طفولية كومباني " يوميات طفولية لصحة ورشاقة دآآئمة باذن الله " حياكم الله =)

[طـفولية]

.. بسم الله الرحمن الرحيم ..
.. السلام عليكم ورحمة الله وبركاته ..


قبل لا أبلش بموضوعي حبيت إني أعتذر عن التجمع الي سويته ولظروف خاصة ما قدرت حتى اعتذر عن المشاركة
كنت مضغوطة حيل ولله الحمد ..
واتمنى ان بنات تجمعي خصوصا يتابعوني واشوف تواجدهم هني لان ربي العالم شكثر أعزهم وولهت عليهم =)

ونبلش بموضوع اليومياااات



مثل ما شفتوا بالعنوان ( يوميات طفولية مع طفولية كومباني ) ..

بداية راح اتكلم عن سوالف الكومباني وشركات الدايت ..
اول شي احيي كل اليوميات الزوووغة الي مسوينها خواتي عن لوفات وغيرها ..
وانا متابعتهم واشجعهم ويا رب يضعفون بصحة وعافية :*

بس من تجمعي هذا أحب أفيد البنات باكل بسيط ولذيذ وصحي واهم شي ان صحي ..
تسوينه بايدج ما ياخذ منج وقت ..
واذا ما صار عندج وقت ومشتهية تغيرين
طلبي وجبة من دايت كير او لو فات وما شاء الله فروعهم تارسة الديرة

ولله الحمد انا على نظامي هذا ضعف واايد ربي لك الحمد ورغم التخربط الا اني اتابع نفسي ..
بس تدرون مع العطلة والطلعات يصير النظام عفيسة ..
ابيكم اتابعوني وتشوفون نظامي عن قرب ..
وراح تشوفون شلون سهلللللل ومممتع حييييييل

يتبع نطروني ولا عليكم أمر لحد يرد :*​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

سؤال وجواب :​

شنو فكرة نظام طفولية كومباني ؟​

اني أحضر وجباتي الصحية وقليلة السعرات الحرارية السهلة بنفسي واحصل على نزول متوازن + تحسين عاداتي الغذائية​

ليش اتعبين نفسج وما تشتركين باحدى الشركات ؟​

اذا فكرت انها متعة فعلا راح تصير متعة ,, والشركات حلوة للتغيير او عشان اقضب الخط وانا مو ضدها بس اهيا مو دايمتلي واايد من الي اشتركوا فيها ردوا اوزانهم لانهم ردوا ياكلون اكلهم القديم وضاع مجهودهم وضاعت فلوسهم​

وين المتعة بالموضوع ؟​

أولا : متعة التخطيط .. قيسي وزنج وحطي الهدف المعقول إلى تبين توصلينه وخليه على مراحل ..
ثانيا : متعة اختيار اغراضج بنفسج بالجمعية وترى الشركات اكلهم مو صعب ولا مستحيل وانا جربت اكلات مطاعم اسويها بالبيت مو شرط نفس الطعم بس لذيذة .. والاغراض حق كل اسبوع ما تكلف اكثر من 10 دنانير ..
ثالثا : متعة التحدي والارادة وانج توصلين للهدف إلي تبينه
رابعا : متعة النفسية الحلووووة وانتي مهتمة بنفسج وطبعا هذا ما يصير الا بنظام متوازن مو نظام تعذيب وحرمان
خامسا : متعة اللبس وااااو بس عليج انج تنقين ..

وترى انا ضعفت على هالنظام وايد ربي لك الحمد والمنة ..​

هل يحتوي نظامج على رياضة ؟​

طبعاااا اهم شي الرياضة .. لانها تساعد على زيادة الحرق + تعدل النفسية وتزيد النشاط + تشد الجسم وتمنع سوالف السالوليت والترهلات
ومااا أؤمن بأي نظام خالي من التمارين الرياضة اليومية او الاسبوعية​

شنو الرياضة إلي بتمارسينها ؟​

تمارين كروز الصباحية ..
نادي 3 مرات بالاسبوع ..​

هل تاخذين حبوب معينه ؟​

أنا ماا احب الحبوب ولا أؤمن بالأدوية وكلها ظارة حتى لو انفعت بشكل مؤقت ..
ولكن في حبوب باذن الله راح استخدمها واهيا حبوب الجاي الاخضر والدكتور عبد الله المطوع قال عادي ناخذها ..
لانها عبارة عن جاي اخضر مضغوط لا أكثر ..
تساعد على حرق الكالوري الموجود بالوجبة
+
حبوب فيتامينات راح احط صورتها
لاني ماا آكل سي فوود ​

كلمة أخيره ؟​

أتمنى اتابعوني وتشجعوني .. راح اقولكم كل شي اسويه وما راح اخش عليكم شي باذن الله
وابي منكم الدعاء بالتوفيق والنزول الصحي
بارك الله فيكم =)​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

معلومآتي ​

الاسم : طفولية
العمر : 20
الحالة الاجتماعية : عزباء > لووول عشان الزواج يأثر بالهرمونات والنزول :$ :$
الوزن : 62.4
الهدف : 55
مجموع الكلوغرامات المطلوبة للنزول : 7 كيلو و 400 غرام
المدة : من 6-2-2011 إلى 5-3-2011
عدد السعرات 1.200 سعره​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

ان شاء الله بروح اتغدى وبعدها انزلكم يومياتي .. بانتظار متابعتكم ومشاركاتكم الحلوة :**​

:rerrerek:

 

[عنيّد]

رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

موفقه انشالله
بس عاد عدلي عدد السعرات شكو حاطه فاصله صايره سعره وميتين :dddds:

 

[LoOLoO-17]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

الففف مبـــــــــــــــروووووك طفوليــــــــه عالموضـوع اليديد:hjy5jewf:

وان شاءالله نتابعــــج ونشجعـــــــــج وتنزلين وزنج بصحه وعافيه

 

[واثقة بجمالها]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

بالتوفيق يارب.’

 

[كيكه توفي]

رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

موفقه وان شاء الله تنزلين وزنج بصحه

 

[خولـه]

رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

حلووو

واهم شي انه اكل البيت ضامنين نظافته غير عن الشركات


بانتظاررج

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

عنيّد ​

ويآآآج يا قلبي

اي كافي سعره وحدة لووول​

LoOLoO-17​

الله يبآآرك فيييج .. حبيبتي متابعتج تشرفني .. اللهم آآميين ويآآج​

واثقة بجمالها ​

أجمعين :**​

كيكه توفي ​

آميين يآآ رب ويآآج =)​

خولـه ​

حبيبتي مشكورة على المتابعة والمشاركة :**​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

يزاكم الله خير كل الي طلوا على موضوعي سواء شاركوا او لا :*​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

يومياتي :
اليوم : الأحد
التاريخ : 6-2-2011

قعدت الساعة 10 ونص تقريبا ..

اول شي سويته قست وزني وهذا اهوا :



بعدها لعبت تمارين كروز والي اهيا عبارة عن 8 دقائق لشد البطن .. وهذا كتاب فيه معلومات وايد حلوة ورياضة بالصور انصحكم فيه =)




بعدها اخذت هالحبة لاني ما آكل سمج وابي صحتي تتعدل وشربت بطل ماي صغير ابراج =)




ريوقي كان متاخر على 11ونص تقريبا اذا مو 12

وكان عبارة عن ( توست اسمر + بيضة مفيوحة + فلفل اخضر + طماط + قطعة جبن سلايس + فلفل حار) + حليب كي دي دي خالي الدسم حطيت فيه تي باق وهيلته يمي يمي



وهذي الصمونة بعد ما طلعت من الشواية



مفيدة وتشبعععععععع وتقثث وتكفييي حدا حدا .. وهم لذيذة الحمد لله



وخذيت بعدها حبة جاي اخضر



يتبع =)​

 

[Media Boutique]

رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

ماااشاالله عليييج والله كانت ببالي الفكرة
ان اسوي منيو صحي من طبخي بالصور

بس ماشاالله سبقتيني

يالله ننتظر افكاارج وموفقة يارب خوووش فكرة : )

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

الغدآء ​

كنت مستعيلة عساس بروح النادي وابي شي سريييع بدون لا ادخل المطبخ وتصبغ فيني ريحة الطباخ .. بس للاسف مااا عجبني النادي وقررت اشتري ادواتي بروحي مابي اشترك خلاص

سويتلي بروكلي مشوي + 2 برقر دياي مشوي كليته مع كجب ​

​

ورى ما انصدمت بالنادي رحت الجمعية شريتلي اغراض حق الرجيم ..

وبطريجي شريتلي صمونة كباب من كبابجي + عصير برتقال فررش من جمعيتنا " انصحكم بعصير العديلية برتقال وقولوله يصفيه لذيييييييييييييييييذ مو صج !! "




معلومة الساعة 7 يتسكر باب الأكل ..

بنطر ساعتين ان شاء الله وببدي رياضة =)​

 

[طـفولية]

رد : رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

ماااشاالله عليييج والله كانت ببالي الفكرة
ان اسوي منيو صحي من طبخي بالصور

بس ماشاالله سبقتيني

يالله ننتظر افكاارج وموفقة يارب خوووش فكرة : )

حبيبتي والله ..
لاااااا تهوننييين كلشششش
بطلي موضوع وانا اول وحدة بشجعج واتابعج وآآخذ منج أفكار
لان محتاجين انوع بالأكل عشان ما نمل

حبيبتي يسعدني مرورج لا تقاطعين :***​

 

[ملاككك]

رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

مرحبا طفوووووليه
شخباااااارج؟ وايد مشتاقتلج
دائما متميزه بمواضيعج
ماشاء الله عليج
انا بحاول امشي معاااااج
ع نفس النظاااام ومتاااابعتج فدييييتج
:hjy5jewf::hjy5jewf::hjy5jewf:

 

[طـفولية]

رد : رد: طفولية كومباني " يوميات طفولية لصحة ورشاقة دآآئمة باذن الله " حياكم الله =)

مرحبا طفوووووليه
شخباااااارج؟ وايد مشتاقتلج
دائما متميزه بمواضيعج
ماشاء الله عليج
انا بحاول امشي معاااااج
ع نفس النظاااام ومتاااابعتج فدييييتج
:hjy5jewf::hjy5jewf::hjy5jewf:

وآآآي يا حبي لج انتي واختج ..
والله انا الي مشتاقتلكم
ترى صج صج ابي اشوفكم بالصج بعد اذنكم ترى يُقآل احنا بكلية وحدة ما يصير :$ :$
بعدي قلبي مروووج المميز والي حييييييل ونسني ..
أحب متابعتج وتشجعيج لي والله يوفقنا يا رب ونوصل الوزن الي نبيه بصحة وعافية هذا اهم شي :***​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

تتمة اليوميات​

لان اول يوم مشيت على الجهاز 15 دقيقة ..
تمارين 15 دقيقة تقريبا ..​

وبعدها حطيت صينية يمي فيها جاي اخضر الصيني + جاي ينسوون + بطل ماي

​

شربت جاي الينسون واهوا دافي .. بس الجاي الاخضر لوول ما ادري ليش الصيني احب اشربه بارد لووول

والماي ما شربته بنخليه حق باجر ان شاء الله


يالله عن اذنكم خلصت طآآآقتي لازم انااام
تصبحون على خير وسعادة ..
القاكم ان شاء الله مع يومياتي باجر باذن الله تعالي =)​

 

[طـفولية]

رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

صــــــــبآآآآح الخــــــــير باللــــــــــــــــيل​

:ggdw:

​

اليوم يا محفوظات السلامة قعدت متاخر للاسف من النوم وكله والسبة العطلة والسهر .. نايمة الساعة 4 الفير مو راضي اييني نووووم ​

:jumpon:

قعدت الساعة 12 الا عشر تقريبا ..​

يالله بالرد الياي ان شاء الله ابدي معاكم يومياتي ​

:q8:

 

[ملاككك]

رد: رد : طفولية كومباني " يوميات طفولية لصحة ورشاقة دآآئمة باذن الله " حياكم الله =)

صــــــــبآآآآح الخــــــــير باللــــــــــــــــيل​

:ggdw:

​

اليوم يا محفوظات السلامة قعدت متاخر للاسف من النوم وكله والسبة العطلة والسهر .. نايمة الساعة 4 الفير مو راضي اييني نووووم ​

:jumpon:

قعدت الساعة 12 الا عشر تقريبا ..​

يالله بالرد الياي ان شاء الله ابدي معاكم يومياتي ​

:q8:

صباحج ورد وسكر
صح النوووووم
استانسي لاحقين ع قومة الصبح
ياينا الدوام