الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[khuloud]

السلام عليكم دكتور


دكتور انا ولدي عمره 9 سنين الله يحفظه بس واااااايد حركي وبالصف واااايد يتحرك ويسولف وما ينتبه علي المدرسه انا وايد خايفه علي دراسته احس انه في طاقه زايده ولما ادرسه بالبيت ما يركز كلش . يا ريت دكتور ترد علي بسرعه مشكور

 

[love kuwait72]

الله يعطيك العافيه دكتور عندي مشكلتين
1- الاولى بنت البكر 8 سنوات ذكيه جدا كانت متفوقه في دراستها في اولى في ثانيه بدت تهمل ومالها خلق تدرس ونزلت درجاتها والسبب يرجع لعاملين من وجهت نظري ابوها الى يقول جدامها لا تشدين على البنت اذا رفضت انها تذاكر وعاندت وانا اصر على مراجعت كل دروسها يوميا واهتم انها تفهم كل درس بدرسه انا ما انكر لان المنهج في مدرستها قوي شويه ومكثفبس هي ذكيه ماشاء الله وتحصيلها ما يقل عن 99بس بعد الاهمال نزل 97والاب يقول عادي وصارت بطلعت الروح تراجع بس تبي التلفاز والكمبيوتر السبب الثاني سوء معاملت المدرسات العام الماضي في مدرستها لانها مدرسه خاصه ز السنه الحاليه نقلتها من مدرستها لان البنت كرهت المرسه من معاملت المدرسات لدرجه الضرب واهي هادية جدا هناكبشهادت كل مدرساتها بس نفس المشكله معاي ماتبي تدرس كله تفكر بالتلفاز والرسوم المتحركه تتهرب من الواجبات لدرجه انها تكذب على شان ما تحل وتخلص بسرعه. انا ما انكر ان هذه السنه عندها مشكله اختلاف اللغة في التدريس وتبي تركيز اكثر في المذاكره لانها كانت تدرس بالانجليزي وصار بالعربي . وانا شاده عليها في مراجعت المواد واقولها لما تخلصين سوي الي تبين بس ما تبي وابوها اذا شديت عليها يوقف معاها ويغلطني امامها
المشكله الثانيه بنتي الى باولى ابتدائي همن ذكيه وشاطره على كلام المدرسات مللوله بس تجي لما اساحلها تمشي معاي زينه بالمذاكره بس المدرسات عندهم شكوه وحده انها تستحي تشارك في الصف ولا ترفع ايدها بالرغم من انها عارفه الجواب وفي الامتحانات التحريريه كل علاماتها كامله واذا قيمتها الابله بالغصب ما ترفع صوتها . صوتها واطي . واهي لما كانت عمرها 3 سنوات اجتماعيه الان انطوائيه ما تحب تكلم الناس وسلبيه لدرجه ان البنات ياخون اغراضها واهي ما تدافع عن حقها. مثال امس البنت ماخذه قلمها وقالت لها قلمي مادافعت وقالت لا هذا قلمي انا. وقبلها بنت معاها في الصف شقت دفارها وما دافعت عن نفسها معانه في البيت لا .
ملاحظه:انا نوعا ما عصبيه وشديده معاهم . اطوف 3 او 4 مرات عقبها اعصب واصارخ عليهم او ازفهم او احرمهم من شي والاب ينتقد جدامهم من مبدا ما يحب احد يزف عياله او يسمع حسي عالي بالبيت بالرغم انه عارف ان البنت غلطانه
اسفه على الاطاله ارجو الر وجزاك الله خير

 

[رنووودة]

انا دكتور بس بعرف شلون اعرف الطفل اللي عندة تأخر شنو الشي اللي نلاحظة علية ?
والطفل العنيد شنو الحل معاه?*

 

[احمد البرماوى]

السلام عليكم​

مجهود كبير تشكر عليه​

عندي بنت اختي عمرها تقريبا 4ونص سنوات,,وهي بالمدرسة الباكستانية بس بمستوى الصف الثاني للروضة
وهي لم تدخل للصف الاول,,على طول للصف الثاني​

دراستها ماشاء الله زينة وتحفظ وتسمع جيدا​

قبل فترة كان عندها امتحان ولم تحل شي مع العلم انها حافظة
فاخذتها اختي للمدرسة باليوم الثاني وجعلتها تحل الامتحان جدام المدرسة,,وانها حافظة دروسها ومر الموضوع على خير​

بس امس كان عندها امتحان وسوت نفس الشي,,,وكانت وقت الامتحان تلعب ببراية جديدة امها عطتها لها
حتى لما المدرسة نبهتها,,,كتبت حرف a فقط​

الحين اختي محبطة حدها وماتعرف ليش تسوي جذي؟؟واهي بالبيت تحل الامتحان كامل,,وبالمدرسة لاتحل الامتحان
مع العلم,,,البنت واثقة من نفسها وشخصيتها متزنة
ومافي شي غريب بتصرفاتها​

شنو الحل؟؟​

السلام عليكم اختي الكريمة واعتذر عن التاخر بالرد وذلك لانشغالي
اعتقد انة من خلال كلامك قد تكون المشكلة في بيئة المدرسة او عدم تقبلها لها لانها مباشرة وجدت نفسها في الصف الثاني روضة وبالتالي لم تتاقلم جيدا علي ذلك واعتقد انها بمجرد تقبلها للمدرسة وللطلاب بالصف وان تكون المدرسة بيئة جاذبة وممتعة لها سيتغير الامر كثيرا
اعطيها بعضا من الوقت ثم لاحظي تصرفاتها وادائها الدراسي

شكرا

 

[احمد البرماوى]

السلام عليكم دكتور


استفدت من أجوبتك على أسئلة الأخوات وبالتالي تبقى لدي سؤال واحد

...


ولدي عمره سنتين... ومنذ الولادة يوجد في رأسه شعرة بيضاء ( شيب ) وإلى الآن لم تسقط


ماسبب هذا الشيء... وهل يعبر هذا عن نفسية الطفل أو هو فقط موضوع وراثه لا أكثر علما بأن الشيب بدأ يظهر في شعري أنا من عمر 13 سنة

علما بأني انفصلت عن زوجي في بداية حملي له فهل لنفسيتي في تلك الأوقات التأثر عليه


وشكرا لك

السلام عليكم اختي الكريمة

بالتاكيد الحالة النفسية للام اثناء الحمل وايضا اثناء فترة الرضاعة لهة تاثير علي نفسية الطفل وقد يؤدي الي نتائج سلبية فيما بعد اما بخصوص الشعرة البيضاء فليس لدي فكرة عن ذلك فقد تكون وراثة كما ذكرتي وقد تكون سببا اخر لذلك لا استطيع ان افيدك بهذا الامر اما الذي استطيع قولة هو انه بالفعل الحالة النفسية للام تؤثر تاثيرا سلبيا علي الطفل اثناء حملة واثناء رضلعتة
شكرا

 

[احمد البرماوى]

السلام عليكم دكتور
أرجو انك تساعدنى بحل مشكلتى مع بنتى الكبيرة ( عمرها 5 سنوات )

المشكلة انها ما تسمع الكلام نهائيا وتعاند حيل
ابوها مدللها بس انا لا أشد أرخى معاها حسب الحاجة

قبل شهر كانت تصرخ وتدور بالغرفة ومو راضية تقعد ابوها صرخ عليها علشان تقعد ما طاعت
فللأسف طقها
وكانت ردة فعلها مبالغ فيها
اهجمت على ابوها وقامت اتطقه بكل قوتها واتسبه
انا انصدمت
وللأسف ابوها صرخ على واتهمنى انى ما عرفت اربيها
طبعا انا لما هدت وضحتلها ان تصرفها غلط وان الوالدين لهم مكانتهم واحترامهم
طبعا بكت وتأسفت لى لكن لليوم ما نست الموقف اللى صار
وكأنها شالت بقلبها على ابوها

وبالرغم من ان ابوها يحبها وايد ومدللها وانا شديدة معاها احس انها اتحبنى وتحترمنى أكثر منه

هل اللى ببنتى عصبية والا شنو ؟
وشلون اتعامل معاها؟

وشكرا

السلام عليكم اختي الكريمة واعتذر عن تاخري بالرد

واضح من تصرف ابنتك التدليل الزائد والدلع المبالغ فية والتي لم يجعلها تتقبل ان تعاقب من الاب لانها لم تعتاد علي ذلك بل اعتادت علي تدليل وتنفيذ لكل طلباتها وايضا لم تعتاد علي فكرة او مفهوم العقاب وبالتالي عندما عوقبت اصبح الامر لديها صادم وقوي وجعلها تتاثر بهذا الامر وبالطبع هذا ناتج عن طريقة التعامل الخاطئة من الاب بالبداية
لذلك حاولي ان تعاملوها بشكل طبيعي جدا اذا اجادت واحسنت تكافئوها واذا اخطات لابد من العقاب وعندما اذكر كلمة عقاب لا اعني بها عقاب جسدي او عنف او ضرب فالضرب والعقاب الجسدي مساوئة اكثر بكثير من مميزاتة
قبل ان تعاقبيها يجب عليكي ان تفهميها انها قامت بسلوك خطا ويجب عليها الا تقوم ةبة مرة ثانية اما اذا قامت بة مرة ثانية حذريها بانها اذا استمرت بذلك ستعاقبيها واذا قامت بة للمرة الثالثة لابد من عقابها ولكن الاهم هنا هو تنفيذ العقاب وكيفية العقاب لانكي عندما تبدئي بعقابها ستصرخ وستبكي وستقاوم ذلك تجاهلي كل هذا واستمري بعقابك حتي تعرف ان كل هذة الامور لن تفيد وبالتالي لن تلجا لتكرار الخطا
يجب عليكي عندما تعاقبيها ان يلتزم كل افراد الاسرة بالعقاب فلا يصح ان تعاقبي والاب ينهي عقابك او الجد او الجدة هذا خطا واضح اذا عاقبتي استمري بعقابك الي النهاية وايضا اذا قامت بتكرار السلوك الخطا يجب عليكي عقابها مرة ثانية وثالثة ولكن بشكل اخر
الاهم هنا لكي يكون العقاب فعال هو ان تختاري شكل عقاب فعال ومؤثر : اشكال العقاباات كثيرة ومنها مثلا يمكنك ان تحرميها من شيئ تحبة وتنفذي حرمانك
للعقاب اشكال كثيرة لو راجعتي اجاباتي السابقة ستجدينة متضمنا فيها
اذن يجب علي الاب ان يوقف التدليل الزائد وان تكون معاملتة لها وسطية وانتي ايضا كذلك حتي تستطيعوا ان تتحكموا في سلوك ابنتكم في هذا العمر قبل ان تكبر ويكون التحكم بسلوكها امرا صعبا
شكرا

 

[احمد البرماوى]

السلاام عليكم..
بنتي عمرها سنتين و8 شهور ماعندي غيرها..
تتكلم لكن الاحظ فيها تأخر بالكلام عن الاطفال اللي بعمرها تفهم التوجيهات بس موضوع النطق مأزمني
في كلمات غير مفهومه.
دخلتها هالسنه حضانه معلمتها تقول بنتج تفهم سؤالي وتأشر عالاجابه بس ماتنطق الكلمه.؟
السنه الجايه بدخلها روضه خاصه وانا خايفه حيييل من موضوع الكلام ان يأثر على دراستها
مع العلم انها ماتلبس بامبرز ولا ممية حليب وشخصيتها اجتماعيه

السلام عليكم اختي الكريمة
احب ان اعرف ماذا تقصدين تاخر بالكلام ؟
هل تعنين انها تتكلم ولكن بشكل اقل من زميلاتها ؟او ان مفراتها اللغوية قليلة ؟او انها لا تستطيع توظيف اللغة ؟او انها لا تتكلم الا نادرا وعندما تحب ؟ وما طريقة تعاملكم معها بالبيت هل تحضرون لها ماتريد بدون ان تتكلم ىمن خلال اشارتها ؟
\اريد التوضيح
شكرا

 

[احمد البرماوى]

السلام عليكم انا عندي بنتي عمرها سنتين وثمان شهور بحكم الوظيفه وبناتي اللي اكبر منها يدرسون تقضي فترة الدوام بروحها بالبيت مع الخادمه حسيت انها تحب تلعب بروحها ومرات اناديها ما ترد علي وخفت صراحه صرت اخليها معاي اربع وعشرين ساعه العب معاها اكلمها وحتى خواتها يلعبون معاها والحمد لله حسيت فيه تحسن صارت اذا شافتني تركض لي وتمد ايدها تبيني العبها وادور فيها تلعب مع خواتها ينخشون وتلحقهم وتدورهم اذا تبي ماي تقول ماي تغني اغاني طيور الجنه ياطيبه وغيرها طبعا مو فصيح مكسر اذا اغني اغنيه تعرفها تعيد وراي او تكملها يعني اقول نصها وتقول الباقي اذا صليت تركض تلبس لبس الصلاة وتقول صلي وتسوي نفس حركاتي تركع وتسجد حاولت اختبرها اذا تفهم ولا لا اقول البسي ملابسج تحاول تفصخ ملابسها وتقول ابس بلابس اذا قلت البس نعولج تركض تلبس نعولها وتقول ابس نعال واذا قلت تسبحين تركض للحمام وتقول سبح واذا تبي تاكل تقول ايش يعني عيش وتطلب قبشه يعني قفشه (ملعقه)يعني احس انها تفهم كان معاها اقلام في ايد واوراق في الايد الثانيه جبت كيس وقلت حطي قلم حطت الاقلام في الكيس اذا سمعت ابوها يبطل الباب جاي من الدوام تركض وتحضنه وطبعا تحضني وتحبني وتحب خواتها وتبجي اذا شافتهم يكتبون تبي تكاب وقلم وجنطه اذا قلت وين عيونج تأشر على عيونها وتقول ايوني واقول وين خشمج تاشر على خشمها وتقول كمش وعلى اسنانها وتقول سناني وين شعرج تاشر على شعرها ومرة شألتها وين شعر بابا لمست شعره سكري الباب تروح تسكرة عطيني كلينكس تعطيني بس احيانا احس انها تطنش وتسرح او تكلم نفسها وتردد الكلمات اللي تعرفها يمكن لاني دلعتها عشان ما تكلم كل ما بغت شي عطيتها ما اخليها تبجي وانا احاتيها وما ادري وين اروح او منو اسأل ما ادري المشكله مشكة نطق ولا مشكلة فهم وما اعرف العمر اللي يدرك فيه الاطفال ما حولهم يا ليت تفيدني لاني خايفه عليها وآسفه على الإطاله

السلام عليكم اختي الكريمة
كل ماذكرتية عن ابنتك اشياء جيدة جدا وتدعو للراحة فكونها تنفذ الاوامر هذا شيئ جيد جدا وكونها تقول الكلمات فهذا ايضا شيئ جيد
ولكن لاحظت شيئ هل هي تكرر الكلمات مثلا ورائك ام بعد ان تنفذ الفعل تقوم بقول الفعل الذي نفذتة هذا يهمني ان اعرفة ؟
ايضا يهمني ان اوضح لحضرتك ان مشاهدة التليفزيون بكثرة لة اثار سلبية كثيرة جدا قد تتضح في تاخر كلام احيانا او تتضح في كلام بشكل غير مفهوم احيانا اخري لذلك حاولي التقليل من مشاهدتة واجعلية ساعتين باليوم علي شكل متقطع وليس متصل بمعني نص ساعة الظهر ونص ساعة العصر وهكذا
ايضا حاولي ان تقيمي معها حوار بسيط وتساليها فية عن الشياء بسيطة جدا او ان تحكي لها قصة مصورة بسيطة واجعليها تشاركك الحوار
بخصوص موضوع سرحانها وانها تتكلم كلام غير مفهوم احيانا فهذا علي ما اعتقد قد يكون نتيجة تركها بمفردها فترات طويلة مع الخادمه او مشاهدتها للتليفيزون فترات طويلة فلجات الي ان تكون اكثر اندماجا مع لعبتها او مع نفسها
حاولي ان تدخليها حضانة وان تشركيها في علاقات اجتماعية اكثر مع اطفال من نفس عمرها
وان شاء الله الامور جيدة وبلغيني بماذا حدث لها بعد اسبوعين او اكثر
شكرا

 

[احمد البرماوى]

السلام عليكم ...


مشكور وايد ..وجزاك الله خير...


الموضوع وايد متعبني راح اقول



اختي بنتها انا مربيتها واهي غاليه حييييييييييييل علي قلبي

من كان عمرها شهرين ومن صارت سنه راحت حق امهااا


البنت عبيثه وحركيه وايد ... بس تتعبث بالاغرض مو نفس اخوانها يلعبون اهي تحب تتعبث


ومعور قلبي زايده انها تشبنهي من كنت صغيره احب العب بالاغراض واتعبث كانت امي عادي عندها



اختي تطقهااا لانها مزعجه درجه كبيره .... وهي كانت عندي دلوووعه حيييل ان جت بيتنا تتدلع

وماتخلي احد ماتطقه وماحد يسلم من ايدهاا ....


دوم تتبعث بالاجناط وحركيه بالعتبث بالاغراض ... يعني تلقها بامكان تنصدم منها تلعب بالكهرباء

او تكب الماااي بسجاد وتلعب عليه اخوانها غيرها تقوم امها تطقهااااا ... (طبعا انا اعصب بس شنو اسوي ماقدر اخذها)


وان احد من الاكباار طقها لانها سووت شي غلط لانه يعلموونها غلط غلط لا تسويون ماتفهم تقوم اتسووي شغله

ويطقوونها وتحط ايدهااا بحلقها من خوووف وبعدها احصل هوشه او طقه وتقووم اهي اتحطها بقلبهاا

وتقوم اطق ولد او بنت إلي هاوشهااا ,, ماتخلي طقتها



معووره قلبي البنت لاني مربيتها دمعتي بعيوووني ماادري شنو اسووي فيهااا


انا مدلعتها انا واخوووي انحبها حييييييييييييييييييييييل وتتدلع عندنا وان كنت انا موجوده

تتقووه وتقوم ماتلعب عندي و وتتحرش باليهاال وتطقهم عندي ... وان بغو يطقونها انا اقوم احرسهاا


بعدها خواتي قالو انتي خربيتهاا لاتحمينهااا ومن بغو يطقوونها او يهاوشوننهااا بسبب عبثتها إلي ماحد يتحملها


اتدور حمايتي وانا اخليها بس قلبي تقطع وماقدر ... احاول لانه هذي شي مانفع معهااااااااا


ا احد هاوشها اتحط بقلبها وتزيد حركاتها وعبثتهاا وسوالفها إلي ماحد يتحلمها ... امي إلي تتحملها

ماقدر تتحلمها ............. ودي اخليها عندي بس اهي تبي امهاااا فجذي مااقدر احميها او اختي ماتتحمل عبثتها وحركتها

الحين عمرهاا سنتين .... من صاار عمرها سنه ونص زادت عبثتها من انقلت من عندي الي امها ..


ياليت تعطيني حل . ماقدر اتحمل من تحط ايدينها باحلقهاا ... توني هاووشت الكل عشااانها لاحد يطقها او يهاوشهااا


قالو ان ست شي غلط راح انهاوشها لانه ماحد يتحلمها (فعلا انا مرات اعصب بس ابلعها كاني بلاعه موووس بس اتحمل


عشانها غاليه علي قلبي) بس اشلون احوولها من عبيثه الي هاااديه

اشلون احول حركيه الي شي تحبه وتنشغل فيه واتطوور عقلهاا ..


مشكله انها ماتتكلم وايد ولا تفهم إلي تقوووله اقوولها غلط اتروح اتسوويه وان قلت لا تسوينه اتسويه


من اكلمها احس ماتفهم كلام اقوله مع اناوامها وكل يتكلم معاها بس ماتفهم ...


وبعد بطيئه الاستيعااب يعني من اقولها جيبي شي فلاني تروح وترد اقول وينها اتطالع ولا كانها فاهمه شي..


وشي قاهرني ان قلت لها امشي اوديك مرات تبجي جذي وتنسدح علي الارض انا افهم من تصرفها انها تتدلع اقوم البسها

واهي تبجي وتعيي انها تروح وان طلعت برا تقعد اتصارخ حييييييييييل واخليها لانه اسايرها لمده ساعه عشان تلبس




معلومات .........

من كانت اختي حامل فيها كانت حامل بتوائم وماكانت تبيهم وكانت طول فتره حمالها مكتئبه ....

اول ماولدت انا اخذت البنت ومن ولدت فيها شيبه بشعرهااا صغيرونه وطالت مع شعرها وتعودنا عليها...


تربيها الثاني بعد الاخوانها كبار. ... اهم 3 توائم بنت ولدين ....(ماشاء الله ) اخوانهاا توائم ماعندهم مشكله يتكلمون ويلعبون اما

اهي عبيثه وحركاتها زايده عن لزوم اتخلي والواحد يفقد اعصابه منها ... ان هاوشتها حطت ايدها بحلقها .. (بعد عمري اهي)


ولاحظنا تلعب العاب االاولاد يعني تحب السيارات العاب سيارات وايد اتحبهم اكثر من العاب بنات ...



انتظر جووابك

السلام عليكي اختي الكريمة
هل لكي ان تختصري مشكلة ابنة اختك في سطور قصيرة ومحددة لاني لم استطع ان احدد من اين ابدا بالاجابة
شكرا

 

[al7our]

السلام عليكم و رحمة الله و بركاته،،،
مشكلتي يا دكتور مع و لدي عمره 9 سنوات في الصف الرابع حيث انه يعاني من هايبر اكتف لدرجة اني اجد صعوبه في تدريسه فهو لا يتحمل الجلوس خمس دقائق للنسخ بالإضافه إلى الحفظ فدائما لما ادرسه ما يقدر يركز في عيوني حتى يفهم الكلام اللي اقوله تلقى باله و ايده على طول مشغولين، فما هو الحل معه و كيف اساليب تدريس طلبة hyber active
و لكم جزيل الشكر

 

[شيخة الحلوة]

السلام عليكم دكتور

ممكن بس مساعدة بسيطة

بنتي عمرها سنتين

واذا زعلت او عصبت تقول كلمات مو حلوة سوري راح اكتبها عشان تعرفها مثلا اذا ما عطيتها شي مو داااااااااايما لا غااااااااالبا تقول يا حيوانه سووووري واعتذر عالكلمة بس والله عشان تكون بالصورة وانا اقولها عيب حبيبتي عيب
اقولها عيب عيب

ترددها اكثر واحيانا اذا هدت بنفس الوقت ترد وراي تقول عيب حيوانه عيب حيوانه يييييييييييييع كانها مشمئزه من الكلمة ههههههه ويكون شكلها فعلا مو عاجبتها الكلمة

مع العلم والله انا مااحب ولا اقول هالكلمة ولا ابوها ولكن ابناء عماتها اذا زارونا تقلدهم

واي احيانا اذا قالت الكلمة وقلتلها عييييييييب تقول ماما ماما عيب حيوانه عيب فلان يييييييييييع قصدها ان اهوا قايلها

فا ودي اعرف الطريقه السليييييييييييييييييييييمة للتخلص من هالكلمة لانها مسببتلي اززززززززمة


ومشكلتها الثااانية انها لو نطلع مكان والا شي تشوف الاطفال تستانننننس عليهم وتلعب معاهم وتعطيهم اغراض وتلعب عادي
ولكن اذا كانت بمزاج مش ولا بد
تعصب


مثل هالموقف
كنت بالمستوصف انتظر بالدور وفي عايلات قاعده

تقولهم

اعتذر عالكلمة ولكن تقولهم

جب انتووووو يييييييييييييع مابيكم

هذا اذا كانت معصبه

فا شنو الحل معاها

وانا وابوها والله ما نقول هالكلمة

 

[زوجي توأم روحي]

السلام عليكم اختي الكريمة واعتذر عن تاخري بالرد

واضح من تصرف ابنتك التدليل الزائد والدلع المبالغ فية والتي لم يجعلها تتقبل ان تعاقب من الاب لانها لم تعتاد علي ذلك بل اعتادت علي تدليل وتنفيذ لكل طلباتها وايضا لم تعتاد علي فكرة او مفهوم العقاب وبالتالي عندما عوقبت اصبح الامر لديها صادم وقوي وجعلها تتاثر بهذا الامر وبالطبع هذا ناتج عن طريقة التعامل الخاطئة من الاب بالبداية
لذلك حاولي ان تعاملوها بشكل طبيعي جدا اذا اجادت واحسنت تكافئوها واذا اخطات لابد من العقاب وعندما اذكر كلمة عقاب لا اعني بها عقاب جسدي او عنف او ضرب فالضرب والعقاب الجسدي مساوئة اكثر بكثير من مميزاتة
قبل ان تعاقبيها يجب عليكي ان تفهميها انها قامت بسلوك خطا ويجب عليها الا تقوم ةبة مرة ثانية اما اذا قامت بة مرة ثانية حذريها بانها اذا استمرت بذلك ستعاقبيها واذا قامت بة للمرة الثالثة لابد من عقابها ولكن الاهم هنا هو تنفيذ العقاب وكيفية العقاب لانكي عندما تبدئي بعقابها ستصرخ وستبكي وستقاوم ذلك تجاهلي كل هذا واستمري بعقابك حتي تعرف ان كل هذة الامور لن تفيد وبالتالي لن تلجا لتكرار الخطا
يجب عليكي عندما تعاقبيها ان يلتزم كل افراد الاسرة بالعقاب فلا يصح ان تعاقبي والاب ينهي عقابك او الجد او الجدة هذا خطا واضح اذا عاقبتي استمري بعقابك الي النهاية وايضا اذا قامت بتكرار السلوك الخطا يجب عليكي عقابها مرة ثانية وثالثة ولكن بشكل اخر
الاهم هنا لكي يكون العقاب فعال هو ان تختاري شكل عقاب فعال ومؤثر : اشكال العقاباات كثيرة ومنها مثلا يمكنك ان تحرميها من شيئ تحبة وتنفذي حرمانك
للعقاب اشكال كثيرة لو راجعتي اجاباتي السابقة ستجدينة متضمنا فيها
اذن يجب علي الاب ان يوقف التدليل الزائد وان تكون معاملتة لها وسطية وانتي ايضا كذلك حتي تستطيعوا ان تتحكموا في سلوك ابنتكم في هذا العمر قبل ان تكبر ويكون التحكم بسلوكها امرا صعبا
شكرا

شكرا دكتور وبالفعل كلامك صحيح 100 %

 

[thqdi]

السلام عليكم
الله يجزاك خير يا دكتور و يعطيك العافية
انا ما ابي اسأل عن عيالي أنا مدرسه و ودي أسأل عن طلبتي
عندي طالب مشاغب ما ينتبه بالحصه و ياذيني وهذا التصرف يا اما يضيع علي الوقت لاني اسكته او يشتت باقي التلاميذ و ما يخليهم ينتبهون ومعاه اثنين اصدقائه اذا اجتمعوا هذول الثلاثه بالحصه مع بعض انسى اني اشرح الدرس حاولت معاه بكل الطرق ، جربت اسلوب التشويق ينتبه مده بعدها يرد يشاغب جرب اسلوب العقاب مع اني ما احب اعاقب طلبتي بس ما كو فايده عزلته عن مجموعته وحطيته بمجموعه ثانيه ينتبه شوي بعدين ياذي المجموعه ، و هو ياثر على أصدقائه الاثنين اللي معاه ،فارجو منك الحل لاني جربت كل شي ويأست من المحاولة لدرجة صرت اكره ادرس هذا الصف و أقعد احاتي اذا ابي ادرسهم ، وعندي بنفس الصف طالب احس عنده حاله خاصه لان كله يتحرك ولما احد يتكلم بصوت عالي او يصرخ يقعد يصرخ انا ما اقدر اضغط عليه بس هو ما يقعد مع العلم انهم كلهم بالصف الأول الابتدائي

فأرجو منك المساعده يا دكتور :eh_s(2):

 

[قمر ضاوي33]

السلام عليكم ورحمة الله وبركاته

دكتوري الفاضل ولدي عمره 3سنوات و9 شهور متاخر بالنطق
لا يركب جمل كاملة الا قليلا
يفهم ويستوعب جميع الكلام والاوامر
بس لسانه ثقيل
عرضتوا على مركز العلي للسمع والنطق وتم فحصه انه سليم
وحولوه على مركز النفيسي والان هو يراجع جلسة اسبوعية عند الأخصائية دانة الخترش جزاها الله خير
واهي تطمنني بان وضعه سليم وهو يتقدم بالجلسات
هو الان باولى روضة الوحيد اللي ما يتكلم بس كلمات مثل ( ابلة ، حمام ، اكل صمون ، اشرب ماي ، العب ....)
دكتور انا قلقة عليه ودايم افكر انه ما راح يتكلم عدل
ودايما اسال نفسي هل سلوكه يتناسب مع عمره والموضوع بس تأخر نطق ؟؟
او انه بطئ تعلم ؟
جزاك الله خير
علما بانه عنده اخت عمرها سبع سنوات سليمة يلعب معاها عادي

 

[شنوووفه]

السلالام علييكم دكتووور :>

عندي ولدي عمره 3 سنين و10 شهوور من اول ماداوم بالرووضه ونوومته تغيرت كله معصب ويحن يعني يرد من الدواام يبجي ويحن من يصير الليل يبجي مابي رووضه ومابي والله دكتووور اني قمت الجأ للطق بس مو حييل يعني عله اييده وبعديين لمن يناام اقعد ابجي واتحسف وصااير واايد عنيد حسييت من اول ما داوم حالته تغيرت يمكن ليش ماينام عدل لانه من الصبح يقعد وماينام الا الساعه 10 بليل احا ول اني انومه مبجر بس مايبي يقااوم النوومه :< تعبت معااه

 

[lovely jojo]

السلام عليكم اختي الكريمة
احب ان اعرف ماذا تقصدين تاخر بالكلام ؟
هل تعنين انها تتكلم ولكن بشكل اقل من زميلاتها ؟او ان مفراتها اللغوية قليلة ؟او انها لا تستطيع توظيف اللغة ؟او انها لا تتكلم الا نادرا وعندما تحب ؟ وما طريقة تعاملكم معها بالبيت هل تحضرون لها ماتريد بدون ان تتكلم ىمن خلال اشارتها ؟
\اريد التوضيح
شكرا

مشكور عالرد دكتور.. اللي اقصد ان حصيلتها اللغويه قليله يعني مثلا اللي بعمرها او اصغر حتى بمحيطنا يتكلمون ويقصون قصة حتى واهي لا..
بنتي تتكلم لكن كلماتها محدده وبالحضانه تفهم بس ماتردد مع الابله العدد او الكلمة مثلا..
وبالنسبة لتعاملي معها رغباتها تتنفذ لكن بحدود وفي اشياء اذا كانت تبيها تطلبها بالاسم واللي ما تعرفه تأشر ونحضره لها .. بنتي اجتماعيه حيل لكن بس اللي مقلقني الكلام عندها

 

[الحلم البعيـد]

دكتور نسيت ترد على سؤالي في اخر صفحة 25

 

[SiM_SiMa]

السلام عليكم دكتور يعطيك العافية

ابني يا دكتور 5 سنوات ليس له اخوة بسبب اني منفصلة عن ابوه من كان عمره 6 شهور يعني هو للآن غير مميز شكل الحياة الاسرية الطبيعية ولم يتغير عليه اي وضع عايش معاي و مع والدي ووالدتي واخوتي البنات يعني ليس عنده اي مشاكل نفسية الحمد لله واجتماعي والناس كلها تحبه وله اصدقاء في مدرسته و في محيطنا الاجتماعي بس قليل ما يلتقي معهم ويشوف ابوه مرة واحدة في الاسبوع يوديه عند عمته وعندها 4 أولاد.. اعذرني على التفصيل بس عشان ارسملك الصورة صح

بدأت مشكلة من ستة شهور انه يرد أخ يتهاوش معاه او يلعب معاه يعني يبي أحداث مع اخ عايش وياه دائما مثل ما يشوف عند اولاد عمته ، لدرجة انه يعتبر اختي انا 25 سنة هي اخته ودائما يقولي انا ابي اخ جيبيلي اخ وانا فهمته اني لازم اكون متزوجة عشان يصبح له اخ وفهمته بطريقة بسيطة وفهم بس مازالت رغبته قوية ومن اسبوعين تقريبا تعلق بلعبة على شكل ولد صغير واعتبره اخوه ينيمه وياكله ويكلمه ويتحاور معاه و يتهاوش معاه ويشتكيلي منه يعني عايش القصة فعلا وفأي مكان نروحله ياخذه.. انا خايفة نفسيته تتأثر ويكون عنده مشكلة فعلية خصوصا اني غير قادرة على الانجاب مرة ثانية حتى لو تزوجت بسبب ان عندي مشكلة في القلب.. فكرت ارمي هذه اللعبة ويومين وينساها بس اخاف ما يكون هذا كافي ويدور على غيرها ومادري اذا انا عطيت الموضوع اكبر من حجمه!!
فياريت تساعدني بخبرتك يا دكتور
وشكرا مقدما

 

[micro_girl]

السلام عليكم دكتور
عندي ولدي عمره سنه و11 شهر لاحظت عليه ان يقعد من النوم مرات واهو خايف يبجي ويقول ابي ماما ويقعد 3 او 4مرات بالليل مع ان اهو متعود ينام بروحه من زمان بس النوم مشكله لان على طول يتفزز ويبجي الحين قمت الاحظ عليه علامات الخوف واحس ان اهو يبي ينام بفراشي فهل اخليه ينام معاي لمن يخاف ولا اخليه بفراشه مع العلم ان احنا كنا ساكنين ابيت اهل زوجي والحين طلعنا بشقة فهل ممكن ان تغيير المكان ياثر عليه؟؟
المشكلة الثانية ان اهو لمن يعصب يطق راسه بالارض اويطق وجه بايده وانا مابي هالاسلوب يستمر معاه شنو اسوي ؟؟

 

[توته شيطونه]

السلام عليكم

أنا بنتى عمرها سنتين ونص واااايد تغار. بشكل ملحوظ

يعنى. أنا ساكنه بيت أهلي هي متعلقه في ابوى اللي هو جدها وأنا ابوى بالوقت الحالي قاعد يهتم في أبوه اللي هو جذى أنا. طبعا جذى

كبير بالسن ئعنى رجع نفس الطفل وهي تغار منه واااايد لدرجه مرات تروح تأخذ شيء وتضربه لأنه بعد قاعده تشوفني اهتم

فيه من ناحية الماكل والمشرب وغيره وتغار حتئ لمن أتكلم مع أحد تقولي سكتئ


لا تتكلمين مادري شنو الحل وياها أخاف. أنها تكبر علي هالشي