اطباق لذيذه ( سهل - متنوع - منقول - متجدد ) تابعونا

[بطه فيها نطه]

رول التوست

منقوله من الاخت : ارتوست



مقادير الحشوه :

صدور دياي بدون عظم مقطعه صغار

بصل مقطع

فلفل بارد اخضر

ملح وبهارات وصوص ماجي او صويا صوص وثوم


واكيد التوست - جبن قلاص

ولتغليف :

بيض

بقسماط

طحين



الطريقه :





نحط الدياي بمقلى ليه ينشف مايه وعقب نحط البهارات والثوم





وبعدها نحط الفلفل والبصل ... اللي يحب ممكن نحط ذره ومشروم





الصوص ولانكثر منه علشان الصويا مالحه واساسا عندنا جبن قلاص بندهن فيه التوست




وهذي الحشوه جاهزه





نرق التوست ونشيل الاطراف





هذا شكله بعد الرق وشيل الاطراف





ندهن قطع التوست بالجبن











نحط الحشوه ونلف التوسته





ممكن نحتفظ فيها بالفريزر من غير ماانغلفها بالبيض والبقسماط ...





نغمس بالبيض وممكن نضيف له شويه فانيلا عن الزفره بس .. وعقبها بالبقسماط












وهذا شكلها بعد القلي وعليكم بالعافيه

 

[بطه فيها نطه]

محشي الملفوف الابيض او اللهانه


منقوله من الاخت : Woman feelings


المقاادير ...



عدد من الاوراق المغسوله والمنقعه بماء حار حتى تطرى

كوب ارز مصري مسلوق نصف سلقه ومصفى

بصله كبيره مفرومه

2 فص توم مهروسه

قبضة من البقدونس واخرى من الكزبره

ملح حسب الذوق

ملعقه صغيره من فلفل اسود كمون بهارات التندوري (لمحبين المشطشط

حبتين طمااطم مقطعه صغيره

قرنين فلفل حاار

مكعب ماجي

كوب ونصف كوب ماء حاار ...

شرائح ليمون لتزين...





الطريقه



الحشوه



تخلط المقاادير (الارز -البصل-الطماطم -الكزبره والبقدونس-الملح والثوم-الفلفل-)






تقطع الملفوفه الى قطع مستطيلة الشكل..نضيف ملعقة من الحشوه الى الملفوف





نطبق اطراف الملفوف على الحشوه ونقوم بطيها على شكل اسطوانه






نكمل جميع القطع حتى النهاايه .نضعها بطبق بايركس



ولعمل المرقه
نضيف كوب ماء حار على مكعب الماجي وملعقة صغيره بهارات التندوري وملعقة كبيره معجون طماطم
فص ثوم صغيره ثم نحركها حتى يذوب مكعب المااجي ومعجون الطماطم جيدا






ونضيفها على صينية الملفوف





يغطى بقصدير ويدخل للفرن لمدة ساعه او لحد الاستواء


يقدم بالعاافيهـ..~

 

[بطه فيها نطه]

دونت هشه مثل القطنه

منقوله من الاخت : Miss Question


جايبه لكم دونات تاكلون اصابعكم وراها ..

اغراضها كثيره .. بس اهم شيء النتيجه النهائية ..

ندخل بالمقادير والطريقة على طول :

اول شيء المقادير وهي التالي :

مقادير العجينه :

4 ونص كاس طحين منخول ..
نص كاس زبده ..
بيضتين ..
ملعقة صفيره ملح ..
1 ونص كاس حليب سائل ..
6 ملاعق كبيره سكر مطحون ..
ملعقة كبيره بكنج باودر ..
ملعقتين كبيره خميرة ..
ملعقة كبيره فانيليا سائل ..

نبدأ بالطريقه ..






1 / ناخذ الخميرة ونحطها في صحن مقعر .. وناخذ من الحليب السائل مقدا 3 ملاعق كبيره وندفيها ونحطها مع الخميره .. وناخذ من السكر المطحون ملعقتين صغيره ..

2/ نخلطها لين تتجانس وتسير الخميره ذايبه فيها .. نخليها على جنب ونبدا بالعجينه ..

3/ نبدا نحط البيض والسكر ..

4/نضيف الزبده بعد إذاتها ..






5/ بعدها نظيف الفانيليا السائل زي ما إنتو شايفين .. ونحط البكنج باودر ..

6/ لاحظوا الخميره كيف صارت .. هنا هي جاهزه وصايره تمام ..

7/ نحط المح مع الطحين المنخول وثم يضاف تتدريجيا بالتناوب بينه وبين الخميره والحليب .. ونخليها تعجن لمده 7 دقايق لين تتماسك ..

8/ هنا شكل العجينه بعد ما إنعجنت شوفوا وشلون العجينه تدوووخ .. لينه وجميله .. ندهن العلبه إلي راح نحط فيها العجينه ببشوي زبده .. ونخليها تخمر لمدة ساعتين ..






طبعا على بال ما تخمر العجينه نبدا بالكاسترد .. المقادير :

3 صفار بيض (مافيه مشكله لو حطيتيها كامه و حطيتي من الكاسترد البودره عشان اللون ) ..
ملعقة صغيرة فانيليا سائل ..
ملعقتين كبيره نشاء ..
ربع كاس سكر ..
شوي ملح ..

9/ هذي كل المقادير ما عدا الحليب ..

10/ نخلط المقادير لين تتجانس ..

11/ نسخن الحليب ونضيفه على الخليط تدريجي ونخلط ..

12/ بعد ما خلطناه نحطه على نار لين يثخن شوي وعلى طول نشيله .. وإنتي تخلطين راح يتكتل لكن ما عليك كملي خلط ورايح يطلع تمام ..

طبعا الكاسترد ينحط في شي زي القمع بس دورته بصوره لكم ولا لقيته .. فـ أي شيء له أفم طويل يصلح <<< عجزت أعبر ..

يعني اي شيء زي حقت الدريم ويب نقدر نحط جواها الكاسترد بس تسير الجهه إلي نطلع منها الكاسترد طويله .. بس حقت الدريم ويب ما تصلح لأنها قصيره وعريضة ..

وهذي مقادير طبقة الكاكاو إلي فوق زينيها وبوقت خمر العجينه :

ربع علبة كريمة الخفق العلبة الصغيره ..
ملعقة كبيره عسل ..
100 جرام كاكاو خام ..
ملعقة صغيرة فانليا ..

تخلطينها على انار بس يذوب الكاكاو ويتجانس الخليط وتحتمي الخلطه إرفعيها من الفرن و خليها على جنب لين تقلي الدونات ..






13/ هذا شكل العجينه بعد ما خمرت .. لاحطوا إن حجمها تضاعف ..

14/ نفرد العجينه سمك 1سم ونبدا بتقطيعها ..

15/ نشيل الزوائد ونعجنها ونرجعها على جنب عشان تلين .. تقدرين تقطعين العجينه بهذا الشكل إما بقطاعه الدونات .. أنا شريتها من محل السيف حق الأواني .. أو إذا مو متوفره عندك تقدرين تقطعينها بأي شيء دائري إما قطاعه أو كاس .. والدائرة الداخليه الصغيره بغطاء الدواء ..

16/ نحط الدونات على ورق زبده.. ونخليها ربع ساعه تخمر .. أنا ما كان متوفر عندي ورق زبده فـ قصيت ورق قلي ورشيت فوقه طحين عشان ما يصلق .. طبعا بتقولين ارش صينيه بطحين واحط عليها أقولك لأ .. لأنه ما راح تقدرين تشيلين الدونات عشان تقلينها لأنها بتسير خفيفه مرررره ولو شلتيها وحطيتيها تقلى راح يبان مكان ضغط إصبعك عليها وماراح ينتفش هذا المكان ..

بعد ما تخمر أنا أقليها بقلايه كهرب عشان درجة الحراره ما تتغير زي القلي على فرن .. إذا قليت على فرن حبة تضبط وحبة لأ ..

شوفي فيه شيء مهم إذا تبغين الكاسترد ينتشر جوا الدونات بطريقه حلوه .. لازم لازم لازم لازم أول ما ترفعين الدونات من الزيت تدخلين قمع الكاسترد بالدونات وتضغطينه لينه ما تقدرين تزيدين .. إذا تأخرتي شوي ولا حشيتيها أو ما ترفعيها من الزيت ماراح يضبط معك ..

بعد ما نخلص قلي نغطي وجه الدونات بالكاكاو إلي سويناه قبل ..

ودي أقولكم شيء ..

انا زينتها بحشوة فراوله بس ما صورتها .. طبعا الفروله هو مربى بيتوتي كان كاس فراوله مجمده مع نص كاس يكر وأحطها على النار لين يذبل الفراوله أبدا أهرشه فإذا خسته طلع مربى أشيله وأحشيه بنفس طرية الكاسترد .. وأغطيها بـ سكر بودره ..

وفيه خلطة السكر إلي تطلع شفافه بعد هي ما صورتها ...

مقاديرها :

3 كاسات سكر مطحون ..
ثلث كاس زبده مذوبه ..
ملعقتين كبيره حليب سائل ..
ملعقتين صغيره فانيليا ..

تخلطها سوا بدون نار لين تطلع شفافه ونغطي الدونات فيها ..

مررره أعتذر عن عدم تصويري بس لأني خقيت مع الكاسترد ونسيت هذيك الأشياء لا أصوره ..

بس إذا زينتها مره ثانيه إن شاء الله راح أصورها وأوريكم إياها ..


وفي النهاية أترككم مع الصور ..

 

[شوق@ذوق]

يسلموووو عالوصفات

 

[الدانة-81]

ما شاء الله عليج بطة

اختيارج للأطباق السهلة فكرة وايد حلوة

انا احب الوصفات السهلة و اللي ما تاخذ وقت

 

[بطه فيها نطه]

شوق ودانه

ربي يعطيكم العافيه وشاكره مروركم الطيب

 

[بطه فيها نطه]

دياي بالكريمه


منقوله من الاخت : الزين نجدي




نجي للطريقة


صدور دجاج تبهرينها (ملح ,كمون,خل ,أوريجانوا ؛بابريكا , ثوم مهروس فصين)


خلي الصدور مسطحه دقيها بملعقة الستيك أو باي شي صلب


تشوى على النار مع ملعقة زبدة وزيت لين ما تتحمر ..


ونشيلها على جنب بنفس المقلاة نضع ثوم وفطر ونقلب


نرجع الصدور مره ثانية للمقلاة ونحط عليها كريمة خفق


وكزبرة خضراء مفرومة وبس..


أذا ما عندك كريمة خفق حطي علبة قشطة +حليب سائل على النار لين تمتزج..



بالنسبة للبطاطس او الماش بتيتو


نسلقها عادي لين ماتستوي مره


ونحط عليها زبده +شوية حليب+ملح+فلفل أسود
ونهرسها


وأستمتعي بألذ طعم يميمي

 

[بطه فيها نطه]

طبق جونااااااااان

منقول من الاخت : اوروبية الهوى


المقآدير والطريقه مع بعض :





نجيب صحن صدور الدجاج .. نقطعها مستطيلات .. وبعدين ندخلها باكياس بلاستيك ونبدا نضرب نضرب لين تنفرد معانا اشوي ..


نبدا نحطها بصينيه عاديه فيها ( نص كاس طحين + ملح + ثوم مهروس+ فلفل اسود + ملعقتين كبار بابريكا + قفشة دارسين صغيره )

وقلبي فيها صدور الدقاقه لين ماتقول خليني بحالي يابنت الحلال خخخخخ





دخليها الثلاجه لمده ساعه ساعتين ثلاث اللي تبين ..

دخليها الثلاجه واشتغلي بباقي الخطوات ..



طيب نجي للحاجه الثانيه



الزهره ..

وبراويه اخرى ( القرنبيط )

امسكيه وقطعيه مو صغار مره <== احبه كبار اشوي علشان لايذوب وقت القلي ..


وغطسيه بـ ( بيضتان + ملح + فلفل اسود )


واقليه ..

وهنا بعد القلي مثل ماشفتوا بالصوره فوق


والان نبدا نقلي الصدور ..



ونصفها بالصينيه .. نراعي ماتكون فيه فراغات .. وان صارت فيه فراغات .. عااادي قدن قدن .. كملي






الحين وش نسوي ..





نجيب بصل شرايح + فطر شرايح + فلافل ملونه شرايح .. ممكن مشروم او ذره اذا تحبين او اي نوع خضار





ونحطها بزيت زيتون كلها مع بعض .. ونقلبها بس لمده 10 دقايق

.. نخليها محافظه على قوامها . .. نضيف ملح وفلفل اسود وماجي فقط ..
وبعدها نضيف زهرتنا المقليه ونقلبهم .. على النار


والحين ..



نجيب خلطتنا عباره عن ( 3 علب فشطه طازجه + 4 فصوص ثوم + بيالة لبن سايل )











نخلط الموضوع مع بعض ..




ونضيفها على الخضار اللي عندنا على النار


ونقلب نقلب على نار هاديه جدآ ..

لمده 7 دقايق او 5 دقايق ..

مجرد تتماسك وتحسين انها امتزجت النكهات ..

الخطوه الاخيره ..


نحط الصوص البصل وتوابعه .. فوق صدور الدجاج بالصينيه ..


وندخلها الفرن .. لمده ثلث ساعه من تحت .. بدون قصدير ..



وبعدين ..

نرش ع الوجه موازريلا .. وبقدونس ..

وندخلها من فوق فقط ..



..

طريقة التقديم

باللي تحبين ..


انا حطيت خبز محمص ..


وممكن تبدعين ..

 

[بطه فيها نطه]

من اعدادي .. البيتزا السهله

المقادير :

خبز لبناني

صوص البيتزا ( كاتشب - ماي شوي - فص ثوم مهروس - 1 م سكر كبيره - زعتر برى ناشف - فلفل اسود - باربيكا ) كلهم على النار

لمدة 5 دقايق

زيتون مقطع

فلفل ملون بارد

جبن بارميزان

جبن مازوريلا

اي اضافات ثانيه تحبينها ( زعتر - ريحان - ببروني - مرتديلا - صوصيج - دياي مشوي - هالبينو - انناس

لحم مفروم - سبانخ )


حطي مقادير الحشوه فوق الخبزه ودخليها الفرن وحمصيها وعليك بالعافيه

 

[بطه فيها نطه]

من اعدادي .. سلطة الحلوم
المقادير :

حلوم قطع مشوي او مقلي مثل ماتحبين

زيتون مقطع نوعين اسود واخضر

خس كذا نوع

زعتر

زيت زيتون


تخلط جميع المقادير وتقدم وممكن نرش عليه جبن مبشور اي نوع

 

[بطه فيها نطه]

منقول وماله صاحب ..

خبز الصاج او الطاوي

مقادير عجينة خبز الصاج :

4 كاسات دقيق ممكن ابيض او بر حسب الرغبه انا استخدمت الابيض الكويتي

كاسين ماء دافي

نصف اصبع زبدة

فنجال سكر

رشة ملح

ملعقة خميره

5 ملاعق حليب بودره

الطريقه :
توضع جميع المقادير في الخلاط ثم تصب على الدقيق وتعجن حتى تكون عجينه متماسكه

ولينه نوعا ما يعني ماتكون قاسيه وتترك تتخمر نصف ساعه او ساعه الاربع

وهذا شكلها بعد ماتخمرت

 

[بطه فيها نطه]

Sandwich .. بنكهة آوروبية ..وفكرة سآيلنتيه ..


منقوله من الاخت : اوروبية الهوى



هاتي التوست .. وقطعتيه باكبر قطآعه عندك .. قطآعآت متعدده اختاري زي ماتحبين ..

*الصوص

( خردل + كآتشاب + مآيونيز ) ..

بمآ اني آحب الخردل فكثرته .. وقللت المآيونيز .. <== وآنتي زي مآتحبين ..

ادهني الصوص عالتوسته ..

* اي حشوه متوفره عندك حطيهآ عالصوص .. انا اسوي حشوة تونه وااااااااو مره تجنن

( تونه + شبت + ملح + فلفل اسود + مآيونيز )

افردها فوق الصوص

( طبعآ الحشوه نوعي فيها زي ماتحبين .. ممكن تحطين حشوه دجاج منتف باقيه عندك او اي حشوه حآبتها )

* هآتي شرآيح طماطم عريضه نوعآ ما .. وحطيها هالصآج مع زيت زيتون .. وخليها لين تذبل اشوي .. بس انتبهي لاتلين مررررررررره .. ولا تقسى مره .. خليها لينه بحيث اذا اكلتها تذوب معاااااك ياااالله اشتهيتها .. خخخ

وحطي الطمآطم فوق الحشوه ..

* حطي الحين جبنه اي نوع متوفر عندك ..

* دخليها الفرن ويكون سبق وسخنتيه .. اهم شئ يكون حاااااار مره .. لان التوست من تحت بيقرمشششش معآك ومن فوق بتذوب الجبنه وبتصير حآله تبكي من اللذه هههههه مشكله لابدا التعبير يخونك .. وتكتبين موضوع وانتي جوعانه ياعيني ..








..


وبس بآلف صحه وعآفيه عليكم ..

 

[بطه فيها نطه]

سينامون كب = Cinnamon Cup


منقوله من الاخت : اوروبية الهوى


هالعجينه معتمدهـ ببيتنا من يوم ماوعيت عالدنيا , وقلت أشاركم بها يا أمامير ..









المقادير:


لاتغركم الصورهـ المقادير إللي بها عشوائيه بس تعرفكم بالمكونات ..

المقادير بالكوب المعياري { 250 مل }



2 كوب دقيق { استخدم الدقيق السعودي }


3 ملاعق حليب بودره .


2 ملعقة طعام سكر { او حسب الذوق }


ذرة ملح .


ملعقه خميره فوريه .


كوب ماء فاتر .


ملعقه سمن مهدرج {كريسكو} بنكهة الزبده أو عادي .

{ ممكن استبداله بخُمس الكوب زيت } ولكن أحقاقاً للحق السمن المهدرج يعطيها نكهه أحلى وملمس أطرى وتحافظ على صلاحيتها لفترهـ أطول ..




الطريقه:


تذوب الخميره والسكر في ماء فاتر ونتركها قليلاً حتى نتأكد من نجاح الخميره ( إذا تضاعفت الخميره وصلحت رغوه يعني ناجحه)


ثم نضيف الحليب البودره والملح ونخلط ، بعدها نضيف ملعقة السمن أو الزيت






نبدأ بوضع الدقيق ويفضل وضعه على شكل دفعات عشان نضبط مقدار الدقيق لانه مثل ماقلتلكم حسب الجو ساعات تاخذ العجينه دقيق اقل وساعات أكثر




نستمر في العجن حتى تتماسك وتتكور وتصبح بهذا الشكل ، نغطي العجين ونتركه ليتضاعف ويخمر في مكان دافئ، ايضاً حسب حرارة الجو ممكن تاخذ معك من ثلث ساعه الى ساعه ، شخصياً أحب أتركها نصف ساعه فقط .







ملاحظه~

بهالموضوع استخدمت العجانه بالعجن ، لكن شخصياً افضل أعجنها بيديني أحسها تصير ألذ ، إذا أنتِ مو ok مع العجن أنصحك باستخدام العجانه . وسبق جتني إستفسارات كثير هل لازم نعجنها بالعجانه ، فالجواب أكيد لا بنظري.... عجن اليد ألذ من الماكينه لأنه يعطي العجين نكهه خاصه .

أيضاً العجين ممكن تصلحين فيه اللي تبين ، أنا صورت فقط بعض الاصناف اللي وقتي سمح فيها ، ممكن تصلحين فيها :

فطائر ، اقماع ، خلية ، سينامون ، فطائر نقانق ، ميني بيتزا ، فطاير سبانخ ، بيتزا كذابه ، ميني كلزوني ، دونتز..... الخ.

راح اقدملكم كذا فكره للتقديم و أعتقد إن أغلبها معروف ومتداول بين الكل.


سينامون كب = Cinnamon Cup





طبعا يبيلك صينية الكب كيك الصغيره عشان تصلحينه .


مقدار من العجين ، تاخذين قطع صغيره عشوائيه بدون ماتعيدين تشكيلها .

خليط كل من }

نصف كوب سكر أسمر

ملعقه صغيره نشاء الذره

نصف ملعقه صغيره سكر الفانيليا

ملعقه كبيره قرفه مطحونه ناعمه

زبده مذابه .


الطريقه :

ندهن صواني الكب كيك بقليل من الزبده ، ناخذ كل قطعه من العجين ونغمسها في الزبده ، ثم نغمسها في خليط السكر و القرفه





نرص العجين فوق بعض حتى نعبي ثلاث أرباع الكوب ، بحيث نترك مجال لتضاعف العجينه





نتركها تخمر لمدة نصف ساعه على الأقل حتى تتضاعف ، ثم ندخلها فرن متوسط الحراره حتى تنضج


أخذت معي 10 دقائق في الفرن ، من ثم شبيت الشعله العلويه عليها لين حمرت لدقائق بسيطه .




النتيجه

 

[بطه فيها نطه]

من نفس مقادير العجينه اللي سوينا فيها كب السينامون ممكن نسوي عدة معجنات

منها :

 

[بطه فيها نطه]

كيكة الكاكاو الهشه والذيذه


منقوله من الاخت : غدو



المقادير..

1 كوب سكر
1 كوب ماء
1 كوب زيت
1 كوب دقيق أبيض
2 م ط بيكنج بودر
بيضتان
4 م ط حليب ودره
4 م ط كاكاو بودرة


الطريقة..

تخلط جميع المقادير السابقة بخلاط الكيك ماعدا الدقيق والبيكنج بودر.. تخلط لمدة 10 دقايق ثم نضيف الدقيق والـــــ b.b وتخلط حتى تمتزج المقادير مو تكثري خلط حتى لا يخرب عليك البيكنج بودرز

يصب الخليط بصينية مدهونة زيت ومرشوشة بالدقيق.. تزج للفرن مسبوق التسخين على حرارة 180 درجة مؤية ( 360 فهرنهايت) لمدة 40 دقيقة ممكن تختبري النضج بغرز عود أسنان في الكيك قبل إخراجهامن الفرن..


التوبينق..
3 م ط كاكاو بودره
نص كيس دموع هرشي
3 قطع زبدة..

تذوب جميع المقادير بحمام مائي.. ثم يضاف لها علبة قشطة وتخلط جيدا

وتصب فوق الكيكة..

تقطع و تقدم دافئه وبالعافيه..



الكيكة...قبل التقطيع

 

[78MariMar78]

الله الله

تسلم ايدك بطة

ماشاءالله رووووووووووووووعه

 

[أحلى همبه كويتية]

welcome back bataaaaaaaaaaaaaaaaaaaaaa



يعطيك العافية وعساك على القوة
اختيارات موفقة


حبيبتي وحشتينا :fun:
الحمد لله على سلامتكم
نورتوا الديرة





بطة
شفتي ليمونة مسكينة كانت مسوية حادث وبالمستشفى

 

[reme]

رد : اطباق لذيذه ( سهل - متنوع - منقول - متجدد ) تابعونا

تسلم الايادي

 

[صوت الناى]

تسلمين يا الغالية

 

[زمان الصمت]

يعطيج ألف عاافيه

على هالوصفاات الرووووووعه

ننتظر وصفاتج اليديده