رجيم دشتي وااااا روووعه يالله بنات خليكم معاي

[صبرت ومل الصبر]

سويت بعد قلبي والله لج وحشه عسى ماشر على هالغيبه

 

[صبرت ومل الصبر]

المتواجدون حاليا

‏صبرت ومل الصبر*, ‏كتكوته غنوجه, ‏سارووونـه, ‏عهود-1

حياكم الله جميعا

 

[سارووونـه]

هلا صبووووورة انا بخير .. انتي شخباارج

انا صراحة ماقدر عالتمر .. وبعدين مقتنعه بدشتي بس حاليا بسوي تغير خضروات وشوي بروتين وبشوف تغيير هاللاسبوع ان شاء الله وبخفف دهون بعد

 

[:: نـــورهـ ::]

صبورة , كاندي , ساروونه , بنوتة , شرووف , عهود , سويت

وكل بنات التجمع

ردوا على موضوعي وساعدوني :$

http://www.q8yat.com/t860131.html#post24325415
​

 

[:: نـــورهـ ::]

مادري صبورة احس دشتي افضل لج من التمر واللبن
عالاقل دشتي ماتجوعين

وغريبه وزنج مانزل اكيد في سبب صبورة
انا مره راسلت الدكتور بخصوص زوجي
وزنه ثبت 3 اسابيع مانزل ولآ جرام
رد علي ان الثبات شي طبيعي وخله مستمر واذا يقدر يبدأ رياضه

سألته اذا يسوي يوم مفتوح يكسر الرجيم ويرجع مره ثانيه
قالي خطأ ولآيسوي يوم مفتوح

حاولي تقللين كمية اكلج وخلج عالمسلوق والمشوي
وزيدي رياضة
وان شاء الله يتلحلح وزنج وينزل

​

 

[شريفه 39]

كيفكم بنات هاااااااااي ...صبرت سؤال لاهنتي ..يعني انتي يوم كنتي تاكلين المايونيز كان وزنك ينزل عادي لاني اخاف ان يكون هو اللي مثبت لك الوزن ..
صبرت اسمعي انا كان وزني 92وبعدين سويت تخفيف نقصت باسبوعين 2كيلو بعدين سويت رجيم 7كيلو ب7ايام ونقصت 4كيلو وصرت 88كيلو بعدين فرحت برجيم التمرواللبن كنت اكل 21حبه باليوم 3لبن ..وبعد 3ايام بالضبط وزنت لقيت وزني صار91انصدمت يعني زادني 3كيلو وسويت تخفيف وبصعوبه نزل وزني 88وبعدين كملت دشتي من شهرونصف نقصت 8كيلو ماعاد اسوي رجيم التمرابد

 

[سارووونـه]

انا بعد صبورة احس التمر واللبن كلج مو شي

شوفي غيري فطريقة اكلج فدشتي قللي دهون اعتمدي مشويات .. زودي السلطات
حاولي بس ثلاث وجبات مافي شي بينهم

خلي العشاء قبل 7فالليل
زيدي رياضة ..
كثري شرب الماء
قللي القهوة
وقلل الكميات فالاكل

غيري نمط الريجيم معاج .. وان شاء الله يتحرك الوزن

شوفي انا للحين مانزلت بس انا لانه فالدورة وايد تأثر علي وهرموناتي شلكها وايد تلعب دور بس احين قلت بسوي نفس نظام كاندي لانه حتى كمية الاكل هي شوي وتاكل ثلاث وجبات منتظمة​

 

[كتكوته غنوجه]

بنات الطماط مسمووووووووووووح؟؟

 

[شريفه 39]

[ أسياخ الحلوم المشويه ]


جبنه حلوم + فلفل بارد ملون
نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .


نقلبها حتى تنشوي جميع الجهات .. ​

 

[صبرت ومل الصبر]

فديتكم بنات ماقصرتوا

 

[شريفه 39]

طبعا بنات انتو استبعدو الممنوع والباقي عليكم بالعافيه ...

[ مزرعة بالبيض ]
سبب التسميه ان فيها انواع كثيره من الخضار .. ​

بيض + بقدونس + بصل + ثوم + طماط + فلفل بارد [ بصل اخضر ] حسب الرغبه
نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار

نصبها بصينيه بعد دهنها بالزيت و ندخلها الفرن بعد رشها بالجبن ..
بالقلايه اسرع ونغطيها بغطى قدر

بعد ما تتحمر من تحت نقدمها ..

​

 

[شريفه 39]

[ قوالب البيض بالتونه ]
علبه تونه صغيره + بيض + فلفل حار + بصل + فلفل بارد + جبن مبشور
نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل

بكل قالب نحط ملعقتين من التونه


نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..
وشريحه فلفل بارد للنكهه


بالفرن 10 - 15 دقيقه ..
نقدمها مع الخبز

طبعا يادشتيات بلا خبز

 

[شريفه 39]

[ نقانق + بيض مسلوق ]


3 اصابع نقانق + فلفل احمر + بصل + ملعقتين جبن سايل


نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل


ثم نضيف النقانق بعد التقطيع .. ونتركها تطبخ دقيقتين ونضيف الجبن .​

نقدمها مع البيض نزينه برشة بقدونس مفروم

 

[شريفه 39]

[ عجه بالفطر ]
بيض + فطر + فلفل بارد + بصل + جبن تشيدر + بقدونس ​

نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل
نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع
النار حتى ينضج ويذوب الجبن .

نقدمه مع خبز محمص - شرايح طماط - شرايح تركي مدخن
​

 

[شريفه 39]

[ نقانق بالصويا والجبن ]




بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر




نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..




نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..






مع البيض المسلوق - جبن - مرتديلا -
​

 

[شريفه 39]

[ بيض رول بالخضار ]




بيض مخفوق مع حليب .. نضيف عليه طماط وبصل وبقدونس ... نتبله بالملح والفلفل الاسود ونصبه بصينيه دائريه مدهونه بالزيت ..




نحطه على النار حتى ينضج ثم نلفه رول ونقطعه حلقات ..




نقدمه مع شرايح الجبن - - طماط وزيتون - كاس قهوه - ​

 

[شريفه 39]

[ ساندوتش بيض × بيض ]




خبز تورتيلا بالشطه + بيض + طماط + بقدونس + جبن




نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..




نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها ..




ونطويها من النص .. ​

خلوها بخس بدل الخبز ........بالعافيه

 

[LadY BuG 80]

بالعاااااافيه على قلبك دكتوره كاندي
ياارب عقباال ماتوصلين للوزن اللي تبينه واكثر

ومعليش بسآلك :eh_s(7):
انتي لما وقفتي الرجيم كنتي مره تخففين عشان كذا مارجعتي والا كيف؟
يعني ما اكلتي حلا ولا فاست فود ولا شي زي كذا؟ :eh_s(10):

و على قلبك و لكي بلمثل حبيبتي ,, اهم شي دكتوره عشان الي تخربط بعطيها ابره ههههههه ( تكره الابر )

صراحه كنت ايام دايت صحي و ايام افتحها بحري و ارجع التزم تخفيف مو اكثر من 700 كالوري بليوم و انزل الكم جرام الي طلع و على هلحال ما حرمت نفسي بس اكلت الي بخاطري و ما اتعدى ال 1200 كالوري بس اذا ثقلت الغدا العشا خفيف زبادي او كوفي , او برتقاله ,,
لازم نراقب نفسنا و نحسب الكالوري و مارح نزيد ,, و الي تبي تفتح بحري لا تقطع المشي يوم و يوم لا :rerrerek:
​

بنات بقول شغله وابي رايكم فيها انا من فتحت الموضوع وزني ثابت ماتحرك ولا نص كيلو وافكر الحين اسوي رجيم التمر واللبن حيييل حلو وكيوتن انحفت عليه 3كيلو باسبوع مع اختي ومجموعه من البنات كانو مسوين تجمع وانا العام سويته مع رياضه بالنادي انقص 5كيلو باسبوع فافكر اني افتح موضوع واللي حابه اتشارك معي حياها الله انزل وزن ونرجع انكمل هنا مثل شروفه تقول وزنها ثابت ينفع لج شروفه وش رايكم ابي رايكم

ليش ثابت . لايكون جسمك مو على حالت الكيوتسز ؟؟؟ انا انصح سوي بروتين صافي 3 ايام و خليكي على ادشتي ,, انا سويت اتمر و ما نسبني بعد ادشتي حرمااااااااااااااننن
و لعب في نفسيتي سويته السبوع لاكن ما تهنيت كله معصبه و منغثه و مضايقه لانه كل يوم نفس اشي مافي تغير و ابتديت اكره نفسي و ادايت و بس خلصت جتني شهيه عاررررمه كل ساعه اكل اجووووع كل ما اكل ساعه و نص الا ميته جوع حاولت اطنش اعصب و 4 ايام رديت من ال 3.5 الي نزلت 2 كيلو ,,, ما انصح فيه ممكن الوحدت تسوي وجبه تخفيف و الغدا و العشي تمر و لبن كذا اوكي ما تأثرت نفسيتي و هم ضعفت بسرعه :rerrerek:

اذا مليتي دشتي وودك تكسرين شوي راجع لك بس متاكده بتملين اتمر و ترجعين ادشتي انا تحسفت على ايام ادشتي لمن سويت اتمر ,, ما كنت اجوع على ادشتي و اشكل اكثر من صنف و هم انزل ,, بس كنت حابه اخوض اتجربه تبع اتمر و البن ​

 

[شريفه 39]

قوالب البيض بالفطر والرومي المدخن ]

بيض + فطر + بابريكا + فلفل بارد + شريحتين رومي مدخن




نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..




نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا​

نحطها بحمام مائي وندخلها الفرن ... 20 دقيقه




وهالحين بروح امشي ساعه وبعدين بصلي ابي ادخل القاكم

 

[LadY BuG 80]

واااااااااااااو يسلموا على الوصفات الذيذه و اصور الالذ :eh_s(7):​