والله متردده لو مو متردده مانزلت موضوع
بقول انه ماصارحني وتزوجته وبعدين دريت
يهمني رايج والله يسعدج ويوفقج حبوبهيا روحي انتي
رايي وبكل صراحة
المسألة مو في عمره.. آنا نفسج أفضل الكبار في العمر..
والمسألة مو في إنه كانت عنده علاقات من قبل.. ترى وااايد من الشباب بغض النظر كبير ولا صغير بالعمر مروا بهالعلاقات وهذا شي محد يقدر ينكره
مو لأنه اعترفلج معناتها إنه صايع وبيتم صايع
الفرق بينه وبين البعض إنهم يجذبون ويخشوون علاقاتهم اللي قبل ويسوي عمره شريف
وعلى فكرة.. ما تقدرين تضمنين أحد بالحياة
الكل ممكن يتغير سواء للأحسن أو للأسوأ.. اللي عليج إنج ما تستعيلين وتحكمين عقلج وتحاولين تختارين صح وتتفائلين بالخير وتشوفج الناحية الإيجابية (إن وجدت)..
وآنا عن نفسي أحب اللي يصارحني بماضيه مو يخش وينكر.. بالعكس أقدر صراحته..
يعني مو شرط يقول لي عن أدق التفاصيل لأ.. بس يقول الصج إذا مر بعلاقات من قبل أو لأ.. يعني أتعرف على شخصيته..
وإذا على أمراض ما أمراض حبيبتي في شي اسمه فحص قبل الزواج وهم هذي مو المسألة..
الطامة الكبرى إنه يبي يحرمج من حياتج!!!
شنو ما تشتغلين شنو بس تربين العيال؟ وين الحياة في هالزواج؟ هذا يبي يكبرج ويخليج عيوز بسرعة الظاهر عشان لا يحس إنه شايب بروحه!
خير إنشالله هذا زواج ولا خدمة منزلية وحكرة؟ سوري على الكلام بس شي يقهر
الشغل ما يمنع إنج تربين عيالج بنفسج وأحسن تربية! الوحدة الذكية تقدر تضبط أوقات دوامها وحياتها الزوجية وتربية عيالها هذا كلش عذر فاشل من عنده
هذا مو قاعد يحترم رغباتج وحياتج الشخصية ويبي يسلبج حريتج وحرية اختيارج في الحياة!
يكفي إنه أكبر ب22 سنة وكان عندج استعداد إنج تتغاضين عن ماضيه.. بس هذا بصراحة ما يبين فيه خير أبد وحيييل مستبد ونوعية معقدة وراح يتعبج حيل حيل! يعني هالريال مافيه ناحية إيجابية أبد..
نصيحة.. لا تستعيلين ولا توافقين عليه
في مليون واحد غيره ومن عمره وأقل بشوي بعد وأحسن منه ويناسبج أكثر إنشالله
توج 18 سنة ليش العجلة؟ راح تندمين كثر شعر راسج إذا تنازلتي هالكثر لا ومن بداية الطريج! صدقيني راح يستغلج وماراح يقصر في استغلالج إذا من أولها نزلتي نفسج له والياي راح يكون أعظم الله لا يبلى أحد
هذا والله عينه قوية حدها إذا حتى قبل الزواج ياي يتشرط جذي عيل بعد ما تصيرين ملكه شراح يسوي فيج؟ يعني ما خاف إنج بترفضينه ولهالدرجة متوقع وواثق إنج راح تتنازلين عن حياتج عشانه؟
وانتي مو اللي تحبينه وميتة فيه يعني أتوقع ماراح يأثر فيج هالكثر رفضه
الريال اللي ما يحترم ذاتج واستقلاليتج يطلع مو ريال وعلى طول حطيه في البلاك ليست!
وبس حبيبتي سوري عالقرقة بس صج قهر هالنوعية من الرياييل اللي حسبالهم المره مكانها البيت وبس ومابيج تضيعين حياتج.. الله يهديهم ويهدي الكل..
وبالتوفيق حبوبة
