي أروح حامل المسك اللي بحطين لاني حدي محتاره وبنتي كبر بنتج وانا أايد انه بالهسن يروحون حضانه ولا قعدتهم ويا الخدم واذا استقريتي بلغيني

 

[om-3boody]

انا مدخله عيالى ولدي سنتيين وبنتي 11 شهر حضانه اللالئ النموذجيه بالروضه بصراحه حق اعمارهم الحين وايد مناسبه لهم وبصراحه الحضانه عدلت لى نومتهم ماتصير 9 الا اهما ناييمين احس ان الحضانه افضل من قعدت البيت الياهل على الاقل يطلع طاقته بالحضانه مايلعوزونج بالبيت

 

[nazek_q8]

اللي يسئلوون الحضانه البريطانيه

صباح السالم

الاشتراك الشهري يبدأ 90

رقمهم
25519710

 

[شوكولا]

رد : تجمع لامهات سنه اولى حضانه

خوش موضوع
انا مسجله ولدي ب سوبر كيدز باليرموك ,
بس الله لا يوريكم كل يوم بجي ومابي اروح ان شاءالله يتغير الحال ,
بس الحضانة بشكل عام مبين عليها اوكي

 

[Pink Angle]

آنا الحمدالله بنتي تأقلمت مع الحضانه و بطلت بجي و آناوايد مرتاحه على الحضانه حضانة المفاز بالجابريه بس للأسف زحمة الجابريه تنرفز وشكلي راح أغيرها معنه ما ودي بس مشكلتهم ينهدون مبجر الساعه وحده فما يمديني

 

[ام سعودي]

صباح الخير
انا بالسبه حق ولدي يعني تقريبا تاقلم بس لازم بجي خفييييييييييييييييييييييييييييييييييييييف

 

[om MaRyooM]

واي هاليهال لما يبجون يتقطع قلبي


عيل انا بنتي اول يومين وديتها بروحها طبعا شلااااااااااال بجي ... تمت فوق الساعتين من عقب ماخذيتها تشهشج بعد عمري . .عاد قالولي يبي شغالتها معاها عشان تحب المكان وعقب ماتتاقلم خليها بروحها

والحين كل يوم اوصل بنتي والخدامة الحضانة لووووول

بس خايفة اخليها بروحها تبجي وايد .. بنتي مع انها قوية بالبيت وتطق اليهال بالسوق لووول بس بالحضانة جباانة

 

[عيون سارة]

واي انا سارونة بس بجي وحنه

حتى امس بغيت اروح الجمعيه معاها ما رضت تحسب اني بوديها الحضانه تقول ما ابي

ابي اقعد بالبيت