تجمع للي تربي عيالها بروحها single mothers

[أم االزين]

والله انا عيالي يحبون توم اند جيري. وشاريه لهم اناشيد طيور الجنه بس ولدي اللي عمره ثلاث سنين ونص يحب الايبود والاي باد

 

[اثمان]

صباح الخير

شلونكم شخباركم

وايد لهيت مع المدارس

متى تخلص السنه الدراسيه وافتك؟؟؟

 

[اثمان]

دفيديات الانجليزى حلوه لتعليمهم اللغه

 

[جلكسيه اس 3]

والله انا عيالي يحبون توم اند جيري. وشاريه لهم اناشيد طيور الجنه بس ولدي اللي عمره ثلاث سنين ونص يحب الايبود والاي باد

توم و جيري موجود على طول على ام بي سي و سبيس تون و هم طيور الجنه على طول عالتلفزيون ما يحتاي اشتري لهم

دفيديات الانجليزى حلوه لتعليمهم اللغه

تقصدين مثل بارني ولا شي ثاني ؟؟

 

[اثمان]

توم و جيري موجود على طول على ام بي سي و سبيس تون و هم طيور الجنه على طول عالتلفزيون ما يحتاي اشتري لهم

تقصدين مثل بارني ولا شي ثاني ؟؟

بارنى حلو

وفيه بعد دفيديات حلوه شفتهم بلولو هايبر مع اغراض المدارس وسئلى بمحلات الدفيدى

وان شاء الله تلاقين:eh_s(7):

 

[unapproachable]

اثمان حتى انا مليت من الجو المدرسي

متى عطله الصيف هههه

 

[عشماويه]

بنات والله لي اكثر من ساعتين اقرا كلامكم ودموعي ما وقفت

اول مره اشوف تجمعكم... وكل كلامكم عالجرح

انا وحده منكم... في بقصصكم شيء يشبه قصتي وفي اشياء اكيد بتشبهها مع الوقت

انا خليت زوجي ولي اقل من شهرين حامل ( زواجي ما استكر 3 شهور )

مشكلتنا الأساسية تدخل أهله... عقب ما عرفوا بحملي كشروا عن أنيابهم وطلع الويه الثاني

ماحب أدخل بالتفاصيل... مو لأني ناسيه بس لأن لازم أنسى

ولدي الحين عمره اقل من سنتين... وابوه ما شافه ولا مره وما يعرفه ولا سأل عنه

وأهله قاصين عالناس يقولون يمشون له مصرف شهريا ويشوفونه وينام عندهم عشان محد يلومهم والمشكله الكل مصدق كلامهم... طبعا زواجي زواج اهل

آنا طبعا للحين مو مطلقه... وشكله الأخ بيعلقني لأنه مو ناوي يطلق

مشيت بالمحكمه من انصدمت عقب ولادتي وما شفت من اهل ولدي اي بادرة خير

كنت اتمنى يجون يشوفونه لو بالمستشفى...

بس ما اهتموا وكل من يات تباركلي وتتحمدلي عالسلامه تسألني هالسؤال ( ابوه ما شافه ؟؟ )

ياااااه وهالسؤال للحينه يتكرر... وخانقني حيييل

شنو السبب اللي يخلي ابو ما يسأل عن ولده

غيره شفقانين عاليهااال... وفي اللي شفقانين عالولد دون البنات

سبحان الله

...

عمري ما تخيلت نفسي اتكلم بهالموضوع على النت

بس استفزتني ذكرياتكم... للعلم انا قريت الموضوع من اوله وحيل تأثرت وشفت نفسي في كل وحده فيكم

الله يعوضكم خير

وسامحوني شكلي قلبتها مناحه

 

[الدر المكنون]

بارنى حلو

وفيه بعد دفيديات حلوه شفتهم بلولو هايبر مع اغراض المدارس وسئلى بمحلات الدفيدى

وان شاء الله تلاقين:eh_s(7):

أشتريلهم. ماروكو. وعندج بعد أفتح ياسمسم أبوابك وعندج مسرحيات هذى حسين القديمه

وكل شيء قديم أحسن وأم خماس

 

[jawaa]

قوووه بنات شلونكم شخباركم
عشماويه الله يعينج ويصبرج كله باجره خلي بالج على ضناج وحنا لنا الله

 

[عشماويه]

مشكورة حبيبتي جوا... والله يبلغج بوليدج : )


توني خلصت... قريت سوالفكم من أول صفحه لآخرها هههههههه

وساعه تدمع عيني وساعه أتبوسم : )

وبصراحه استفدت حيل من مشاويركم في المحاكم إلى طريقة التعامل مع الطليق

أهل ولدي حاليا رافعين قضية رؤية... طبعا تو النــــاس بس شتقولون !

من دريت بالسالفه وآنا عيني ما تنام الليل... ما أتخيل بصراحه إنهم ياخذونه بعيد عني لو يوم واحد

المشكلة مو بس اهو متعلق فيني لاااااا آنـــــا متعلقه فيه أكثثثر

والمشكله الثانيه ودي أحرهم... وماودي يشوفونه أبد

تخيلوا

قبل جم يوم راويت ولدي صورة أبوه عندي عالجهاز


تخيلوا الصبي قام يبجي ويقولي ( ماعرفه ماعرفه خايس خايس ! )

أول مره يشوف صورته وآنا بس سألته حمودي ماما تعرف منو هذا !؟

سبحان الله... نسأل من الله الصبر


...

ادعوا دايما لأنفسكم وعيالكم...


وآآآب للموضوع

 

[Q8stylle]

رد: رد : تجمع للي تربي عيالها بروحها single mothers

الله يخليلكم عيالكم وياجركم على تربيتكم لهم

 

[unapproachable]

عشماويه يسعدني وجودج واهتمامج بادق التفاصيل وقريتي كل الصفحات عسى الله يوفقج ويصلح ولدج ويعوضج بريل احسن منه

حبيبتي ماطلق روحي محكمه خل يطلق مايصير سنتين معلقه عذاب

واعذريني مادشيت من زمان توني اشوف كلامج

 

[unapproachable]

انا شغلتني المدرسه عنكم

اشتقت لكم

عسى الله يكتب لكم السعاده والفرح ويبعد عنكم عيال الحرام

جواا شلونج؟؟

 

[Air Bag]

السلام عليكم والرحمة والبركات
وحشتوني وحشتوني وحشتوني
بعدعمري والله لكم وحشة
بس غصبن عني انقطعت عنكم
والله من المشاغل والمتاعب
وهم لابتوبي كان خربان من قبل رمضان وتو صلحته فقطعت عن النت كله

 

[Air Bag]

وايد تعبت بلفترة إلي طافت
طلعت روحي عشان أغير بطاقة بنتي المدنية عشان العنوان يكون على منطقتي وتتسجل بلروضة
تخيلوا شهرين أراكض عشان أطلع الأحكام والأوراق والمستندات إلي طلبوها مني المعلومات المدنية وااااااااااااي ماخلوا ورقة ما اطلبوها, والله قمت أمشي وأتحسب على من حطني بهلوضع
وعقب ما خلصت البطاقة رحت أسجل بلروضة وهم تعالي للعبالة والمنطقة التعليمية والفحص وطلعت الروح
الحمدلله على كل حال ربي يعوضنا

 

[Air Bag]

كل التعب الجسدي يهون
التعب النفسي إلي يذبح
والله بنات لمن شريت لبنتي ملابس الروضة ولبستها اياهم قمت أبجي:eh_s(2):
ليش ما أدري!! بس حسيت أنها كسرت خاطري وما هان علي أنها فبرائتها بتبدي مشوارها الدراسي بدون أبو يفرح فيها ويدللها وتتدلع عليه
ولمن وديتها تداوم أول يوم حدي نفسيتي تأزمت من شفت اليهال كلهم يايين مع أبهاتهم وحتى إلي ياي مع أمه يكون الأبو موصلهم
الحمدلله على كل حال
بس والله في أشياء تحز بلخاطر و يوم عن يوم تأثر بلقلب

 

[jawaa]

حياتي اير باق كلنا نفس الاحساس بس شنوي الحمدالله على كل حال
بنات بسالكم منو عايشه بروحها مع عيالها ابي اسال عن بدل الاجار في احد قدم طلب او يدري عن شروط استحقاق طلب بدل الاجار

 

[جلكسيه اس 3]

اير باق الله يعينج يا قلبي
هونيها وتهون
جواا ببدل الاجار هذا يمشيه الطليق لطليقته
بس الشروط والله مادري
بما اني متنازله عن وايد اشياء ((غصب مو طيب )) مما يمشيلي البدل حسبي الله عليه

 

[unapproachable]

اير باق ... وحشتوني والله ومبروك خلصتي اجراءات الاوراق الرسميه وحسبي الله ونعم الوكيل بكل ابو ظالم مايدري عن عياله

انا طليقي مايدري عنه كلش وبس يشوفه دقايق ويقطه باجي الوقت على امه ومايشوفه الا مره كل اشهر

حسبي الله ونعم الوكيل

وعسى الله يفرجها وعسى الله يفرح قلوبنا

الله يوفقكم الله يوفقكم ويرزقكم اجمعين ياااااااااااااااااااااااااااارب

 

[unapproachable]

اير باق ماعندي فكره وشلونج انتي وشصار عليج؟؟؟

سكرتير مستقبليه شلووونج؟؟؟