اطباق لذيذه ( سهل - متنوع - منقول - متجدد ) تابعونا

[بطه فيها نطه]

بطة وهمبوش

تسلمووون يا عسوووولالالالالالالالالالالالالالات

بعد قلبي مشكوره

 

[بطه فيها نطه]

رد: رد : رد: رد : رد: اطباق منوعه من الحلويات والمقبلات والاطباق الرئيسيه/ منقولة لعي

هلا حبيبتي اكيد انج ماتدرين بس حبيت انوه لج وايد صور لي جذي صار فيها لاني ما اعرف اكتب اسمي على الصور ... شاكرة لج اخلاقج العالية ومجهودج الكبير

يالله حصل خير .. وهذا حقك حبيبتي

بس تدرين الحين في برامج كثيره بالفوتوشوب تمسح اسمك بكل سهوله من الصور .. وممكن اي شخص ينسبها

لنفسه .. للاسف

المهم كسبنا وجودك بالموضوع .. وخلك متابعتنا اذا لك بالمطبخ

 

[بطه فيها نطه]

عنـدما تـكون الشورمـا أقصر طريقٍ إلى المتعة,,

منقوله من الاخت " موانئ




× المقادير×


لحم فخذ "تقريبا 1/2كيلو" يكون مجهز مسبقا بأنه يكون تم تنظيفه وغسله وتجميده

2م ك عصير ليمون

2م ك خل

توابل :فلفل اسود وثوم مهروس ، قرفة بهارات شوي " يعني غير بهارات الكبسة "




× اضافات ×


بقدونس مفروم خشن

بصل شرائح رقيقة مقلب في سماق





نستخدم سكين حاده كبيره لتسهيل التقطيع ..



ونبدأ نقطع فيها وهي مجمدة وهالشي بخليها تطلع شرايح رقيقة ..تماما مثل الشورما الجاهزة لكن الفرق ان هذي شرائح قبل الطبخ ..


بعدين نرجع وكل شريحة نقطعها شرئح مثل عيدان البطاطا





نسخن مقلاة واسعة ونحط اللحم فيه ، اذا بدأ يتغير لونه نرش عليه نصف التوابل نغطيها ونخليها على نار هادئة ..




بعد 30دقيقة نضيف الخل و الليمون و الملح و بقية التوابل ونقلب بحذر .. اذا نشف الماء نضيف 1/2كوب شاي ماء ونخليه ثانية على النار حتى ينضج تماماً .



نقطة مهمة
لازم ننتبه ان اللحم ينضج بدون ما يتفتفت لانه بيتحول الى لحم مفروم وهذا شي ما نبيه والا كان من البداية استخدمنا لحم مفروم !




لاضافة نكهة الشواء المميزة اسوي حركة الجمرة والزيت بعد ما ارفعها من على النار ..
مثل ما تعرفونها قصديرة محكمة فيها كمية زيت بسيطة " تقريبا 1 م ك " وبيدك اليسار تمسكين الغطا حتى مجرد ما تحطين الجمرة المولعة تحطين الغطا فينكتم الدخان داخل الشورما ..





عمل الطحينه

طحينية " المقادير تقريبية لأنها راجعة للذوق "
4-6 م ك طحينية
1فص ثوم صغير
6م ك روب
ملح


واللي تحب هذي طريقتي حدها عجيبه ( بطه فيها نطه )

طحينه

عصير ليمون

ثوم بودره - كزبره بودره - كمون - ملح

ماي

نكمل الحين مع الاخت موانئ



الطحينية ,,

حتى نحصل على طحينية ناعمة ..
نخلط الطحينية اول مع الثوم والليمون والملح وبنلاحظ انها صارت غامقه وثقيله ..






نضيف الروب ملعقة ملعقة مع الخلط وبنشوفها تكتلت ..










لكن بالاستمرار في الاضافة و الخلط بتصير ناعمة وحلوة
حى نوصل للمذاق المطلوب





× الخبــز ×

3كاس طحين

رشة ملح

1م ص خميرة فورية

1م و سكر

وانا اضيف 2 م ك حليب بودر لان اللي عندي يحبونها طرية جدا ..

1 1/4 كاس ماء تقريبا ..






الخبز’’

الطريقة التقليدية ..

يذاب الخميرة و السكر في الماء ونتركها تتخمر 10 دقائق

نضيف الطحين المخلوط بالحليب البودر و الملح ونعجن حتى نحصل على عجينة متجانسة طريةو معتدلة ..

يعني ما تلصق ولا تحسينها قاسية ..


طبعا انا كل هذا نسيت اصوره لاني اثناء تقطع اللحم اتصلت صديقتي وكانت تعلمني عن شغالتهم اللي حاولت الانتحار !! وانا طبعا انبهرت و تفاعلت ونسيت خخخ

ولا شفت نفسي الا عند تشكيل العجين !!

نشكلها كرات صغيرة ونصفها في صينية مرشوشة ..

هنا كل وحدة وذوقها يعني في ناس تحب الخبز يكون رقيق وفي ناس بالعكس تحب الخبز يكون سميك وواضح في اللقمة ..

انا شكلتها تقريبا اكبر من البيضة بشوي ..

نخليها ترتاح 20 دقيقة ..




نحط التاوه على نار قوية ..ويقوم بالمقام اي مقلى تيفال او حتى صينية معدن بس تكون متعبة في الغسيل ..

نبدأ في رق الخبز .. كرة .. كرة

على السطح نرش رشة خفيفة طحين ونرق بخفة ..




في التاوه نحط 1م ك زيت لكل خبزة ..يمكن الاستغناء عنه لكن انا حسيتها ناشفه وحبيتها برشة الزيت ..




قبل الزيت لازم تكون العجينه جاهزة لوضعها في التاوه حتى لا يحترق الزيت

بمجرد ما نحط الخبزة الاولى نبدأ في الثانية ..

الوقت في رق العجينة بكون مناسب جدا لنضج الاولى فنقلب الاولى ثواني و نرفعها ..


ونحط ملعقة زيت وبعدها العجينة الثانية ..

وكذا بقية العجين ..حتى نحصل على خبيزات طرية ذهبية و رائحتها واااو ..





اذا كانت الاضافات جاهزة نبدأ في اللف مباشرة

والا نغطيها ونحضر الاضافات ..طبعا يُستحسن انها تكون مجهزة خاصة تقليب البصل في السماق




نجهز ورق الشورما ..

الخبزة .. اللحم .. الطحينية .. البقدونس .. البصل ونلف بحذر وبسرعة حتى ما تجف الخبزة ..




انا ارتبها بهالتسلسل حتى يتغلغل الطحينية بين اللحم والبقدونس و لا تسوي بهدلة اثناء الاكل " اللي عندي يحبونها كثيرة "


والف عوافي على قلوبكم الطيبة ..

 

[بطه فيها نطه]

من نعومتها مخدات مو فطاير تبارك الرحمن

منقوله من الاخت : روح الفانيلا


الفطاير اللي توااجه الشكر موصول لراعيتها


العجينه اغراضها كثيره بس تاكلين مخداات مو فطاير ماشاء الله


من طرواتها وها الشي راح تبينه المقادير وعلى فكره كميتها كبيره تقدرين تفرزنينها


(( فنجال حليب بودره + فنجال سكر + ملعقة اكل خميره + 2 كاس ماء


رشة ملح + كاسين طحين + ملعقتين جبن سايل + ملعقين مايونيز + ملعقة عسل +

بطاطسه متوسطه مسلووقه ))


نخلط المقادير با الخلاط ونتركها ترتاح 10 دقايق بعدين نزيد عليها طحين لمن تتماسك


+ نص كاس زيت ونعجنها عجن وعجن وعجن ترى سر الهشاشه في تكفخ العجينه


الجماعه جاهزين

 

[بطه فيها نطه]

والعجينه الثانيه اتعب وانا اقووول خوراافيه هذي تجربتي لعجينة الاخت M!SsღỄ


منقوله من الاخت / روح الفانيلا وتجربتها المميزه

العجينه :



كاس ونص دقيق ..

2 ملعقه كبيره زبادي ..

2 ملعقه كبيره زيت ..

2 ملعقه كبيره خميره ..

1 ظرف كريم كراميل ..

شوي ملح ..



.. تعجن بالماء لحد ماتصير مثل عجينه الفطائر وتترك حتى تتخمر ..





صلحت منها بيتزاء دجاج


جهزي حشوة دجاج مثل ما تحبين مدي العجينه في صينية الفرن وفوقها جبن موزرلا


وحشوة الدجاج اذا استوت نجهز خلطه عباره عن (( 3 ملاعق مايونيز + 3 ملاعق كاتشب


ورشة اعشاب بيتزا نزين بها الوجه ))







وبيتزاء اللحم نفس الخطوات نجهز أي حشوة لحم نحبها والصوص الابيض


(( ماعقتين مايونيز + وملعقة جبن سايل + ونص علبة قشطه ))


نخلطها ونزين بها وجه البيتزاء ..






وصلحت منها خلية نحل تذوووب من طرواتها


والصوص اللي فوقها رووعه (( نص علبة نستله + 2 كيري + فنجال حليب + علبة كريم كرمل ))


نخلطها ونحطها على خلية النحل وهي حاره وبس ..

 

[بطه فيها نطه]

تشكيلة فطاير لعيونكم

منقوله من الاخت :Aream


مقادير العجينه:


2ونص كوب دقيق كويتي

نص كوب دقيق سعودي

ملعقه سمن كريسكو او قودي

ملعقتين كبار زيت

3 ملاعق حليب بودره

ملعقه سكر

ملعقه خميره

ربع ملعقه بيكنج باودر

ملعقه صغيره ملح

ماء للعجن


الطريقه :

تخلط المقادير بالعجانه وتعجن جيدا لمدة 10 دقائق وهذا شكلها بعد العجن





ندهنها بالزيت ونتركها الى ان تخمر





ونبدأ نشكلها حسب رغبتك





كرواسون جبن ( جبن حلوم او كريمي او فتا او جبن بلدي ممكن نخلطه مع / زعتر - نعناع - سماق - فلفل - زيتون )





صمون ممكن نحشيه حمسة دياي حاره او فلافل ولبنه او صوصج او لحم مفروم مع بطاط











اي حشوه تختارينها ... واهني حاطين سماق على الوجه








ممكن نسوي منها سينامون




النتيجه بعد ادخال الفطاير الفرن

 

[بطه فيها نطه]

سفرتي الرمضانيه


منقوله من الاخت : shamoa


سلطة الباذنجان






خيار مقطع مكعبات
بغدونس مفروم
فاصوليا حمراء
حمص
نعناع فرش على حسب الرغبه << تدرووون نسيت احطه و توي اتذكره خخخ
مكعبات بطاطا مقليه
مكعبات باذنجان مقليه
خبز مقلي
صوص الزيت :
ليمونتين + زيت زيتون + شوية ثوم + ملح
صوص الروب:
علبتين روب مع 3 ملاعق مايونيز و ملح


الطريقه :

نخلط الفاصوليا مع الحمص مع البقدونس مع الخيار و نحط عليهم صوص الزيت

بعدين نحط طبقة البطاطا و طبقة الباذنجان

و بعدين صوص الروب

و آخر شي الخبز ...

 

[بطه فيها نطه]

يتبع


سلطة الشمندر




المقادير و الطريقة:

نسوي طبقات

شمندر مفور و مقطع مكعبات صغار + ذرة معلبة

بعدي طبقة عبارة عن روب مع لبنه مع ملح و خل

بعدين طبقة بقدونس مفروم

و آخر شي رمان حبات

 

[بطه فيها نطه]

وهذي طريقة مميزه لاعداد الكبه
شوفوها ... ( عجينتكم للكبه .. من اختياركم او مثل ماانتوا تسونها دايما )





نحطهم بصينية الكب كيك بهالطريقه

و نحطها بلفريزر حتى تجمد و تطلع ويانا بسرعه ولا تنسون تدهنون الصينية بشوية زيت




لا تحاتون بعد ما تطلع من لفليزر بكم دقيقه بتطلع معاكم بسرعه استخدمو سكين


نقلي الاكواب بالزيت

نحشيهم بأي حشوه تفضلونهااا انا حطيت جبنه مع لبنه و نزينها بالطريقه الي نحبها

 

[بطه فيها نطه]

تشيز المانغو..


منقوله من الاخت : ميعاد



مع أني أشوف طعمة أقرب للايسكريم من التشيز

الطريقة من كتاب المطاحن الكويتي~

الطبقة الأولى,,

أستخدمت كيك أمريكانا اللي بالقصدير..

بس اللي عندها نية تسوية ..

نصيحة تستخدم بسكويت + زبدة

لانه الكيك بعد فترة قصيرة بس

يترطب والطعم


المهم
نضيف الطبقة الاولى .

سواء كانت كيك أو بسكويت..

بعد كذا بالخلاط.. الطبقه الثانيه

جبنة فلادلفيا بحرارة الغرفة 200 غرام

2 علبة قشطة

ظرف جيلي مانغو مذوب بكوب موياء حارة+ ملعقة ونص سكر

ظرف بودينغ فانيلا..

كاس مانغو اللي تكون مجمدة..بس طلعيها قبل فترة عشان تقدرين تتحكمين فيها

بعد ماينخلطون مضبوط ..

نضيفهم عالطبقة الأولى ..وندخلة الفريزر لحد ماتجمد الطبقة الثانية..

بنات أنصح تضيفون ملعقة جيلاتين مع الجيلي والمويا الحارة..

عشان تحصلين على تماسك يرضيك..


الطبقة الثالثة والأخيرة..

نذوب ظرف جيلي مانغو مع كاس موية حارة+ ملعقتين سكر.

بعد مايذبون نضيف عليهم 2 كوب مانغو ونخلطهم..

ونضيفة كطبقة أخيرة ..

ونرجعة الفريزر لحد ماتتماسك الطبقة الأخيرة

 

[بطه فيها نطه]

ساندويش الدجاج بالملفوف بخبز التورتيا

منقوله من : انوووش



المقادير :



سلطة الملفوف :-

ملفوف مقطع بالطول ونحيف وجزر مبشور

شوي مايونيز مع ليمون وثوم مهروس + شوي ملح وفلفل اسود

..

خلطة الدجاج:-

صدور دجاج مقطعه مكعبات حجمها وسط و تتبل بـ ( كاتشب + خردل + ثوم مهروس + شطه + صويا صوص + ملح + بهار اسود )


نتركها في التتبيله نص ساعه



بعدها نحط على النار الزيت والفلفل الرومي البارد المقطع بالطول

بعدها الدجاج ونتركها لحد مايستوي ..



نفرد خبز الترتيلا وندهن بشوي مايونيز وفوقه سلطه الملفوف وقطع الدجاج

ونلفها

 

[78MariMar78]

يمي يمي

تسلم يمناكِ بطة

ويعطيكِ الف عافية على النقل المميز....

 

[noorq8]

صفحه وااااااااااااااااو عجييبه ,تسلم الأيادي

 

[نوره 99]

لذييييييييييييييذ
يعطيك العافيه
ننتظر الجديد

 

[أم@الحلوين]

يعطيج العافيه

 

[ريمي اميري]

رد : اطباق لذيذه ( سهل - متنوع - منقول - متجدد ) تابعونا

الله يعطيكي العافيه بجـــــــــــــــــد ابدعتي بالنقل يسلموووو ايدينك ... بارك الله فيكـ خيتووووو بطه ..

 

[جارة القمر]

رووووووووووووووووووعه


تبارك الرحمن




تسلم هالأيادي

 

[أم حسون]

يعطيج العافيييييييييه هبمووش

 

[أم@الحلوين]

للرفع

 

[بنت الكويت &]

رد : اطباق لذيذه ( سهل - متنوع - منقول - متجدد ) تابعونا

مشكوووووووووووووووووووووووووره حبيبتي