احلى تجمع (( كروشات ديسمبر )) حياكم الله بنات

[حـوراء]

صباح الخيرات عالجميلات جميعا
يا ربي عساكم بخير وصحة وعافية

:blueSmCLR:​

 

[أميرة طفولتي]

رد : احلى تجمع (( كروشات ديسمبر )) حياكم الله بنات

هلا والله حوووووووووووراء حبييييييييييييييبتي
شلونج شخباااااااااااارج ؟
زينج ولهنا عليج
شلون مهدي انشالله بخير ؟

 

[أميرة طفولتي]

رد : احلى تجمع (( كروشات ديسمبر )) حياكم الله بنات

فطوووومه
هلا حبيبتي
انا الي اعرفه ان عادي البطن يرجع بس لازم تهتمين وتلبسين كورسيه وتاكلين ادوية النفاس لانها اهيا الي ترد الرحم
واذا رد الرحم مكانه يدش بطنج انشالله << هذا كلام خبيرة الاعشاب ام خالد

 

[أميرة طفولتي]

رد : احلى تجمع (( كروشات ديسمبر )) حياكم الله بنات

أمووورة اهيه حلوة فكرة إن أول ياهلين يكبرون مع بعض ويونسون بعض بس ترى التربية موسهلة والمسؤولية والأعباء راح تزيد عليج ياهل واحد يبيله مجابل عدل على ماتكبرينه وهم حرام لازم تعطينه من وقتج إذا حملتي راح تظلمينه وتلهين عنه بالياهل اليديد *
وانتي راح تتعبين لأن ما مداج تريحين جسمج وتعطين فرصة لرحمج إن *يرجع لوضعه الطبيعي ويرد مكانه .. *
هذا رايي والقرار الأول والأخير يرجع لج انتي وزوجج *

اتعب على الاسلوووووووووووب الصعب انا
عجبتني الاعباء
لالا خلاص شلت هالفكره من بالي الحين كلش مو وقته انشالله قبل لايدخل الروضه افكر بالموضوع انشالله
حاليا عندي plans
:weight_lift:

 

[حـوراء]

رد: رد : احلى تجمع (( كروشات ديسمبر )) حياكم الله بنات

امووره صج طلبت من جم تاجره من المنتدى سوالف

شوفي شنو طلبت من موقع سارونه لوول

امبي حده عجيب يونس
فايز بجائزة انه احسن لفه حق الياهل وتقوي وجذي لي 15 كيلو تقدرين تشيلينه ودشيت موقعهم وشكثر ناس مجربينه وحاطين اصور

ن

http://www.saroona.com/product_info.php?cpath=160&products_id=959

انا شريت لون بني بس خلص

أنا كنت أفكر آخذلي واحد لزوم السفر >>> الحال من بعضو يا أختي
بس أحس أني أخاف أحط مهدي ولدي فيه , بس ضروري آخذ نفس هذا
شكرا جزيلا دربولة​

 

[حـوراء]

رد: رد : احلى تجمع (( كروشات ديسمبر )) حياكم الله بنات

هلا والله حوووووووووووراء حبييييييييييييييبتي
شلونج شخباااااااااااارج ؟
زينج ولهنا عليج
شلون مهدي انشالله بخير ؟

أهلا أهلا أهلا أمورة العسل :eh_s(7):
الحمد لله انا ومهديان بخير , لو تشوفينه مغرم بالثريات اللي بغرفتي وين ما نشيله يفر راسه صوب الثريا
والله لكم وحشة​

 

[حـوراء]

الأمهات اللي بيبياتهم ملتهبين بسبب الحفاضة في جل وايد زين اسمه abc لونه برتقالي وصفه لي الدكتور بعد ما طهرنا مهدي قال هذا يصير تستخدمينه حق اي جرح او تهيج جلدي حق البيبي , يستعمل بعد ما نغسل البيبي واهوا مبلل نحطله على مكان الالتهاب وااااااااايد زين
انا استخدمته حق مهدي مسكين اسخدمت له حفاظات ليبيرو ما مشوا معاه وسببوله التهاب وبس استخدمت هالجل ما شاء الله بسرعة راح الالتهاب

 

[حـوراء]

رد: رد : احلى تجمع (( كروشات ديسمبر )) حياكم الله بنات

بنات تصدقون اليوم غفيت شوي وقمت اول مابطلت عيني قعدت احسب
ههههههههههههه
قلت اذا حملت على شهر 4 ولادتي تصير شهر 1 بداية 2012 يعني يصير بينهم سنه و3 اشهر يعني يدشون المدرسه مع بعض
لان لي شهر 3 يدشون ابجر المدرسه
ومستانسه وجنه صج هههههههه بعدين قلت شفيني انا خخخخخ
تصدقون بيني وبينكم هالحجي << حلفي بس لوول
من داخلي داخلي دااااخلي ودي احمل ويكبرون مع بعض ماودي يصير فرق العمر وايد بينهم :/
ومرات اقول توني صغيره مابي اكبر نفسي فيهم ويقيدوني واهمل نفسي معنه مالا شغل بس احس لمن خلاص يصير عندج كذا ياهل
الروتين يبدي بالحياة ونصير صج ام وابو :/
مادري شرايكم هل تايدون ان اييب ياهل ثاني وراه ولا انطر ولا شسوي ؟؟
على فكره ريلي ماعنده اي مااااااانع ووده بس قالي ذاك اليوم على غشمره اذا حملتي الحين راح يصير تعب عليج ؟؟
شرايكم ؟

ذكرتيني بنفسي أول ما ولدت قلت حق أمي أبي أحمل مرة ثانية أحس بتغيييير أبي الحمل
وااااي يتني حومة اشتقت حق أيام الحمل وظليت جذي فترة طويلة , ولا تقول لي أم صديقتي أن اللي والده دايما تحس بهالشعور حتى أهل البدو عندهم مثل على هالشي يقولون " يا طلقة منسية عسى ربي يعودها عليا " :eh_s(6):​

 

[shosho26]

هلا بنات شلونكم
الاسبوع اللي فات راجعت دكتوره ناديه الحمد شافت نواره وقالت لازم تسوين سونار الورك هي شافتها قالت مافيها شي بسالاحسن تسوين سونار لان في حالات ماتبي انا بنت اختي جذي ودتها حق دكاتره مابي معاها خذتها الجده وسوت لها سونار طلع فيها خلع بسيط ما يبين بالعين بس ابوها كان معاه خلع بسيط ما لاحظوه والحين يعرج ريلي موراضي اسويلها سونار ايقول اخاف يجربون بنتي الله يحفظها
وقالت لازم تعطينها فيتامين د واذا تعرفين احد عنده مواليد نصحيهم انه ياخذون الفيتامين تقول ف الكويت عندنا فتامين د مع ا بس تلقين في دبي اولندن ف د بروحه بس لازم تعطونهم

 

[فاقده حنان ابوه]

بنات شلونكم شخباركم

الله يستر باجر تطعيم بنتي واي حدي خايفه

بنات قبل التطعيم بجم ساعه اعطيها الادول

 

[باربي للابد]

قوة بنات :eh_s(8):

شلونكم وشلون بيبياتكم ؟؟؟ ولهانه عليكم بس ماشالله ماكو وقت كلش

انا امس كملت ال40 بس ليلحين ما يتني الدورة :bbbiu:

بنات شلونكم مع الرضاعه انا اول مرة ارضع وصراحه وايد متعبتني ودي اقطع بس ضميري مأنبني :ssssso: ​

​

 

[ليموني]

السلام عليكم

شلونكم شخباركم تذكرون يوم كنا كروشات وتشكى من الثقل <<< مادري شلي طرا

الحمدلله ولدنا بالسلامه

سوري ماقريت الا شويه

اموره اذا هذا بجرج انصحج بالحمل عالاقل 2 يونسون بعض وتربيتهم وحده وتنشغلين فيهم جم سنه

 

[lovly girl]

شلونكم بنات

شنو اخر اخبار الامومه ماسمعتو خبر يديد

قاعده اسأل عشان أقرر اذا أخذ امومه او لا للحين نصف راتب ماكو اي بشري

 

[Almas_q8]

رد : احلى تجمع (( كروشات ديسمبر )) حياكم الله بنات

صباح الخير بنات شلونكم لكم وحشه والله

سامحوني ما ادخل حدي لاهيت روابي مريضه و وديتها المستشفى ولي الحين ما طعمتها يوك الثلاثا وديتها الصبح

والدكتوره زفتني قالت شلون مخليتها جذيه صدرها متروس بلغب و را سحبت البلغ منها وصراخها وصال عندي بالغرفه وبعدين شكت فيها ثقب بالقلب وقالت تعالو العصر عشان الدكتوره تكون موجوده لانه الصبح تدوام بالصدري والعصر بالمواساه وطلع عندها فطريات و عطتني وايد ادويه و حديد والحمدالله وزنها زايد تختوختي كبرت

و رحنالها العصر وقالت فيها تقب واحد بس بسيط وان شاءالله راح يتسكر و عندها شريان ضيج وهم قالت راح يكبر مع تدفق الدم وطمنتني وقالت هذا عادي ولا تحاتين شي و ان شاءالله يتسكر الثقب بعد شهرين بنروح عندها موعد

ورحت حق دكتورتي فرجينيا وسوتلي فحص والحمدالله ماكو افرازات ولا دم و غيرت حبوبي ملوت منع الحمل وقاست وزني ونازله 3 كيلوات
وناسه بس هم بعد يبيله 10 او 5 كيلوات

والحين ريلي ماخذ اجازه و مجابله عيالي و ريلي و شكلي باخذ عيالي والخدامه وبوديهم بيت امي
واقعد انا وريلي بروحنا بالبيت اشوي ادلع ريلي ويدلعني ههه
بس وااااااااااي وااااااااااي من روابي ميننتني حدي تعبانه منها و ساعات مالي خلها كلش مسكين ريلي قاعد يجابلها بدالي

 

[Almas_q8]

رد : احلى تجمع (( كروشات ديسمبر )) حياكم الله بنات

امبيييه كلامه كله بدليات

 

[أمواج^الكويت]

رد : احلى تجمع (( كروشات ديسمبر )) حياكم الله بنات

صباح الورد لموووسه 
شلونج حياتي ! ماتشوف شر حبيبتي روابي وإنشالله الثقب يتسكر بس من شنو يصير جذي ! وايد يهال ينولدون وفيهم ثقب بالقلب !

إي زين تسوين دلعي الريل حرام أحس إحنا مو معطينهم من وقتنا والسبه هاليهال كافي تحملوا حنتنا طول فترة الحمال 

واااي لموووس الله يعينج على التطعيم حده مليق ويعور القلب !
بس أهم شي الأدول وعطيها ماي قند قبل التطعيم وبعده يكون جنه جلكوز حقها يمدها بالباور علشان لاتنتكس وإنشالله مافيها إلا العافية فديتها أم خدود نفس فروحوه هههههه*

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

بنات شلونكم شخباركم

الله يستر باجر تطعيم بنتي واي حدي خايفه

بنات قبل التطعيم بجم ساعه اعطيها الادول

أهلين هلا هلا هلا بأم غلا شلونج حياتي وشلون كتكوتج العسولة 

عطيها أدول قبل التطعيم بنص ساعة وبعدين كل 4 ساعات وإنشالله ماتسخن غلاوي الحلوة .. بعد التطعيم علطول اشتغلي عليها كمادات ماي حارعلشان لايعورها مكان الإبرة ..

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

شلونكم بنات

شنو اخر اخبار الامومه ماسمعتو خبر يديد

قاعده اسأل عشان أقرر اذا أخذ امومه او لا للحين نصف راتب ماكو اي بشري

هالووووو أم ريوووونه شلونج حبيبتي ! وشلون بنوتج بشريني عسى بس خف الالتهاب اللي بمنطقة الحفاضة ! أنا بنتي صار فيها بس من داخل مو صوب الأطراف عادي أحط الكريم داخل مايأثر !

وعلى سالفة الأمومة لاجديد يالفلي ماسمعت غير إن الوضع زادوه وصار 70 يوم غير جذي مادري !

أنا اللي أبي أعرفه الأمومة أول شهرين بنص راتب وثاني شهرين هم بنص راتب ولابدون راتب ! أخوي ومرته يقولونلي بنص راتب اللي عندها فكرة عن هالموضوع عفيه خل تقولي !

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

قوة بنات :eh_s(8):

شلونكم وشلون بيبياتكم ؟؟؟ ولهانه عليكم بس ماشالله ماكو وقت كلش

انا امس كملت ال40 بس ليلحين ما يتني الدورة :bbbiu:

بنات شلونكم مع الرضاعه انا اول مرة ارضع وصراحه وايد متعبتني ودي اقطع بس ضميري مأنبني :ssssso: ​

​

أهلين بأم سلطوني شلونج حبيبتي وشلون ولدج فديته اشتاقتلج العافية ياقلبي وإحنا بعد اشتقنالج ..

ومبروووك طلعتج من الأربعين الحمدلله غدى شرج 
ومن ناحية ماكو وقت صج ماكو وقت عيالنا العبوا في حسبتنا أنا أحس بنتي كبرتني عشرين سنة لي جدام صايره حتى مالي خلق أطالع ويهي بالمنظرة 
وعلى طاري الدورة ترى حتى انا مايتلي يا باربي لأني كنت أرضع وأم خلود قالتلي اللي ترضع ماتييلها الدورة مبجر ..
وحرام لاتقطعين الرضاعة دام فيج حليب بس دخلي شوي صناعي علشان ترتاحين ..

باربي شلون الكورسيهات الثلاثة اللي شريتهم ها جربتي تلبسينهم ! شكلج مالبستي ولا واحد فيهم ههههههه
*

 

[أمواج^الكويت]

رد : احلى تجمع (( كروشات ديسمبر )) حياكم الله بنات

واااي بنات خدامتي مريضة خايفه لاتعدي بنتي مالي خلق بروحي ماصدقت خفت منها السخونة شوي 

شنو الحل لازم تشيلها وتفر فيها إهيه تعودت على الشيل  كله من أبوها وأنا اللي ماكلتها ..