احلى تجمع (( كروشات ديسمبر )) حياكم الله بنات

[أميرة طفولتي]

فقوووووووووووووده

اخذيني معاج ابي اسافر اهئ اهئ


لولو
اي حبيبتي سويت سيرج وقريت وايد الحمدلله مالها مضار وقاعده اقرا تجارب البنات
مسوينها من سنين طلعت السالفه قديمه بس توها تنتشر وعلى قولتهم مالها ايي اثار جانبيه وزي اللوز هههههههه

ليموني
هلا والله حبيبتي شلونج ؟
اييييييه يختج الكرشه مشكله شنسوي لازم حركه ورياضه ولا ماتروح جذي قاعدين وحاطين ايدنا على خدنا ونتحلطم خخخخخخ


"إن الله مع الصابرين"

 

[أمواج^الكويت]

هالوووو بنات شلونكم !*

كلولولوووووووووش وأخيراً اليوم الخميس مابغينا .. **

واااااي هالأسبوع شنو مر علي ثقيل واشطوله مع أرف الدوام 
​

 

[أميرة طفولتي]

السلاااااااااااااااام


مبرووووك عليكم يا بنات قرار الخدمه المدنيه
مرتب كامل لاجازة مرافقة الام لطفلها الي بالمستشفى داخل الكويت

وقرار الوضع شهران بمرتب كامل وشهر امومه بمرتب كامل وبعدها ٣ شهور بنص راتب

مرافقة الزوج او الزوجه للبعثات الدراسيه بمرتب كامل

مبروووووووك

 

[أميرة طفولتي]

ياعساها جمعه مباركه

امس بنات تعبت وضغطي نزل وايد ماداومت ورحت المستوصف قالي لازم الحين تاخذين درب
بس قتله ماقدر كان عندنا عزومه فبيتنا قالي خلاص تعالي العصر قتله اوكي ورحت بيتنا والحمدلله الغدا الكل تكلم عنه لان ريلي اهوا الي كان منزله المهم وقعدنا بعد الغدا سوالف ووحلو وقهوه حسيت الحمدلله صرت احسن عقبها قالي ريلي يلا قومي خل اوديج ورحت دشيت على الدكتور اول شي قالي ارتفع شوي بس للحين تحتاجين الدرب
ايد السستر ياعلها الشقوووول ثقييييله وتخيلوا دخلت الابره وطلعتها ٣ مرات و ظليت ربع ساعه حاااااااشني عواااار بايدي مو طبيعي بغيت ابجي ريلي راح ركض نادى الدكتور زخه من غرفته ياني ولا مركبته غلط وعرجي من مكان الابره لي المعصم كله ناط
طلعه على طول وريلي شاف ايدي جان يشخط فيهم كلهم وطلعنا

 

[~{GooShTa}~]

وااااي بنات بس و الله لاعت جبدي من جسمي
وزني صار 55 اوكي حلو بس المشكله في كرشه و في كراعين و زغاديد و بلاوي .. و امبيه زنودي سايحين @@ !
و الله قاعده اكتشف اشياء غريبه اب جسمي .. شنو يعني لي متى يعني :eh_s(11)::eh_s(11)::eh_s(11):

لما البس الجينز لازم كرشي تكون ناطه .. مادري اجازف و البس الكورسيه ؟
و الصراحه طنشت بدكتورتي و قمت اسوي رياضه و تمارين معده و شلت شويه اثقال عشان زنودي يشدون لووووول و الله شكلي فلم .. يعني بس صارلي 3 أشهر والده ليش الكرشه ما تروح :eh_s(2)::eh_s(2)::eh_s(2):

بنت الوفا
واي الله يعينج و الله الخدامه شي ضروري عالاقل لوو بس اهيا تمسك شغل البيت و انتي تجابلين عيالج

اموووره
لووووول ضحكتيني
لا و الله مو كل يوم اشوفها الصراحه قلبي يعورني ماقدر بس اخوي كل يوم يدزلي صورها
اصلا امي تقولي بس علويه حقنا انتي يبيلج بنيه ثانيه
و الدراسه زينه هانت كلها شهر و افتك ..

ليموني
مو ناويه تسوين رجيم يعني ؟
الكرشه عليج بالرياضه ثم الرياضه

لفلي
شلوونج شخباررج .. ؟
شوفي اذا ما تبين تسوين رجيم لا تسوين
بس حاولي انج تخففين او ما تاكلين شي عقب ال 7 و ترى شغل البيت يضعف
و ابدي بالتدريج يعني

فقوووده
مبروك النزول و مبروك السفره
عاد سويلنا تقرير لوول​

 

[~{GooShTa}~]

امووره .. امبييييه حسبي الله عليها شفيها هاذي ما تفهم !
يعني مادري ليش جذي فيهم غباء مو طبيعي .. و الحين شلونج ؟ ضغطج تعدل و لا شلون ؟

و على طاري القرارات .. يعني اذا ريلي بيكمل بره و انا رحت معاه .. يمشيلي معاش كامل ؟ ​

 

[~{GooShTa}~]

بنات ريلي صدمني ! للحين مو طالب خدامه .. يقول رحت مكتب اشكناني و الصراف و القلاف مافي الا سيلانيات و اثيوبيات
و انا الصراحه مابي .. ابي فلبينيه او اندونسيه و الاندونسيات خلاص ماكو للابد

فا شرايكم تعرفون مكاتب ثانيه فيها فلبينيات ؟​

 

[أميرة طفولتي]

السلاااااااام

توني رديت من البيرق تسوقت على السريع
شريت تيشيرت فراري احمر حق مهودي وااااااااي توني قايسته عليه يهبببببببل
وعليه شورت اسود من اتش اند ام بس طلع واسع جنه تنوره لووول
واخيرا حصلتله دلاغات بيضه ساده كله ملون من مذركير اي صج مسوين خصم ٥٠٪
وخميتلي جم شغله من مكياج المنصور صبغين على جم حمره حق البيت ههههههه وكريم مرطب للريل وسكرب للجسم وشاور جل اول مره ادري عندهم سوااااالف عجيييييبه


قووووشتااااا
اووو انتي نفس حالتي وصلت ٥٣ بس زنودي للحين
انشالله بروح اقز ابر ميزوثيرابي لاذابة الدهون
دامج تدرسين صيدله ماتدرين اذا المواد الي فيها ضاره ولها سايد افكت ؟؟
انا سويت سيرج عنها وكل المواقع نفس الشي انها امنه ومالها مضار
وقالتلي وحده بالمنتدى سوتهم حق الكرش وزنودها والنتايج تبين من اول جلسه وتقول وااااو
الحين بس ناطره ريلي يعطيني الموافقه وعلى طول بسوي مابذني ماي انشالله*

 

[أميرة طفولتي]

على الخدامه مادري والله قوشتا
بس الفلبينيات صج نظاف بس وايد يشتكووووون منهم
سوي سيرج بالمنتدى او شوفي قسم التجارب الحياتيه وايد مواضيع عن الخدم والمكاتب انشالله يفيدج

 

[~{GooShTa}~]

اموره الصراحه كلش ماعندي فكره عنهم .. بس توني قاعده اقرا امبيه جني تشيشت .. كاتبين انه يخففون السترج ماركس ونااااسه
الحين الوحده لما تسويهم يبين عليها انها ضعيفه و لا شنو ؟
و وين ناويه تسوينهم ؟

انزين في احد سامع عن عيادة بهبهباني ؟ يقولون عندهم ابر حق السترج ماركس و حدهم زينين ..

 

[Zen&7ala]

قووووووووووه بنات شخببااركم

ولهانه عليكم وايد


ابشركم نزلت كيلوين ب4 ايام


بقولكم عن رجيمي الخطييييييييييييييييييييير و ياا رب ان شاء الله اضعف زيادة

االريوق: كورنفليكس الرجيم من نستلا + عصير برتقال كي دي دي و شوي معاه ماي ورد (يخلي ريحه الجسم حلوه)

الظهر : روب + تفاحه خضرة او كيوي

الساعه 6 ونص = توسته سمرة + همبورغر لحم او دياي مشوي (و ترعصين فوقها ليمونه) + جبن سلايس لايت من كرافت

+ طماطه . + سلطه عباره عن خس و خيار او روب مع خيار و نعناع

و بس

بنات والله واايد زين و اينن و انصحكم مع شاي اخضر بليل أو شاي مع زعفران و ماي ورد

و بين الوجبات اذا تبون قهوه فرنسية او تركيه مع شكر تروبيكانا مال الرجيم

والله وناسه هذا و انا ما اسوي رياضه !! لو سويت اكيد بنزل اكثر

بس مشكلتي ان كرشتي كبرت !! اكبر من اول ما ولدت :s و زنودي فلم كبير ههههههههههه

الله كريم حيل متفاءله و مستانسه زين رديت وزني اول ما ولدت الحمد الله

 

[Zen&7ala]

بنت الوفا

اينن الموضوع

نزلت شوفواا

http://www.q8yat.com/t745143-268.html#post23430902

 

[أمواج^الكويت]

صباح الليل على أحلى بنات تجمعي :eh_s(7):

واااي بنات كلش ماكو وقت أسولف معاكم والسبة هالدوام

شلونكم شخباركم كلياتكم .. لكم وحشة يالغاليات :fun:

بنوووته موضوع الستايلات يونس حده عجيب وفديت بنوتاتج والله .. عاد صورة ستايلج اللي حاطتها وانتي حامل ولا بعد ماولدتي :eh_s(10): ----> فضووولية
ياحلات وجداني شكلج لاعبه فيها لعب ههههههههههههههه بس شلون حددتي أطرف شعرها أنا بنتي شعرها طايل وصاير خنافس ودي أرتبه بس خايفه أخربه
واشصار عليج طلبتي خدامة ولا ليلحين ! إنشالله تحصلين وحده سنعة ..

وزيووونه حلو ستايلج بس ليش مسودتها كل هذا علشان تخشين المتن هههههههههههه
إي صج مبروووك عليج نزول الكيلوين وعقبال ماتردين وزنج قبل لاتحملين

شلون ديووومة حياتي .. بوسه كبيرة حقها ​

 

[أمواج^الكويت]

أمووورة ماتشوفين شر حياتي .. وشلون ضغطج ألحين إنشالله استقر !
أول مره يصير معاج جذي ولا هالشي من زمان فيج ! أخاف من الرجيم !
وحسبي الله ونعم الوكيل في هالممرضة .. شنو الناس محط تجارب حقهم واااي بطت جبدي وين هذا أي مستشفى ! وزين سوى فيهم زوجج الطيب ماينفع مع هالأشكال لازم يوقفون عند حدهم ..
وعلى سالفة قرار الأمومة حسافة راحت علينا وماراح نستفيد منه شي ألحين
ياليت قرروه من زمان علشان يمشي علينا ..

أموورة رئيسة قسمي عطتني مقرر حادي عشر بس أنا قلت لها عطيني عاشر لأن شغلي جاهز وماعندي وقت في البيت أحس وقتي مو ملكي مع هالفروحة
إذا انتي هم تدرسين عاشر ترى كل شي جاهز مجرد ورقة سويلها برنت وحطي أهداف حق الدرس ..
قوليلي وين واصله ! أنا يوم الأحد بدش نص " عتاب "



​

 

[أمواج^الكويت]

مساء الخير
شلونكم بنوتات؟

احس اني مضيعه داشه تجمعكم لانه ماشاء الله كلكم تعرفون بعض..
بس صج ابي تشجيع .. انا ولدت صارلي 3 سنوات وما اهتميت يعني بس اذا ضاق خلقي على طول اضعف هههه..ابي البطن يروووووح برد مثل قبل

واللي معذبني اني زايده 3 كيلوات يعني وزني كان 48 وصار 51 :.(
طولي 155..يعني تبين الكرشه هههه واللي ذااابحني الحين قمت البس التوب مديم وقمت البس كورسيه وانواع الكورسيهات شاريه ويع يضايقون ويمللون ما ارتحت على ولا واحد بس الحين شريت بعد واحد ههههه من كثر ماني متعقده من كرشتي شريت واحد حلو مافيه حدايد مادري شسمونهم من محل بالافنيوز بس كنت ادور هالنوعيه من زمان ولقيتها..طبعا اكلي زين نص صحي وما تهمني السعرات لاني مو حيل امتينه بس يبيلي شد من الولاده..
ولا شرايكم بنوتات ؟!

بس بعد تفكير طوييييييل جدا :/
قررت
ادش نادي .. و قريت عن وايد نوادي وقلت بروح نادي كيرفز ع الاقل يشد جسمي.
وهم متردده :.(

ادري قرقت وايد بس باجر بروح اشوف النادي والله يستر من نفسيتي تتقبل ولا نو :/

هلا وغلا فيج اختي ككاويه :eh_s(7):​

منورة التجمع وحياج الله بينا حبيبتي ​

عاد وزنج ماشاء الله حلو مع طولج .. بس يمكن على قولتج الكرشة مخربة عليج ​

جربي دايماً شفطي بطنج هالرياضة من أقوى الرياضات حق الكرش .. أحس النادي ماراح يفيدج بشي لأنج مو متينه بس اللي مأزمج كرشتج يعني لازم تركزين على رياضة البطن وقللي من شرب السوائل على الأكل ..​

وإنشالله تطير الكرشة ويصير جسمج مانيكان .. ​

أنا أقترح عليج تحملين مره ثانية وبعدها جابليها عدل يمكن لأن بالحملة الأولى مااهتميتي فيها لوووووووووووووول أكيد ألحين بتكفخيني :eh_s(4): على هالاقتراح ..​

ككاوية شكلج ماشاء الله حريفة آيفون قاعده أحوس بمواضيعج ونزلت برنامج قص الرنات على اللاب وإذا استصعبت شي بأذيج على الخاص بأسئلتي :krkrkr:​

لأن صارلي قرن بحط رنة حق جهازي ومو عارفه شلون وكل ما أسأل أحد يقولي ماعرف ​

فشفت لج موضوع عن الرنات .. وألحين بجرب أطبق اللي حاطته وإنشالله يضبط وياي ..​

 

[أمواج^الكويت]

جوجو وينج دوامج ماخذج من عندنا عاد صج يصير ثقيل اول ايام بشرى قدرتى تنسقين بين وقتج بالدوام وبين البنوته

كاكاويه وينج اليوم بالبارلينكو مو موجوده؟

هالوووووو لولو والله الدوام مأزمني :eh_s(11): وماخذني من الكل :eh_s(2): وماكو نوم كلش أروح مواصله أو أنام ساعة أو ساعتين وقطاعي .. بنتي موراضيه تضبط نومتها مادري شنو الحل !!

حدي طفشانة بس الشكوى لله في مصرية مرتزه قاعده بمكاني مو راضيه تحس على دمها وتقوم .. المصرية ماخذه مكاني ووحده كويتية يديدة ماخذه كرسيي .. وكاسرين مكتبي القديم وحاذفينه الغرفة الثانية وحاطين عليه مفرش ومسوينه طاولة طعام :eh_s(16):

جان زوجي يروح يشتريلي واحد يديد بس ليلحين مايابوه

لفلي شلون ريووونه إنشالله بخير !

لولو حاولي تسوين كنترول على نفسج ترى إذا أهملتي نفسج من ألحين من الصعب تنزلين بسرعة بعدين ..

وبعدين أنا مشتركة في الــ palringo بس ليلحين مو ماخذه على البرنامج ! شنو اسم القروب اللي تدشونه انتي وككاوية !

أنا اللي نبهني على هالبرنامج كوستا الله يذكرها بالخير ونزلته علشان نتجمع فيه ..

كوستا وينج لج وحشة انتي وأم خلود وتالا ومجموعة كبيرة من البنات شدعوه طلوا علينا جبروا خواطرنا لو بكلمة .. ترى مشتاقين لكم وايد :eh_s(2):




​

 

[أمواج^الكويت]

شونكـــــــــــم عساكـــــــــم بخير

الله يبارك فيكم الفال لكم ياربي

امبيه غرور شعور مو طبيعي ان نزلت

ابشركم بروح تايلند 23/ 4 توصون علي شي

فقوودة نبي سلامتج .. تروحين وترجعين بالسلامة حبيبتي وأهم شي استانسي وغيري جو

ومبروووووووووووووووووك نزول الوزن وشعور حلو لما تكونين راضية عن نفسج

والفال لي ولباجي البنات ننزل بصحة وعافية يارب :yaaaaaarb:


​

 

[أمواج^الكويت]

جوووووووووووجووووووووووووووو

حبيبييييييي شلونج ؟؟

واااااااي الله يعينج على الدوام ياربي
بشري شلون نومة فروحه ان شاء الله تعدلت يارب​

و شلونها دربوووووووووله لها وحشه من زمان ما طلت علينا ​

هلا هلا هلا بأم عبادي شلونج حبيبتي ! وشلون البنوتات وشيخ الشباب عبادي !

ونااااسة راح تسوقين خوش بشارة والله أنا أول المشجعات لج ..
أحسن لج والله يا كوكو ولا منة فلان وعلان .. على الأقل تقدرين تروحين السوق متى ماتبين وتطلعين اليهال وتودينهم ألعاب أي وقت يبون ​

بس أهم شي لازم تشيلين الخوف من قلبج وتكون عندج جرأة وقت السياقة .. في البداية راح تلاقين صعوبة بس بعدين مع الممارسة راح تلقين نفسج تمكنتي وسيطرتي على الوضع ..​

وإنشالله تبشرينا بأقرب وقت إنج أخذتي الليسن علشان نلتقي بالأفنيوز هههههههه​

وآآخ ياكوكو على الدوام حدي تعبانه منه .. تخيلي كانوا حاذفيني مدرسة بآخر الدنيا بس زوجي دش في بلعومهم وردني مدرستي .. كل هذا علشان أخذت أمومة
عاد أول يوم كان صوتي أوكي من ثاني يوم بدى يصير مبحوح وثالث يوم اختفي بالمرة ماكو صوت حتى الطالبات كل شوي يقولون لي أبلة ترى مانسمع :eh_s(10):​

وفي مدرسة مصرية بالقسم تقولي آآه جايه من إجازة وراحة ودلع مش متعودة على الشغل يعني أول يوم صوتك كان طالع بس مسكناكي الفصول صوتك راح مش نائـصين غياب كمان :rgewrg:​

أكره جرأتهم في الكلام ياشينهم وياشين وقاحتهم :eh_s(14):​

فروحه الله يهديها مو راضيه تعدل نومتها وايد متأذيه وياها :eh_s(2):​

ودربووولة تمام لاهيه مع بنوتتها وتكلمنا على برنامج الــ Fring وناسة صوت وصورة نشوف رورو وإهيه تناغي وتخزنا حلاتها صايره تحر حبيبتي .. ودي أشيلها وأعضها :eh_s(2):​

 

[أمواج^الكويت]

مساء الخير
هلا بالطيب الغالي عزيز وشفتكم منوه سامحوني سامحوني سامحوني
والله ياأحلى بنات تجمع اني حيل مشغوله ومافي وقت الواحد يسولف بس ادخل أتصفح وطلع
هذا حالي الصبح نايمه والظهر يردوني الحلوين من المدرسه أجابلهم بعد الغدا بالتدريس
وامتحانات قصيره ودوخه لغاية الليل وبعدها اتفضى لنفسي شوي وبالعطله بس أطلع زواره
وتغير جو شوي - شلونكم بنات مشتاقه لسوالفكم الحلوه

هلا وغلا بأم حموود وحشتنا سوالفيج .. ووحشة شوفتج أكثر :eh_s(7):

معذورة والله ياقلبي المسؤوليات ماخذه كل وقتنا .. ويعطيج ألف عافية وعساج على القوة ..

بس هم طلي علينا لاتقاطعين ترى مانستغني عن سوالفج الحلوة ​

 

[أمواج^الكويت]

وااااي بنات بس و الله لاعت جبدي من جسمي​

وزني صار 55 اوكي حلو بس المشكله في كرشه و في كراعين و زغاديد و بلاوي .. و امبيه زنودي سايحين @@ !
و الله قاعده اكتشف اشياء غريبه اب جسمي .. شنو يعني لي متى يعني :eh_s(11)::eh_s(11)::eh_s(11):​

لما البس الجينز لازم كرشي تكون ناطه .. مادري اجازف و البس الكورسيه ؟​

و الصراحه طنشت بدكتورتي و قمت اسوي رياضه و تمارين معده و شلت شويه اثقال عشان زنودي يشدون لووووول و الله شكلي فلم .. يعني بس صارلي 3 أشهر والده ليش الكرشه ما تروح :eh_s(2)::eh_s(2)::eh_s(2):

منوره أم علوية .. إي جذي خلج دوووم ويانا ولاتغطين والله يصبرج على بعد بنوتج وكلها أيام معدودات وترجعين لها بالسلامة إنشالله

والله يوفقج في دراستج ويسهل أمورج يارب :yaaaaaarb:​

وحلو صار وزنج بس جم طولج ! اللي أذكره إنج جنه قلتي طويلة صح !​

قوشتا ترى الوحدة حتى لو تضعف ويصير وزنها أقل من قبل لاتحمل تحس إنها غير عن لما كانت بنت يعني يستحيل الجسم يكون بنوتي من بعد الحمل والولادة ..​

حتى الملامح تتغير من الهرمونات .. لو تقعدين تطالعين صورج قبل لاتتزوجين راح تلاحظين غير عن بعد الزواج وغير عن بعد الحمل والولادة .. سبحان الله الهرمونات تلعب لعب فينا ..​

بنات نطروا شوي يبيلنا على الأقل 6 أشهر لي سنة علشان نرجع مثل أول وأحسن لي صارلكم سنة وحسيتوا إن جسمكم مو عاجبكم ذيك الساع لوموا نفسكم وحاولوا تحورفون بعمركم بهالعمليات والإبر والشفط ..​

فديتكم كلكم :eh_s(7):​

:fun:






​