أهل زوجي وأهلي .. وأنا بالنص :(

[غير كل الناس]

ودش ماتطيح الميانه بي الاثنيت وتكون رسميه جدا

 

[ToOoTi]

الله يعينج يا قلبي

 

[آبله صغننه]

الحمدلله انه ريلج لي الحيييييين معاج ولا رايح لا يمين ولا يسار

اهم شيي انج تدارين زوجج ولا تخلين اهلج واهل ريلج يخربون حياتكم

ولا يهمج سوالف الحريم البايخه لانها تييب النكد والقهر بدون فايده

ونصيحه لا تكلمين ريلج بهالسوالف لانه رااح يملل وراح يحسها سوالف حريم وسخاافه

 

[انصاريه قمره]

داااري ريلج وكيدي العذاال وامه مو بكيفهاا تزوجه دام اهو مرتاح وياااج

 

[اللهم الجنة]

ميخالف سايرى امج ولا تخلين هالشى ياثر بحياتج

 

[دنيتى زوجي M]

انا مع المتميزه عدل كلامها

والله يهدي الامور وتنصلح احوالكم ان شاءالله

 

[عثوله دبي]

ولدج شذنبه يأذونه !!

انقهرت والله العظيم .. الله يعينج ويصلح حالكم .. ~

 

[دريم ويب]

رد : أهل زوجي وأهلي .. وأنا بالنص

الله يعينكم

 

[روانتي 12]

رد : أهل زوجي وأهلي .. وأنا بالنص

الله يعينج

شوفي حاولي ترجعينهم مثل اول حاولي تنسينهم كل شي صار حاولي تفتحين بينهم صفحه يديده

حتى لو مانفع حاولي و حاولي و اذ كلش طلعي انتي و ريلج في بيت لحالكم و خاارج المنطقه الي هم قاعدين فيها

مردهم بيردون لكم

و اصبري صبر مفتاح الفرج

 

[أبيات الكويت]

وَاااي صَراحَة الزَم ما عَلى أُمـــــــــــــــــــــــــي

الجنَة تَحت اقدَامهاا حَرام عليج كانت مِنقهَرة ومنغثة
خَليتيها تستعيين بالغَريب وإنتي موُجودة :/ ، واللي حَاصِل لِج الحين تَرى هَذا لأنِج حَريتيها لَما شِلتي ايدِج مِن الموضوع ، رِضا الوَالدين من رِضا الرحمن

صَح اهي مُمكِن تكون غَلطااااااانَة بَس هَم كان المفروض تسنديِنها لو بِالكَلام و تطبطبيِن عَليها
مو تَحسسينهَا انج مَليتي وتَعبتي كَاهي اهي حملت فييج وربتج وتَعبت عليج ْ - كِفاية بَس آلام الوِلادة

اللي بوصَله دَووووووووري رِضا أُمِج حَتى لو تغلِط سَاعديها بتصحيِح الغَلط
و حَركة حَمااتِج خااااااااااااااايسسسة ابد ماهوُ سسَنع عييييب والله العَظيم ، و مَنتي مَلزومة تدورين رِضاهُم
بَس ديربالِج على ريلج وعيالِج و بِري أُمِج وشيليهآ فوق راسسِج و قولِي حَسبي يالله ونِعم الوَكيل / الظَالِم له يوُم ​

حبيبتي والله .. ردج وايد أثر فيني .. صح حتى أنا غلطت لاني

ما قدرت أسيطر على الموقف وأهدي أمي :eh_s(2):​

 

[أبيات الكويت]

لحظه انتي ليش مكبره الموضوع بعدييييهم عن بعض والله كل عايله بروح والله ان صار عندهم عزا ولا موجب رحتوا وسويتوا الواجب غير جذي عزايم واتصالات لاااا احسن واريح وعلى ولدج بفهم هذا مو حفيدهم حاطييله نعمه الله بالبامبرز شنو موصاحيين هذوووله يبه احسن حل خلج رسميه وياهم وبس زوريهم بالزوراه بلا عوار راس بلا حموله بلا وجع قلب انا جذي اشوفهم بالزواره وبسسسسسسسسسسس

وهذا اللي بسويه .. أنا بعد ما شفت السكر بالبامبرز إنصدمت

وتوقعت كل شي إلا إنهم يضرون ولدي

مشكورة حبيبتي على ردج ​

 

[أبيات الكويت]

رد: رد : أهل زوجي وأهلي .. وأنا بالنص

الظاهر عين
واسمحيلي اخت ريلج حقيره بهالتصرف ,إمج تلاقينها منغثه من سالفه سوتها ام ريلج وحبت تكلم الاخت الكبيره بما انها الكبيره والعاقله . والطامه الكبرى انها سجلت المكالمه وين قاعدين !! بدال لا تقعدين تصلحين الوضع تزيدينه
وو بالنسبه لوضعج الله يعينج حبيبتي , صلي بالثلث الاخير من الليل وادعي ربج واشكيله وضعج لربج يفرجها عليج ان شاء الله

طول المدة أنا وزوجي كنا نحاول نصلح الأمور

بس حسينا بصعوبه شوي .. يمكن صارلنا

أكثر من شهرين وأحنا نحاول نصلحهم

أما اخته بيوم وليله عفست الموضوع كله

وعسى ربي يفرجها علي :yaaaaaarb:​

 

[أبيات الكويت]

رد: رد : أهل زوجي وأهلي .. وأنا بالنص

امج اللي حطتج بهالموقف بصراحه
اساسا ماله داعي تطيح الميانه حيل بين اهلج واهل ريلج يعني وانتي بالنفاس المفروض اذا شفتيهم بيتمشون في بيتكم او بيروحون المطبخ تقولينلهم وتلزمين ان ماله داعي وان الخدامه بتسويه حتى لو تكرر هالشي علشان ينحرجون ومايعيدونها
وبالنسبه حق امج بصراحه غلطاااانه خلاص ماله داعي المفروض تحقرهم من الاول مو تحاجي ريلج وتحاجي اخته ومادري منو مهما كان ترا اني بنتها وهي حيل كبرت السالفه

الله يهديها أمي .. بس الصراحه يوم أنا نفاس

كانت أمي دايم تقولهم قعدوا هذا بيتي .. والخدامه بالمطبخ

بس هم ولا جنه يسمعون هني ويطلعون الصوب الثاني

ولو تدرين إنهم يومياً كانو عندي بالنفاس من العصر إلين الساعه 12 الليل

حتى أبوي وأخوي ما شفتهم بسبب وجودهم في بيتنا 24 ساعه .. الله يهديهم بس

كل هذا عشان شنو ؟؟؟ الله أعلم !!!​

 

[أبيات الكويت]

رد: رد : أهل زوجي وأهلي .. وأنا بالنص

انتي ماخذة ولد خلتج ؟؟؟؟؟؟؟؟؟
والغلط بصراحة من امج تدور المشاكل خلاص ماله داعي تنبش الماضي
امج بطريج وخالتج بطريج
وقوليلها اذا تبيني اتطلق قوليلي وانا اطلب الطلاق ولا هاللي تسوينه

هذي مشكلة أمي .. إنها تحط بقلبها وما تنسى

ويوم طاح الفاس بالراس قالت أنا سبب كل شي صار حق بنتي

وحست بالندم وصارت تبجي من اللي قالته وتقول المفروض أقضب لساني ولا أتكلم

بس أنا كنت مقهورة من اللي يصير .. عسى الله يفرجها بس :denya:

ويصفي النفوس ​

 

[أبيات الكويت]

رد: رد : أهل زوجي وأهلي .. وأنا بالنص

بصراحه الله يعينج يارب

من كلامج فهمت انج قطعتيهم لانج قمتي تدزين ولدج بروحه؟ عدل؟


بحط روحي مكانج وأقولج لو كنت بمكانج شراح أسوي

أول شي أحاول أصلح بيني وبين أهل زوجي وأتواصل معاهم بس بالزوارة عشان اتطمن على ولدي وماخليه بروحه بيدهم ويطلعون حرتهم فيه عشان يحروني نفس سالفة السكر

وأتم مبتسمه حتى لو قطوا حجوه مني ولا مناك الحقران يقطع المصران وأخليهم يطبخون على نار هادية وأحاول أسولف بمواضيع عامه ويمكن اهم ليش انج مقاطعتهم محترين وقاموا يدورون مره ثانيه حق ريلج

ثاني شي ماأسولف عند أمي باي شي عن اهل ريلي لا قالوا ولا سواا ولا سمعت ولا شفت

وريلي أحطه بعيوني وأحاول أكسبه من كل النواحي واخلي قربي له جنه

ولااييب له طاري اهله قالوا ولا سواا واكبر انا بعيينه



مادري حاولت احط روحي مكانج وهذا التصرف الللي كنت بتصرفه وياهم وعسى الله يهدي بالج ويهنيج ويبعد عنكم الحساد

إي أنا قاطعه عنهم من يوم السالفه وصرت أدز ولدي لهم على انه بيد أبوه

وحاولت أسوي اللي قلتي لي عنه بس الصراحه أحس إنهم أهانوا أمي بحركتهم

وفوق كل هذا جذبوها .. مع ان أمي تقولي روحي لهم مهما كان هذي أم زوجج

وزوجج ما راح يرضى عليج إلا إذا أمه رضت عليج .. ومالج شغل بخواته

بس بحاول أضغط على نفسي عشان زوجي وولدي وأروح لهم بو نص ساعه ​

 

[أبيات الكويت]

الحمدلله انه ريلج لي الحيييييين معاج ولا رايح لا يمين ولا يسار

اهم شيي انج تدارين زوجج ولا تخلين اهلج واهل ريلج يخربون حياتكم

ولا يهمج سوالف الحريم البايخه لانها تييب النكد والقهر بدون فايده

ونصيحه لا تكلمين ريلج بهالسوالف لانه رااح يملل وراح يحسها سوالف حريم وسخاافه

إي والله سوالف حريم .. مشكورة حبيبتي على مرورج ​

 

[أبيات الكويت]

رد: رد : أهل زوجي وأهلي .. وأنا بالنص

الله يعينج

شوفي حاولي ترجعينهم مثل اول حاولي تنسينهم كل شي صار حاولي تفتحين بينهم صفحه يديده

حتى لو مانفع حاولي و حاولي و اذ كلش طلعي انتي و ريلج في بيت لحالكم و خاارج المنطقه الي هم قاعدين فيها

مردهم بيردون لكم

و اصبري صبر مفتاح الفرج

هذا اللي ودي فيه .. إنهم ينسون كل اللي صار

المشكله ان الناس ما تسامح بسهوله مع انها صفه حسنة من صفات المسلم

وآنا وزوجي بنحاول اللي نقدر عليه وبنصلح

وبحط زوجي بعيوني ووبداريه وبيدي أنسيه كل السوالف البايخه اللي صارت

وعسى ربي الرحمن يفرجها عنا :eh_s(17):​

 

[أبيات الكويت]

مشكورين كل البنات على ردودكم .. والله انكم خففتوا ما فيني من حره وقهر

عسى ربي لا يحرمني منكم يا كويتيات .. فديتكم :eh_s(22):​

 

[نور مغليها]

رد : أهل زوجي وأهلي .. وأنا بالنص

مادري من الكلام حسيت ان امج اهيا السبب
بس الحين خلاص المشاكل صارت بينكم أحسن حل إنج تكلمين زوجج بهدوء وتقولين له ان انتي وياه تطلعون برا المشاكل كِلها يعني انتي تسمعين وتطلعين وما تناقشين زوجج بالمشاكل واهوا نفس الشي
سمعوا وطلعوا هذا احسن حل لكم لأن لو صاار شي لا سمح الله انتي و ولدج بتروحون ..

ولا تنسين الدعاء ... والله يهدي سركم يارب

 

[المتميزة@80]

رد : رد: رد : أهل زوجي وأهلي .. وأنا بالنص

إي أنا قاطعه عنهم من يوم السالفه وصرت أدز ولدي لهم على انه بيد أبوه ​

وحاولت أسوي اللي قلتي لي عنه بس الصراحه أحس إنهم أهانوا أمي بحركتهم ​

وفوق كل هذا جذبوها .. مع ان أمي تقولي روحي لهم مهما كان هذي أم زوجج ​

وزوجج ما راح يرضى عليج إلا إذا أمه رضت عليج .. ومالج شغل بخواته ​

بس بحاول أضغط على نفسي عشان زوجي وولدي وأروح لهم بو نص ساعه ​

عفيه عليج ضغطي على نفسج بو نص ساعه وخلج ذكيه ترا بهالطريقة اول شي ترضين ربج لانج بديتي بالسلام اولا وثاني شي ماتحرمين الياهل من اهله وبنفس الوقت ماتعطين المجال ان يحنون على ريلج زوجتك مقاطعتنا وماتحبنا ومن هالحجي وطبعا راح تكسبين زوجج وانتي داشه بيتهم قولي ( وجعلنا من بين ايديهم سدا ومن خلفهم سدا فاغشيناهم فهم لايبصرون )

ولاتنسين ( العفو عند المقدرة ) يعني شيلي من قلبج اي شي عليهم عشان ربي يغير حالكم ويقذف في قلوبهم محبتج وحتى لو حماتج وخالتج غلطوا تذكري ان الله سبحانه وتعالي يغفر للبشر احنا شنو عشان ما نغفر لهم زلاتهم؟

:yaaaaaarb: وعسى الله يريح بالج ويسعدج ويحنن قلوبهم عليج وموفقه ان شاءالله