!~¤§¦ تـقـرير رحـلـتـي الى بـانكــوك و بـوكـيـت :: سبتمير 2011¦§¤~!

[ام عفاف الكويت]

رووووووعه شيشتيني بعد الاربعين

 

[Joy Designs]

حمد الله علي السلامه
ماشاء الله تقريرج روووعه

كملي ناطرينج

الله يسلمج يا نيارة

ان شاءالله اكمله لكم اليوم باذن الله

 

[Joy Designs]

رووووووعه شيشتيني بعد الاربعين

والله انصحج يا ام عفاف تروحين صج حلوة وتستاهل الروحة

 

[Joy Designs]

اليوم السابع - رحلة المغادرة من الجميلة بوكيت الى بانكوك​

اليوم السابع كان يوم المغادرة من بوكيت ، صحينا من الصبح لان طيارتنا من الصبح ، يوم فتحت البلكونة والا الجو ولا اروع الشمس طالعة والسما صافية والبحر عجيب:rgewrg: انقهرت لان الايام اللي فاتت من الرحلة كان الجو حده ممطر​

المهم تريقنا بمطعم الفندق والريوق حده حلو والمنظر احلى واحلى بصراحة ما كان ودي اغادر بوكيت :eh_s(11): بس لابد من المغادرة ، وركبنا السيارة الخاصة اللي كنا حاجزينها ورحنا المطار وكان الطريج حده زحمة ووصلنا قبل لا يسكر الكاونتر ب 10 دقايق الحمدلله​

سوينا شيك ان ورحنا عند البوابة واشوف الطيارة والا ماشاءالله الجامبو قلنا وييييه لي هالدرجة بوكيت ما تخلى من الناس طيارات تودي وطيارات اتييب.​

وغادرنا بوكيت الجميلة ووصلنا مطار بانكون بعد رحلة ساعة من الطيران ، يا جماعة مطار بانكوك حده عجيب، دخلنا من جانب ثاني غير اللي شفناه يوم وصلنا بانكوك، المهم اخذنا تاكسي بالعداد هالمرة اكان في دلع خلاص ووصلنا فندق Arnoma Hotel الفندق سنتر بالسوق تلفين يمين تلفين يسار سوق في سوق ، وطولنا على ماعطونا الغرف لان واصلين مبجر ... اضطرينا نروح المول اللي جدام الفندق مادري شاسمه اكلنا وريحنا على ماصارت الساعة 2 علشان نستلم الغرفة​

نصيحة لوجه الله لاحد يفكر فيكم يروح هالفندق .. ميزته الوحيدة مكانه بس والا الغرفة تضيق الخلق والحمام تكرمون المغسلة تخر ولان كنا حاجزين غرفة مدخنين حق زوجي اختنقنا بالغرفة لدجرة قال زوجي وع شنو هالخيسة ​

اول ما وصلنا بانكوك قررنا نمدد يوم زيادة لاني ما شفت سوقهم، وبما ان الفندق اللي قعدنا فيه كان لووووعة قلت حق زوجي باغير الفندق بس نقعد فيه ليلة والليلة الثامنة نقعد في فندق ثاني​

المهم اليوم السابع نمنا فيه لان كالعادة كنا سهرانين قبلها والطيران من الصبح متعب لما صحينا قلنا خلينا نتمشى بالاسواق يمنا وبصراحة من كثرهم لاعت جبدي وماعرفت وين اروح ..... تالي قررنا نروح سوق الليل نتمشى فيه وفعلا رحنا وغيرنا جو هناك ورجعنا الفندق​

على فكرة لان الفندق كان يلوع الجبد ما صورت فيه ولا صورة ​

وهاذي صور اليوم السابع - من الفندق الى المطار الى بانكوك​

​

​

​

​

​

​

​

​

​

وغادرنا بوكيت ​

​

​

​

​

​

​

ووصلنا بانكوك​

​

​

 

[Joy Designs]

بكرة ان شاءالله احط لكم اليوم الثامن مع رحلة العودة للكويت ​

 

[ثعلووبة]

ماشالله. صج تايلند. ما تنمل ابد. في اكثر من سوق ليل ببانكوك اي واحد رحتو ؟. اذكر رحت واحد يهبل بس طلعت منه وانا معصبببه. لان علا الصوبين من السوق بارات. وأماكن خايسه ومشبوهه لاعت جبدي. بس ناسين اسمه. وأخاف اروحله مره ثانيه بالغلط. احلا واحد. سيلوم سوق وبس من غير اشيااء منرفزه ثانيه*

 

[Joy Designs]

ماشالله. صج تايلند. ما تنمل ابد. في اكثر من سوق ليل ببانكوك اي واحد رحتو ؟. اذكر رحت واحد يهبل بس طلعت منه وانا معصبببه. لان علا الصوبين من السوق بارات. وأماكن خايسه ومشبوهه لاعت جبدي. بس ناسين اسمه. وأخاف اروحله مره ثانيه بالغلط. احلا واحد. سيلوم سوق وبس من غير اشيااء منرفزه ثانيه*

شاكرة مرورج حبيبتي
ماكنت ادري ان في اكثر من سوق ليل ... بس احنا رحنا اللي قلتي عنه بالنص سوق وبالجوانب بارات وخرابيط ..بس كملنا سوق ولا اهتمينا:d

 

[ثعلووبة]

هلا حبيبتي. علا ما أظن اسمه pa to nam اهو حلو. بس علا حظي كان سوق مشعلل ورقص وواحد جا عندي دايركت عما بعييينه معاه مجله وفيها صور البنات. مادري حول موشايقني مرا جدامه شبي بعرضه يعني. والمشكلة بنتي معاي ومبطله حلجها وابو الشباب معااها. موااقف ماتنسي بس احب هالديره مع أني رحت سنغافورة وانظف واكشخ من تايلاند بمليوووون مره. بس ماحبيتها كثر بانكوك وبوكيت. المره الجايه انشالله شيانغ ماي. *

 

[ثعلووبة]

انطر باجي التقرير بفااارغ الصبر:bbbiu:

 

[شنوووفه]

وي حساافه كان الجوو اينن يوم طلعتو من بووكيت :<

يالله احسن علشاان ترجعوولها انشالله خوووش تقرير حبيبتي

 

[أحلى همبه كويتية]

ما شاءالله تقرير حلو وخفيف على القلب
عليكم بالعافية والحمد لله على سلامتكم


وصاجة ارنوما بايخ وايد احلى شي الموقع بس
انا مجربته بسفرتي الأخيرة صج وعووووووووو

بس يمكن انتوا اخذتوا الغرفة العادية مثلي
يقولون الديلوكس اوسع واحلي

والمجمع اللي مقابله هو سنترال وورلد ولاصق فيه مجمع زن بعد



اما بوكيت ياحلاتها وحلات ايامها
ذكرتيني وقلبتي على المواجع

انا كنت ساكنة بملينيوم اللي تحته المجمع العجيب اللي تقولين عنه
واسمه جنسيلون
وايد حلو والتسوق فيه روعة وخصوصا المطاعم اللي بالساحة والنافورة

هذا موقعهم على النت

http://www.jungceylon.com/



عليك بالعافية مرة ثانية
وان شاء الله تعيدونها مرات مو مرة

​

 

[Joy Designs]

هلا حبيبتي. علا ما أظن اسمه pa to nam اهو حلو. بس علا حظي كان سوق مشعلل ورقص وواحد جا عندي دايركت عما بعييينه معاه مجله وفيها صور البنات. مادري حول موشايقني مرا جدامه شبي بعرضه يعني. والمشكلة بنتي معاي ومبطله حلجها وابو الشباب معااها. موااقف ماتنسي بس احب هالديره مع أني رحت سنغافورة وانظف واكشخ من تايلاند بمليوووون مره. بس ماحبيتها كثر بانكوك وبوكيت. المره الجايه انشالله شيانغ ماي. *

وي سكتي حبيبتي انا اشكره وحده سحبت ريلي بقيت اطقها بس سويت نفسي عادي نمشي ونقول نو ثانكيو ثانكيو نو لما خلصنا تسوق ورجعنا

 

[Joy Designs]

وي حساافه كان الجوو اينن يوم طلعتو من بووكيت :<

يالله احسن علشاان ترجعوولها انشالله خوووش تقرير حبيبتي

شفتي :eh_s(16):فعلا كان روعة علشان جذي قلنا لازم نرجع لها بالوقت المناسب اللي اهو من شهر 10 الى 4 ، وفعلا بوكيت حلوة ولازم الواحد يرجع لها

 

[Joy Designs]

ما شاءالله تقرير حلو وخفيف على القلب
عليكم بالعافية والحمد لله على سلامتكم ​

وصاجة ارنوما بايخ وايد احلى شي الموقع بس
انا مجربته بسفرتي الأخيرة صج وعووووووووو ​

بس يمكن انتوا اخذتوا الغرفة العادية مثلي
يقولون الديلوكس اوسع واحلي ​

والمجمع اللي مقابله هو سنترال وورلد ولاصق فيه مجمع زن بعد ​

اما بوكيت ياحلاتها وحلات ايامها
ذكرتيني وقلبتي على المواجع ​

انا كنت ساكنة بملينيوم اللي تحته المجمع العجيب اللي تقولين عنه
واسمه جنسيلون
وايد حلو والتسوق فيه روعة وخصوصا المطاعم اللي بالساحة والنافورة​

هذا موقعهم على النت ​

http://www.jungceylon.com/​

عليك بالعافية مرة ثانية
وان شاء الله تعيدونها مرات مو مرة ​

احلى همبة الله يسلمج شاكرة مرورج

ومشكورة انج زودتيني بالمعلومات عن اسم المول اللي جدام ارنوما واللي في باتونغ بيتش

مامداني احفظ الاسامي :eh_s(7):

وان شاءالله فعلا لنا روحة مرة ثانية ، وان شاءالله نشوف شانع ماي وشانع راي وبوكيت الرائعة

 

[Joy Designs]

اليوم الاخير في بانكوك - اليوم الثامن
​

مثل ما قلت لكم ان الفندق ما عجبني اللي اسمه ارنوما .. فحجزت لنا ليلة في الكورت يارد، وفعلا قعدنا من الصبح ورحنا سوينا شيك ان بالفندق ، وبصراحة الفندق ولا اروع في منطقة كلها فنادق وفيها سيكيوريتي يعني شي حلو وراقي، حطينا اغراضنا وطلعنا ورحت ادور محل روبنسون لان كان في دنطة عاجبتني قلت باشتريها ،
وانا اشتري بالمحل والا يجلب فينا راعي تك تك الا اوديكم جولة في بانكوك ب 100 بات قلنا يالطيب يا ولد الحلال مانبي مانبي قال الا اوديكم قال ريلي يبا خلنا نروح دام ماعندنا شي

ودانا محل خياطة قال اشترو انا عندي خصم .. دخلنا المحل وطلعنا قال شريتو قلنا مانبي، قال اوكي اوديكم محل مجوهرات قلنا اوكي ... دخلنا وطلعنا قال ما شريتو قلنا مانبي ... ودانا معبد صغير مال بودا دخلنا دقيقة وطلعنا قلنا له ودنا ام بي كي اللي ما شفته وماكن الله كاتب لي اشوفه لان 3 مرات اروحه مسكر ، يو شاف راعي التك تك ان ماورنا فايدة قال عطوني 50 بات ونزلو قلنا له نبي ام بي كي قالي اي اي روحو سيدة وتلاقونه اثاري المجرم طردنا من التك تك ليش ان ما شرينا من المحلات اللي ودانا لها

المهم رحنا سوق الجملة وشريت مكياج ماك ..بس هالسوق يبي له اسبوع على ما تنفضينه ، تالي رجعنا الفندق وتغدينا وريحنا شوي ويوم صار الليل قلنا خلنا نروح شارع العرب كل الناس راحت الا احنا، وناخذ التك تك ونروح شارع نانا ... اول ما شفته تذكرت مسرحية هالو بانكوك نفس الوضع اللي تكلمو عنه .. المهم درنا لنا مطعم نظيف ناكل فيه .. لقينا مطعم اسمه الحسين تعشينا وردينا الفندق واحنا نضحك على هالشارع .. بعض الناس مادري ليش يتهيلقون ويحبون الهلاقة بس عادي ... ورجعنا الفندق وكان لازم ننام مبجر لان هم رحلتنا الى الدوحة ثم الكويت كانت من الصبح
​

هاذي صور الفندق وللاسف ماصورت شارع نانا لاني كنت تعبانة وطاقتي خلصت​

​

​

​

يوم العودة للكويت​

وقعدنا من الصبح وسوينا شيك اوت وكعادتنا وصلنا متاخرين المطار ( ريلي كله ماخرنا) والحمدلله لحقنا على الكاونتر قبل لا يسكر بعشر دقايق والحمدلله بس للاسف ماتجولنا بالمطار لان كانو قاعدين ينادون على الرحلة وبسرعة بسرعة وصلنا البوابة وركبنا الطيارة... واستغرقت رحلة العودة 6 ساعات حاشتنا فيهم مطبات عجيبة الله لا يوريكم ، والحمدلله وصلنا الدوحة وقعدنا ساعتين بالمطار تالي ركبنا طيارتنا اللي تودينا الكويت وبعد رحلة ساعة الحمدلله وصلنا الديرة

للامانة ماشبعت من تايلند وان شاءالله لنا عودة متى ما لله كتب
​

اترككم مع صور يوم المغادرة للكويت



















​

​

 

[Joy Designs]

واعذروني ماصورت رحلة الوصول لمطار الكويت لان كان فيني النوم حدي وزين مني مشيت

وبجذي ينتهي تقرير رحلتي لبانكوك وبوكيت بعدستي ... واتمنى يكون التقرير عجبكم​

 

[Joy Designs]

افا افا

ليش تقريري تحت

 

[موجة ~ بحر]

شوقتيني على تايلند

 

[Joy Designs]

موجة ... شدي الرحال تستاهل البلد زيارة

 

[miss_heathrow]

عليكم بالف عافيه يارب :**