رد : رد: يومياتي لمدة 40 يوم من 7 - 10 إلى ليلة العيـد
بنات اوصيكم بالرياضه ثم الرياضه انا من قمت اسوي تمارين يوميا واتحرك واشتغل واتعب صرت انقص اكثر وبسرعه
مولازم تمشين ولا لازم جهاز رياضه كافي انج تقومين تشتغلين اي شي وتشيلين وتحطين او حتى تنطين >> صيري كنغر هههههههههه
وبتشوفون النتيجه
انا كل شوي اقوووم اتحرك اي شي
وعلى فكره مولازم ساعه كامله او حتى نص ساعه تدرون ان الحركه المتقطعه تحرق اكثر من المستمره
يعني تحركي 10 دقايق وارتاحي وبعد شوي تحركي سوي اي تمارين وارتاحي تحرقين اكثر ويزيد معدل الايض
احسن الف مره من مشي ساعه مستمر للعلم فقط
صح كلامج والله
ومرة ببرنامج انجليزي كانوا يتكلمون عن المشي وقالوا نفس الكلام اللي قليته أن الحركة المستمرة هي اللي تضعف
الله يتمم عليج يارب وتستمرين بالمشي والرياضة من غير شر
بنات انا مو معاكم بالقروب بس اتابعكم من بعيد عشان اتشجع والله يضعفكم "" بالوزن"" ههههه
n 1 مبروك النزول
حلو ماشالله نزولج
ان شالله اقدر.. انا كان وزني 74 سويت رجيم بعرس اختي نزلت لي 64 وبعدين رديت 70 والحين وزني 68
مشكورة ياقلبي
ويارب تنزلين اضعاف بصحة وعافية
هاي بنات اشلونكم امس كان يوم اوف وطلبت وجبه بس والله مو مشتهيه بس ابي وزني مايوقف خايفه وكليت الوجبه غصب وجتني تخمه حدي وشربت جاي اخضر وزنجبيل وقعدت 2 ساعه ونمت عقبها لما قعدت من النوم داومت ماكليت شي
ورديت عالساعه 4 وكليت مرتديلا مع خس مع جبن بس وشربت ماي انا اليوم باديه برجيم دشتي وبجربه اشوف ينجح معاي ولا لا
اللي حابه تقدملي نصيحه عن رجيم حسين دشتي اكون لها شاكره
فديت قلبج أنا اشوفج ماشية صح
وترى اللي تسوينه مشابه لريجيم دشتي بس انتي ابتعدتي عن الدهون
انا اشوف نظامج عدل استمري عليه ياقلبي
السلام عليكم
الله يجزاج خير علياء على الدعاء
الاجسام تيين بس الملابس مو حق جونا كلها 10 ايام برد والباجي ربيع
صورة البنت تحت اسمج ويها قطعه سبحان الخالق هذي ممثله ؟
نون عفيه عليج ما شاء الله عندي احساس انت بتكونين ملكة الضعف بالقروب وكل ما طريتي في بالي دعتيلج
سوسو تغيير النظام بالعاده ينزل الوزن حسب ما سمعت موفقه (( لا تتحبطين ))
الله يسلمج ياقلبي
وإن شاء الله مايجي الشتا ههههه اللي مدري متى الا واحنا اجسامنا روعة
بالنسبة للصورة اتوقع انها تركية والله لقيتها بمنتدى بس مو كاتبين من هي
الله يتمم على الجميع يارب وبالفعل مثل ماقلتي نون مثلنا الاعلى ويارب توصل للي تبيه يارب واشوفها يوم العيد
تحت الوزن اللي تبيه
:aha:
