تعالي ولا تحاتين معاي اكيد بتخسين

[دندونه@@@]

حلوه وجذابه رحت لامير الامراء وشريت التالي :خبز شعير لان الكتان خالص شابورة وصمون كتان _ بقصم وصمون الصويا.... صمون الصويا حلو وخفيف مع ان الصمونه كبيره بس ما يثقل على المعده عكس هوت دوغ المطاحن تاكلين وحده جنج ماكله عشر...صمون الكتان شكله ولونه ما يشجع بس طعمه حلو ولو انه فيه شوية مروره ...وخذيت رقمهم علشان اطلب منهم مره ثانيه بدون لا اتعنى و اروح لهم ومشكووووووره حياتووووووه لانج ذكرتيني فيهم الله

 

[دندونه@@@]

اليوم واصلت نفس الدايت وكل شي اووووووووكي



الريوق كان ملعقه صغيره لبنه دايت وصمونة بذرة الكتان وشاي اعشاب بدون سكر وخياره.. غيرت شوي بس مضطره علشان اسبوع المرور:eh_s(2):



و وجبة الغدا حضرت نفس اللي بالنظام بالضبط .."


يللا قولولي شنو صار معاكم وتوقعاتكم كم نزلتم خلال اليومين اللي راحو

 

[دندونه@@@]

امبي وين البنات محد بين منهم :eh_s(10): الظاهر الكل مشغول بالمنحه مع الجماهير المتجمهره عند البنوك وارض المعارض:eh_s(1):مممممممم لا تعليق





ان شاء الله كل سنه فيها منحه احلى من اللي قبلها:ggdw: وابونا ما يقصر عساه على القوه:yaaaaaarb:




بس ياليت يضبطون الاسعار اكثر لان كل شي طاااااااااااااااار حتى الخدم زادو اسعارهم والسبب


منحه +زيادة رواتب =
زيادة النصب والاسعاااااااااااااااااااااااااااااااار

 

[حلوة وجذابة]

رد : رد: تعالي ولا تحاتين معاي اكيد بتخسين

كيف الحال يا رشيقات المستقبل اليوم الرجيم تمام والحمداللة نازلة وانتو بشرو عن اوزانكم

وبنات اشصاير بالديرة حشى الناس تقول عمرة ما صار عندها فلوس اللة يستر علينا من عيون الناس

واللة جميع الاماكن موووووووت من الزحمة

 

[روحي تحبك...]

رد : رد: تعالي ولا تحاتين معاي اكيد بتخسين

هاااااااااااااييا بنات

شخباركم وشخبار المنحه وياكم؟؟


وين طيرتوها لوووووووووووووول

الرجيم امس تمام التمام صراحة حدددده مرييييح وحلووو



دندونه حياتي نبي رجيم حلو وسهل المره اليايه

وبلييييز راعيني ترى عندي كليه وما ارد البيت الا الساعه 6 المغرب << تتشرط الاخت :$



فديييتكم والله


وهالله هالله بالالتزام

 

[دندونه@@@]

عسى ماشر وينكم من امس...حلوه وجذابه " تصدقين للحين ما ادري وين نازله منحتي بس مو ضايعه ان شاء الله البركه في البنوك تحفظها لي :ggdw:


...على طاري المنحه يقولون ان وحده ولدت في بنك الخليج فرع الفحيحيل وهي تنطر دورها علشان تستلم المنحه عاد ما تسوى عليها هالالف بتروح تعالج فيها اللي تدهور مع الولاده مسكينه الله يكون بعونها موقف لا تحسد عليه ولاده وجدام الناااااااااااااااااس فشله عاد تعالي شوفي اللي ما يتفهمون الموقف هي تولد من صوب وهم يتهاوشون على الدور...المصدر خدمة اخبار الراي (ولو اني اشك ان اخبارهم مافيها مصداقيه)

اما الرجيم اليوم اوكي بس تاخرت بالريوق لاني سهرانه امس وتوني قاعده....

روحي تحبك ...حبوبه اذا ما تتحملين هالدايت خليج على نظام الساعات لانه يكون عندج فرصه تاكلين وجبات صغيره كل ثلاث ساعات اتوقع هالنظام يصلح لج اكثر ايام دوام الكليه لانج تبذلين مجهود ومحتاجه طاقه اما في العطل طبقي نظام اليومين



ياجماعه غموض وينها من يومين و ما لها حس ............"

 

[فوشيه كويتيه]

يآرب يحقق آللي في بآلكم

 

[حلوة وجذابة]

رد : رد: تعالي ولا تحاتين معاي اكيد بتخسين

مراحب على الرشيقات وشلون الرجيم وروحي تحبك ديربالج من الرجيمات موكل رجيم يمشي وياج وغمووووووض



وينج مو باينة فاقدينج ودندونة ما دري شقول لج ما قصرتي ويانا بصراحة من نصايح وتشجيع وانواع رجيمات




وبقولج مشكوره على كل الي بذلتية وانشاللة توصلين للي تبين فديتج انت والبنات والمنحة على قولتج للحين




اخذتها بروح ارض المعارض علشان ابي اخذها واللة يساعدني على الزحمة

 

[حلوة وجذابة]

رد : رد: تعالي ولا تحاتين معاي اكيد بتخسين

فوشية كويتية مشكوره على الدعوة الحلوة واللة يسمع منج

 

[دندونه@@@]

يآرب يحقق آللي في بآلكم

جزاج الله خير حبوبه على الدعوه ولج بالمثل ان شاء الله

 

[دندونه@@@]

رد: رد : رد: تعالي ولا تحاتين معاي اكيد بتخسين

مراحب على الرشيقات وشلون الرجيم وروحي تحبك ديربالج من الرجيمات موكل رجيم يمشي وياج وغمووووووض



وينج مو باينة فاقدينج ودندونة ما دري شقول لج ما قصرتي ويانا بصراحة من نصايح وتشجيع وانواع رجيمات




وبقولج مشكوره على كل الي بذلتية وانشاللة توصلين للي تبين فديتج انت والبنات والمنحة على قولتج للحين




اخذتها بروح ارض المعارض علشان ابي اخذها واللة يساعدني على الزحمة

ولو حبيبتي لا شكر على واجب :eh_s(22):والدنيا اخذ وعطا انا اخذ منكم تشجيع :eh_s(9):وانتو تاخذون رجيمات على البارد المستريح بس عاد تهقين ما اغشكم وازيد اوزانكم بدل لا انزلها

:krkrkr::krkrkr::krkrkr::krkrkr::krkrkr:



الا ابسألج انتي طايحه على الميزان صبح وليل ونسيتي ان السبت يوم الميزان:eh_s(14): وبعدين مع اللي ما يلتزمون:eh_s(4):


بس ان شاء الله وزنج مازاد بعد ما فليتيها بالمدينه على الشبس وغيره من كل ما لذ وطاب:eh_s(1):والله الواحد عند هالسوالف ما يضبط عمره غصب طيب لااااااااازم تضعفين:eh_s(1): لو ثانيه وحده وينعفس الدايت وتروح علينا.."




اما المنحه الحمد لله هي اللي تجيني :eh_s(9):مو انا اللي اروح لها عشتو هذا اللي ناقص اروح ارض المعارض واصف دووووووووووووووور طول بعرض والتفت يميني ويساري والا ذيك المشروبات والنفيش والشبس ريحته تهفهف والنفس تشتهي وبدل لا تلاقيني على الكاونتر استلم المنحه تحصليني طايحتلج شبس وبيبسي وايس كريم و و و و الخ :eh_s(2):مو تعرفين هذي اخرة الحرمان والدايت ننهد على الاكل مثل المفاجيع:krkrkr::krkrkr::krkrkr:



ديري بالج تسوينها وتفلينها مره ثانيه وتعطين نفسج فري دي ترى من اللحين احذرج:eh_s(14):6

 

[حلوة وجذابة]

رد : رد: رد : رد: تعالي ولا تحاتين معاي اكيد بتخسين


لبى قلبج يادندونة انا كل بالي الاربعاء وعلشان جذي وزنت والحمداللة كل شي تمام وشخبار منحتج



حصلتيها والا بعد انا بعد مثلج ضايعة موعارفة وين منحتي واللة يعينا وغموض مو باينه كلش اضاهر




موفاضية مع هالمنحة خوره من سوق السوق اللة يهنينا فيها انشاللة ويخليلنا بابا صباح


والحين بتغيرين الرجيم والا لا علشان اعمل حسابي

 

[دندونه@@@]

ان شاء الله باجر فري دي وكل وحده فيكم توزن الصبح وتقول لنا كم نزلت:ggdw: وعن نفسي ماراح اوزن الا بعد كم يوم والسبب مثل ما انتم عارفين ان اسبوع المرور ما يعطيج الوزن الحقيقي يزيدج شوي ويحطمج:eh_s(14):

وعلى يوم الاحد نبدأ نظام جديد يستمر 3 ايام وهذا النظام اسمه نظام الديتوكس...بصراحه اول مره اجربه وجاني ايميل ولما قريت عنه اقتنعت فيه لان مو اي نظام يعجبني او يكون سهل تطبيقه وراح انزل لكم كل المعلومات اللي جتني على الايميل

 

[دندونه@@@]

راح نتبع هذا النظام من يوم27 /2/2011 لمدة 3 ايام وبعدها يكون فري دي
نظام الديتوكس

ينشغل بعض الأفراد الآن بأحدث الطرق الغذائية السليمة والمفيدة للجسم والتى تجعله يشعر بالحيوية والانطلاق الدائم بعيدا كل البعد عن الأدوية وأقراص الفيتامينات ومن هذه الطرق هو نظام "الديتوكس" التى تحدثنا عنه د. مها رادميس، استشارى أمراض السمنة والنحافة قائله:
"نظام الديتوكس هو أحد النظم الغذائية التى تساعد الجسم فى التخلص من السموم الموجودة فيه والناتجة عن تلوث البيئة والكيماويات الموجودة فى الطعام والإضافات الغير الطبيعية على الأطعمة، كل هذا يؤدى إلى سموم فى الجسم، وإن كان من المعروف أن الكلى والكبد يعملان على تخلص الجسم من السموم، إلا أن نظام الديتوكس الغذائى يجعل جميع أعضاء الجسم تساعدهم على التخلص من السموم بصوره أكثر صحة، وذلك عن طريق تناول خضروات وفاكهة بكثرة مثل البروكلى والخرشوف والخيار والطماطم والفراولة والتفاح والخوخ مع تناول المياه بكثرة".

وتؤكد د. مها رادميس على أن هناك أعراضا مرضية يعانى منها الفرد دون معرفة أسباب حدوثها مثل (الكسل ـ وكثرة النوم ـ تورم فى القدمين ـ زغللة فى العينين ـ صداع `ـ إمساك) كل هذه الأعراض تحدث نتيجة لتراكم السموم فى الجسم وعدم قدرة الكلى والكبد من أداء عملهم، فيكون الحل الوحيد هو عمل نظام الديتوكس حتى نشعر بالراحة من تلك الأعراض.

وهناك من يعتقد أنه نظام رجيم لا يعمل بها إلا من يبحث عن نظم رجيم تجعله يتخلص من الشحوم الزائدة، ولكنه نظام لكل الأفراد السمين منهم والنحيف لأن السموم فى الجسم موجودة عند كل الأفراد لا فرق بين احد.
وتوضح د. مها رادميس طريقة عمل نظام الديتوكس قائلة: يقوم الفرد بتناول الخضروات الطازجة والفاكهة والعصائر بدون سكر، وتكون الوجبة كل ساعتين بانتظام من هذه الخضروات والفواكه، ويمنع تماما أثناء اليوم تناول النشويات والكافيين والحلويات والسجاير، ويبدأ الشخص بعمل هذا النظام أول مرة ثلاث أيام متتالية، مع التأكيد على تناول المياه بكثرة جدا، ثم يستمر الفرد على عمل هذا النظام يوم واحد فى الشهر بعد ذلك، مع ملاحظة الشعور بالصداع فى بداية اليوم الأول من عمل نظام الديتوكس، ولكن هذا الشعور يزول ثانى يوم ونشعر بالارتياح والحيوية والنشاط باقى الأيام ....

وعن أحدث طرق الرجيم تقول د، مها رادميس: إنه هو النظام التى يعالج حرق الدهون فى الجسم وهى تختلف من شخص لآخر تبعا لعدة عوامل منها حالته الصحية ونتيجة التحاليل الخاصة به، وخاصة تحليل الغدد كل هذه العوامل تجعل الطبيب يصل إلى النظام المناسب للشخص لحرق الدهون الزائدة عن احتياج جسمه

 

[دندونه@@@]

عطوني رايكم بالنظام واذا تقدرون تتحملونه 3 ايام والا لا ؟ .... من وجهة نظري اشوف ان تطبيقه صعب شوي بس بنحاول نطبقه هالمره مو علشان نخس لأ علشان نطرد السموم من اجسامنا والا انتم شرايكم؟

 

[دندونه@@@]

بـــــــــــــــــــنــــــــــــــــــــــــات صـــــــــــــــــــــــــراحــــــــــه بــــــــــــــــديــــــــــــــــت اعــــصـــــــب

:eh_s(14):
لــــــــــــــــــــــيـــــــش قــــروبــــــــــــنـــا نـــــــــــــايـــــم

:eh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14):

 

[حلوة وجذابة]

رد : تعالي ولا تحاتين معاي اكيد بتخسين

مرحبا بنات وخاصة دندونة مدري احس بس انا وياج الي بقينا ومع ذلك مو مشكلة لازم ما ننحبط ونعذر البنات :eh_s(10)::eh_s(10):



وبصراحة نظام الرجيم صعب شوفيلنا شغلات خفيفة ومجربة علشان ما نخربط نظام الساعات وخربطنا فية :rgewrg:



هذي وجهة نظري وشلون رجيمج ماشية فية انا الحمداللة للحين متحمسة علية وانشاللة اوصل انا وياكم للي نبية يارب يارب :yaaaaaarb::yaaaaaarb: :yaaaaaarb:

 

[درٍرٍ]

مرحبا ياحلوات
خواتي اكيد تبون تضعفون وانتوا مرتاحين نفسيا وجسديا

وهالانظمة الخايسه كلها مستحيييييييييييييييييل تسوينها وانتي مرتاحة نفسيا

يعني تخيلي مكتوب لج بالنظام انج لازم تقعدين وتاكلين توست وجبن وانتي مو بخاطرج هالشي ومشتهية شي ثاني بس مضطرة تمشين على النظام
انا اشوف ان الوحده تحرص انها تختار الاكل اللي تحبه وتعيش حياتها بطريقه صحية بس

يعني نخلي التوست والخبز والكورن فليكس كلهم سمر
والعيش نحاول نوخر عنه او نخفف منه
والمشروبات الغازية نقاطعها هي والكاكاوات

والسلطات اللي كنا حاطينها على صوب نبدا نحرص عليها

يعني بس نغير نظام حياتنا ونسوي لنا منهج نمشي عليه طول العمر

والله ياخواتي مو عارفه اشرح اللي بخاطري بس اتمنى ان فكرتي تكون وصلت

وان شاء الله يارب كلنا نضعف بصحة ونوصل للوزن اللي نبيه

 

[دندونه@@@]

رد: رد : تعالي ولا تحاتين معاي اكيد بتخسين

مرحبا بنات وخاصة دندونة مدري احس بس انا وياج الي بقينا ومع ذلك مو مشكلة لازم ما ننحبط ونعذر البنات :eh_s(10)::eh_s(10):



وبصراحة نظام الرجيم صعب شوفيلنا شغلات خفيفة ومجربة علشان ما نخربط نظام الساعات وخربطنا فية :rgewrg:



هذي وجهة نظري وشلون رجيمج ماشية فية انا الحمداللة للحين متحمسة علية وانشاللة اوصل انا وياكم للي نبية يارب يارب :yaaaaaarb::yaaaaaarb: :yaaaaaarb:

يا حياتي والله حتى انا حاسه ان هالنظام صعب شوي بس لما افكر بالفايده اقول خل اجرب خاصه انه راح يسهل علينا الرجيمات وينزل الوزن بعد ما نتخلص من البلاوي اللي فينا على فكره ترى هالنظام مو دايت وشغلته يطرد السموم من الجسم

ومع هذا مزهبه لكم نظامين واحد منهم يعتمد على الشوربه والسلطه والعصير الطبيعي والثاني يعتمد على السلطه بس هالسلطه تغنيج عن الاكل لانها تحتوي على كل الي تتحتاجينه الاول انا مسويته لكن الثاني جايني ايميل

اليوم ابنزل الدايت المناسب ونمشي عليه والديتوكس راح اجربه على نفسي يمكن اقضي على اثار البنج اللي للحين متعبتني:eh_s(2): والله حتى التركيز ما قمت اركز وانسى بكثره اخاف يجيني الزهايمر:eh_s(11):وانا توني صغيره:eh_s(16):

 

[دندونه@@@]

مرحبا ياحلوات
خواتي اكيد تبون تضعفون وانتوا مرتاحين نفسيا وجسديا

وهالانظمة الخايسه كلها مستحيييييييييييييييييل تسوينها وانتي مرتاحة نفسيا

يعني تخيلي مكتوب لج بالنظام انج لازم تقعدين وتاكلين توست وجبن وانتي مو بخاطرج هالشي ومشتهية شي ثاني بس مضطرة تمشين على النظام
انا اشوف ان الوحده تحرص انها تختار الاكل اللي تحبه وتعيش حياتها بطريقه صحية بس

يعني نخلي التوست والخبز والكورن فليكس كلهم سمر
والعيش نحاول نوخر عنه او نخفف منه
والمشروبات الغازية نقاطعها هي والكاكاوات

والسلطات اللي كنا حاطينها على صوب نبدا نحرص عليها

يعني بس نغير نظام حياتنا ونسوي لنا منهج نمشي عليه طول العمر

والله ياخواتي مو عارفه اشرح اللي بخاطري بس اتمنى ان فكرتي تكون وصلت

وان شاء الله يارب كلنا نضعف بصحة ونوصل للوزن اللي نبيه

مشكووووووووره درر على النصيحه و وفكرتج وصلت وفاهمه عليج ياقلبي والحمد لله بالنسبه لي عاداتي الصحيه تمااااااااااااااااااااااااااام والسلطة صديقتي الصدوووووووووقه :eh_s(9): لكن هالفتره مضطره امشي على دايت ينزل الوزن بسرعه لان الوزن الزايد اللي عندي من الحمل يعني خسارته سهله خلال 3 اشهر واذا تكاسلت وما اهتميت بنفسي بتكون خسارة الوزن صعبه ...والحمد لله قد ما قدرت بدلت اشياء كثيييييييره من عاداتنا الصحيه حتى عيالي عودتهم على الصحي والمفيد والله يتمم علينا الصحه والعافيه



ومشكوووووووووره يا حياتي على النصيحه الصادقه اللي طالعه من كل قلبج:eh_s(7):