تعالو شوفو زوجي شسوى فيني حسبي الله ونعم الوكيل

[العفاسيه وبس]

اسمعي اختي الله يعينج على هالزوج نصيحه مني لج لاتطلبين الطلاق لا لا لا تحمليه واصبري على مينونج الله يهديه وانتي بصلاتج ادعي ان الله يسخرة لج

 

[ترووفه]

حبيبتي

انتي الحين ريلج عطااج فلوس

وانتي من نفسج فاهمه انه مانزل عشان لما تنقص فلوسج مايدفع

دقيتي عليه وناديتيه وانتي تدرين انه مايبي ايي وياج عشان مايدفع اي شي

حتى لو شي بسيط 6 او 5 دنانير

هو تضاايق ان هالشي مو لج لعيال اختج

وعصب

ترى شكثر رياييل جذي

رفيجتي جذي ريلها

بس خلاااااص عرفت طبعه وصارت ماتاخذ اكثر اللي يعطيها وبس

لان عرفتته خلاص

وماتبي مشااكل


وانا وجهة نظري ان اللي سواه ريلج غلط في غلط

والافضل ماتسكتين له ابداا

حطي حد لهالموقف

خل يعرفج انج مو رخيصه

والله يكون بعوونج يارب

 

[تهاني الاميره]

لحظه بنات هذي اللي تقول اطلبي الطلاق الحمدالله والشكر
وانتي ياصاحبه الموضوع انتي مكبره السالفه وهي صغيره وايد ليش جذي وتبجي بعد ياقلبي اسمعي شي طبيعي تصير مشاكل بين الزوجين مايستهل كل هذا احمدي ربج ان هذي مشكلتج غيرتج عندهم مشاكل تشيب الراس تعوذي من الشيطان بس

 

[miss.Al-Qattan]

والله حبيبتي مادري شقولج
مو حلو خراب البيوت عشان اقولج تطلقي

وانتي حاسه باهانه ومعاج حق
بس لازم تتقررين
شوفي الي تقدرين عليه وسويه
اذا تقدرين تقولين لاهلج وتتحملين طلاقج منه سويه

واذا شايفه نفسج قابله الاهانه وبتسكتين عليها عشان لا تتطلقين خلاص قعدي



بس هذا اذا جذي باول سنتين
ما اعتقد راح يصير مهند عقب!!!
يمكن تشوفين زووود و زووود
ومدام ما عندج عيال احسن من ما يمسكج من ايدج الي تعورج ( عيالج )
ليش ما اييلج احد
شنووو ناقصج!!!


بنت عمي انفصلت عن الي خذاها عقب اسبووووعين
لان شخصيته مهزوزه شوي ومو واثق بنفسه
تقول ما اقدر اكمل حياتي مع ريال طايح من عيني
شلون عيل من عين الناس وباجر من عين عياله

وعقب سنه ونص
يااالها ماااشاالله لا اله الا الله من احسن الرياييل
لا متزوج من قبل ولاشي



شخصيته ما عجبتها
مو بخييييل نفسج
البخل مو هين ترااا



بس هذا مو معناه ان قصدي اشجعج عالطلاق
هذا عشان لا اهوه ولا غيره يهز ثقتج بنفسج يقولج اذا تطلقتي ما احد بييج
نصييييبج بتاخذينه
وغصبن عن الكل
بس هم البخل من اكبر السيئات الي ممكن تكون بالريال
والله يعينج عليها


وانتي اذا مو عاجبج الطلاق
ولا انج تسكتين عالاهانه


مالج الا تتعلمين تتعاملين معاه
عاد انتي ابخص بريلج
جان بالكلمه الحلوه
او بالعلاقه الخاصه الي بينكم
او بأول الشهر وقت ينزل المعاش ( لان ما يكون مفلس )
او انج تحاسبين اغراض عيال اختج من الفلوس الي عطاج اياها وتطلعين الاغراض الي لج تخلينه اهوه الي يحاسبها يمكن جذي يرضا ( مدام قالج انا شعلي من عيال خلق الله )

والله يكون بعونج
بس لا تستعيلين هذا قرار مصيري على قولتهم
مو لعب
والشي الي تاخذينه بتسرع ومو ضامنه انج تبينه صج صج
يمكن ( الله لا يقول ) تندمين عليه طووول عمرج

والله يوفقج للي يهنيج

 

[Pippa]

’

• انتي مو مال زوآج ...الزواج يبيله صبرررررررر .. وانتي كلش مبين مافيج هالصفه ! ...وتصرفج كآن حده غبي ي ي .,.

• الله يهديج و يسخر ريلج لج ....

 

[Sarooii]

حبيبتي مو من صجج قاعده في بيت اهلج سبع شهور؟
عشان جذي سهله عليه الكلمه "روحي بيت اهلج" لانه خلاص تعود
نصيحة لا تروحين تزعلين في بيت اهلج
بس كلميه و وقفيه عند حده مو بكيفه يقعد يسب لانه معروف السالف تبتدي بالسب
و بعدين راح يتمادى و يمكن يبدى يطق
تفاهمي معاه
و خلاص دام عرفتي طبعه بخيل الله يعينج الصراحة
خليه يصرف عليج بكل شي انتي محتاجته
اما الكماليات و الهدايا و السوالف المو ضروريه من فلوسج،،
و الله يهديه ياا رب

 

[حبيب قلب زوجها]

لو انا مكانك ناديت فهود هذا اخوي وخليته يغسل شراعة وبعدين اقولها ترا انا بنت حمولة وراية عزوة تهددك هد فهمت
كل شي الاالسب مابقى بعد وععععع استغفراللة روحي بيت اهلك ازين لك اللحين واحمدي ربك انا مابينكم عيال
انتي مافكرتي كيف باجر بيربي عيال يصير قدوتهم اجل يقولي كلي 000 سوري مااقدر اكمل

 

[حبيب قلب زوجها]

شوفي حبيبتي كل مشكلة لها حل بس اذا صار الاساس ضعيف بسهولة ينهار يعني بصراحة زوجك مبين اخلاقة 0000
الاحترام مابين الزوجين اساس العلاقة الزوجية يعني انا السالفة ماهمتني كثر انة يسب خييييييييييييييييير
ترا الرجال الي يسب مرة ماهو برجال مايختلف علية اثنين
مااقول غير ربي يفك كربك ويفرج همك اللهم امييييييييييييييييييييين

 

[نونو العصله]

ابتعدي عن الشغلات اللي تضايقه

حاولي تفهمينه
واذا ما فاد ممعاه لج الله بعد شقول
بس حاولي و شييلي فكره الطلاق

اشغلي نفسج عنه
رتبي بيتج
غيري ترتيب الاثاث
غيري بشكلج لنفسج مو له

دشي المطبخ
تفنني بلطباخ
وبعدين مو معقوله ريلج مافيه ميزه حلوه
اكيد في شغله حلوه تشفعله
اتركي سلبياته
ركزي على ايجابياته
انتم محتاجين وقت بس
ابعدو عنكم العناد
اذا ريلج معصب بعدي عنه
اختاري الوقت المناسب وتكلمي معاه في اي شي انتي تبينه

والله يهديكم لبعض

 

[وجـه البـدر]

الله يكتب اللي فيه الخير ..

ماتدرين الخيره وين .. الاستغفااااااااااااااااااار

 

[vanilla-D]

لا يا قلبي لا تتطلقين ولا تروووحين بيت اهلج ديري بااااااالج

لا تروحين و الموضوع كلش مو مستاااهل

انتي غيري اسلوووووبج معااااه

ترى من امه ما راح يرضه يدفع داقه عليه تعال وبس

جان من البيت دلعتي و قعدتي بحظنه و باسلوب حلو طلبي منه فلوس
طريقتج غلط

 

[فرس بيضا]

انتي تدرين انه قاعد بالسياره عشان مايدفع شي

جان شريتي على كثر فلوسج

ليش تحرجين نفسج جدام الناس دامج تعرفين ردت فعله

والسالفه ماتستاهل طلاق

المره مو كل يوم لها زوج

ودامه يصرف عليج الحمدالله


انا اقول زعلي شوي وتغلي عليه وشيلي الطلاق من راسج

واليوم الاحد يمدي لي الخميس تكونين ملينه راسه شوي

وان شاءالله يوديج تشوفين اهلج

معاااهااا و بقوووه كلااام عيين العقل
والله يسخره لج يااارب

 

[رحمتك ياالله]

من صصصجكم انتم صراحه بعضكم يبط الجبد

اللي تقول سالفه تافهه والي تقول لاتتطلقين البنات الحين يدورون الريال ددواره ؟؟؟
ليش بنات الكرامه عندكم ولااااااا شي ليه اكبر همكم تكونون متزوجات وتكرهون الطلاق
ترا مرات العزوبيه والطلاق ابرك من مقابل ريال مايبيني ولايحبني وبخيييييييييل !!!!!!

اهم ماعلي راحتي وصحتي ليش ادمر عمري. واركض ورا واحد مايبني

ليه ماتقولون انه اهو الي معصب على شي سخيف وتافهه ليش مخلين الغلط على المسكينه
اهو اللي يزفها على ستين دينار وتصير مكبره السالفه ؟؟؟ شي غريب والله يعني تبونها تجلس معاه واهو طردها بععد

الحمددلله اذا عندي بيت واهل ليش اظل معاه انا مو بحاجته ولا بحاجت بيته الي طردني منه

بالنسبه لي استحقر البخيليين وياعلي ماعيش مع واحد بخيل عذااااااب

حسسسو بالبنيه وحطو نفسكم مكانها مو المهم تكون متزوجه قدام الناس وعايشه بعذاااب اصير امطلقه ومرتاحه وان شاءاالله
ربي يرزقها باللي احسن منه ويستاهلها

ماوقفت الدنيا عليييييه وحتى لو انه اخر الرجال تتطلق اذا وصلت السالفه لحد الكرامه



سسسسوري حبيبتي على الهذره اللي فوووق بس صج انا حسيت فيج وبالجرح الي ياج وياعله مايتهنا اي ريال يجرح بالمره ولايداريها
اذا موقد زواج ومصاريف ليش يتزوج ويعذب البنت معاه

انا ماراح اقول ششششي بس متاكده انج ماراح ترضين بالاهانه مهما كان وراح تختارين الحل الي يريحج من اللي انتي فيه
والله الاهل نعمه عسى الله يخليهم لج وانا برضووو اقولج انه اهلج ماراح يرضون بالي صار لبنتهم مسسستحيل

اتمنى استفدتي من ردي وبتسوين الصصصصصصح والي مفروض تسوينه قبل تكتبين الموضوع !!!

ويارب تتوفقين بحياتج وتهمين بصحتج واهلج اللي ماراح يخلونج واهمممم شي تقوين علاقتج مع ربج وتتقربين منه بالدعاء


عسى ربي يريحج

 

[دايم على البال]

الله يهديكم اثنيناتكم

وحبيبتي شيلي فكرة الطلاااق من بااالج

وتعوذي من ابليس وانتي ابخص بزوجج

مو احنا

 

[بـشـرى]

انا بقولك رايي واناي بكيفك واتمنى ماتزعلين وتفهمين اني مااهاجمك
انا مستغربه لهالدرجه صارت الحياه الزوجيه لعبه عندكم!! شنو بتطلق عشان هالسالفه وبأدبه!! هذا موولدك عشان تأدبينه واذا عاندتيه انتي الخسرانه بيكبر راسه اكثر وبعدين بصراحه انتي الغلطانه حتى لو نص دينار مااطلب منه عشان اشتري لأهلي دام هو مايبي وادري انه مايبي ليش احرج نفسي وبعدين كان قلتيله بالتلفون ناقصتني فلوس شحقه تنزلينه من السياره وتحرجين نفسك الموضوع كله بليس ركب راسك وراسه والموضوع تافه مايستاهل اصلا تبكين عليه لانك انتي الغلطانه انتي احرجتي نفسك ومتوقعه ردة فعله لو تدرين انه بيدفع كنتي قلتيله بالتلفون بس انتي حبيتي تحرجينه قلتي يمكن لاوصل وحطيته جدام الامر الواقع بيستحي وهذا اكبر غلط...
الحين اقعدي استغفري وانسي السالفه وسولفي معاه ولا كأن صاير بينكم شي وبعد كم يوم اذا مافتح معاك الموضوع نطري لم يكون هادي ورايق وقوليله اللي بخاطرك من غير هجوم وتأسفي منه لأنك احرجتيه هني راح يحس بغلطته بعدها قوليله وانت بصراحه تصرفت تصرف ماتوقعته منك شلون كلمتني بهالطريقه وانا زعلانه من كلامك وصدقيني راح يطخ ويبوس راسك
الله يهديكم لبعض*

والله في ردود تبط الجبد؟؟ مال خراب بيوت

وفي ردود تحسين ناس فاهمه وعاقله

منها رد متلثمه بغترة ابوها

المهم اذا تبين الصح المراه العاقل ما تطلع من بيت رييلها ع اتفه الاسباب عيال اختج ان شاء الله انهم مو محتاجين الملابس ... واذا كلش كلش عطي اختج فلوس البدل .. وقولي لها ما مداني امر السووووق؟؟..

وتبين الصج .. مره ثانيه .. شى يخص اهلج ريلج لا يدري عنه ولا يدفع فيه ولا فلس... عشان ما كل ما عوره راسه قال انا فعلت حق فلات وعلان


واذا ما رحتى لهلج هالمره ان شاء الله تروحين في مناسبه حلوه ثانيه ... بس خل يصفى جوكم .. وتتعدل اموركم ... بس اهم شى تقومين بواجب زوجج ... وترفعين الجاااااااااااااااااااااااام لحد ما يتعدل لسانه

 

[غلآ نوآف]

شوفي انا من راييي ماحب الريال البخيل واصلن معروف هالشي عند الناس ان المره ماتقدر تعيش مع واحد بخيل وتصرفه جدا غلط واسمحيلي ريلج مو متربي يعني يعز عليج 6 دنانير وفوق هذا اسلوبه معاج مو شي وطردج يعني في ريال يكلم مرته جذي بهالطريقه وجدام الناس وفي ريال يروح السوق ويقعد بالسياره ماينزل مع مرته ؟؟

وبعدين لو يحبج صج مايسوي جذي انتي شنو تشوفين يحبج ؟؟

و لا اتحطين ابالج مثلا اذا تطلقتي محد يتزوجج نفس ماقال النصيب بيد الله سبحانه ويمكن يرزقج بالي احسن منه على شنو شايف نفسه اهم شي شوفي وين راحتج انتي مرتاحه ولا لا ؟؟

انتي تعرفين ريلج اذا زين ولا لا واذا بخيل ولا لا ؟؟ ترا البخيل عمره مايتغير لاتقولين يغيره وهالشي معروف

رايي من راييها

غير عن قضية انه بخيل
اسلوبه لك واحراجه لك
ع شي مايسوى ولايستاهل
قدام المحاسب عيييييب والله العظيم عيب
لو صدق يحبك ويستاهلك
والله مابيسوي كذا
مو بس حب الا مافي احترام
كل شي ينبني ع الاحترام قبل المحبة

باين ان اخلاقه صفررررر

احمدي ربك ماعندك عيال
من رايي لاتفكرين فيهم بس
وشوفي لك صرفة

الله يعينك يالغلاا

 

[غلآ نوآف]

من صصصجكم انتم صراحه بعضكم يبط الجبد

اللي تقول سالفه تافهه والي تقول لاتتطلقين البنات الحين يدورون الريال ددواره ؟؟؟
ليش بنات الكرامه عندكم ولااااااا شي ليه اكبر همكم تكونون متزوجات وتكرهون الطلاق
ترا مرات العزوبيه والطلاق ابرك من مقابل ريال مايبيني ولايحبني وبخيييييييييل !!!!!!

اهم ماعلي راحتي وصحتي ليش ادمر عمري. واركض ورا واحد مايبني

ليه ماتقولون انه اهو الي معصب على شي سخيف وتافهه ليش مخلين الغلط على المسكينه
اهو اللي يزفها على ستين دينار وتصير مكبره السالفه ؟؟؟ شي غريب والله يعني تبونها تجلس معاه واهو طردها بععد

الحمددلله اذا عندي بيت واهل ليش اظل معاه انا مو بحاجته ولا بحاجت بيته الي طردني منه

بالنسبه لي استحقر البخيليين وياعلي ماعيش مع واحد بخيل عذااااااب

حسسسو بالبنيه وحطو نفسكم مكانها مو المهم تكون متزوجه قدام الناس وعايشه بعذاااب اصير امطلقه ومرتاحه وان شاءاالله
ربي يرزقها باللي احسن منه ويستاهلها

ماوقفت الدنيا عليييييه وحتى لو انه اخر الرجال تتطلق اذا وصلت السالفه لحد الكرامه



سسسسوري حبيبتي على الهذره اللي فوووق بس صج انا حسيت فيج وبالجرح الي ياج وياعله مايتهنا اي ريال يجرح بالمره ولايداريها
اذا موقد زواج ومصاريف ليش يتزوج ويعذب البنت معاه

انا ماراح اقول ششششي بس متاكده انج ماراح ترضين بالاهانه مهما كان وراح تختارين الحل الي يريحج من اللي انتي فيه
والله الاهل نعمه عسى الله يخليهم لج وانا برضووو اقولج انه اهلج ماراح يرضون بالي صار لبنتهم مسسستحيل

اتمنى استفدتي من ردي وبتسوين الصصصصصصح والي مفروض تسوينه قبل تكتبين الموضوع !!!

ويارب تتوفقين بحياتج وتهمين بصحتج واهلج اللي ماراح يخلونج واهمممم شي تقوين علاقتج مع ربج وتتقربين منه بالدعاء


عسى ربي يريحج

صج الوحدة ماتفني شبابها وعمرها
ع شخص مايبيها ولايحترمها
ولا بعد طردها من البيت مومسوي لها اي اعتبار
لو بنقول انها كثرت من الزعلات وروحاتها لبيت اهلها
بس ماتقول فيه هالمواصيل ف عدم الاحترااااااام

خييييير ان شاء الله؟! انتي بنت عالم وناس
ماجابك من الشارع علشان يقلل من قدرك وكرامتك

لاتقولون مافي كرامة بين الازواج
الا فيييييه ونص

مستحيييييل ارضى اكون مع شخص مايحترمني
الوحدة منا تتمنى تتزوج وتلقى شخص يحن عليها ويقدرها
هذا وهي ماجابت عيال ويسوي فيها كذا
لو بكرةوبعده صارت لها مسؤوليات ش بتسوي؟

 

[يفداك قلبى]

حبيبتي ماحد رح يفيدك غير نفسك ، بدك تطلقي من زوجك عشان موقف عصب فيه ؟؟ بعدين انتي من البدايه عارفه موقف زوجك انه قعد بالسياره عشان ما بدو يدفع ولا فلس ، ليش تحرجي نفسك وتحرجيه معك ؟؟ انتي عارفه موقفه بتروحي بتتصلي عليه ؟؟


زوجك صح هانك وكلامه بجرح ، ليش ماتحاولي تقعدي معه وتجبري على احترامك ، وتتكلمي معه وتصلحي زوجك وتكسبي فيه حسنات؟

ولو زوجك ما بدو ياكي كان وداكي بيت اهلك ، بس هو اخدك على بيتكم لانه بدو ياكي ، حاولي صلحي من زوجك احسن ما تفكري تفكير غلط ، وتندمي عليه

الانسان بتغير ، لاتحطي ببالك ، صلي واطلبي من ربنا الله يهدي البال ويصلح الحال ، بس امسكي زوجك وكلميه واحكيلو امبارح جرحتني وهنتني كان بامكانك تحكيلي ما بدي ادفع بس مو تحرجني قدام العالم وتحرج نفسك ، المشاكل بتصير بالحياه الزوجيه حبيبتي بس المره الحكيمه بتعرف تتصرف ، وهادي مجرد اراء رح تسمعيها لا اكتر ولا اقل ، يمكن رائي منها يفيدك ورائي منها يوديكي ورا الشمس

فكري انتي بمستقبلك ، فكري انتي كيف بتقدري تصلحي زوجك اذا في قابليه انه يتصلح ، الانسان بشر وبضل يغلط ، حاولي خلي زوجك يحترمك بوجودك وبغيابك ، عاقبي زوجك عقاب بس مو تروحي عند اهلك وتحرميه حقوقه ، بالعكس اعطيه حقوقه بالبيت وبكل شي بس ماتعطيه كلام متل كلام على قد السؤال

حاولي حبيبتي بتكسبي أجر في تغير انسان ، الله يهدي البال ويصلح الحال يارب العالمين

عين العقل
ماشاء الله عليج
قلتى اللى كنت بقوله بالضبط
اختى لا تطلبين منه الطلاق وانتى تعرفين ان هالشى حرام
سوى بالضبط حرفيا اللى قالته لج الاخت
وباذن الله يتسنع ترا طلب الطلاق والروحه لبيت اهلج ما راح تفيدج بشى
زعلى عليه وقومى بحقوقه عشان ما يمسك عليج غلطه
وثقلى وعرفى باى اسلوب زوجج ايي
والله يسخره لج ويطرح بينكم الموده

 

[مطنـوخهـ]

الله يهدي سركم

 

[كارينا]

:eh_s(14):

شوفي انا من راييي ماحب الريال البخيل واصلن معروف هالشي عند الناس ان المره ماتقدر تعيش مع واحد بخيل وتصرفه جدا غلط واسمحيلي ريلج مو متربي يعني يعز عليج 6 دنانير وفوق هذا اسلوبه معاج مو شي وطردج يعني في ريال يكلم مرته جذي بهالطريقه وجدام الناس وفي ريال يروح السوق ويقعد بالسياره ماينزل مع مرته ؟؟

وبعدين لو يحبج صج مايسوي جذي انتي شنو تشوفين يحبج ؟؟

و لا اتحطين ابالج مثلا اذا تطلقتي محد يتزوجج نفس ماقال النصيب بيد الله سبحانه ويمكن يرزقج بالي احسن منه على شنو شايف نفسه اهم شي شوفي وين راحتج انتي مرتاحه ولا لا ؟؟

انتي تعرفين ريلج اذا زين ولا لا واذا بخيل ولا لا ؟؟ ترا البخيل عمره مايتغير لاتقولين يغيره وهالشي معروف