اطباق لذيذه ( سهل - متنوع - منقول - متجدد ) تابعونا

[habibi]

يعطيكم العافيه حبايب:eh_s(15):

 

[franshiska]

شي شي
ماشاءالله

 

[franshiska]

بطووووووووووووووطه
عندي سؤال لو سمحتي
اهني في امريكا اشلون احصل دريم ويب
وشنو البديل عنها

والقشطة الطازجه ممكن استخدم ريكوتا بدالها
او شنو البديل بعد
وشكرا

 

[مكسورة الخاطر]

عجييييييب عجيييب عجيييييب هالمووضوع
تسسلم ايدج والله :*
امس طبقت اصابع التوست بالدياي, موجود بصفحة 10 اذا ماني غلطاانة
صج صجج يعطييج الف عاافية ع الطبخات
سهلة و تششووق

 

[متغليه لعيون غاليها]

يعطيج الف عااااااااااااااااااااااااااااافيه

بصراحه الموضووووووووع حيل عجيب

وتسلم هالايادي اللي تعبت عالموضووووووع
​

عن جد ماقصرتي يالغلااااااااااااااا

 

[pe-engineer]

مشكووووره وما تقصرين

 

[سراب فوفو]

يعطيجً العافيه

 

[بطه فيها نطه]

كل عام وانتوا بخير وتقبل الله طاعتكم جميعاااااااااا

شاكره تواجدكم الطيب وردودكم الحلوه خواتي ... واسمحولي اذا كان في تقصير

بس كثر مااقدر راح يكون في اطباق جديده تصلح حق رمضان

مثل ماطلبتوا ..

 

[بطه فيها نطه]

بطووووووووووووووطه
عندي سؤال لو سمحتي
اهني في امريكا اشلون احصل دريم ويب
وشنو البديل عنها




فوفو حبيبتي مايحتاج بديل ...

الدريم ويب موجود بكل مكان .. سيفواي ووال مارت وفريد ماير واغلب الاسوقه اللي يمك

حتى بالبقاله العربيه تحصلينه ... بس شكل الكرتون يختلف




طبعا الكريمه البيضه العاديه البودره ... لايغرك شكل الجيز كيك

داخله العلبه تقريبا اربع او ست جياس ...




وهذي الكريمه نفسها بس جاهزه ومخفوقه .. ماركة كرفت

وتحصلينها بالثلاجات صوب الكيك المثلج وهالسوالف

والقشطة الطازجه ممكن استخدم ريكوتا بدالها
او شنو البديل بعد
وشكرا

اذا تقصدين بالقشطه قيمر ؟؟

هم موجود ماركة نستله ... تحصلينه بسفواي ووال مارت

بس الريكوتا ماتعطي نفس النتيجه ... عن تجربه تصلح للجيز كيك اكثر

 

[بطه فيها نطه]

المطبخ الامريكي .. مفيد لكل المغتربات اذا تحبون شاركونا

http://www.q8yat.com/t743306.html

 

[نورآ ..]

بمااا انهم سكروا موضوعي حبيت اشارج اذا ماكو ازعااج

 

[نورآ ..]

سلطه الزيتون بالورقيات الخضرا




الطريقه والمقادير سوا

بصحن التقديم تحطين ( جرجير \ نعناع \ كزبره ) طبعا نفس ماهي مانقطعها ونشيل الغصن منها
ونحط فوقها زيتون اسود ونرجع نغطيها بالورقيات مره ثانيه
فوق السلطه شرايح طماطم وجبن شرايح مقطع مثلثات وتحطين فوقها صوص سيزر قيصر او
صوص ايطالي وترشين بديل جبنه

 

[نورآ ..]

سلطه الزهره




المقادير والطريقه سوا

زهره مغسوله ومسلوقه مع ملعقه كمون مطحون
نغمسها في ( نص كاس طحين + بياله مويه + رشه ملح + رشه فلفل اسود ) نقليها ونتركها على جنب
ملفوف + جزر + خس + بصل ابيض نقطعه شرايح رفيعه [ نقدر نستغني عن البصل ]
نفرشه بالصحن ونصف فوقه الزهره
الصوص ( زبادي + رانش + مايونيز + ليمون + نعناع مجفف ) لاتصير ثقيله اذا ثقلت معك حطي شوي لبن
وزينيه بعيدان بطاطس

 

[نورآ ..]

تورتيلا الفلافل




المقادير والطريقه سوا

ندهن هالصوص على خبز التورتيلا
( طحينيه + مايونيز + خل + ليمون + فلفل حار عند الرغبه )
الحشوه
( فلفل رومي اخضر + طماطم + خس + فلافل )
تقطع صغييير وتحشى فيها الخبز

 

[نورآ ..]

# شوربة كريمة الدجاج

المقادير :

بصله وحده
3 فص ثوم
1 كأس حليب بودرة و يفضل كأس ونص
2 كيس شوربة كريمة دجاج
4 كأسات ماء حار تقريباً
1\2 دجاجة مسلوقه
1 علبة ذره
قليل من الزيت
الطريقة :
يبشر البصل و الثوم و ينزع عظام الدجاج و يفتت الدجاج و يوضع البصل و الثوم و الدجاج و الذره و قليل من الزيت على نار هادئة
و بعد ما يحمس من دون ما يتغير اللون بس ريحه تفوح

.
في خلاط الكهرباء :
اكياس شوربة الكريمه
الماء و الحليب
يخليط جيداً ثم تصب على ما سبق و تحرك و تقلب جيداً بإستمرار الا ان تثخن الشوربة و تقدمينهآ

 

[نورآ ..]

بيتزآ ~

المكونآت :

4 كاسات دقيق منخول - 3 ملاعق خميره - نصف كاس زيت - ملعقه ملح - ملعقتين سكر -
ماء دافيء للعجن تقريا كاسين او كاس ونصف -
بصل مبشور - طماطم مبشور - صلصه طماطم - زيتون اسود واخضر - فلفل رومي - جبن موزاريلا -
اريقانو - ملح للحشوه ورشه فلفل اسود ..

الطريقه :
- نفرك الدقيق والخميره والسكر بالزيت ثم نعجن بالماء ونضيف الملح ونتركها تخمر نصف ساعه او ساعه الا ربع .
- نجهز صلصه البيتزا نحمس البصل اذا ذبل نضيف الطماطم والصلصه والاوريقانو والملح والفلفل الاسود .
- نفرد العجينه ونقطعها دوائر نحط ملعقه من الصلصه ونصف خضار وجبن موزاريلا ورشه اريقانو
وندخلها للفرن ..

 

[نورآ ..]

# Mini Tortilla

المقادير :

همبرجر مقلي و مقطع بشكل طولي الا 3
خبز تورتيلا " تحصلونه عند مخابز الراشد "
شرايح جبن مقطعه الا 3 اقسام طوليه

الصوص :
كاتشب + مايو

الطريقة :
تقسم الخبزة الى قسمين بالتساوي و يدهن كل قسم بالصوص و يوضع قطعتان من الهمبرجر في كل قسم بالوسط .
و يوضع عليها قطعه واحده من الجبن ثم تلف و استمري حتى ما يخلص الخبز او حسب العدد اللي تبينه </B>
</B>

 

[نورآ ..]

اعشاش الكيري

شريحة البف باستري تقصينها مربعات وتوزعين المربعات في صينية الكب كيك الصغار
وتحطين في كل مربع قطعة جبن كيري صغيرة وشعيرية
تحطينه من الفرن وبعد ما اطلعينه اتصبين حليب مركز وتقدمينه

​

 

[نورآ ..]

حَلى آلكْآسآت
آلمقآدير /
بسكويت شآي *
حبتين كيري *
علبه حليب محلى " نستله " *
1 قشطه *
دريم ويب *
كريم كرآميل *
فآنيلآ *
ملون طعآم أزرق *
هيرشي سآئل *

آلطريقه /
آلطبقه آلآولى
بسكويت شآي نفتفته ونرش فوقه حليب سآئل
آلطبقه آلثآنيه
حبتين آلكيري - نصف علبه آلقشطه - نصف علبه آلنستله
نحطهم بَ آلخلآظ أو مضرب آلكيك لين يتجآنس آلخليط ونصبه فوق آلأطبقه آلآولى
آلطبقه آلثآلثه
نفتفت آلآوريو ونحطه فوق آلطبقآت آلي قبله
آلطبقه آلرآبعه
نصف علبه آلقشطه - نصف علبه آلنستله - ضرف دريم ويب - ضرف كريم كرآميل - رشه فآنيلآ
نحطهم بَ آلمضرب لين يتجآنس ونحط نقطه لون مآنكككككثر بس شوي مآره
وأخر شي نزينه بَ آلهيرشي آلسآئل وآلآوريو آلمفتفت </B>​

 

[نورآ ..]

كاسات الصامولي بالدجاج
الحشوة ..
نسلق الدجاجه
نقطع بصل وفلفل بارد ونبشر جزر ونقطع بقدونس وشبت << الأخير اختياري
بعد ما يخلص الدجاج ننتفه ونقطعه برضو عشان يطلع حجمه صغير



ونكون مجهزين اللي قلت لكم نقطعها ( الخضار )



نحط اول شي البصل ع النار مع شوية زيت ولو حابين تحطون معه ثوم ممكن زي ما تحبون
نقلبه لحد ما يذبل خفيف وبعدين نحط عليه الجزر المبشور بعدها بشوي نحط الدجاج ونقلبهم
كلهم مع بعض ونحط عليهم البهارات اللي نبيها
من ناحيتي احط
ملح
بهارات مخلوطه
شوية ماجي ابيض
كزبرة ناشفه مطحونه
فلفل اسود وشوي احمر حار
واقلبهم لحد ما احسهم اندمجوا تمام مع بعض ازيد عليهم البقدونس والشبت



بكيذا خلاص الحشوة جاهزه لأي شي نبي نسويها فيه



نجيب كيس صامولي ولو قديم ( قاسي شوي ) ترا عادي بينفع قوة بعد
ونقطعه لـ 3 قطع او حسب رغبتكم وتفرغونه من جوا بس ( انتبهوا لا توصلون للقاع )



ندهنه بخلطه احبها جداً ومعتمده عندي بالذات بالساندوتشات او هالطبخه
2 ملعقه جبن سايل
1 ملعقة خردل ( مسترد )
2 ملعقة مايونيز
جداً لذيذه معها



ندهن كل اطراف الصامولي من جوا ( خليكم كريمين وقت الدهن تطلع احلى )



بعدين نحط جواتها الحشوة ..



بممكن تكون خلاص الطريقه هنا خلصت بس عشان تكون اطعم وشكلها احلى
يا اما نرش عليها جبن موتزريلا او جبن شرايح ..