تـــجـــمع "الــبـــديـــنــــات" قروب "الــبـــديـــنـــات"

[golnaz]

بسم الله الرحمن الرحيم

هذا التجمع خاص حق البدينات الي اوزانهم تبدي من 100 و فوق
حياكم الله بهذا التجمع قروب"البدينات"
و كل وحدة الي تحب تشارك بهذا القروب
تمشي على النظام والرجيم الي اهيه تبيه
ومدة الرجيم 6 أشهر و كل شهر لازم توزنون
و تسجلون شكثر نقصتوا
وتاريخ الابتداء : 16-6-2011
توكلوا على الله مافي اي شي مستحيل
لا تنسون سجلوا وزنكم و طولكم و قولوا شنو رجيمكم و رياضتكم
بالتوفيق انشالله .. :eh_s(7):



انا عن نفسي

وزني: 148
طولي:170
رجيمي:قاسي
رياضتي:المشي،سويدي

 

[مسك81]

موفقه اختي
ان شاءالله راح اشارك معاج في التجمع وان شاءالله نفيد ونستفيد

وزني 111
طولي 150

رجيمي -رجيم الهرم الغذائي
وان شاءالله ننزل بالصحه والعافيه

 

[golnaz]

حياج الله مسك
تسلميييين حبيبتي انشالله بالتوفيق

 

[مسك81]

الظاهر مافي غيرنا الله يسهل امورنا
حبوبه ممكن اعرف طريقه التجمع يعني هل في يوم خاص للميزان هل في يوميات
شاكره لج

 

[golnaz]

ويييييي صج يمكن مافي غيرنا
اي حبيبتي التجمع يعني يسوون قروبات و يكتبون يومياتهم و مثلا كل اسبوعين او كل شهر او كل فترة يوزنون ويشوفون شكثر نازلين
انا كان خاطري اسوي تجمع حق الي مثلنا بس الظاهر مافي بس احنا
اذا حابة نسوي انا معاج اوكي واذا حابة قروبات في وايد بنات انتي حرة حبيبتي
كيفج بس قوليلي اذا حابة انا معاج نكمل او لا

 

[مسك81]

لا ان شاءالله بكون معاج لان انا ابي وحده فوق 100 علشان نتشجع
ماشاءالله باجي القروب اوزانهم تحت 100

 

[golnaz]

خلاص عيل توكلي على الله وانشالله بنشجع بعض ونضعف.... صج شنو الوزن الي تبين توصليله؟؟؟
وشنو رياضتج؟

 

[كيكه توفي]

بالتوفيق

 

[جبال الامارات]

مساء الخير

شخباركم

انا معاكم بنات

بس ليش مافي تواصل ومشاركه ووووينكم

 

[golnaz]

مساء النور بخير الحمدالله انتي شخبارج يالغالية؟؟
حبيبتي حياج الله
انا موجودة كل يوم و هالتجمع مافيه احد لانه حق الي اوزانهم من فوق الـ100
والظاهر مافي وايد
حياكم الله و كل يوم لازم تحطون يومياتكم عبارة عن: الافطار و الغدا والعشا

 

[golnaz]

بما اني رجيمي قاسي لازم اكل بس وجبتين باليوم
اليوم على الغدا اكلت روب قليل الدسم مع الجوز والزبيب حده لذيذ جربوه

والعشا اكلت تفاحة وبرتقالة

 

[DL3.Q8]

موفقين بنات واستمروا لاتخلون احد يحبط فيكم

ومافي شي مستحيل ^_*


وبين كل فتره وفتره بمر عليكم


وموفقييييييييييييين يااارب

 

[شوكولاته&فانيلا]

موفقين بإذن الله

شدووا حيلكم ماكو شئ صعب

الله يسهل اموركم يارب والله دعيت لكم من قلبي

بإذن الله تكونون رشيقات بأقرب فرصه ​

 

[مسك81]

خلاص عيل توكلي على الله وانشالله بنشجع بعض ونضعف.... صج شنو الوزن الي تبين توصليله؟؟؟
وشنو رياضتج؟

هلا حبوبه اشلونج
ان شاءالله هدفي الاول اوصل 99 اشوف رقمين وان شاءالله ودي اوصل 65-70
والرياضه عندي جهاز بالبيت راح امارس عليه الرياضه
وفالنا الرشاقه

 

[مسك81]

تسلمون بنات عالتشجيع

 

[مسك81]

بما اني رجيمي قاسي لازم اكل بس وجبتين باليوم
اليوم على الغدا اكلت روب قليل الدسم مع الجوز والزبيب حده لذيذ جربوه

والعشا اكلت تفاحة وبرتقالة

حبوبه عليج الف عافيه
بس رجيمج وايد قاسي انتي مسويه (تكميم -تحزيم-تحويل )
ولا تراجعين عند دكتوره تغذيه

 

[golnaz]

الله يعافيج حبيبتي
انا اول شي رحت عند دكتورة بسبب انه الدورة الشهرية متأخرة وايد علي ومن شافتني الدكتورة اهي قالتلي لازم تسوين رجيم قاسي وانا ما يفيد معاي الاجذي
بس الحمدالله وايد يريحني وما احس بأي مضاعفات
لالا مو مسوية ولاشي طبيعي
ولا تنسين انتي بعد حطي يومياتج عشان نتابع بعض

 

[جبال الامارات]

مرحبأ

شحالكم ،،،رجيمج قاسي بس قولي لي انتي مسويه الرجيم من نفسج والامن دكتور


عندي سؤال ثاني. كيف تتغلبين على نوبات الجوع شتسوين شتاكلين لما تيوعين

 

[golnaz]

هلا حبيبتي جبال
انا مسوية الرجيم من نفسي و جربته كذا مرة والحمدالله وايد ارتاحله
السؤال الثاني: انا مسوية حق نفسي برنامج باليوم بس وجبتين و يكونون خفيفين وايد و تييني نوبات جوع قوية اول شي اسويه اتحمل ثاني شي لمن ايوع اشرب ماي وايد عشان يصك اليوع شوي وبنفس الوقت الماي وايد زين
واذا الماي ما صك اليوع اسوي اي شي اني انسى اليوع مثلا اسمع اغاني واسوي رياضة مع الاغاني الحمدالله اقدر اتغلب عاليوع بأي طريقة بس المهم اني ما اخرب

 

[golnaz]

يومياتي:
الغدا : سلطة فواكة
العشا : كوب جلي

ويييييييييينكم يا بنااااات وين يومياتكم؟؟؟؟؟؟؟