تجربتي الفاشله مع اوبن فليم 360

[softlady]

شدعوه 50 !!! عاد هالمطعم من احلى المطاعم بالكويت واسعاره واااايد حلوه شكثر كليت فيه ولا مره تعدت فاتورتنا 30 دينار وطلبنا معروف سلطه و3 انواع مقبلات كوكاكولا ستيك يمااااااااا عذاااااب ولولي بوبز والمشروم ونوعين برجر مع البيبسي ونختمها بحلو يطلع بحدود ال 26 دينار ومرات نطلب شي زياده بس الظاهر الويتر شافج تبين على ذوقه قال خل اعطيها الاغلى .. تجربتج مو ذاك الزود انصحج تعطين المطعم فرصه ثانيه .

صاجه

لاحظي ان رفيجاتي حسابهم 25

وانا بروحي 20

والسيرفس 5




اعتراضي علي سعر الستيك الذهبي-السيرفس شكو بفلوس-جو المكان وطريقه الطلب :bbbiu:

 

[softlady]

وشكوو ياخذ عالسيرفز اصلا انمنع من مطاعم الكويت ولو انا بدالج ما اعطيه مال السيرفز واتفاهم مع المدير

قلنا ماراح ندفع جان يقول الويتر يقصون مني مدام :rgewrg:


بس رفيجتي خذت الفاتوره وبتشتكي عليهم


ملاااااااااحظتج بمحلها لاحد يدفع السيرفس يابنات واشتكوا لاتسكتون:eh_s(2):​

 

[ReeM ^ Style]

ستيك ب20 @@ وين صارت
لايكون طالبه كافيار مو ستيك ؟

اذا عندكم الفاتوره اشتكوا لاتسكتون وين قاعدين
الله يعوضكم

 

[عادت ذكرياتي]

أسعاره ناااااااااااااار عالفاضي

لا تسكتون لهم

 

[لورا آشلي]

اول شي الغلطه غلطتج اختي

لاتحملين احد مسئولية غلطج

انتي اللي قلتيله اختار لي !!

كان يفترض فيج تقرين المنيو + الاسعار عشان تعرفين تحاججينه فيهم

سوري خيتو اذا ضايقج ردي بس الحق ينقال

 

[softlady]

اول شي الغلطه غلطتج اختي

لاتحملين احد مسئولية غلطج

انتي اللي قلتيله اختار لي !!

كان يفترض فيج تقرين المنيو + الاسعار عشان تعرفين تحاججينه فيهم

سوري خيتو اذا ضايقج ردي بس الحق ينقال

يعني انتي شايفه ان طبيعي ستيك لحم بقر ب20 ؟؟


ياليت تقرين من الاول وتعرفين ليش ما قرينا المنيو لان واضح انج ما قريتي :eh_s(8):

 

[مملوحة_الوصايف]

اخاف غلطان او زايد عليكم شي ولا طبق حاسبه وانتو اصلا مو طالبينه ترى تصير بوايد مطاعم وانا صارت معاي بهالمطعم بالذات عشان جذي قتلج بس عاد كان الحساب يمكن دينارين الي زايدهم مو جذي احنا الكويتيين عيبنا ندفع او بس او من زحمة المطعم ملخبط الفاتوره والله تصير عاااادي بس عموما المطعم انا مو زود معاه بس فيه شغلات حلوه البرغرات ما اشوفها حلوه كثر سلايدر بس مقبلاته اتينن روحي مره ثانيه او شوفي تقرير عنه عشان تعرفين شنو تطلبين

 

[ورده عنابيه]

معوضين حبيبتي

 

[LuLiTa]

عاد هالمطعم اكله حلو و اسعاره حلوة اذكر انا و اختي و بنت خالتي طلبنا شغلات وايد و يدوب طلع حسابنا 28 .... الظاهر اهو شافكم متوهقين و نقالكم شغلات غالية .... المطعم حلو و يستاهل اتجربينه مرة ثانية بس قعدو بالطاولات اللي بره عند الباب عن الازعاج و اللوية اللي داخل و جربو سلطة فولكينو و لولي بوبز حدهم عجيبين و الله يعوضج ان شالله

 

[شهرزاد الحكاية]

غريبة عاد انا هالمطعم حيييل احبه ويعجبني ....

وابد ما احسه غالي .....يعني فاتورتنا ما تطوف 30 دينار ....

يمكن حظكم ماكان حلو معاااه ​

 

[كويتية222]

كتبي اسمه

يعني فلم رعب اسود باسود وعوار عيون بمينو فضي لامع بالظلمة وتالي 50 دينار !!

وبعدين مو كل شي يعرضونه بالتلفزيون يكون اوكي هذيلا يسوون دعاية لربعهم او دعاية مدفوعة الثمن مقدما

​

 

[softlady]

اخاف غلطان او زايد عليكم شي ولا طبق حاسبه وانتو اصلا مو طالبينه ترى تصير بوايد مطاعم وانا صارت معاي بهالمطعم بالذات عشان جذي قتلج بس عاد كان الحساب يمكن دينارين الي زايدهم مو جذي احنا الكويتيين عيبنا ندفع او بس او من زحمة المطعم ملخبط الفاتوره والله تصير عاااادي بس عموما المطعم انا مو زود معاه بس فيه شغلات حلوه البرغرات ما اشوفها حلوه كثر سلايدر بس مقبلاته اتينن روحي مره ثانيه او شوفي تقرير عنه عشان تعرفين شنو تطلبين

والله بعد قلبي راجعنا قبل ماندفع من الصدمه كلنا راجعنا الفاتوره


واشلون ياخذ 5 علي الخدمه ما ادري:bbbiu:

 

[softlady]

كتبي اسمه ​

يعني فلم رعب اسود باسود وعوار عيون بمينو فضي لامع بالظلمة وتالي 50 دينار !!​

وبعدين مو كل شي يعرضونه بالتلفزيون يكون اوكي هذيلا يسوون دعاية لربعهم او دعاية مدفوعة الثمن مقدما ​

مشالله عليج وصفتي الوضع باختصار



بس مافهمت عليج اسم شنو اكتب


؟؟


:eh_s(7):

 

[bambena]

المطعم اينن اينن شوي عليه

المفروض تسالين عن السعر

معروف الستيك غالي وبالذات المينيون سعره دايما بحدود ال 20

ماعرفتو تطلبون معوضه ان شاءالله

 

[bambena]

السيرفس تشارج ممنوع من حول السنه بس نادر المطاعم اللي تطبق هالشي

 

[Habibat Abooha]

امبييه استخفوا
ليش 50

 

[softlady]

المطعم اينن اينن شوي عليه

المفروض تسالين عن السعر

معروف الستيك غالي وبالذات المينيون سعره دايما بحدود ال 20

ماعرفتو تطلبون معوضه ان شاءالله

هلا قلبي

اشلون وانا طلب اقوله بجم هذاا ؟؟

والستيك معروف بكل مطاعم الكويت ما يزيد عن 7 وهذا وغالي بعد !!

ولا اينن ولا شي

اكله بيتزا وميني برغر وسلطات وهالسوالف بكل مكان الحين

اكله جداااا عاااادي الصراحه :eh_s(1):

 

[الفرفوشهـ]

معوضه حبيبتي جان حطيتوا لمبة الفون ع المنيو واخترتوا ههههههههه

 

[honey lust]

عاد المطعم حده اينن بس عيبه ان المنيو بالانجليزي و ان ظلمه مثل ما قلتي

اما اكله لذييييييذ بس حسافه الظاهر ما عرفتوا تطلبون

 

[sara82]

انا حسيت اكله وااايد دسم. جربته مرتين و شكلهم كفايه