برياني السمك
منقوله من : أنا كويتية
المقادير لنص كيلو سمك سواء فليهات او سمك كامل مقطع بالطريقة اللي تحبوها :
لتغطية السمك : ينقع السمك بخلط من : 2 ملعقة خل + نص ملعقة طعام فلفل احمر + ملعقة طعام جرام ماسالا + ملعقة صغيرة كركم + ملح ( تخلط المقادير ثم تخلط مع السمك ) وتترك لمدة من ربع لنص ساعة
في هذا الوقت نسوي الرز المشخول كوبين رز بسمتي مع البهارات الصحيحة مثل الفلفل الاسود حب + 2 هيل + قطعة صغيرة جدا دارسين ويرش من اعلى بالزعفران المحلل بالماء
للزينه : كاجو مقلي ... وبصل مقلي
مقادير خلطة البرياني :
3 حبات هيل
2 مسمار
عود دارسين
3 اوراق غار
3 فلفل اخضر
ملعقة طعام ثوم + زنجبيل
3 ملاعق طعام كزبرة فريش مقطعة
2 ملعقة طعام نعناع فريش
4 بصلات مقطعة
2 طماطم مقشرة
نص ملعقة طعام كزبرة بودر
نص ملعقة صغيرة فلفل احمر
نص ملعقة صغيرة كركم
3 ملاعق طعام زبادي
الطريقة :
نضع الزيت والبهارات الكامله كلها حتى تتحمص شوي وبعدين البهارات المطحونه حتى تطلع ريحتها الحلوة بعدين نضيف البصل حتى يذبل وبعدين الثوم والزنجبيل وبعدين نضع قطع السمك مع خلطتها وتقلب قليل حتى تتشرب الريحة ثم نضيف الطماطم وتترك لتتسبك سوي وبعدين الروب وقليل من الماء ويضبط الملح ... تغطى جيدا وتترك حتى يستوي السمك .... بعدين تعمل طبقات من الرز وخلطة الرياني اول شي رز المزين بالزعفران وبعدين خلطة البرياني وبعدين رز وتغطى وتترك على النار الهادئة او الفرن حتى يتشرب الرز الرائحة والطعم
اما اذا تبغين زيي فاستخدمي قالب الكيك ( انا استخدمت السليكون ) او اي قالب كيك وحطي اول شي الرز اللي عليه الزعفران وبعدين خلطة البرياني وبعدين باقي الرز .... وبالفرن لفترة بسيطة وبعدين بعد قلب القالب يزين بالبصل المقلي والكازو المحمص .... وعلى جنب ممكن تحطين الزبادي مع ثوم ونعناع
