عودة passion.666 وبقوة مع atkins diet

[passion.666]

السلام عليك ورحمة الله وبركاته
ولهت عليكم وايد وايد وايد بعد انقطاعي لظروف حملي وانا الحين راجعتلكم بقوه وبحماس شديد ويارب تضعفون على صحه وعافيه ياحبايبي وانا معاكم
طبعا وزني الحالي مثل ماهو مبين في الصوره

وهدفي الأول : 60
وهدفي الثاني : 55
ومع ATKINS DIET
راح احقق هدفي ان شاءالله انا بلشت الرجيم من امس وصورت السحور ومالحقت اصور الفطور لأن كنت اجهز الفطور ولكن من اليوم راح يكون البرنامج كامل مع الصور ان شاءالله بس ابي تشجيعكم لي لأن فعلا انا متضايقه ومتكدره من وزني وراح يكون يوم الميزان يوم 24\8 و25 انا مسافره امريكا وراح استمر بالرجيم وراح احطلكم اصور والشغلات اللي راح اشتريها فترقبو راح اكون معاكم اول بأول لما اوصل للوزن المطلوب​

 

[passion.666]

يوم السبت الموافق 13/8/2011
فطوري دجاج مشوي طلبته من مطعم نايف والصراحه ماصورة الدجاجه لأن لهيت احضر الفطور
وهذي صوره من النت نزلته لكم

وعقبها شربت كوب ماء ساخن منقوع بالزنجبيل والدارسين كوب واحد وهم ماصورت سامحوني
وكان سحوري بيض مقلبي بزيت زيتون وهذي الصوره انا صورتها

وعقبها شربت استكانتين جاي من غير سكرين
اما الرياضه كنت ناويه امشي بس ماعندي سياره وماحبيت امشي على الجهاز لأن حسيت ان يعور ركبي وخاصة سارلي فتره مالعبت رياضه وان شاءالله اليوم راح ابلش المشي لمدة ساعه ممشى مشرف
هذي يومياتي امس وان شاءالله اخر الليل راح اكون ساهر الليل علشان احط لكم يومياتي
وشاكرتلكم​

 

[Q8stylle]

موووووووفقه

 

[passion.666]

جزاج الله خير
والتوفيق للجميع​

 

[passion.666]

اليوم الثاني
14/8/2011
الفطور لحم متبل بخلطة الليمون والبهارات الأيطاليه بعد ماسلقته حطيت اللحم بكيس وضفة عليه الخلطه ومزجته مع اللحم وتركته نص ساعه وعقبها قليتها

طبعا شربة علبة بيبسي دايت

وعقب الصلاة المغرب سويتلي منقوع الزنجبيل والدارسين
وعلى فكره انا من باجر راح اشرب منقوع الزنجبيل والليمون لأن الدارسين في نسبة من السكر

وبعد صلاة العشا
دهنت جسمي الجزء السفلي بالكريم خاص للتخسيس
ولبست الشرت الحراري وعقبها لبست الترنق

ورحت الممشي مشرف وصلت على الساعه
طبعا ساعة السياره

شغلت التايمر بالتلفون وانطلقت الساعه 9
وهذا صورة الممشى بس مهتزه الصوره

بالروحه قطعت المسافه على حسب التايمر

وفي العوده وقفت دقيقه اشرب ماي لأن ريجي ناشف والجو حار

وكملت مشي لما وصلت الألعاب الرياضيه لعبت دقيقتين

وكملت مشي لما وصلت السياره وعلى ساعة السياره
والتايمر اللي بجهاز بنتي لأن انا بالغلط سكرت التايمر لما كنت بصور الصفحه

 

[passion.666]

يتبع
عقب ماحركنا مريت مجمع المطاعم اللي يم نادي اليرموك في مشرف طلبت من بنتي تشتريلي بطل ماي بار وهي اطلبت عصير كوكتيل منجا وفراوله

وهذا بطلي الماي حياة وحيويه

رديت البيت فاجئني ابوالعيال قالي لبسي بروح كافيه وكنت خايفه يطلب عشا او حلو
رحنا الكافيه اللي بالشرق

ويحن زوجي علي شنو تبين تاكلين وانا اقله بس ابي شاي ويحن ماتبين حلو او سلطات قتله لاء
مابي اخرب رجيمي فطلبت شاي وبطل ماي

ولما ردينا البيت على الساعه 1:30 حسيت بيوع رحت سويتلي بيض عيون وعليه شريحة جبنه الدسم ه غ والشريحه 20 جرام

ارجو ان يعجبكم تقريري اليومي هذا تقريري المفصل وتابعوني كل يوم ويتقرير جديد​

 

[LadY BuG 80]

بتوفيق انشا الله و مبروك على البيبي :eh_s(17):

ارجيم هاذا نتايجه سريعه و فعاله و مافيه جوع

انا ضعفت عليه 23 كيلو

كنت 81 و صلت ليين ال 56 عليه بس صرت هيكل بشهادت الجميه ,, سو رجعت كم كيلو و ثبت على ال 59 الحين :eh_s(15):

حبيت اشجعك بذكر تجربتي بما انو نفس ادايت :eh_s(9): good luck sweety ​

 

[passion.666]

بتوفيق انشا الله و مبروك على البيبي :eh_s(17):​

ارجيم هاذا نتايجه سريعه و فعاله و مافيه جوع ​

انا ضعفت عليه 23 كيلو ​

كنت 81 و صلت ليين ال 56 عليه بس صرت هيكل بشهادت الجميه ,, سو رجعت كم كيلو و ثبت على ال 59 الحين :eh_s(15):​

حبيت اشجعك بذكر تجربتي بما انو نفس ادايت :eh_s(9): Good luck sweety ​

جزاج الله الخير ياقلبي ماقصرتي كلج ذوق ومشكوره على المشاركه والتشجيع ولله عجيب مايوع وانا مستمره عليه وان شاءلله ما راح اخربط وجاده بالرجيم

 

[عليـاء]

مرحبا باشن
وحشتيننني وايد
أنا من زمان مو داخله باسمي أول ماشفت موضوعج حبيت اسلم عليج
واشجعج
يعطيج القوة والعافية وتستمرين وانتظر تقريرج في أمريكا ياقلبي
شدي حيلج ياقلب ..

 

[passion.666]

مرحبا باشن
وحشتيننني وايد
أنا من زمان مو داخله باسمي أول ماشفت موضوعج حبيت اسلم عليج
واشجعج
يعطيج القوة والعافية وتستمرين وانتظر تقريرج في أمريكا ياقلبي
شدي حيلج ياقلب ..

علياء حبيبت قلبي شخبارج انا ولهت عليكم وايد ولهت على قروبي
انت شخبارج وشنو علومج .
انا داشه هالمره بقوه وانتظري تقريري ياحبيبت قلبي
مشكوره على التشجيع ومشكوره على مشاركتج لي كلج ذوق ياقلبي

 

[Blonde B]

استمرييي كلنا معآآآآآآآآآآآآآآآآآج :*

 

[passion.666]

استمرييي كلنا معآآآآآآآآآآآآآآآآآج :*

مشكوره ياقلبي جزاج الله الخير على الطله الحلوه والمشاركه​

 

[صادقة بكلمتي]

بالتوووووووووووووووووووووووفيق حبيبتي بس لا تنسين لاااااااااااااااااااااازم تكسرين كل عشر ايام على الاقل رجيمج علشان تخدعين جسمج وما يتعود وبغيت اقولج نصيحة مجربة منقوع الزنجبيل سوي يوم زنجبيل فرش وليمونة واغليهم ربع ساعة مع لتر ماي وحطيهم بمطارة وكل ما بغيتي تشربين سويهم على ثلاث كاسات كبيرة صج مر بس رووووووووووووووعة الدهن بطيح منج بدون ماتحسين لو ما نزل رقم وزنج على الميزان وطبعا حطي بكل كاس شوية شاي اخضر مع نعنع ماركة تونجيز من السلطان او الجمعيه وشربيهم واليوم اللي بعدة زنجبيل مع دارسين بس بدون ليمون وخلي الدارسين عواده طبعا نفس الطريقة بمطارة وراح تدعييييييييييييييييييييييييييييييييييييييييين لي والله

 

[passion.666]

اليوم الثالث
15/8/2011
فطوري اليوم تونه بزيت ودايت بيبسي

عقب الصلاة المغرب شربت منقوع الزنجبيل واليمون

عقب الصلاة العشا مشيت على الجهاز لمدة ساعتين من 9:30 الى 11:30 ما مشيت بره لأن الجو شويه مغبر

طبعا جهز المشي التايم اللي بالجهاز حدى 100 دقيقه وبعدين بصفر من يديد فأنا مشيت 120 دقيقه
ويبين بالصوره الكلاريز والمسافه

وعقب التعب حسيت بيوع اكلت دجاجه مشويه بس موكلها نص مع علبتين ثوم ويعتبرون ملعقتين

وعقبها خذيت شور والخدامه جهزت لي منقوع اليمون والزنجبيل

وهذا تقرير اليومي المفصل وان شاءالله التقي معاكم باجر​

 

[passion.666]

بالتوووووووووووووووووووووووفيق حبيبتي بس لا تنسين لاااااااااااااااااااااازم تكسرين كل عشر ايام على الاقل رجيمج علشان تخدعين جسمج وما يتعود وبغيت اقولج نصيحة مجربة منقوع الزنجبيل سوي يوم زنجبيل فرش وليمونة واغليهم ربع ساعة مع لتر ماي وحطيهم بمطارة وكل ما بغيتي تشربين سويهم على ثلاث كاسات كبيرة صج مر بس رووووووووووووووعة الدهن بطيح منج بدون ماتحسين لو ما نزل رقم وزنج على الميزان وطبعا حطي بكل كاس شوية شاي اخضر مع نعنع ماركة تونجيز من السلطان او الجمعيه وشربيهم واليوم اللي بعدة زنجبيل مع دارسين بس بدون ليمون وخلي الدارسين عواده طبعا نفس الطريقة بمطارة وراح تدعييييييييييييييييييييييييييييييييييييييييين لي والله

جزاج الله خير والتوفيق للجميع ماقصرتي من باجر اجرب طريقتج والجاي الأخضر تونجيز بس اللي سمعته ان الجاي الأخضر يثبت الوزن علشان جذي ما ضفته
شاكرتلج وايد حبيبتي​

 

[_zahra]

اتمنالج التوفيق والصحة والعافيه

 

[passion.666]

اتمنالج التوفيق والصحة والعافيه

الله يوفقج ويوفق الجميع وجزاج الله الخير​

 

[شندوخه]

بالتوفيق
بس مادري احس الرجيم يتعب مهما يكون الجسم بحاجه كربوهيدرات وسكريات
والفواكه والخضار جذي بشرتج بتذبل وشعرج بيطيح مو المفروض انج تعوضين بفيتامينات؟

 

[passion.666]

بالتوفيق
بس مادري احس الرجيم يتعب مهما يكون الجسم بحاجه كربوهيدرات وسكريات
والفواكه والخضار جذي بشرتج بتذبل وشعرج بيطيح مو المفروض انج تعوضين بفيتامينات؟

هلا حبيبتي مشكوره على الطله والنصيحه جزاج الله ماقصرتي

 

[بنت مشرف ق5]

قوووه باشن
يعطيج العافييه

متابعتج من خلف الكواليس صارلي جم يوم 



طبعا انا خبرررره ٣ سنين بأتكنز وحافظته صم ومحد يضعفني غيييره 
انا اصلا صارلي شهر بأتكنز بس مو ملتزمه بالمرحله الاولئ وماقست وزني لكن حاسه مقاسات جسمي تغيرت
وقبل العيد ابي انزل اكثر ، سو بلشت المرحله الاولئ الي اهي زيرو كارب الي انتاي قاعده تسوينها صارلي يومين
وان شاءالله بكون معاج اول بأول واشد من ازرج
واذا مايضايقج احط يومياتي معاج ، واذا تببن الموضوع خاص فيج بروحج هم ماراح ازعل وبتابعج واكون معاج اول بأول بالحالتين
مووووفقه 