شرايج بهالبنت للزواج ؟

[•Brown•Sugar•]

قوه بناات





ودي اخذ رايكم بشغله
ناقشتها مع اختي وبنات خالاتي وما اتفقنا ع راي واحد


لو انتي تعرفين وحده واهي البنت عندها خرابيط وسوالف شباب
واهي شوي قريبه منج

ويو ناس خطبوها وسألووو عنهااااااا .... ووصلولج
وسألوج اهل الريال: ( يا فلانه شرايج بهالبنت ؟ سمعنا انج قريبه منها)


شنوووو تردين ؟


تقوليلهم الصج ؟
ولا تجذبين ع شان يمشي نصيبها ؟
ولا تقولين مادري؟





اناا اخترت اقول الصج بس احس اني وقفت نصيبها
وهم بنفس الوقت ما اقدر اجذب واخلي الريال يتزوجها
واهو مغشوش ويصير بذمتي
لو باجر عرف عن سوالفها أوطلقها بيقول كله من (فلانه-انا) اللي قالت انها خوش وحده مثلا

واختي قالت اجذب واقول انها خوش بنت

وبنات خالاتي يقولون (نقولهم ماندري) بس موجواب مقنع خصوصا
انج قريبه من هالبنت وتعرفين كل شي عنها والناس كلها تدري انكم قراب

 

[روح الغلآ..!]

ممادري

ااب

ااب

لعيوؤنج ,,

 

[✿ячǿőƒ✿]

بصراااحه انا عندي حــل

انج تقووولين للبنت وتجذبين عليها جذبه صغيره وتقولين انه في احد سأل عنج وانا بصراااحه قتلهم انه عندج خرااابيط وسوالف خاايسه
واذا البنت انصدمت وعصبت وقالت ليييييييش قوليلها بصراحه جذبت عليج وماقتلهم هالحجي بس دام انتي تبينهم و ماتبيني اقولهم عنج جذي تعدلي وصيري خووش بنيه عشان لا تزوجتي بيقولون اي والله صح كلامي وماجذبت عليهم ,,

وبسسسسس ,, والله يهديها ويوفقهاا يااارب
​

 

[ميســـا]

انا رايي انج ماتقولين و تسترين عالبنت

ماتدرين يمكن هي بعد الزواج اتوب ويمكن هي في فترة طيش

الستر زين

 

[أحلى البشر]

انا وحده ضد الغش وكل وحده تغش تنحط بذمتها وسواء غشت البنت او غشت الولد وفرضا صار مشاكل او طلاق راح يقولون حسبيا الله على فلانه اللي غشتنا الله لايوفقها لا اهي ولا عيالها ساعتها شبيفيدها ؟؟ دعوة المظلوم مستجابه
انتي بموضوعج هذا يتي عالجرح انا ليل نهار ادعي على اخت طليقي لسببين اول شي قالت انه يصلي ويصوم اثنين وخميس ووصلته سابع سما طلع يكلم بنات ومايصلي واخلاقه مو زينه وطلع عنده ضعف جنسي ولما الكل سألني ليش ماحملني قلت لاخته طلعت تدري انه اخوها عنده ضعف وزوجتني اياه ليش الغش الحين انا مطلقه والسبب منو ؟ اخته الجذابه الغشاشه اللي ليل نهار ادعي عليها لاني الحين مطلقه ومكسوره ومظلومه بسببها ربي لايوفقها
نصيحه لي احد سألكم عن احد قولوا الصج اذا البنت ماحافظت على نفسها وسترت على نفسها بتحافظين عليها انتي والا بتغشين الناس فيها حرام والله
ادري طولت عليكم بس قلبي متروس تقبلي مروري

 

[*الغاليه*]

لو انا انحط بهالموقف اقول ما ادري عنها

ابعد عن الشر وغنيله

مو نااقصين مشاكل وعوار رااس

​

 

[عجميه زوغه]

اكيد ماقولهم الستر زين انا بختار الي الدين حثنا عليه الستر

اذا البنت موزينه ومامنها امل اقولهم ماتصلحلكم بس اني افضحها نو وي باجر ماتدرين ربي يبلانا في بناتنا والناس بتكلم فيهم ترى الدنيا دواره وكما تدين تدان ترى احنا مو ملائكه عشان نتكلم بهالثقه الواحد لازم يحرص بافعاله عشان ماترد علينا وعلى بناتنا

 

[عجميه زوغه]

نسيت شغله انتي خفتي انج تغشينهم ماخفتي انج تكلمتي باعراض ناس حتى لو كان صج

وبالنهايه كل شي نصيب

 

[•Brown•Sugar•]

مشكورين بنات ع الردود
احلى البشر الله يعوضج حبيبتي والغش الله مايرضى فيه حسبي الله ع الظالم
وبنات اللي يقولون ماندري (شلون ماتدرون وانتو قراب من هالبنت)
يعني الناس بتعرف ان كلامكم مو صج
واللي تقول اجذب جذبه صغيره << ماعندج وقت للافلام لان حطي نفسج
بهالموقف وانتي على التلفون واهم يكلمونج شنو تردين؟
وهم ضميري يأنبني لو وقفت نصيب هالبنت مادري شسوي

 

[•Brown•Sugar•]

اكيد ماقولهم الستر زين انا بختار الي الدين حثنا عليه الستر

اذا البنت موزينه ومامنها امل اقولهم ماتصلحلكم بس اني افضحها نو وي باجر ماتدرين ربي يبلانا في بناتنا والناس بتكلم فيهم ترى الدنيا دواره وكما تدين تدان ترى احنا مو ملائكه عشان نتكلم بهالثقه الواحد لازم يحرص بافعاله عشان ماترد علينا وعلى بناتنا

انتي فهمتيني غلط
انا مابي اقولهم عن سوالفها شنو سوت ومتى ووين !!!
الناس داقه تبي تعرف اخلاقها مو قصه حياتها
اقصد اني اقول البنت ماتصلح لولدكم
يعني من هالكلام بس ع شان ما احط بذمتي واستاثم باللريال لو تزوجها وما ارتاح معاها

 

[لحن التياعي]

الغش مو زين من غشنا فليس منا اهل طليقي غشوني حسبي الله ونعم الوكيل فيهم طلع مريض الله يشفيه ماابي اتكلم اللهم اني صائمة وحسبي الله على كل من يغش بنات الناس موضوعك ذكرني باللي فات الله لايردهم

 

[ROYAL]

لو انحط بهالموقف وانسال هالسؤال اقول هالجمله واحلل ذمتي لا اذم ولا امدح : اللي يبي النصيب الله بيعطيه علي قد نيته واكيد دعي ربه بالزوجه الصالحه ودام اخترتوها لولدكم اكيد الله كتبله هالبنت من نصيبه تقدموا لخطبتها والتوفيق من الله اذا لهم نصيب بيصيرون لبعض واذا لا اكيد الله بيرزقهم الافضل والله يوفقهم يارب والنعم فيهم هم الاثنين وان شاءالله تعزموني علي عرسهم

 

[!witcha!]

سوال صعب بس اتوقع بقول نفسج

 

[أحلى البشر]

مشكوره حبيبتي عالدعوه الحلوه ولج مثلها يارب:eh_s(7):

وشوفي حبيبتي اذا البنت كان لها زلات وعقلت وتكنت عفا الله عما سلف اما لو اهيا مستمره على حالها ووضعها موزين لاتمدحينها وتطيح بجبد الريال واهله وحتى لو كانت عوبه مثلا مايصير تقولين طيبه وحبوبه وهيا عوبه انا مقدره موقفج صج يوهق بس همن الناس اللي سألوا وثقوا فيج وسألوج خليج قد الثقه
اذكر في قصه بزمن الرسول صلى الله عليه وسلم اخو ويايب اخوه معاه يشهدله ويمدحه فلما قعد الاخو والا يذم اخوه الاخو اللي بيتزوج انصدم والا ابو البنت يقول زوجته لصدقكم جان زين بنات قسم الاسلاميه ايبون لنا الحديث :eh_s(17):
وخل نشوف راي باجي البنات

 

[•Brown•Sugar•]

بدويه ماركه شفتي شلون تحسبتي على اهل طليقج
مابي باجر الناس تتحسب علي
وربي يرزقج باللي ينسيج همومج

احلى البشر فديتج كلامج عين العقل :*

ومشكورين كل البنات اللي ردوا

 

[✿ячǿőƒ✿]

حبيبتي خلاص عيل قوليلهم الصج وقولي البنت اخلاقها مو زينه وحرام تغشينهم واللي الله كاتبه بيصير وموفقيين انشالله والله يعديها على خير
​

 

[روح فزاع]

في البدايه أنا وحده مثل هذي إذا كنت أعزها وشايفه إنها إنسانه طيوبه ونظيفه من داخل
راح أنصحها إنها تترك هالشغلات وتوب لربها ولا لا أعرفها ولا تعرفني


عن نفسي إذا انحطيت بهالموقف راح أقولهم البنت خوش وحده

وإذا ربي كاتبها لولدكم بتصير له
وعسى ربي يتمم عليهم ع خير ويوفقهم لما يرضاه
ما تدرين يمكن ربي يصلحها ويهديها للطريق المستقيم
وبجذي تكونين كسبتي إنج هديتها لطريق الصح
وكان لج الفضل بعد الله سبحانه في زواجها وهدايتها

ومشكورة حبيبتي

 

[كادي كيك]

لا حبيبتي في فرق بين انج تسترين على البنية وبين شهادة الزور اي نعم واذا كلش ماتبين تفضحين البنية قولي لهم انا ما انصحكم تسالوني انا قريبة منها وشهادتي مجروحة والواحد خو لين بيخطب وحدة مايسأل رفيجاتها او اهلها يسأل الناس المحايدين الا بيشوفون الشخص من زواية ثانية اشمل بينما انا لومدحت بتقولون رفيجتها وحتى الشين اشوفه زين

 

[هيبة فتاه]

قولي مادري وخلاص
ترا حرام احد يتعرض لزواج احد

 

[عاشقة هواك]

انا رايي انج ماتقولين و تسترين عالبنت

ماتدرين يمكن هي بعد الزواج اتوب ويمكن هي في فترة طيش

الستر زين

انا وياها :eh_s(17)::eh_s(17)::eh_s(17):