رد: ريجيم النقاط<<<<للي أوزانهم من 80وفوق من حابه تشاركـ قبل ماينتهي التسجـيـل؟!!
~
السلآم عليكم ,,
شخبآركم حبّوبآت ,,
مشكورة حبيبتي[ تسلم لي أحبك ]و [ دبدوبة شوي ]على النصآيح الحلوة ,,
و هآردلك حبيبتي [ دبدوبة شوي ] على ثبآت الوزن ويالله هم ثبآته أفضل من زيآدته
و بالنسبة لنوع الأكل صح كلام [تسلم لي] لآزم ننوع بالأكلات و هم لآزم تنوعين بكمية الأكل
عشآن جسمج مآ يتعود على كميّة معينه فيبدآ يحآرب نظآم رجيمج على أسآس إن جسمج
ابتدآ يدخل بفترة مجاعه ,, مثلاً إنتي تعودتي تآكلين 18 نقطه - 20 نقطة,,
غيري عدد النقآط باليوم الثآني خليهم 19 أو 20 و اليوم اللي بعده قلليهم الى 18 أو 17
يعني وآصلي على الرجيم بس نوعي بكمية النقآط + بنوعية الأكل يعني لآ تتنآزلين عن
الخضروات والفواكه أبدا بس نوعي بالاشيآء الثآنيه ,,
مره مشاوي مرات مرق مره شوربه ,,و إن شآء الله النزول الحلو جآي بالطريج:eh_s(7):
وسمعت إن الجسم إذا نزل وزنه و بعدها ثبت هذا يعني إنه قآعد يحرق الدهون بالأجزآء اللي
متجمعه بالجسم عشآن جذي مآ يبآن بالميزآن يعني إنتي رآقبي منطقة الوجه و الاذرع و
البطن والخصر و الأردآف هذي المنآطق تتغير مقاساتهآ حتى لو مآ تغير الوزن يعني هم بعد
إنتي قآعده تحققين نتايج حلووووووووووه ,,
و الحمد لله رب العآلمين أمس عدّى اليوم على خير
خلّيت نصف صحني خضآر ورقية و النصف الثآني خليته مرق لحم ,,
و مآ شربت شي ع الغدآ ,,
و بعدهآ السنآك أكلت [ 7 تمرآت ] مع كوب شآي أخضر بالأعشآب ,,
و بالليل تعشيت :[ حليب زنجبيل + توست أسمر شريحتين مع قطعتين جبن كيري]
و السنآك بعد العشآ كآن :[ كوب سلطة فوآكه مكونه من [ تفآحه و ربع موزه
و نصف كوب عصير أنآنآس kdd ]~
و بس هذا كآن يومي أمس ’’
...............................................
اليوم ,,
مآ تريقت لأن صحيت بوقت متأخر على الريوق ,,
غدآي كآن [ ربع صدر دجاج + نصف كوب زبآدي + شويّة نعنآع ]
المجموع = 5.5 +0.5=7 نقآط ,,
بعد شوي رآح أشرب ,,
كوب شآي أخضر بالأعشآب
نصف كوب زبآدي
العشآ رآح يكون :
كوب حمّص مسلوق
كوب عصير أنآنآس مع كيوي ,,
صحن سلطة خضآر ,,
و السنآك بعد العشآ ,,
شآي أخضر بالأعشآب ,,
3 تمرآت
......................
بالنسبة للريآضة ,,
لعبت على القرص الدوار لنحت الخصر ,, 100 مرة
بقى لي 300 مرة ,, رآح أوزّعهم على بآقي يومي المهم إني أخلصهم قبل
سآعه 12 :00 الفجر
.....................
