يومياتي مع شركة هيلث كومباني

[white.candy]

رد : يومياتي مع شركة هيلث كومباني

انزين مافي وجبه فري حق يوم الزواره او الطلعه

 

[vooom]

عاد انا اليوم مسويه رجيم السوائل مال د عبدالله المطوع
ويوووعانه اشتهيت سكلوووب :hjy5jewf:
عليج بالعافيه وانشالله تنزلين هالاسبوع اكثر :yaaaaaarb:

 

[عنيّد]

عنيد مبروك على النزول اهو يمكن شويه عند البعض لكن الناس لما يسوون رجيم عاده ينزلون كيلو ولا كيلوين و فوق بالأسبوع وهذا الوزن اللي قطوه بس ماي وعضل يعني لو تشوفينها ما يبين انه نازله هالكثر بالفتره القصيره هاذي

انتي ماشالله تلعبين رياضه و اكلج صحي ومنوع فانشالله و اتوقع انه هالكيلوين اللي نزلتيهم كيلوين دهن بحت! << حلوه هاذي بحت ..فمقاساتج راح تفرق وايد ويبين عليج التغيير :eh_s(9):

اذا تحبين سوي رياضة اثقال صج راح تحسين بالفرق بس باي باي للنزول السريع :eh_s(20):

على العموم انتي راجعتي عند المطوع فأكيد تعلمتي هالأشياء و اكثر بس انا حبيت اقرق لأني كله ادش الموضوع و اطلع بس قلت هالمره احترم نفسي و اسويله UP!

يبارك بعمرج انشالله
الحمدلله كيلو على كيلو يصيرون كيلوين
بالنسبه لي نزول كيلو بالاسبوع حيل زين بس انا صرت طماعه قلت يمكن اكثر :lololoe:
وبالنسبه للاثقال اي ادري عنهم والمطوع قايلي عنهم حتى مو لازم اثقال النادي يكفي لو بطلين متروسين ماي ^ــ^

يسلمووو وحياج الله بكل وقت

هلا عنيد

مبروك النزول وموفقه حبيبتي

وايد زين الكيلو وانا في فترة الحين ملتزمة الحمدلله بس تصدقين اني ساعات ازيد مع الالتزام والله ما ادري بشنو افسرها ؟؟؟؟؟؟؟؟؟؟؟؟؟؟؟؟؟؟

هلا فيج ويبارك بعمرج
يمكن رجيمج مومناسب لج ! او انج مومهتمه لترتيب واوقات وجباتج
او انج قريبه من وزنج المثالي فالنزول يصير صعب

حبيبتي تستاهلين الخير واحنا نعين ونعاون :friends:
ومشكوره على التقرير
عاد صج صج حلقة امس قمه في الروعه وياريت كمل الشائعات
اظن كل اعتقادنه عن الاكل شائعه ههههه<<<متعوب على الكلمه :eh_s(20):

بالنسبه لاكلج اليوم يم يم اموت بالفلافل ههههه عوافي على قلبج :botetoo:

بعد عمري زجول ماتقصرين والله
الله يعافيج
على طاري الفلافل ، من كثر ماهو غرقان بالدهن ، مره قلت للعبد حطلي بالرجيم ، قالي اذا مشتهيه فلافل خليه بالوجبه المفتوحه

بالعافيه عنيد والله يوفقج

يعافيج ربي ويوفقج ويوفق الجميع يارب

 

[84 Miss Chocolate]

أن شاء الله تضعفين على صحه وعافيه و الله يثبتج وينزل وزنج ووو وزني

 

[عنيّد]

رد: رد : يومياتي مع شركة هيلث كومباني

بالعافيه عنيد

وصج الدياي شكله مال المستشفى

مرة يابولي نفسه كالوري كونترول وما عجبني

يعطيج العافيه

ومتابعين

يعافيج ربي
اي انا هاللون دايم يذكروني بالمستشفيات الله يزيد النعمه

موفقه خير ان شاء الله تضعفين بصحه وعافيه

الله يعافيج يسلمووو

 

[عنيّد]

بسم الله الرحمن الرحيم​

اليوم #20 يوم الأحد 30-1-2011​

الريوق
توست أسمر مع جبن + عصير برتقال

رايي: حلـــوه​

سناك #1
سلطة فراوله

رايي: يم يميييييي ​

الغدا
ستيك لحم + بطاط + سلطة يونانيه

رايي: هذي المره الثانيه الي اييبونه لي ، المره الاولى كنت قايله لهم يشيلون الصوص على جنب ، هالمره خالطينه وصج طلع حلووووو ، بس انا اكره الصلصه جذي وهي سايحه واللحم يسبح فيها :gr4uu: فرتبته بالصحن احلى مووو:ceaf32e183: ​

سناك #2
جكلت موس

رايي: حلو بس ثقيل ماقدرت أكمله كله :s141:​

العشا
نــــص صمونه بالجبن وحطيت فيها الدياي الي بالسلطه + سلطة بالدياي

رايي: حلـــوه بس مذله من عينكم حطولي نص خخخخخ ​

.
.​

الحين أنا حاسه بيوووع كله من السهر بس قاعدين ببيت يدي وماودي أقوم oster_av1:
.
.​

دعــــــــواتــــــكمـــــ
:bye22:​

​

 

[زيـنـه]

رد : يومياتي مع شركة هيلث كومباني

عنيد .. موفقه دوم ان شاء الله .. و ربي يقر عينج بشوفة رقم حلو على الميزان

 

[بطاطا]

يشوق الستيك بالعافية :>

 

[رسَــيــل]

رد : يومياتي مع شركة هيلث كومباني

بالعااااافيه عنيد ..

ومبروووك الكيلوييين حلوين والله ... موفقه يا رب
:yaaaaaarb:

 

[sheraZia_Q8]

عوافي عنيييد
ولج صامدوووووووووووون

 

[M!$$.3NoNa]

موفقه يمي يمي

 

[BiiShOoO]

مووفقة يااارب

 

[عنيّد]

مووفقة يااارب

موفقه يمي يمي

تسلمووون اجمعين يااارب

انزين مافي وجبه فري حق يوم الزواره او الطلعه

نوووو مافيه ، كلهم ٢٨ يوم تحملوا خو بدون وجبة الزواره
اما الطلعات فاحنا مانطلع مره بالاسبوع عشان نقول وجبه للطلعه :dddds:
انا عشان جذي مستغربه من الي يشتركون شهريا مع هالشركات اشلون ماشالله عليهم مستحملين الوضع ، صارلي بالضبط ٣ اسابيع واقعد مع اهلي بالذات بالزواره احس نفسي منبوذه انا وكرتوني :cxxxp: اصلا ذاب قلبي على طباخ البيت وقاعده اعد الايام متى اخلص

أن شاء الله تضعفين على صحه وعافيه و الله يثبتج وينزل وزنج ووو وزني

عاد انا اليوم مسويه رجيم السوائل مال د عبدالله المطوع
ويوووعانه اشتهيت سكلوووب :hjy5jewf:
عليج بالعافيه وانشالله تنزلين هالاسبوع اكثر :yaaaaaarb:

يعافيكم ربي يسلموووو والله يوفقكم بالرجيم انشالله

عنيد .. موفقه دوم ان شاء الله .. و ربي يقر عينج بشوفة رقم حلو على الميزان

يسلمو زيون والله يسمع منج يااااااااارب
مساع اقول حق اختي موحاسه اني نازله كلش مع اني الحمدلله ملتزمه لكني وقفت النادي فمادري شنو بيكون الوضع :080402ask_prv:

يشوق الستيك بالعافية :>

يعافيج ربي بوووطيطاااااا :082502bye_prv:

بالعااااافيه عنيد ..

ومبروووك الكيلوييين حلوين والله ... موفقه يا رب
:yaaaaaarb:

يعااافيج بيييييييه يالمغبررررره خبري فيج من زماااان
يبارك بعمرج تسلمين ^ـ^

 

[عنيّد]

بسم الله الرحمن الرحيم


اليوم #21 يوم الاثنين 31-1-2011
"أمس"



الريوق
توسته سمره مع جبن + عصير برتقال
مادري وين طارت الصوره الظاهر مسحتها بالغلط :gr4uu:
رايي: حلـــوه



سناك #1
سلطة فواكه

رايي: المنجاااااا يم يميييييي



الغدا
دياي تندوري + سلطة بالجبن

رايي: اول ماشفته استنكرت الفصل بين الدياي والصلصه قلت شكو :080402ask_prv: بس بعدها سدحتهم بالصحن مع بعض والطعم كان حليـــو ^ـ^


سناك #2
جكلت بودنق

رايي: ماعجبني واكلت بداله سلطة الفواكه لانه ماكان لها وقت بين الغدا والريوق بسبب اني قعدت متأخر من النوم


العشا
2 بيتزا صغاااار + سلطة

رايي: أحبــــها


.
.


ماشالله الأيام تركض واليوم الميــــــزان يا عنيـــدان :lololoe: احتاج لكيلووووووو دعوااااااات لاني موحاسه اني نازله بالذات اني وقفت هالاسبوع اشتراكي بالنادي
.
.

دعــــــــواتــــــكمـــــ
:bye22:

​

 

[!! D m i r a a !!]

رد : يومياتي مع شركة هيلث كومباني

صباااااح الورد عنيد

عواااااافي

وان شاء الله تكونين نااااااااااازلــه


:yaaaaaarb:

 

[زيـنـه]

رد : يومياتي مع شركة هيلث كومباني

عنيد .. موفقه بالميزان اليوم .. و ننطر البشاره

 

[fofa_80]

موفقه عنيييد و ان شاء الله تكونين نازله :hjy5jewf:

 

[عنيّد]

-0.600 كجم



صباح الخير

نقدر نقول السبب بهالنزول المتواضع هو قلة الحركه
همممم هالاسبوع مارحت النادي الا يومين وكل يوم بحول نص ساعه او ساعه الا ربع ، يعني شي مش ولابد وبعدها وقفت اشتراكي اسبوع كامل ، والسبب ان عندي مشكله مادري شنهي بظهري وناطره موعد الدكتور ، خفت اروح النادي واخبص الدنيا اكثر فقلت انطر الدكتور واساله شالرياضه الي تناسب وضعي .... دعواتكم ربي يطمني ومايكون شي جايد :yaaaaaarb:


اما اليوم وحواري مع حضرة الاخصائيه فكان كالآتي ...
بعد الميزان خذت قياساتي وطلعت نازله 5 سم من الخصر 4 سم من الارداف 3 سم من الزنود "ياربي شهالارقام المتتاليه صج انا مرتبه خخخخخخ "
سألتها مثلا هالخمسه سانتي تقريبا جم تساوي بالدهون ؟ قالتلي لا ماله علاقه وزين هالنزول لان في ناس مايبين معاهم النزول بالميزان ولكن يبين بالقياسات ، صراحه مادري شنو علاقة سؤالي بهالاجابه ، بغيت اقولها تكفين روحي درسي مره ثانيه ابرك بس كالعاده كبرت راسي وطنشت

بعد ماخترت معاها الوجبات قلتلها الحين احنا على جم سعره حرارية ؟ قالت 1200
طبعا انا اهني انصدمت !!!!!!!!! الاسبوع الي طاف قالتلي بنقلل إلى 1100 وقلتلها هالكلام قالت ماقدر شنو اغير انتي ماتاكلين الاكل الي ممكن عشانه اقلل السعرات وبالعكس هالعدد من السعرات يناسبج ونزولج حلو ، قلت لها ابي نزول اكثر وبعدين شنو الاكل الي ما آكله ؟؟؟ قالت مثلا الجزر والبروكلي ، طبعا انا ماذكر متى قلتلها هالكلام لاني اصلا ماقلته ، وقلتلها هالحجي واكله عادي والاسبوع الي طاف حاطيلي واكلته ولا عندي مشكله !!!!!
جان تقول اها اوكي راح اغيرلج البطاط بخضار ، وراح الغي السناك الاول وهو سلطة الفواكه وبجذي تكون السعرات مابين 1000 الى 1100
شوفوا .. انا ماكان عندي مشكله انها تبدل البطاط بالخضار عادي ، وحتى السناك قلت لها تلغيه عادي ، بس لما طلعت قولبتها براسي وقلت ليش اخلي سناك ببطنهم وانا دافعه سعره "تذكرت كلامج فنار الكويت لما قلتي ادفع عشان انحرم من الاكل لوووووووول" فاتصلت وقلتلها ترجع الفواكه وحزتها انا اخيّر نفسي اذا بيومها يوعانه باكلها واذا مويوعانه خليتها للبيت


.
.


الحين انيي لأهم شي .... الصوره تتحدث :cxxxp:

هذي سلطة أمس ع العشا ، ماحبيت أحطها أمس وقلت بنطر لليوم أقول للاخصائيه واشوف ردة فعلها ، بس ماكانت غير انها انقرفت وكأنها كانت مكاني هع ، قالتلي متأكده ؟ يمكن يكون عروق "شكو عروق !" ، قلت لها عندي الصوره واذا تبين اييبها لج :eh_s(20): طبعا ماكان اكو اي تعليق منها يعني مثل الوحده الي مابيدها شي ، وهذا الصج شبتسوي يعني :s141:
المهم اختصرت انا الموضوع وقلت لها مابي اي سلطه بوجباتي وبدليهم لي اما بالذره والخيار او الخضره العدله مع التغميسه الي تكون مثلا خيار او فلفل اخضر ومعاهم روب اغمس فيه ، عالاقل هذا شي بيكون بيدي اتحكم فيه واقدر اغسله
على فكره عشان اكون حقّانيه ، انا شكيت بهالحشره قلت ليكون طايحه من البيت !؟!؟!؟ لاني استغربت وانا اقرب منها عشان اصورها "فراغه لوووووول" استغربت انها موميته 100% يعني فيها شوووووويه رمق من الحياة "تذبحني المصطلحات :dddds:" بس الي طيّر هالشك ان هالخس كان تحت بالسلطه يعني موفوق عشان تحوشها هالحشره ! وانا طلعتها عشان اقصصها لاني اكل السلطه بعد مانتفها لانهم يقصصون الخس كبار ، فالظاهر هالحشره المسكينه صاكين عليها من امس وببرودة الثلاجه ماحاشها الحر وماماتت عدل "اشرايكم بالتحليل بس ؟ خخخخ قطيعه"
ومع هذا اقول الله يعلم من وين يات هالحشره


رايي: بصراحه انا مانكر اني انقرفت من الي شفته ، ولكني ماعصبت وتنرفزت او او او ، لانه باختصار هالاكل مو اكل بيت :nbvppw: ويعتبر اكل بره يعني حاله حال المطاعم وبالذات بالسلطات الواحد مالازم يكون واثق فيهم وتصير هالاشياء وايد مهما كان مستوى المطعم عالي ، وصعب طبعا ان احنا نلاحظ هالاخطاء او ان مثلا نغسل السلطه وهي مقصصه !
حتى بالبيت لما تكون السلطه تحت ايد الخدم ممكن الواحد يشوف هالشي
عشان جذي ابدا ماصدعت راسي واكتفيت بالتغيير الي قلت لكم عنه
الزبده مابي استاثم بالشركه واظلمها على هالشي ، صح اهو مو شي هيّن ولازم ينتبهون له ، بس بعد ...... ياما سمعنا عن مطاعم xxx وشفنا منهم xxx بس بيبقى البعض يروحله لنفس الاسباب الي ذكرتها وهذا الصج :eh_s(3): وهم قلت بما اني انقل كل شي يصير معاي فلازم احط لكم هالموقف ولو انه مقرف ويلوع الجبد ويمكن يغير راي بعض الناس بالشركه ، مادري بس قلت الامانه العلميه مطلوبه


دعواتكم لي ان الله يتمم علي هالاسبوع وبالمراجعه الاخيره اشوف الي يفرح قلبي :eh_s(8):

 

[Mystique]

والله الصوره اتضايق الخلق >> دبلوماسيه

يالله ما باقي شي و مبروك النزول

 

[زيـنـه]

رد : يومياتي مع شركة هيلث كومباني

عنيد .. هالاشياء تصير لو بالبيت و باكبر المطاعم او المطابخ .. عادي عادي --> باهون الموضوع .
و النزول بصراحه لو شوي .. اسمه نزول و الحمدلله
و اول و تالي هذه تجربه لج مع هالشركات علشان لا اي يوم و تقولين ما جربتهم .
قود لك بالاسبوع الاخير