اللي خطبت حق ولدها تفيدني ولها الدعاء مني

[G!RLooNa]

الله يوفقه انشالله بس لا تاخذين امه محمد وياج حق الخطبه شكلكم يصير يضحك و توترون البنت

 

[شمعة*البيت]

monmon12 عاد تصدقين احاتي هالجزئية وايد لان طبعي وايد انحرج من موضوع الفلوس حتى بمكاسر المحلات من اول ما يصر البايع على سعر ادفع ما احب المساومه وطبعا هني السالفه غير بنت الاوادم محشومه عن المساومه بس وايد خوفوني ان المهور وصلت لل8 الاف وال10 الاف وقاعده ادعي ربي ان الله يسرها من عنده من جميع الجوانب ويرزق وليدي بنت الحلال التقيه واللي همها تكوين اسره والستر

 

[شمعة*البيت]

G!rloona لا باخذ برايكم اذا الله كتب وباخذ امي واختي الكبيره ولا اتفقنا اخذت امة محمد هههه

 

[monmon12]

monmon12 عاد تصدقين احاتي هالجزئية وايد لان طبعي وايد انحرج من موضوع الفلوس حتى بمكاسر المحلات من اول ما يصر البايع على سعر ادفع ما احب المساومه وطبعا هني السالفه غير بنت الاوادم محشومه عن المساومه بس وايد خوفوني ان المهور وصلت لل8 الاف وال10 الاف وقاعده ادعي ربي ان الله يسرها من عنده من جميع الجوانب ويرزق وليدي بنت الحلال التقيه واللي همها تكوين اسره والستر

شوفي لازم تصيرين قويه ههههههه
والله انا وأمي كنا في البداية جذي لا عيب لا فشله بس من الي شفناه قلبونا الحريم دشيت على بيوت شقولج بلاوي هههه
المهم
اول يوم بس شوفه
ماكو شي ثاني تتكلمون سولفو عادي ولا طولون وايد ساعه زين
وخل الولد يقعد معاها بعد اهم الصبيان شياطين يعرفون ههه
انتي تسولفين عادي ولا تبطلين موضوع المهر ولا السكن ولا شي لنا مو قته
أول شي خل تصير موافقه مبدأيه
بعدين اذا صار اوكي
عاد مني القعده الجدية
الولد شنو قدرته 4 الحمدلله نعمه وبعد هم دبله وعرس اذا انتو تبون أو حفله وحده
عاد مادري شنو
بس انتو تتشرطون مثل ما تبون
خرابيط هذي لازم ساعه ولازم مادري شنو لا مو صحيحح هذا مو شرط
هذولا ناس ابتدعوها عشان يحصلون هدايا أكثر وفي واااااااااااااااااااااااااااااااااااااااااااااااااااااااااايد يبون الستر
انتي يا حبيبتي ام الولد كلمتج مشايه لازم بعد ولدج وفرحتج الأولى الي ما تبي ما تشوفين شر
next
ههههه يعني البنت الي وراها ايهي الخسرانه بتضيع واحد زين عشان ساعه وفلوس وخرابيط )))
وعلى فكره الناس اذا دشيتي جذي عليهم اخترموج واذا تساهلتي اووووف العبو فيكم لعب

 

[Vouge]

رد : اللي خطبت حق ولدها تفيدني ولها الدعاء مني

المهر اقل شي 5 إذا صار له سنة و لا سنتين من يشتغل
أما إذا كان طالب و لا توه متوظف 4 مو مشكلة

لأن البنت بحز بخاطرها و تقول 4 الحكومة معطيته هو مو متعبان بشي

طبعا 5 كفاية إذا كان بعيشها بشقة و على أفاه أجار و تأثيث
لكن إذا بيسكن بيت حمولة كلها غرفة و حمام مو حلوة يكون بس 5


لا تدشين بحلـــو .. لا لا .. مو حلوة جنج قاطع عمرج عليهم


لا تستعيلون بالرد ولا تطولون
أحسن شي من باجر بليل تدقون و تقولون إذا في نصيب ولا لأ
و إذا ودج تثقلين و ولدج يبيها .. دقي عليهم عقب جم يوم 4 بالكثييييير

قولي لهم والله ولدي من شافها ارتاح بس أنا قلت له انطر لا تستعيل و صل استخاره
لأن البنت يمكن تتخوف من الريال اللي يفكر فيها و يقلبها بعقله قلب لا يقول إي
تقول لعمرها " يعني ما دشيت خاطره على طول"


إذا الولد ما عجبته لا تعلقون الأهل .. حرام دقي و مدحي بنيتهم و قولي لهم بس الولد مو مرتاح
لا تقولين مو داشة خاطرة فشلة جنج تقولين بنتكم جيكره
بس مو مرتاح و خلاص


.. أحيانا يصدف إن الوحدة يتقدم لها ثاني على طول
و يردونه لأن ولدكم ياي .. و بعدين تكسرون فيهم و إنتم أساسا من الأول ما تبون .. كلش مو حلوة
عشان جذي إذا ما يبيها ردو على طول
و إذا تبونها هم لا تطولون وايد لأن ممكن في ثاني متقدم لها


إذا عجبته البنت
قولولهم نبي شوفه ثانية
الشوفه الأولى مستحين ما تكلمو بشي خليهم يتعرفون على بعض أكثر


يفضل تطلبون رقم البنت عقب ما تصير الخطبة رسمية .. يتعرفون على بعض
ولا ايميلها أو أي طريقة تواصل



إذا طالبه .. دوري لج أحد من الأهل بنفس كليتها و خليهم اهم يسوون التحريات


أما شكثر تطول الخطبة .. إذا أهل البنت عليهم الملجة خليهم اهم يحددون عشان يضبطون مادتهم
و حتى شكثر تطول الملجة إذا اهم بسون العرس خليهم يحددون


بس غالباً الخطبة ما تطول أكثر من شهرين
و الملجة مو أكثر من 4 شهور

وكل ناس و ظروفهم

 

[i'm so happy]

بالتوفيق البنات ماقصروا الله يكتبر اللي فيه الخير

 

[القصمنجيه]

انا توني خاطبه لولدي قبل شهر طبعن اعرف البنت وعرف اهالها زين اتفقت على موعد اجيهم وسافرت لهم انا وبنتي الكبيره وزوجي والمعرس تكلمت مع امها ع الموضوع وزوجي عنده فكره وتكلم مع ابوها وصارت الخطبه رسمي وبعد الفحص ملكنا ولبسناها الشبكه موضه جديده وتفقنا ع المهر وخلصنا كل شي والزواج بعد سنه وبعدين انصح متخذين حلا جايه تخطبين ومعاك حلا طبعن هو شافها وتكلم معها الله يوفق الجميع

 

[حبيبه امي]

رفع

 

[دانه\]

رد : اللي خطبت حق ولدها تفيدني ولها الدعاء مني

ياحياتي البنات فادوش:68_asmilies-com:

 

[روحي زوجي]

رد : اللي خطبت حق ولدها تفيدني ولها الدعاء مني

الله يرزق ولدج المره الطيبه يارب

 

[احلى سماء]

حلو تكون تصرفات الناس اللي بيخطبون مع الناس اللي رايحين لهم تكون بعفويه وصراحه ووضوح
لان زواج مو لعبه

 

[بنووته تكاانه]

رد : اللي خطبت حق ولدها تفيدني ولها الدعاء مني

البــنـــاات ما قصروا جاوبوووج

 

[مزيان]

رد : اللي خطبت حق ولدها تفيدني ولها الدعاء مني

الله يوفق ولدكم في بنت الحلال
والتوفيق هذا اهم شي
والا كل هالامور مجرد شكليات
كلها راح تزول
واللي يصغر عقله على مهر وخرابيط
اهو الخسران
الصراحه البنت السنعه واللي اهلها شايفين خير مايتشرطون شروط مالها داعي
اهم شي الولد واخلاقه وتربيته
كل شي الزواج لازم يتم بعقلانيه وركاده
واموفقين انشاءالله

 

[ملح و سكر]

البنات كفوا ووفوا ...ماقصروا ....بالتوفيق انشالله

وصدقينى انتى لما تزورينهم سهاله انشالله يااختى كل شى بيصير سهاله ...ولاتحاتين خليها على ربج ....

 

[Marymary]

حبيبتي شمعه شلونج
خل اقولج احنا كنا نخطب حق اخوي امي واختي الكبيرة واخوي كانو يروحون وضروري الولد معاكم وبلغي الي بخطبونهم هالشي لا انا اقولج اميي يوم كانت تدور تخطب حق اخوي كانت تدور عالشكل والجمال واخوي منظوره غير عن امي يعني مرات تعجبج بس ما تعجبه ومرات العكس فيمكن راح تفترون وايد بيوت فريحو بالكم
وماله داعي حلو الصراحه بحزة قص المهر ودو معاكم حلويات من ياتشي او لاكادو اذا تبين وبالنسبه حق الدزة الحين الناس قامت شتسوي ما تودي دزة لانها تكلف حيل فبس يودون شي واحد يدش بالعين يعني قلب ذهب خاتم ذهب او الماس
احنا ودينا ساعة اجنار حق مرت اخونا الصراحة شي ذرب وهم يدش بالعين
وبالنسبه حق المهر الحين البنات 4 و 5 يطلبون وبالتوفيق لولدج بس ما وصيج بهالزمن لازم تسألون عدل عن البنت لان هالزمن البنات صارو يخوفون

 

[غمزه وإبتسامه]

ااااااااااااااااااب

 

[bnt_7waa]

رد: رد : اللي خطبت حق ولدها تفيدني ولها الدعاء مني

انا توني متزوجه ... يعني يمكن راح افيدج عدل مدل


بخصوص منو يروح معاج مثل ماقالولج .. اختج العوده واليدات واذا عندج بنت متزوجه عادي ترووح ...

الولد يروح معاكم من اول مره انتي ادشين والحريم " بدون صحن حلو ولا شي " والصبي ينطركم بره ادش البنت بدون حجاب تشوفونها ... عقبها قولوا ولدنا بيدش .. ادش البنت تلبس حجابها وولدكم يدش ... ادش البنت شوفوها ...

اساله عااديه .. وين تدرسين؟ ... باقيلج جم سنه على ماتخرجين .. عسى الله يوفقج يارب ... اهوا الغرض من الاسئله بس تسمعون حسها يعني فيها تأ تأه ولا شي يعني بس ...مو تحقيق

بعدها لاتعطوونهم كلمه يالله يالله نبيها لا .. قولي قبل لاتطلعين انشالله بينا اتصال .. والله يكتب الي فيه الخير .. وبعد يومين دقي ... قولي والله البنت عجبتنا " ان اعجبتكم " وان انتوا شارينها وقولي يا ام فلان شتامرين عليه شماتامرين عليه .. سالي بلي تبينه .. وهذا ولدنا يشتغل بالمكان الفلاني وعاد عطيها بياناتكم وخلوهم يسالون عنكم ...

واذا ماعجبتكم لا سمح الله هم لازم ادقين بعد يومين تقولين والله ماكو نصيب ... وعسى الله يوفقهم والله الشاهد البنت دشت قلبي ... عسى الله يوفقها ...


اذا تم كل شي بالخطبه

المهر من 5 وطاااالع بس ما انصح باقل من 5 !!

والشبكه اذا تبون تعطونها فيكم الخير ماتبون مو ملزومين ...
بس الدبله عليكم دبله الماس ...

وتحطون بالدزه ساعه هذا الدارج .. وعاد تزينونها وتضبطونها ...



واذا تمت الخطبه على خير وفي موافقه من الطرفين ...

لازم يسوون الفحص الطبي ...

الفحص الطبي ياخذون ورقه من العدل .. اول شي ياخذ بطاقة البنت جنه من ابوها وياخذ بطاقته ويروح العدل يطلع ورقه .. ومن بعدها يروح حق فحص الزواج على ما اعتقد يم الصباح ...في لهم مكان مادري وينه بضبط ... يروح اهوا والبنت وايكون يايبها ابوها او اخوها ... ويسوون الفحص وتطلع نتيجته بعد اسبووع ... واذا سليمه تاخذون الاوراق وباي وقت تملجون



موفقه يارب

هذا العدل حبيبتي ماله داعي الحلو ولاتاخذين الا شخص واحد معاج

ويفضل ماتقولين حق احد ليمه تتم الامور يعني ليه وقت الملجه لمه يقرب

وبالتوفيق يارب اهم شي صلاه الاستخاره بعد الشوفه

 

[صحفية]

اهم شي الخطبه اتطول ششوي ....5 اشهر 6 ...والله احسن ..هذا رأيي

 

[شمعة*البيت]

monmon12
رب يسخرلج من عبيده الصالحين اللهم امين

 

[شمعة*البيت]

Vouge
صاجه اكيد 4 الاف مهي بمده
وهم انا معاج الرد لازم ما يطول فشله

الله يعطيج ما تتمنيين واكثر يا قلبي