السلام عليكم جميعاً
دخلتي موضوعي أختي :tek: أرحب فيج و نورتي صفحتي و ان شاء الله أفيدج و تفيديني برحلتي للرشاقة :hjy5jewf:
----
أنا بطاطا ,, لي صولات و جولات بالرجيم داخل و برا المنتدى و شاركت بأكثر من مسابقة رجيم بالمنتدى و استفدت من هالتجارب و التجمعات اللي فعلاً أثرت فيني و برجيمي و بأسلوب حياتي و لقيت نتيجة ايجابية من بعد هالمشاركات ... و هذي النتايج اللي حصلتها بمشاركتي بـ 3 مسابقات ... شوفوها
و كان عندي موضوع اعتبره يومياتي بالرجيم و الحمدلله بالنسبة لي هالموضوع نجح و استفدت منه وااااايد ... و اللي تحب تتطلع عليه هذا رابطه
[] - راح الـكـثـيـر و مـا بـاقـي إلا الـقـلـيـل ( حياتي الرجيمية ) - []
و اليوم ,,, قررت إني أسكر هالموضوع لأني لاحظت إن وايد بنات يقرون أول صفحة و يردون علي على أساس إني مو قادرة أكمل بالرجيم حسب اللي كنت ذاكرته بأول صفحة ... بس أنا أكون متعدية المرحلة اللي تكلمت عنها بالصفحة الأولى و أكون ماشية على نظام معين فكنت أضطر إني أرد عليهم على أساس هالشي ... و بجذي قررت إني أبدا رحلتي اليديدة بموضوع يديد ...
طبعاً حالي حال أي بنت .
تنقلت من رجيم لي رجيم و لقيت النتايج اللي تريحني و قدرت اني اوصل لوزن 69 ( ما شاء الله ) بس كلنا نعرف نفسنا نسوي رجيم و نتركه شوي و نرد نسوي و هذا حالنا ....
بس قررت من يوم 1 - 11 - 2010 إني أبدا بنظامي الغذائي اللي كنت ماشية عليه و أستمر لين أحقق هدفي و أوصل للوزن المثالي بالنسبة لي و اللي أهوا من 60 إلى 65 كيلو ..
أمشي على نظام مع الدكتور : عبدالله المطوع .. <اللي حابة تشوف الأنظمة تقدر تراجع الرابط اللي فوق ص 50 + 52 >
أقدر أقول إن نظامي اعتفس من نص رمضان تقريباً و بديت أخرب الرجيم و أرجع أسوي رجيم مرة ثانية و أخرب و أرجع ... إلخ
فـــالزبدة إن من نِص رمضان ما كنت ملتزمة بالرجيم 100% و طبعاً زاد وزني من ذاك اليوم لي اليوم ..
----
موضوعي هذا راح أسولف فيه عن يومياتي برحلتي للرشاقة و الأمور اللي أمر فيها طبعاً
يعني أقدر أقول إن هالصفحات بتكون متنفس لي بهالرحلة
و بتكون مشاركاتي بالصور أو بدون الصور ( يعني حسب الظروف )
----
أما بالنسبة لـ معلوماتي الخاصة بالرجيم
طولي = 163
وزني = ؟؟؟؟ ( ممنوع سؤالي عن وزني ) :eh_s(17):
عمري = 24
نظامي = الدكتور عبدالله المطوع
رياضتي = ألعب رياضة من سي دي بالبيت أسويها معاهم + المشي
الـOFF = راح يكون حسب حاجتي له ( يعني متى ما اضطريت إني آخذه ) و طبعا يكون بعد الإلتزام بالرجيم لمدة أسبوع أو أكثر
سياستي = النوم بوقت النوم يعني ماكو سهر لأن إنتظام النوم = إنتظام الرجيم = طاقة = رياضة = نزول الوزن
طبعاً حسب ما قالي الدكتور عبدالله المطوع / إن كل نظام من أنظمتي له عدد من الأيام و هالشي بتشوفونه بجدول أنظمتي
7
7
----
أنظمتي عبارة عن 5 وجبات باليوم
الوجبات الرئيسية
ثلاث وجبات باليوم
الـ SNACK
وجبتين باليوم
و أهوا عبارة عن : نسكافيه : قهوة : جاي : حَب شمسي : مكسرات : ككاو : تمر : سكوب برد : فاكهة
و السناك المفضل عندي /
نسكافيه
+
أي نوع ككاو
هذي إهيا الككاوات المفضلة عندي بالسناك ( لازم تكون بحجم الكـِـت كـَـات )
----
فبدايتي الرسمية 1 - 11 - 2010 / يوم الإثنين / رجيم المشويات
هذا نظامي الغذائي اللي بمشي عليه ان شاء الله لين أوصل لوزني المثالي :yaaaaaarb:
و هالموضوع بكون المكان اللي أسولف فيه و أفضفض فيه و أقضي فيه وقتي :wqedqw:
.
..
...
