¨¦« رحلــة هـمـبـكـة إلى ربوع سـويسـرا و فـرنسا - صيف 2007 »¦¨

[محطمة القلوب]

بس عبالي في سالفه؟؟؟؟؟

 

[SupeR-GirL]

يسلموو حبوبه عل هالموضوع المميز

 

[ethar]

ياحلو سويسرا انا سري مقطوع هناك كل سنه انقول بنغير بس مانقدر لازم سويسرا علييييج بالف عافيه يوم شفت موضوعج حاشتني شرااااااااااحه

 

[Hambka Q8]

الاربعا الموافق : 22-8-2007
____________________​

رحنا الى منطقة مونتانا الجبليه

كنا على موعد مع خالي العزيز و عايلته اهناك

لانهم ساكنين في شقه بـ مونتانا​

فرحنا لهم الطريق تقريبا 3 ساعات مع التوقف لاكثر من نص ساعه في استراحه كأنها مجمع تجاري صغيرونو

وايد حلوة بعد مونترو هالاستراحه بس مادري شسم المنطقه

استانسنا فيها





وصلنا لـ مونتانا و جلسنا مع الخال و تمشينا في ارجاء [/SIZE]مونتانا << أهم شي أرجاء اشرايكم بس

الجو جدا بارد "صقعنا" من البرد كانت درجه الحراره 13
:ada:
تمشينا و لعبنا بولنج مع بنات خالي

( مونتانا كان كلها كويتيين
كويتية 90% و الـ 10% الثانية سعوديين و اماراتيين :68_asmilies-com

تغدينا في مطعم ايطالي اسمه Gerper << يمكن غلط الspeling
و بعدين حلينا في مطعم كريب _03BA:

و بعدها رجعنا لشقه الخال و ودعناهم و لا كانت الساعه 8.30 المغرب

و رجعنا لجنيف..

السايق كان مصري و كان خفيف دم لول
بس عنده الجنسيه السويسريه

و احنا بطريج الرده لما دشينا جنيف


الشارع كان يلمع و يبرق..



فريّل خالتي قاله : ليش الشارع جذي

جان يقوله : أصل الشارع ده فيه ترتر.. :dddds:

بتاع سهره !! LOL





مت عليه من الضحك !!















وصلنا الفندق و ودعنا الريّال.. :tek:

و رحنا في سبات عميق ​

 

[Hambka Q8]

الخميس الموافق : 23-8-2007
_______________________



آخر يوم في جنيف :krkrkr:

ايضا تسوقنا في السوق نفسه

و بعدها تغدينا في مجمع كونفيدنشال

مطعم عالسطح اسمه
LIPP

طلبت الوالده كسكسي تونسي و انا طلبت طاجين مغربي و خواتي ريزيتو بالمشروم

الصراحه المطعم ما عجبني وايد :eh_s(1):
بس خدمته ممتازة




بعدها كملنا تسوقنا في Coop لشراء الكاكاوات الصوغه

(على فكره في محل اسمه Mercure يبيع شوكلاته بعض الانواع اللي عنده موجودين ابـ Coop
و ابـ Coop ارخص ) :ggdw::klhfl:




و بعدين رجعنا الفندق غيرنا ملابسنا

و كان لنا موعد مع صديقة امي في مقهى فندق البرزدنت

جلسنا تقهوينا وياها :gathering:

و بعدين رحنا البحيره و قعدنا ايضا بقهوة ثانيه عالبحيره تعشينا فيها

و بعدها وصلنا رفيجة الوالده حق البرزدنت عشان سايقها ينطرها اهناك

و احنا رجعنا الفندق

جلسنا انزهب شنطنا استعداد للسفر لـ زيورخ :eh_s(6): ​

 

[Hambka Q8]

خلص جزء (جــنــيــف ) :ggdw:


نطروا الجزء الأخير مع رحلة (زيورخ) ! ​

 

[Hambka Q8]

بس عبالي في سالفه؟؟؟؟؟

مافهمت :eh_s(1):​

يسلموو حبوبه عل هالموضوع المميز

الله يسلمج
نطري الجزء الاخير قريبا _03BA:​

ياحلو سويسرا انا سري مقطوع هناك كل سنه انقول بنغير بس مانقدر لازم سويسرا علييييج بالف عافيه يوم شفت موضوعج حاشتني شرااااااااااحه

اي والله حتى احنا لازم كل سفره اندخل جنيف بينهم و السنه سفرتنا اغلبها بـ سويسرا :ggdw:
شكرا عالرد ايثار.. :68_asmilies-com:​

 

[nice smile]

و انتي بخير سمايل..

اي فكه هههههه :dddds:

الفندق يبعد عن البحيره عشر دقايق تقريبا (على سرعتي خخخخ)
يختلف يعني من مشيه لي مشيه يمكن انتي اسرع مني بالمشي :ggdw:

و يصير تقريب ورا فندق كمبنسكي اب شارع






و يبعد عن محطه القطار 10 دقايق!

اذا تبين فندق قريب من المحطه
احسن شي تسكنين اب وارويك جبال المحطه كلش!
و قريب من البحيره بعد يعني هم 10 دقايق !

:eh_s(6):




شكرا عالرد سمايل

همبووكه ماشاءالله عجبني الفندق بس بعيد

و وارويك انا سكنت فيه يونس جبالج محطه القطار وتحتج السوق و بيتزا هت وماكدونالدز واخر الشارع وينديز .. ( هالحجي من جم سنه )

بس لي نيه والمعزب مايحب سويسرا مادري ليش كارها

 

[nice smile]

مبرووووووووووووووووووووووووووك

سوري نسيت ابارك لج عالتثبييت ..


كنت ادور الموضوع وصلت الصفحه 4 مالقيته

واكتشفت متاخر انه مثبت

 

[زهرة اللوتس]

تقرير ممتع يعطيج العافية

 

[قلم رصاص]

همبوكه عاد مو اطولين انا بخاطري اشوف زيورخ

ناااطرتج _03ba:

 

[Hambka Q8]

الجمعة الموافق : 24-8-2007
_____________________




الرحله الى زيورخ 3 ساعات و نص تقريبا بالباص
(بالقطار فوق الساعتين و نص)


استغرقت 4 ساعات و نص



مع التوقف لساعه لزيارة مصنع الشوكلاته (نستله و غريير) في مدينة BROC

استمتعنا كثير في المصنع و كلينا شوكلاته كثير و شرينا اكثر لول

"عاد مادري جم الحساب "



صوره لقوالب الشوكلاته

صورة لنوع واحد من الكاكاو اللي تذوقونه

صور الطريج الى زيورخ

​

 

[Hambka Q8]

هالصور لما قربنا حق زيورخ لاحظوا راح اللون الاخضر

وصلنا زيورخ


الديره جدا مقمه و بايخه و ماعجبتني

و اهلها نفسهم شينه و احسهم يطالعونه بنظرة عجيبه "من فوق لي تحت" و يخزون خزززززز
و جنه مو عاجبنهم

و

الفندق كان مقلب اللي اهوا " فندق كراون بلازا"

اللي يشتغلون فيه كريهين و يبطون الجبد !!!

كان على حدود زيورخ آخرها جنب محلات السيارات

كأن الفندق في منطقه صناعيه "عاد سمينا المنطقة الشويخ الصناعيه خخخ"



على فكره يمه فندق "ميركور" بس "ميركور" احس اهون لانه قريب يم محطه الترام

احنا كنا نمشي 6 دقايق يالله نوصل المحطه :eh_s(1):







بعد ماحطينا اغراضنا في الفندق اخذنا الترام رقم 2 اللي يودي لبحيرة زيورخ

و نزلنا في محطة "بيلفيو"

هذي لعبه يم البحيره
عاد آخر يوم لنا ابـ زيورخ شالوها

تمشينا في المنطقه و بعدها تعشينا في مطعم ايطالي "مولينو"
و تمشينا عالبحيرة.. :eh_s(6):

شفنا ترام عجيب
فيه قهوة و مو مسقف وايد حلو شكله نطرناه بس ماحصلناه طيلة ايام قعدتنا في زيورخ



عاد على قولت واحد عراقي يشتغل اب قهوة يم محطة القطار
قلناله شسم هالقطار و وين محطته جان يقولنه هذا باص الاثرياء اشتبون فيه
لوووول .. :dddds:




نطرناه و عقب سألنا شخص ثاني و قالنا ان الساعه 11 آخر شي
و احنا يايين الساعه 11.30





رجعنا عالفندق بليل
و
نمنا :tek:​

 

[Hambka Q8]

[

السبت الموافق : 25-8-2007
_____________________​

قعدنا من النوم و رحنا لمنطقه السوق اسمها
باهنهوف بلاتز عن طريق الترام رقم 3 (الاخضر)

سوقهم جدا عادي و مافيه شي مميز

بعدها تغدينا في مطعم "ماكدونالدز" مقابل جلوبس



و صار حق رفيجة امي و بناتها موقف غريب و مضحك بنفس الوقت

جتهم مره عجوز شكلها بتموت مسكينه و ترجف و قالتلهم ممكن اجلس اهما خافوا و قالوا اوكي
شافت السلطه جان تقول ممكن آكلها خخخخخ..
قالوا لها اوكي
قالتلهم ممكن اكل الساندويش قالوا لها هم اوكي
جان يقولون لها تبين الفرايز قالت اي لووووول عقب جان تقول ممكن تعطيني بيبسي

انا وحده اطالعهم و ميته من الضحك و لايعه جبدي من منظرها و اهيا تاكل =\
كانت مقرفه لابعد الحدود !! @@
الله لا يوريكم !!


هذي صورتها لووووووول

بعد ما اكلنا و ما شبعنا لول

قمنا و ودعناها =$



ملاحظه: شفناها مره ثانيه بـ ماكدونالدز و قاعده تاكل مع ناس ثانيين =\





رجعنا الفندق
ريحنا شوي
و طلعنا عالساعه 11
رحنا البيلفيو (البحيره) و تمشينا

و قعدنا في ستاربكس شرينا قهوة و كلينا ساندويش

و بعدها اخذنا الترام و رجعنا الفندق



(ملاحظه: تذكرة الترام : 7.80 فرنك لـ 24 ساعه
تقدرون تشترونها من المحطه في كشك و اكو بعد مكينه حق الCoins
و تكون مختومه بالوقت اللي شريتوه فيها اذا من المكينه

بس اذا شريتوها من الكشك او من الأوتيل تختمونها في المكينه و اذا ما ختمتوها و
كان اكو "كبسه" ياخذونها منكم لوول و هذا الشي صار ابـ بنات خالتي )​

 

[Hambka Q8]

سلام..

عفوا نسيت اقولكم يوم السبت بليل قبل لا انتعشى اب ستاربكس

ركبها هاللعبه (القليلبه)

حدها اتونس..

التذكره اظن ابـ 8 فرنك

الاحد الموافق : 26-8-2007
____________________




المفروض كنا نروح حق الثلج (تتلس Titles)
لكن حدثت مشكله بشخص من القروب و قدر الله و ما شاء فعل


فتأخر الوقت صارت الساعه 1 و ماقدرنا نروح






فرحنا محطه القطار

و قلنا نشوفلنا رحله قريبا و مو شرط ثلج المهم نركب تلفريك ;p


اخذنا قطار الساعه 2.30
و اخذنا لمنطقه تبعد عن زيورخ 25 دقيقه بالضبط !




بعدها طلعنا من القطار و مشينا 15 دقيقه
صعود (كان متعب لابعد الحدود) الوالده الله يطول بعمرها اتعبت من المشي
اهيا و مجموعه من النساء اللي معانا بالقروب

انا بعد تعبت لوووول و ريولي قامت تندح






وصلنا فوق

اخذنا التلفريك

اللي يودينا لمنطقه تسمى

Felsenegg

الصراحه اهيا مو ذاك الزود (ماتستاهل العنوة و التعب)

اللي يبي يروح لها لازم يودي وياه عده المشي
العصي اللي يمسكونهم (و اذا وديت قاري (دراجة هوائية = بايسكل) يكون افضل)


كل اللي رايحين اهناك معاهم هالعده الا احنا






بعد ما نزلنا من التلفريك كان اكو لافته في اسامي مطاعم و كل واحد يمه الوقت عشان توصله

اكو شي 5 دقايق , اكو 20 دقيقه , اكو ساعه و نص



احنا خذينا اقرب شي لول بو 5 دقايق..


مشينا 5 دقايق ايضا صعود و نزول

و لقينا مطعم صغير
جلسته حلوة و المنظر ايضا حلو
تقدر تشوف زيورخ كلها و البحيرة ^^

كلينا لما صارت الساعه 6.10 ( االساعه 6 صك المطعم)

رحنا تمشينا بوسط هالخضره

 

[Hambka Q8]

البقرااااااات

عالساعه 7 نزلنا و اخذنا قطار و رجعنا ديرتنا :eh_s(1):




عند المحطه اللي اهيا محطه
Bahnhof (Rail City)

لقينا مطعم سي فود _03BA:




اسمه (Nordsee)



وايد لذيذ

انت تختار السمك او المحار او الربيان اللي يعجبك
انا اكلت
Fish Sandwich

بالاضافه عندهم طبق لذيذ اسمه
Fish & Chips :24:

و بعد ما كلينا اخذنا الترام و رجعنا الفندق :tek:



زارتنا اختي و زوجها و اعيالها
استانست لما زارونا ~





بليل رحنا البحيره مع اختي
تمشينا

(دورنا مطعم عشان اختي يتعشون بس مالقينا كل شي صاك عشان يوم الاحد) :tomato2:

و بعدها رجعنا الفندق
نمنا

 

[ام مضاوي]

خووووووووووووووش رحله


بس شكل المانيا موذاك الزوووود

 

[Hambka Q8]

هلا والله خيتو أم مضاوي




احنا مارحنا المانيا الا يوم واحد
اللي حق مدينه الالعاب يوربا بارك ^^
و
عقب طلعنا منها شفنا مدينه فرايبورج الالمانيه و كانت حلو والله
سوقها ايونس بس كان مصكوك! لان يوم أحد.!


شكرا عالرد

 

[<> إيلاف الكويت <>]

ماشاءالله .. عليكم بالعافيه همبكه .. بصرااحه تقريرج واااااااايد حلوو

و شوقتيني ع الكاكاو يمي يمي .. و العيوزه بطت جبدي بصرااحه :eh_s(6):

وتسلم ايدج حبيبتي ماقصرتي

 

[Hambka Q8]

ماشاءالله .. عليكم بالعافيه همبكه .. بصرااحه تقريرج واااااااايد حلوو

و شوقتيني ع الكاكاو يمي يمي .. و العيوزه بطت جبدي بصرااحه :eh_s(6):

وتسلم ايدج حبيبتي ماقصرتي

ههههه
حدها تبط الجيد :krkrkr:
اي الكاكاو حده يمي و عذاب :eh_s(6)::eh_s(6):

شكرا على الرد ايلاف
ماتقصرين حبوبه.. :tek: