¨¦« رحلــة هـمـبـكـة إلى ربوع سـويسـرا و فـرنسا - صيف 2007 »¦¨

[Hambka Q8]

متابعينج همبكه خوش تقرير من بدايته

الله يسلمج :hjy5jewf:

من ذوقج عزيزتي..

تسلمين والله :eh_s(7):​

 

[د.شريفة]

متابعين لايوقف لايوقف لايوقف

 

[Hambka Q8]

الاحد الموافق : 12-8-2007
_____________________


فاغلب الاسواق صاكه و ماحبينا نروح قصر فرساي او برج ايفيل او اللوفر..
لان رحنالهم من قبل و شفناهم

فسألنا الكونسيرج مال الفندق و قالنا انه فال دي يوروب السوق الوحيد اللي فاتح
Val d'Europ - La Vallee Vilage


قلنا امرنا لله صج انه مو ذاك الزود و ما يستاهل العنوة بس احسن من القعده بالفندق

طلعنا عالساعه 11.30
من الفندق و رحنا لمحطه الاندر قراوند اللي عند قوس النصر



محطه شارل ديجول ايتوال



قصينا تذاكرنا
الشخص ابـ 5.40 يورو (روحه بس) المفروض ناخذ روحه و رده بس مالت القطار ما تفهم انجليزي :114:
و انا قايلتلها روحه و رده و تقولي انه فهمت اوكي و بالاخير عطتنا بس روحه و اكتشفنا هالشي و احنا بنرد لول


المهم وصلنا القرية

عاد يبيلها مشي 20 دقيقه

بس لقينا القرية اللي فيها الماركات مفتوحه

المجمع اللي يمها اللي فيها المحلات العاديه (مثل H&M , Gap ) يصك يوم الاحد
تسوقنا و تمشينا و استانسنا

بعدما تمشينا و لفينا القرية كلها محل محل
رحنا تغدينا في مطعم حبيب الكل لول
ماكدونالدز

خلصنا و كلينا
و الحمدلله



و شربنا الشاي و صحصحنا اخذ شلايلنا و قشنا و رحنا المحطه طبعا هم مشي 20 دقيقه
و احنا نمشي جان يهب علينا ذاك الهوا اللي طيرنا



صار صقعه
لبسنا جاكيتاتنا و كملنا المشي



جان اتيينا ذيك السحابه السوده اللي تنذر بمطر سيل قوي << اهم شي تنذر

و يانا ذاك المطر انا الوحيده اللي كانت معاي الشمسيه لول

بس ما انفعتني وايد لانها ام دينار بسرعه اختربت مع الهوا لول



تبللنا و تبهدلنا الله لا يوريكم اشكالنا

جوتيي تكرمون
صار كله ماي ماقدر امشي فيه

بنت رفيجة امي افصخت الجوتي و اقعدت تمشي حافيه
طلعت بلوزه شاريتها حق رفيجتها هديه صوغه و البستها لووووول
عن المطر (تقول اذا رديت الكويت نظفتها و دارن دره و دارن ما دره)









صرنا بإختصار

طاش ما طاش









انخشينا عن المطر 10 دقايق لغاية ماخف و طلعنا نركض لغاية ما وصلنا المحطه
و احنا ميتيين من الضحك على اشكالنا الكسيفه لول

لول و انا وياي الكامره و اقولهم اوقفوا بصوركم


اللي معاها جيس من ورق انشق و انا جيسي بعد مع انه من الورق المقوى انشق من الماي زين
ما طاح جوتتي الجديد :bbbiu:

وصلنا المحطه حطينا تذاكرنا و لا ما تشغل
جان نتذكر انه هذيج مالت القطار معطيتنا حق روحه بدون رده
و قصينا لنا تذكره
و رجعنا باريس و الحمدلله

بدلنا و غسلنا

عالساعه 9 نزلنا اللوبي كنا ناويين نروح الشانز بس من التعب مالنا خلق
قعدنا باللوبي سوالف و ضحك




رجعنا نمنا













( كانت رحله لا تُنسى بسبة المطر و
لان اول مره نركب مترو بروحنا كـ حريم بدون لا يكون ويانا اي ريال :lololoe:​

 

[كسرة عود]

روعة ................. تسلم الأيادي

متااااااااااااااابعين

 

[رقي]

بانتظارج همبكا
وعليكم باللعافيه

 

[Hambka Q8]

الاثنين الموافق : 13-8-2007
____________________


رحنا كلنا 50 شخص القروب كله لمحطه الاندر قرواند شارل ديجول
قصينا تذاكر جماعيه
روحه و رده هالمره ;p

عشان نروح




يورو ديزني و نستانس ^^

وصلنا محطة يورو ديزني

و هذي صوره لمحطه المترو

و هذي صوره لمدخل اليورو ديزني




و رحنا قصينا تذاكر للدخله تقريبا كانت الساعه 1 الظهر لما دخلنا



صورة لمدخل الـ Village

الجو كان روعه بمعنى الكلمة
و السما صافيه و شمس و ساعات يكون في الجو

عاد بعدها الكل تفرق و الوعد بعد الألعاب النارية عالساعه 11.30 عند المحطه عشان نرجع كلنا مع بعض

رحنا لعبنا انا لعبت تقريبا لعبتين
و الحمدلله

و هذولا صورتين من اللعبتين

هالصورة خذيتها من داخل لعبة "it's a Small World"

و هالصوره خذيتها و احنا ننطر بالدور حق هاللعبه "لعبة سيارات"
مثل لعبة السيارات الاوربية في المدينة الترفيهية بالظبط (بس الاختلاف بالسياره و بالنظام)
تخيلوا قعدنا بالدور 35 دقيقه..
ريلي عورتني :krkrkr:
​

 

[Hambka Q8]

عالساعه 5 رحنا تغدينا في مطعم بيتزا

و بعدها رحنا
شفنا الـ Parade الساعه 6.30 بدا
عاد كانت يورو ديزني تحتفل بالسنة الـ 15 لأفتتاحها





و هذولا بعض الصور من الـ Show

بعد ما شفنا العرض رحنا انتسوق في محلات يورو ديزني اللي يونسون :ggdw:

و بعدما خلصنا تسوق
قعدنا ابـ قهوة شربنا شاهي :eh_s(6):

و بعدينا رحنا و حجزنا مكان عالأرض عشان نشوف عرض الليل (من الساعه 9.30)
و احنا مرتزين عالارض و نشربك << واي هيلق !! :ggdw::eh_s(6):

كل ساع اتقوم وحده تروح اتمشى و اترد لووول

هالصور خذيتههم و احنا قاعدين ننطر عرض الليل عرض الساعه 11





و رجعنا بليل اخذنا القطار لغاية محطة شارل ديجول
و بعدها بدلناه و اخذنا قطار ثاني يوصلنا عند المحطه اللي جنب كونكود لافاييت



نزلنا و وصلنا الفندق و نمنا

و ريولنا توووون من العوار لول :0bee2e8d89:​

 

[Hambka Q8]

متابعين لايوقف لايوقف لايوقف

الله يسلمج

مشكوره والله عالمتابعه

روعة ................. تسلم الأيادي

متااااااااااااااابعين

الله يسلمج kddd :eh_s(7):

شكرا عالرد و المتابعه ! :edbf4317b9:

بانتظارج همبكا
وعليكم باللعافيه

الله يعافيج و يخليه رقي :hjy5jewf:​

 

[Hambka Q8]

الثلاثاء الموافق : 14-8-2007
____________________


"" يوم للتسوق في عاصمة الموضه و النور.. ""

رحنا جاليريا لافاييت من الساعه 12 لغاية الساعه 7

و بعدها رحنا الشانز و ألتقينا بناس أهلنا بحرينيين

و جلسنا وياهم شربنا شاي و تعشينا و استانسنا و :wqedqw:

بعدها وصلناهم فندقهم كونكورد لافاييت و احنا رحنا فندقنا :balo:​

 

[Hambka Q8]

الاربعاء الموافق : 15-8-2007
_____________________



المفروض يكون ايضا يوم للتسوق الجزء الثاني في جاليريا لافييت

بس حسافه راح علينا اليوم :0bee2e8d89:

قالوا لنا انه اليوم عطله
"عيد مريم العذراء"



اخذنا تاكسي و قلناله يودينا للحي اللاتيني "Cartler Latin"

ماعجبنا وايد نطرنا تكسي :eh_s(1):



بس ما جاه و لا تكسي فقلنا نركب المترو نوفر وقت





اخذنا المترو و يحليلها ماقصر اللي قطعت لنا التذاكر اطلت مغربيه
و قالتلنا نزلوا بمحطه مادري شسمها و عقب ركبو مترو ثاني و يوصلكم الشانز

عاد وصلنا الشانز و نزلنا في محطه جورج الخامس اللي بنص الشانز

تسوقنا قليلا في الشانز

و بعدها تغدينا في مطعم "بيزا روما"oster_av1:

و بعد الغدا عالساعه 5 الصراحه انا ماقدرت اكمل و قررت ارجع الفندق من التعب و هم عشان اسوي جنطتي خخخخ


قبل لا نرجع و لا حاطين هالسياره
و لا اثاريها سيارة ألفيس بريسلي لول و لا يايبين واحد يشبهه يتمشى و يسوي حركات و الناس طايحين له تصور خخخخ!!

رجعنا انا و اختي الفندق

و قعدت اسنع شنطتي استعداد للسفر بكرا الصبح لـ مدينة بازل السويسريه

في الليل رحنا الشانز و جلسنا في مقهى "فوكيت"

و بعدها رحنا تعشينا في مطعم كويك >> طقة مكدونلدز و بيرجر كينج بس ابيييه مو طبيعي!! @@ لو عندي فلوس جان يبته الكويت خخخخ (على قولت جوليا بطرس لا باحلامك)

اتمنى اييبون هالمطعم عندنا لول
وايد لذيذ لوووووووول

رجعنا الفندق عالساعه 1 و نمنا

عشان الصبح ورانا قعده للسفر لمدينة بازل الساعه 9

 

[Hambka Q8]

و بجذي خلصت الجزء الاول (باريس) من تقريري
و باجر بأذن راح احطلكم الجزء الثاني :050103nbh_prv:

( مدينة بازل - Basel السويسرية )

:hearting:

:hearting:

:hearting:









نطروني اوكي لا تباعدون :wqedqw:​

 

[nice smile]

:ggdw::ggdw::ggdw:


ذكرتيني بديزني ياحلوها احنا قعدنا فيها ليلتين بفندق ديزني لاند ( الوردي ) ما شبعنا منها ..

وبعد كنا ساكنين بباريس بفندق مريديان اتوال قبل لا يجددونه ( يعني من جم سنه :O_SHH_

 

[tofy]

يعطيج العافية

ذكرتيني بأحلى ديرة عندي فرنسا احبها وايييييييييد

انا كنت ساكنة اجبالج بكونكورد لافاييت

وبغيت أسألج عن قروب سفريات السيد شلونهم ؟

 

[جكورة]

:e3:

ماشاء الله خوش تقرير وخووش صور ....

بإنتظار الجزء الثاني ...​

 

[قلم رصاص]

في انتظار الجزء الثاني

 

[far007a]

يعطيج الف عافية على هالتقرير

وبانتظار المزيد

 

[far007a]

يعطيج الف عافية على هالتقرير

وبانتظار المزيد

 

[ArEEj]

صج تقرير مرتب وصور تشوق
عليج بالعافيه هالرحله الحلوه
وكل سنه تروحين
بنتظار الجزء الثاني

 

[Hambka Q8]

:ggdw::ggdw:


ذكرتيني بديزني ياحلوها احنا قعدنا فيها ليلتين بفندق ديزني لاند ( الوردي ) ما شبعنا منها ..

وبعد كنا ساكنين بباريس بفندق مريديان اتوال قبل لا يجددونه ( يعني من جم سنه :O_SHH_

اي والله وناسه بديزني :weight_lift:

احنا اول مره نسكن فيه..

ماعجبني وايد :bbbiu:




شكرا لج خيتو
و تابعيني :balo:

يعطيج العافية

ذكرتيني بأحلى ديرة عندي فرنسا احبها وايييييييييد

انا كنت ساكنة اجبالج بكونكورد لافاييت

وبغيت أسألج عن قروب سفريات السيد شلونهم ؟

الله يعافيج و يخليج

الكونكورد حلوو بس غرفه فيهم ريحه ويع لوووول :050103nbh_prv:



و بالنسبه للقروب والله
الحمدلله هالمره توفقنا فيهم
القروب كان حلو و فيه وايد ناس سنعين

السفره اللي قبل هذي
كان القروب مو زين و الفايد هم مايعرف و لا يفهم !

يعني على حسب
مره اتوفقين و مره لأ ! :eh_s(10):


شكر لج خيتو..
و تابعيني :balo:​

 

[Hambka Q8]

:e3:

ماشاء الله خوش تقرير وخووش صور ....

بإنتظار الجزء الثاني ...​

الله يسلمج :hjy5jewf:

شكرا عالرد جكوره :eh_s(7):

في انتظار الجزء الثاني

ان شاء الله
تابعي وياي :hjy5jewf:

يعطيج الف عافية على هالتقرير

وبانتظار المزيد

الله يعافيج
مشكوره :eh_s(7):



















تابعوني بنات :edbf4317b9:​