اطباق لذيذه ( سهل - متنوع - منقول - متجدد ) تابعونا

[أم ريوف 1400]

تسلم ايدك بطة

رووووووووووووووعه

 

[••SôFt G!rL‏‏ღ]

رد : اطباق لذيذه ( سهل - متنوع - منقول - متجدد ) تابعونا

الله يعطيج العافية ماقصرتي

 

[بنت الكويت &]

رد : اطباق لذيذه ( سهل - متنوع - منقول - متجدد ) تابعونا

الله يعطيج العافيه

 

[جارة القمر]

تبارك الرحمن



الله يحفظج



ويسهل أمور غربتج

ويردكم بالسلامة




أبصراحه رووووووووووووعه

 

[صدى الأفراح]

تباااااارك الرحمن شو ذوووقك حلو ربي يسعدك وبجد ماتبعدي عنا وربي شاهد محبتك بقلوبنا وبنتظر مشاركااتك بفااارغ الصبر

 

[بطه فيها نطه]

ميني تارت الرمان

منقوله من : النوار


المقادير:



العجينة:-




2\1 1 قالب زبدة (150 غ ) ..ذايبة بحرارة الغرفة

2\1 1 كوب طحين

6 حبات جبن كيري

6 ملعقة كبيرة سكر ناعم





الصوص:-



12 حبة جبن كيري

علبة كبيرة نستلة



التزين:-



رمان

مربى فراولة

سكر ناعم



الطريقة:-



تعجن مقادير العجينة مع بعضها وهذا شكلها بعد العجن






نكور العجينة كور صغيرة ونشكلها في القالب







تخلط مقادير الصوص، ونصبه في القوالب





ندخل القالب الفرن على درجة حرارة 180 لمدة 20 دقيقة





بعد ما تطلع من الفرن ندهن الوجه بمربى الفراولة وننثر فوقه حبات الرمان ورشة سكر ناعم






وصحة وعافية

 

[بطه فيها نطه]

حلوه مملوحه / ابله هبوشه / جارونه / بنت الكويت / صدى الافراح / ••SôFt G!rL‏‏ღ / ام ريووف


ربي مايحرمني من طلتكم الحلوه .. وشاكره تواصلكم الدايم للموضوع


تابعوني ... مستمرون بكل ماهو جديد

 

[بطه فيها نطه]

جيب التاجر

منقوله من : ارتوسه



جيب التاجر بالتوست ، سهل ولذيذ ، ويواجه في البوفيه وشكله مرتب واعتقد الكل راح يحبه ويشتهي شكله قبل طعمه .


على فكره المكونات تقريبا نفسها المستخدمه بالتوست رول حتى النكهه متقاربه كثير بس جيب التاجر اشوف انه الذ لان الحشوه تضاف بعدين .



نبدأ بالمخاسير( المقادير) :


كيس توست

بيض و بقسماط لتغليف التوست

صدرين دجاج مسحب

بصله متوسطه

نص حبة فلفل رومي

قليل من الفلفل الأسود و الملح .

صويا صوص حسب الذوق .

فص ثوم مهروس

ملعقة جبنه سائله

ملعقة مايونيز

ملعقة قشطه

خس ( يفضل لو يكون خس فرنسي .. بس للأسف كان مخلص عندي)


ملاحظه ( ممكن الاكتفاء بالمايونيز من دون جبن وقشطه وتقدرين تحطين المقدار اللي تحبينه )




الطريقه :



ناخذ شريحتين توست ونحطهم فوق بعض








ونفردهم بالنشابه





نجيب كاس او قطاعه دائريه ونضغط فيه على التوست عشان نقصه ( يفضل لو يكون قُطر الكوب كبير عشان تطلع معك الحبه كبيره )




نخلص كل الكميه وتقريبا راح يطلع معنا حول 11 او 12 حبه .






الحين نغمس قطع التوست بالبيض ونشيلها بسرعه عشان ماتشرب بيض كثير ( عاد تعرفون التوست مليان مسامات يشرب بسرعه)






وعلى طول نغطيه بالبقسماط








ثم تقلى بزيت غزير وراح تلاحظينها تنتفخ اثناء القلي . اقليها لين تحسينها صارت ذهبيه .






شيليها من عالنار وحطيها بورق نشاف ، على فكره كثير يقولون التوست يشرب بالعكس هالطبخه والتوست رول محد يصدق انها مقليه شكلها مبين ناشف وكأنها مخبوزه بالفرن ، السالفه ومافيها يعتمد على مهارتك بتسقيطها بالبيض وتغطيتها بالبقسماط وايضا على القلي ، يعني إذا قليتي بنار هاديه راح تشرب زيت ، وإذا قليتي بنار عاليه بتصير بنيه وشينه .






راح نبدأ بتحضير الحشوه .



نقلي البصل حتى يذبل ثم نضيف الثوم .






وبعده الفلفل الرومي .





ونخليه يذبل شوي ونضيف الدجاج والفلفل الأسود وقليل من الملح .





نقلب لين ينضج وينشف ماه ثم نضيف الصويا صوص





ونشيله من على النار




ونحط الجبن و المايونيز و القشطه

ونخلط





الحين نبدأ بالحشو
قصي اقراص التوست بالنص






واحشيه بالخس والحشوه اللي صلحناه ، او أي حشوه تحبين . وقدميها . و أتحدى ان بقى قطعه منها<==== ياشين المقلب






ملاحظه :


بنات أتمنى بقايا التوست تستغلونها , لا ترمونها حرام نعمه ... ممكن تصنعون منها الكثير , بقسماط , والكثير من الوصفات إللي تعتمد عالتوست ..

وبالعافيه عليكم , دمتم بحب ..

 

[78MariMar78]

يمي يمي

تسلم ايدك بطة

 

[أحلى همبه كويتية]

بطووووووووووووطة
يعطيك العافية حبيبتي

وااااااااااااي سالت سعبولتي وصلت لركبي

بسويه تارت الرمان
شئت ام ابيت
خخخخخ

 

[الدانة-81]

ما شاء الله عليج على هالنقل الرائع

تسلم ايدج يا بطوطة

 

[moors]

تسلم ايدج يعل ايدج ما تلمسها النار


جهد واضح و اكثر من رووووووووووووعة

 

[الفرح1]

يسلموو ع الموضووع..<<

حبيبتي بطة البرياااني الي بالصفحة الاولى مو مكتوووبة طرييقتة شلوون نسويهـ؟؟:blueSmCLR:

 

[بطه فيها نطه]

مشكورين بنات ماقصرتوا والله ...

فروحه باقرب وقت اراجع الصفحات .. وفالك طيب

بس تابعيني

 

[ضي]

ماشاءالله عجيييييييييييييييييب

مشكووووووووره حبيبتي

 

[بشوره الكويت]

الله يعطيج العافيه

ما قصرتي وان شاء الله في ميزان حسناتج

ابداع تبارك الرحمن

 

[بشوره الكويت]

الله يعطيج العافيه

ما قصرتي وان شاء الله في ميزان حسناتج

ابداع تبارك الرحمن

 

[منورة الكويتية]

رد : اطباق لذيذه ( سهل - متنوع - منقول - متجدد ) تابعونا

حرااام عليج بطه
كل طبق احلى من الثاااااااااني
ماشاء الله تبارك الرحمن
يعطيج الف عافيه
بصراحة موضوع ولا اروع
متابعتج

 

[أم ريوف 1400]

ماشاء الله تبارك الرحمن
يعطيج الف عافيه
بصراحة ولا اروع
متابعتك

 

[أحلى همبه كويتية]

يعطيك العافية بطة
بانتظار الجديد