اذا الموضوع مو مكانه ارجو انكم تنقلونه القسم المخصص له وشكرا 
انا في واحد متقدم لي اعرف اخته واهيا كله تمدحنى جدامهم وصار عنده فضول يشوفني وسوى روحه ياي ياخذها كذا مره وشافني وانا شفته وارتحت له سبحان الله قبل ما اعرف نيته وتصادفنه كذا مره بره بمجمع وكان يستانس لي شافني ويقولها شافني ويمدحني واني هاجبته ونفس الشكل الي يتمناه حق زوجته بالمستقبل وانا اسوي روحي ماعرفته عياااره هذا قبل لا تقولي انه اخوي يبيج وجذي
وسكتو فتره لان صار عنهم حالة وفاة وانشغلو والاخت طايره فيني واهيا تشجع اهلها وتشجعه اهو انه ما يضيعني من ايده لانها عارفتني وعارفه اخلاقي الحمدلله
المهم كلمته لانه كان عنده اسئله معينه ولازم يستفسر عنها قبل اي خطوة وكان في حدود الاسئله والنقاش وبس انا مابي اكثر مكالمات ولا اعوده لانه مابي السالفه تقلب علاقه بس جذي انا ابي الحلال صراحة
بس وايد في عقبات بس انا ابيه ومرتاحتله وحاسه انه راحتي معاه واهو شاريني ليش اخرب على نفسي بس ابي راي الاغلبيه بالموضوع انتو اخبر منى انا مو عارفه اخذ قرار ولا امهد حق امي الموضوع العقبات اهيا :-
1- انا عمري 30 واهو 26 داش بال 27 بس انا شكلي اصغر منه بوايد انا ناعمه واهو طويل ماشاء الله يعني كلش ما يبين علي عمري واهو شكله اكبر من عمره
2- احنا حضر واهما بدو بس متحضرين نوعا ما بس خواته واخوانه كلهم ماخذين من قبائل ؟ هل راح اقدر اتأقلم معاهم مع انه انا بالاصل ارجع حق قبيله معينه بس نعتبر حضر لانه اسمي بالنهاية اسم العايله مو القبيله عرفتو والله محاضرة ميخالف تحملوني ومحد من الي قراب مني ماخذين بدو
اهو عنده دورة بدوامة ويخلص بعد سنة يبي يملج وانطر 7 اشهر سنة على ما يخلص عشان راتبه يتعدل وجذي لانه حاليا مافي مجال نسكن عند اهله ولا نقدر نأجر بهالغلاء لانه شهادته الحالية ثانوية واذا خلص الدوره يكون دبلوم اهو يشتغل بوزارة بس راتبه ما يساعد عالزواج وانا هم ماعندي شهادة وراتبي ضعيف يعني يالله اوفي احتياجاتي ولو بقدر بساعده لانه المادة مو كل شي يعني بالمختصر ظروفنه المادية موزينه هل هذا راح يضايقنه بنات انا ابي الراحة والاستقرار صراحة وانا بديت اكبر يا بنات فرصة الزواج بدت تقل عندي ولازم اتنازل عن بعض الشروط الي قبل كنت ابيها ومادام اهو متقبل كل الفوارق ليش انا اعقدها ولا شرايكم؟؟
3- اهو عصبي بس طيب صارلكم جذي انه ازواجكم كانو عصبين بس تعدلو او هدو بعد الزواج اخته تقولي اهو حليو وطيب واقرب واحد لنه باخوانه ويساعد ويخدم ما يقصر معاهم بس عصبيته تخرب عليه
انا ماعندي مانع بس اخاف اهلي ما يرضون بملجة فتره طويله 6 سبع اشهر وممكن اقصى حد سنة وانا ودي سنة عادي عشان اعرفه عدل واعرف طبعه واعرف اهله وطريقتهم واحنا عالبر على قولتهم واخليه يتعرف على اهلي واخواني الشباب وممكن على قولتهم يغير من افكاره وطبعه لما يختلط بالناس الي غير عن الي حواليه
صديقتي تقولي لا شنو تملجون خليها خطبة سنة وانا اقول شنو خطبة سنة وبعدين الخطبة ممكن تتفركش على اي سبب تافه بس لما نملج خلاص انا مرته واهو ريلي غصبن علينه مرتبطين ابعض بس طبعا من غير (دخول)
مجرد ملجة اطلع وارد معاه جدام اهلي وانا مرتاحه نفسيا ونجهز نفسنه بهالفتره
بنت خالتي تقولي اذا بيملج لازم يدفع مهر مو تقعدين 7 اشهر مالجة وطلعه وروحه واهو مو دافع مهر يعني مو محسس اهلج انه صج معزم عالزواج
انا ماعرف بهالاساسيات بنات القبائل ساعدوني صج لازم يدفع مهر اول ما يملج ؟؟؟؟ولا ننطر لما نجهز شقتنه واخذ المهر قبل الحفله او العرس عشان اجهز نفسي ؟؟
شرايكم ابي راي الاغلبيه الله يخليكم محتاجة تشجيع لانه مخي وقف من كثر ما افكر وخايفه اتحسف عالقرار بالموافقة او الرفض
وشرايكم امهد حق امي واشوف رايها قبل لا يدقون او يزورونه ؟؟
انا في واحد متقدم لي اعرف اخته واهيا كله تمدحنى جدامهم وصار عنده فضول يشوفني وسوى روحه ياي ياخذها كذا مره وشافني وانا شفته وارتحت له سبحان الله قبل ما اعرف نيته وتصادفنه كذا مره بره بمجمع وكان يستانس لي شافني ويقولها شافني ويمدحني واني هاجبته ونفس الشكل الي يتمناه حق زوجته بالمستقبل وانا اسوي روحي ماعرفته
عياااره هذا قبل لا تقولي انه اخوي يبيج وجذيوسكتو فتره لان صار عنهم حالة وفاة وانشغلو والاخت طايره فيني واهيا تشجع اهلها وتشجعه اهو انه ما يضيعني من ايده لانها عارفتني وعارفه اخلاقي الحمدلله
المهم كلمته لانه كان عنده اسئله معينه ولازم يستفسر عنها قبل اي خطوة وكان في حدود الاسئله والنقاش وبس انا مابي اكثر مكالمات ولا اعوده لانه مابي السالفه تقلب علاقه بس جذي انا ابي الحلال صراحة
بس وايد في عقبات بس انا ابيه ومرتاحتله وحاسه انه راحتي معاه واهو شاريني ليش اخرب على نفسي بس ابي راي الاغلبيه بالموضوع انتو اخبر منى انا مو عارفه اخذ قرار ولا امهد حق امي الموضوع العقبات اهيا :-
1- انا عمري 30 واهو 26 داش بال 27 بس انا شكلي اصغر منه بوايد انا ناعمه واهو طويل ماشاء الله يعني كلش ما يبين علي عمري واهو شكله اكبر من عمره
2- احنا حضر واهما بدو بس متحضرين نوعا ما بس خواته واخوانه كلهم ماخذين من قبائل ؟ هل راح اقدر اتأقلم معاهم مع انه انا بالاصل ارجع حق قبيله معينه بس نعتبر حضر لانه اسمي بالنهاية اسم العايله مو القبيله عرفتو
والله محاضرة ميخالف تحملوني ومحد من الي قراب مني ماخذين بدو اهو عنده دورة بدوامة ويخلص بعد سنة يبي يملج وانطر 7 اشهر سنة على ما يخلص عشان راتبه يتعدل وجذي لانه حاليا مافي مجال نسكن عند اهله ولا نقدر نأجر بهالغلاء لانه شهادته الحالية ثانوية واذا خلص الدوره يكون دبلوم اهو يشتغل بوزارة بس راتبه ما يساعد عالزواج وانا هم ماعندي شهادة وراتبي ضعيف يعني يالله اوفي احتياجاتي ولو بقدر بساعده لانه المادة مو كل شي يعني بالمختصر ظروفنه المادية موزينه هل هذا راح يضايقنه بنات انا ابي الراحة والاستقرار صراحة وانا بديت اكبر يا بنات فرصة الزواج بدت تقل عندي ولازم اتنازل عن بعض الشروط الي قبل كنت ابيها ومادام اهو متقبل كل الفوارق ليش انا اعقدها ولا شرايكم؟؟
3- اهو عصبي بس طيب صارلكم جذي انه ازواجكم كانو عصبين بس تعدلو او هدو بعد الزواج اخته تقولي اهو حليو وطيب واقرب واحد لنه باخوانه ويساعد ويخدم ما يقصر معاهم بس عصبيته تخرب عليه
انا ماعندي مانع بس اخاف اهلي ما يرضون بملجة فتره طويله 6 سبع اشهر وممكن اقصى حد سنة وانا ودي سنة عادي عشان اعرفه عدل واعرف طبعه واعرف اهله وطريقتهم واحنا عالبر على قولتهم واخليه يتعرف على اهلي واخواني الشباب وممكن على قولتهم يغير من افكاره وطبعه لما يختلط بالناس الي غير عن الي حواليه
صديقتي تقولي لا شنو تملجون خليها خطبة سنة وانا اقول شنو خطبة سنة وبعدين الخطبة ممكن تتفركش على اي سبب تافه بس لما نملج خلاص انا مرته واهو ريلي غصبن علينه مرتبطين ابعض بس طبعا من غير (دخول)
مجرد ملجة اطلع وارد معاه جدام اهلي وانا مرتاحه نفسيا ونجهز نفسنه بهالفتره
بنت خالتي تقولي اذا بيملج لازم يدفع مهر مو تقعدين 7 اشهر مالجة وطلعه وروحه واهو مو دافع مهر يعني مو محسس اهلج انه صج معزم عالزواج
انا ماعرف بهالاساسيات بنات القبائل ساعدوني صج لازم يدفع مهر اول ما يملج ؟؟؟؟ولا ننطر لما نجهز شقتنه واخذ المهر قبل الحفله او العرس عشان اجهز نفسي ؟؟
شرايكم ابي راي الاغلبيه الله يخليكم محتاجة تشجيع لانه مخي وقف من كثر ما افكر وخايفه اتحسف عالقرار بالموافقة او الرفض
وشرايكم امهد حق امي واشوف رايها قبل لا يدقون او يزورونه ؟؟
