كثير من العنا فيني ..! وأقول أخفيه وأكابر .. بقلمي : ρeαrℓ

[ρeαrℓ]

صفحات البارتات


1- 2 - 4 - 5 - 8 - 10 - 13 - 17


​

 

[a77sas '3alee]

يعطيج العاافيه كملي ولا تطوولييين علييينا يارب يصير شي بمصلحة حناان !

 

[ρeαrℓ]

يعطيج العاافيه كملي ولا تطوولييين علييينا يارب يصير شي بمصلحة حناان !

الله يعافيج ياقلبي .. نورتي

لاتحرميني من مرورج :eh_s(7):

 

[Føzöø]

حياتي واايد طولتي عليناا
اليوم قلبي في بارت ةلاا لا كوز نبي انعرف اشصار اب حبيبتي حنان و انشوف دلول ماتت ولااا لوووول
((ادري حدي متأثر)))).*

 

[ρeαrℓ]

حياتي واايد طولتي عليناا
اليوم قلبي في بارت ةلاا لا كوز نبي انعرف اشصار اب حبيبتي حنان و انشوف دلول ماتت ولااا لوووول
((ادري حدي متأثر)))).*

لوول .. اي في بارت بس اخلص منه وانزله :eh_s(7):

نورتي .. لاتحرميني من مرورج العسل

 

[ρeαrℓ]

البارت التاسع ​

...​

مشعل : يمه أنا أبي أتزوج
أم خالد : بس يايمه البنت أخوها توه ميت وانت بتتزوج مايصير .. انا حته ملجت اختك أجلتها لاتنسى هذا ولد عمكم
مشعل : يمه أنا ودلال خلاص مانبي بعض وأنا كلمتج على شان تشوفين لي
أم خالد تقاطعه : شنو يعني ماتبون بعض من صجكم يايمه
مشعل : اي يمه احنا ما اتفقنا وخلاص الحمدالله ان ماصار ملجه
أم خالد : وعمك ومرته يدرون
مشعل : يمه انتي الي همج انا والا عمي ومرته .. خلاص عاد انا ما ابي البنت والبنت ماتبيني حمدو ربكم ان اتفقنا من الاول قبل لانتطلق وتصير مشاكل
أم خالد : خلاص ياولدي اهم شي راحتك
مشعل يبوس راس امه : مشكوره يالغاليه​

...​

خالد : جهزي نفسج يوم الاربعاء الياي بنسافر
حنان : انت لحقت تحجز .. انا ماكلمت خالتي
خالد يطالعها : حنان سمعيني قلت لج امي راسها يابس ولو تكلمينها من اليوم لي باجر مرح تقتنع .. خلاص يمكن خيره لج السفره ماتدرين
حنان : على الاقل جان نطرتني احاول معاها مو تروح تحجز بدون ماتقولي
خالد عصب بس ماسك نفسه : حنان انتي سمعتي الطبيب شقال .. قال انج لازم تسوين العمليه باسرع وقت
حنان : زين قلت لخالتي انك حجزت
خالد : اي قلت لها ​

أبرار تحاول تتذكر : اي وحده يمه
أم خالد : الي يت بيتنا الاسبوع الي طاف .. ما اذكر اسمها نوره مادري نهى
أبرار تضحك : ههههه لايكون نوف
أم خالد : والله مادري البنت الحلوه الي يت الاسبوع الي طاف
أبرار : شكلج تقصدين نوف لأنه مافيه غيرها يا بيتنا الاسبوع الي طاف
أم خالد : جم عمرها ..؟
أبرار : 21
أم خالد : اهي تدرس معاج
أبرار : اي معاي بالكليه
أم خالد : يعني بتصير مدرسه
أبرار : اي .. شفيج تسألين عنها بتخطبينها هههههههه
أم خالد : اي بخطبها
أبرار : يمه أتكلم من صجي غريبه تسألين عن وحده جذي .. ليش ..؟
أم خالد : قلت لج بخطبها
أبرار : حق منو
أم خالد : لمنو يعني مشعل
أبرار مستغربه : ودلال
أم خالد : والله يابنتي مادري شقولج أخوج يقول مايبيها
أبرار : أحسن
أم خالد : انزين خلصيني ماقلتي لي شرايج بنوف
أبرار : والله يمه شقولج عنها مشاء الله عليها قمة الأخلاق والأدب ويابخت مشعل اذا صارت من نصيبه
أم خالد : يعني اهي مو متزوجه
أبرار : لا يمه
أم خالد : زين انا مرح اخطبها الحين على الأقل ننطر شهر
أبرار : ليش ..؟
أم خالد : تدرين بعد ولد عمج توه ميت واحنا رايحين نخطب
أبرار : خطبه مو ملجه .. يشوف البنت تعجبه ماتعجبه .. ترى بتروح عليه
أم خالد : اقول الشرهه مو عليج الشرهه علي انا الي اكلمج ​

....​

صار يوم الاربعاء يوم سفرة حنان وخالد .. كانت نفسية حنان تعبانه أول مره بتسافر بره الكويت .. وللأسف أن سفرتها الأولى كانت للعلاج .. وحتى خالد كان ماله خلق يسافر يس ضميره كان يأنبه لانه اذا تركها وماوقف معاها يمكن البنت تموت ويكون اهو السبب هاذا كان تفكير خالد .. حاول خالد كثر مايقدر ان يتعاطف مع حنان وان يوقف معاها كثر مايقدر على شان لاتتضايق لكن للأسف عيونه كانت فاضحته .. ​

خالد : حنان كل جاهز الطياره باجي لها ساعتين
حنان : اي
خالد : زين يالله امشي نروح للمطار
حنان : ان شاء الله ​

أم خالد تلم حنان : تروحين وترجعين بالسلامه ياقلبي ولاتنسين تدقين وتطمنينا
حنان : ان شاء الله خالتي
خالد : عيل وين مشعل قلت له يودينا المطار
أم خالد : والله مادري اليوم ماشفته
خالد عصب لأنه كان يدق على مشعل ومشعل جهازه مغلق : حسبي الله عليه .. الله ياخذه هالخايس قايله الساعه سبع خلك موجود بالبيت
أم خالد : لاتدعي على أخوك تلاقيه انشغل
خالد معصب : اي يقول يدق مو يصكر جهازه
أم خالد : اصبر عليه شوي
خالد : شصبر الطياره بتطير وانتي تقولين لي اصبر
وبعد نص ساعه تلفون خالد يدق كان مشعل
خالد معصب : وينك انت صار لي ساعه ادق الطياره طارت
ـــ : الو
خالد : منو انت ..؟
أم خالد حاطه ايدها على قلبها : شصاير
خالد قام وقف : عسى حالته مو خطيره .. اي مستشفى .. زين زين كاني ياي
خالد طلع بسرعه بدون مايقولهم شسالفه
أم خالد : الله يستر شفيه طلع جذي عسى مافيه شي
أفراح : يمه هدي ان شاء الله ماكو الا كل خير
أم خالد : شهدي .. الله يستر يارب .. << وتطالع افراح : دقي على أخوج شوفي شصاير
أفراح : يمه ماني داقه اخاف يزفني
أم خالد : عطيني التلفون
ظلت ام خالد نص ساعه تدق على خالد وكان مايشيلها وساعات يصكه بويها وبعد ساعه وربع دق
أم خالد معصبه : وينك انت خليتني على اعصابي شفيه أخوك
خالد بصوت تعبان : يمه مشعل مسوي حادث مع ربعه والحين بالعنايه المركزه والي معاه الي يسوق مات والثاني فيه اصابات
أم خالد تبجي : والحين شلونه
خالد : ان شاء الله زين الدكتور طمني
أم خالد تبجي : بأي مستشفى
أفراح تطالع ابرار بخوف : شصاير
أبرار : يمه شفيج
أم خالد تبجي : أخوكم
أبرار + أفراح : شفيه
أم خالد واهي تمسح دموعها : مسوي حادث والحين بالعنايه أفراح يمج قومي وديني المستشفى .. << وتطالع ابرار : وانتي قومي ييبي عباتي
أبرار : آنا بروح معاكم
أم خالد : زين بسرعه مو تتاخرين
حنان تبوس راس خالتها : ان شاء الله مافيه الا العافيه .. أفراح أمانه طمنيني عليه

....​

انتهى البارت آرائكم وانتقادتكم
آسفه على التاخير :eh_s(7):​

 

[ρeαrℓ]

صفحات البارتات


1- 2 - 4 - 5 - 8 - 10 - 13 - 17 - 21


​

 

[زهره الجلنار]

البارت واااااااااااااااااااااايد قصييييييييييييييييييييييييير ليش جذي حاولي اتحطين لنا بارت ثاني هديه بالليل

 

[ρeαrℓ]

البارت واااااااااااااااااااااايد قصييييييييييييييييييييييييير ليش جذي حاولي اتحطين لنا بارت ثاني هديه بالليل

ان شاء الله من عيوني انتوا تستاهلون .. بكتب لكم بارت الحين :eh_s(7):

لاتحرميني من مرورج حبيبتي ... نورتي

 

[ρeαrℓ]

تكملة البارت التاسع لانه كان قصير آسفه


...


راحوا أم خالد وأفراح وأبرار للمستشفى

خالد : يمه انتي من صجج ليش تيون كلكم
أم خالد تبجي : شلون اخوك
خالد : يمه هدي مافيه الا العافيه يالله امشي نروح للبيت لانه قعدتنا كلش مالها داعي
أم خالد : ماني متحركه من هنيه الا لمن أشوف ولدي
خالد : لاحول ولاقوة الا بالله .. افراح ردي انتي وابرار البيت
أفراح : ان شاء الله
أم خالد : خلك من هذا كله وقولي شلون اخوك
خالد : والله يايمه مادري شقولج الحين اهو بالعنايه تحت رحمة الله .. الله يقومه بالسلامه الطبيب طمني وقالي ان شاء الله خير
أم خالد تبجي : الله يقومك بالسلامه ياولدي
خالد : ان شاء الله

بالسياره
أبرار : أوف يعني شنو اذا قعدنا بنتطمن على اخونا
أفراح : صراحه خالد معاه حق يعني مشعل بالعنايه نقعد شنسوي
أبرار : لا والله وشكو تيين من الأول
أفراح : امي قالت لي وديني تبيني أقولها مابي ماله داعي
أبرار : الحمدالله والشكر

حنان واهي تبطل الباب : بشرو شلون مشعل
أبرار : زوجج خلانه نشوفه
حنان : ليش ..؟
أبرار تقلد خالد : روحي ترى قعدتكم مالها داعي
أفراح : ماعليج منها .. مشعل بالعنايه وخالد قالنا روحي البيت لانه صج قعدتنا مالها معنى .. وامي شوي وتيي
حنان : الله يقومه بالسلامه ان شاء الله
أبرار : ان شاء الله

الساعه 10 بالليل
حنان : خالد بشر شلون مشعل
خالد : تحت رحمة الله
حنان : الله يشفيه ان شاء الله
خالد : حنان
حنان : نعم
خالد : مادري شقول لج بس مانقدر نسافر الا لمن نستقر حالة مشعل
حنان : ان شاء الله
خالد : ان شاء الله

مرو يومين ومشعل بالعنايه الكل زاره والكل سأل عنه الا دلال .. كان الجو في بيت أم خالد كئيب وماينطاق كلهم يحاتون مشعل وينطرون قومته بالسلامه ..

أم خالد : هلا خالد
خالد بابتسامه : يمه ابشركم مشعل حالته استقرت
ام خالد تبجي : صج يمه الله يبشرك بالخير .. كلمته كلمك
خالد يطالع مشعل : اي كاهو يمي
أم خالد : صج عطني ياه بكلمه
خالد : ان شاء الله
مشعل بتعب : الو
أم خالد : شلونك يمه زين
مشعل : الحمدالله بخير
أم خالد : اكيد
مشعل يبتسم : اكيد
أبرار : شفيج يمه
أم خالد بابتسامه : أخوج
أبرار : شفيه
أم خالد : الحمدالله طلع من العنايه المستقره
أبرار : صج امشي نروح له
أم خالد : ييبي عباتي ودقي على السايق بسرعه
أبرار : ان شاء الله

مشعل : سامحني خربت عليكم سفرتكم
خالد : افا وانا اخوك انت اهم من السفر
مشعل يبتسم
خالد : خلك من هالكلام واكل لك شي يالله
مشعل : لا ما ابي
خالد : مو بكيفك قاعد على قلبك انا
مشعل : زين متى تسافرون..؟
خالد : انت ليش شايل همنا .. اهم شي انت .. لاتفكر بشي ثاني
مشعل : زين قولي شلون ربعي
خالد متدوده : مشعل جم مره قلت لك لاتفكر بشي غير صحتك
مشعل يطالع خالد : خالد لايكون فيهم شي
خالد بتردد : لا مافيهم شي
مشعل : اكيد
خالد : اكيد .. تعبانين شوي بس
مشعل شاك بالموضوع : خالد مادري ليش حاس انك تجذب علي
خالد : ان شاء الله اذا قمت بالسلامه وطلعت تتاكد ان كلامي صح
أم خالد تسلم على مشعل : الحمدالله على سلامتك يايمه
مشعل : الله يسلمج
أبرار : الحمدالله على السلامه اخوي
مشعل : الله يسلمج


انتهت التكمله وان شاء الله اذا قدرت انزل لكم باجر البارت العاشر واذا ماقدرت اعذروني​

 

[زهره الجلنار]

حياتي يعطيج العافيه وماقصرتي عالبارت

 

[Føzöø]

يعطيج العافيه حيااتي و كسر خاطري هالمشعل و بطت جبدي هالبقره ((سوري بس من الحره )) دلال ماتقول اروح اسأل على ولد عمي ال في يوم من الايام حبيته بس وين ال يفهم و حنان كسرت خاطري يوم يت بتسافر جان مشعل يسوي حادث بس لكل تأخيره فيها خيره و خالد هذاا ماله قلب وااااي يغث اسلوبه

 

[Zozαĺiиaђ]

اشوااا مشعل قااام و مااا صاار فيه شي الحمدلله

دلاال باطه جببدي

حنان كسرت خااطري .. انشالله التآخير الي صار ما يآثر على صحتهاا

يعطييييييج العااافيه عالبارتات :**
نااطرييينج =)

 

[الحلوه وبس]

البارت مو صج
تسلميين وناطرين :*

 

[الجرح الدفين]

ناطررررررينج حبوبه اخذي رأحتج

 

[جنون الـq8]

وهياااااااااااااااا

يسلمووووووووو

حنووون كسرت خاطري تاحلت سفرتها الله يعينها

مشعل اكيد بينصدم اذا درى عن رفيجه اللي مات

وبالانتظاااار

 

[كلي أحزان وهموم]

مشكووورة حبوبة ع البارتات وانا متابعة يديدة والرواية حللللوة وانشالله خالد يحن قلبه حق حنان
نااطريينج

 

[MeeMeeYoo_2]

دلال ماتدري يعني ان حنان يمكن تموت من هالمرض ! ماتقول اتسامح منها واهي مجذبه عاللصبي ان حنان كانت تحبه ! امبيه ماكو احساس


مشكووره

 

[DA3LOoOLA]

يعطيج العافية

 

[^^المهره^^]

الله يهداج يا بيرل حدها بردت القصه ونسيناها