ما احب ريلي :'(

[yasmeen_q8]

تبين الصج وبقسوة وبدون زعل واشكره

صج اللي قال ما تعرف قديري الا لما تجرب غيري
انا اقول قضبي ارضج لا ربج يخفس فيج ويقلب النعمه لنقمه وزوجج لا شافج ملتزمه بيلتزم مع الوقت ويصلي نفسج

وانا متأكده 100٪ ان والله والله لو يروح لغيرج ينيتي ومتي بمكانج
بس ليش انه يحبج ويركض ورا رضاج ما تبينه

الاحسن وخري عنج هالوساوس اللي تجذبين فيها على نفسج
وشوفي محاسن الريال واللي ماراح تلقينها مع غيره وحمدي ربج عالنعمه غيرج بنقمه ومتحمل

اقري مشاكل البنات وشوفي اللي ريلها يطقها ويكفخها واللي ريلها يدش يصارخ ويطلع
واللي يحبسها واللي ما اييلها الا لشهوته

والبخيل

واللي يشرب

والصايع

تتمنين يكون عندج واحد من هذول ؟! ويكون لج منه عيال يجبرونج تعيشين معاه بس عشان مستقبلهم ؟!

اكيد لا فحمدي ربج عالنعمه وترا عيوبه مو عيوب
والف وحطه غيرج تتمنى ظفره

وحطي فبالج انج ممكن باهمالج يروح لغيره والله البنات واايد ومو شايفين خير
ويبون اي ريال
مشفوحين الحين عالرياييل اذا الوحده تمشي مع زوجها والبنات يقطعونه تقطع ودهم يكمشونه منج

فالافضل بكل الاحوال تحبينه وتتقبلينه اذا ما قدرتي تخيلي انه مو لج لغيرج وانه مع غيرج

 

[Hajer~]

بسم الله الرحمن الرحيـم ،



كسرتو خآطري انتو الاثنين ..
شوفي حبيبتي انا ماعندي خبرة بالحيـآة بس بقولج شغله ،
دآيما فبداية الزواج يصير جذيه وحطي فبالج ان هالشي لابد منه
تحسون انكم متناقضين بكل شي .. انتي موجب واهوا سالب

وبما ان .. الله كتب هالنصيب لازم ترضين فيه
صح يمكن صعب على حياتج
بس المره اهيا اللي تغير الريآل
تقدرين تكسبينه حبيبتي وتخلينه مثل ما انتي تبين
ع اساس صفآته اللي قلتيها ..
كل شي بالصبر

وما اقدر أزود على كلام العضوآت اللي انصحوج
كلامهم عين العقل .. بس لايقص عليج الشيطآن
صدقيني انتي بنعمة يمكن مو حاسه فيها
مو عشان الخير والفلوس ... لأ
قولي الحمدلله على كل حـآآل وانا راضيه بكل شي الله يكتبه لي


واذا تبيـن أعلمج على شغله تقلب حيآتج !
قال رسول الله صلى الله عليه وسلم
" من لزم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب"


على قد ما تقدرين كثري ،
والله يوفقج ان شالله ويوخر عنج الشيطآن

 

[طيبة83]

امبيه بنات اشغيكم قمتوا عليها


قول الرسول - صلى الله عليه وسلم -: ((انظر إليها فإنه أحرى أن يؤدم بينكما)) إشارة إلى التوافق النفسي بين الطرفين، معنى يؤدم بينكما: أن يتفقا وأن تتآلف قلوبهما، أي: أجدر أن يدوم الوفاق بينكما.

"التوافق النفسي بين الخطيبين:

إن التوافق هو أساس في استمرار الحياة الزوجية وسبب في نجاح الزواج ودوام الألفة، وتعتبر الرؤية هي المفتاح الأول لذلك التوافق، ولها الدور السحري الفعال في القناعة ونحن مطالبون بالأخذ بالأسباب، والرؤية الشرعية للخاطب تساعد على نجاح الزواج وفيها أخذ بأسباب النجاح.

إنما شرعت هذه الرؤية وهذا النظر ليجد كل من الرجل والمرأة ما في الآخر من ميزات وعيوب، وما يستطيع أن يتقبله كل منهما فيمن سيكون شريكه في الحياة حتى لا ينهدم البناء بعد الزواج، وتتشقق العلاقات وتتصدع الزوجية ويكون الانفصال بسلبياته النفسية والاجتماعية من نصيب الطرفين.

وحتى يحصل تمام التوافق النفسي والملائمة بين الرجل والمرأة بحيث يرضى كل منهما بالآخر ويتقبله شريكا له، أباحت الشريعة الإسلامية لكل منهما أن ينظر إلى الآخر قبل العقد، مع أن الأصل في نظر الرجل للمرأة الأجنبية محرم؛ ولكن حتى يتحقق القصد من استمرار الحياة الزوجية واستقرارها خرج الحكم عن ذلك الأصل؛ لأن النظر للمخطوبة قبل الزواج أدعى لدوام المحبة والألفة."

عاد ياحبيبتي انا فاهمه بالضبط قسدج

اعرف وحدة من اهلنا جميلة وذكية وشخصيتها حلوة وتزوجت واحد من اهلنا متييين وفقيروه ماعنده شخصيه وبالزور تخرج واستغفر الله بس ثقيل دم واهما كلش كلش ما يناسبون بعض والبنت كلش مب متقبلته وااااضح من شكلهم مع بعض وهذهما كلا مشاكل مع ان زوجها يصلي لا وكل فرض بوقته

انتي غلطانه انج رضيتي بهل زواج لا والطامه الكبري ما يصلي والي يترك الصلاة 40 يوم يعني كافر حتي معاشرتج معاه حرام وعيالج منه يصيرون عيال زنا










عموما انا ما ابي اعكظ عليح

الحين الفاس خلاص طاح في الراس واللي صار صار

حل مشكلتج ما بتلاقينه في المنتدي

عن أبي عباس عبد الله بن عباس رضي الله عنهما قال : كنت خلف النبي صلى الله عليه وسلم يومًا فقال ( يا غلام إني أعلمك كلمات : احفظ الله يحفظك , احفظ الله تجده تجاهك , , وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام , وجفت الصحف)

انتي استعيني بالله
وقولي اللهم اجعل لي من كل ضيق مخرج






وايد تحمست لموضوعج لان ضرب لي ع وتر خساس

 

[Hello_kitty]

رجعت اقرا الردود استنجت شغله حيل واضحه عفوا بس وايد شايفه نفسج عليه وماخذه مقلب بعمرج على شنو؟

كل ردودج انا مثقفه انه استاهل احسن منه انه ما بيه مااغار عليه وشنو كلمه ادششه !!هذا ريلج وتاج راسج مو ياهل ولا معتوه عندج تتكلمين عنه بهالطريقه? وليش كل هذا تحقرين وتقللين من قيمته وشايفه نفسج عليه. وقاسيه
وناشفه وماكو رحمه ليش عشان طيب وشاريج على نيته ومالوثته هالدنيا الوصخه وبسيط ونقي ويطالع خاطرج
ومومخلي عليج قاصر دستي فوق راسه وشكبج من طريقه كلامج موريته الويل واهو متحمل وبالع مر وظيم وقهر
مسكين عشان يحبج وانتي معتبره هالشي ضعف للاسف
اهو يزيد حب وطيب وانتي تزيدين معاه حقاره وقسوه على يوم بيمل صبره اتقي شر الحليم اذا غضب والله اذا كرهج
الدنيا كلها ما تشفعلج عنده ساعتها بتبجين بدال الدموع دم وتتحسفين على انسان كل ذنبه ان طيب تزوجج وعزج ورزج وحبج من قلبه وعطاج من روحه وما بخل عليج بشي لكن للاسف الطيب مع الردي خساره!!وان انت اكرمت اللئيم تمردا
نصيحه لا تدخلينه دورات وتجرحينه انتي عدلي بعمرج وتفكيرج ونزلي من برجج العاجي يا تسنعين معاه وتصيرين بنت ناس شاريه ريلها وصاينته وتحترمه وتقدره حتي لو ما حبته او انج تخلين الريال عتقيه من سجن الذل اللي معيشته فيه شوفي ردود البناات وبتعرفين الف بنت تتمنى ظفره واهو يستاهل الاحسن زوجه طيبه حنونه يبين يعينها طيبه وتخلي بعيونها مو وحده اللهم ياكافي قسوه واهانات وتجريح عشان حضرتها تبي دكتور مثقف ولا مو عاجبها جنز مع فنيله
يوم ان انتي مثقفه وفلته زمانج جان ماخذيتي الادكتور نابغه داهيه يرضي غرورج ريال يشبعج اهانات وتجريح وقسوه وشك ويوريج العين الحمرا ويدقرج وما يسمعج ولا داري عنج رضيتي زعلتي بجيتي متي. هذا الريال اللي تتمنينه وبيشبع عواطفج الجياشه

ردي كان قاسي بس مو اقسى من معاملتج حق ريلج والله رحمته وابي تصحين وتقعدين من احلامج الثقافيه شوي*

 

[Kamla:)]

بعد عمري بنااات والله ردودكم تريح طيبه تصدقين انا شفته بالخطبه حسيت شعور مادري شلون
امي وابري حبوه انا قلت لهم مادري مومتأكده بس للاسف كلشي صار بسرعه وملجت وطلعت معاه والله ابحي
موقادره اتحمله اقولهم محد طاع كلامي وكلهم لا صبري وليلحين ماعرفتيه واهم حيل متحمسين له شي موطبيعي
يبونه اوكي تزوجته الحين وموعاجبني شقولهم بس خلاص انا قلت لكم قبل ! المهم انا بصراحه مابي الطلاق ولا ابيع
مادري شنو ابي نفسيتي تعبانه
ادري بنات قالولي انتي تحرينا بس انا اقول منيزاته مابي اقولهم بس عن عيوبه انا قلت مساوءه وايجابياته دليل اني حتى مابي اظلمه

 

[القطه توتو]

اسال الله العظيم رب العرش العظيم ان ينزل حب زوجك في قلبك ويجعلك غلى من ترى عينيه

 

[نور الكوثر]

الحب عمره ماتكون باول يوم واول شهر مع العشره راح تموتين فيه وكل عيوبه تصير عسل

 

[يؤ !!]

حاسه فيك ياقلبي
تاكدي طالما مافي قلبك احد
راح تحبين زوجك بيوم من الايام

 

[Kamla:)]

هلو كيتي
انا لما اقول مثقفه فعلا انا مثقفه وجميله ومتفتحه وشايفه الدنيا لما اقولج عن الاساتذه والدكتاره والكتاب شكثر ادش دورات فيها نقاش بين الجنسين شفت وايد شباب متفتحين وشايفين الحياة واخلاق عاليه ويصلون ملمين بجميع مجالات الحياة خطبني زوجي وانا ماعرفه !
توقعت بيكون مثل ما اتمنى للاسف اتكلم عن الديره يقول انا شكو اتكلم عن السياسه يرد شعلي اتكلم عن شغله شلون الدوام يرد زين لعبت جنجفه! نرفزني حيييل
ماكو حوار بالعكس انا ملمه بكل المجالات سوالفي تينن ماني ماخذه مقلب بنفسي بس اتوقع اني كليت مقلب بهالزواج

 

[Kamla:)]

مشكورين للي ردو واللي دعو لي

 

[عونك يارب]

Hello_kitty< كفو والله ..
والله مادري شرد عليج
يالغاليه الريال شاريج ومو مقصر معاج
ولا متحكم بشي ، مخليج ع راحتج ، فحرام عليج مثل مايهديج هدايا اهديه
والله في بنات ريايلهم ماتدري عنهم ، وفي بنات اهلهم مايشوفونهم بسسسبة ريايلهم .
نصيحه : حآفظي ع زوجج واهتمي فيه ومع الايام بتحبينه ، وع فكرة بنات الحرام وايد مع احترامي .
موفقه يالغلا ..

 

[سكوتي بذوقي]

مايصلي بإمكانك انتي تغيرينه

تنصحينه دايم وتقولين له الصلاة عامود الدين

وتذكرينه بالآخره وعذاب القبر انتي زوجته مافيها شي لو نصحتيه

راح يعرف إنك تهتمين فيه وراح يظن إنك تحبينه وتخافين عليه عكس اللي تحسينه بقلبك

من كلامك عنه إنه طيب ومو مقصر بشي

احمدي ربك على النعمه اللي انتي فيها

شوفي غيرك اللي زوجها يضربها واللي بخيل واللي يخونها

صدقيني لو خانك راح تجين وتشتكين تقولين سويت كل شي يرضيه وخاني

عجبي بس اللي مريحها زوجها ماتبيه واللي يذلها تحبه وتموت فيه

الله يهديكِ ياختي

 

[foshia girl]

حبيبتي تذكري ان النعمه زواله وان دوام الحال من المحال
والله باجر ادور عليج دنياج و باجر راح تندمين على كل اللي قاعده تسوينه
والله ان في بنااات يتمنون ظفر ريال حمدي ربج وديريبالج على زوجج وبيتج
باجر لي تطلقتي وخذيتي المثقف والفاهم على قولتج بيحسر فيج انا رفيجتي خذت مثقف والله بهدلها اربع وعشرين ساعه ينتقدها وداهيه وذكي ومحسر فيهااا كاهي الحين وعليه عليها مطلقه تقول ياليتني ماخذيت جذي
زوجج دامه طيب وعلى نياته كسبيه خليه بصفج احترميه وعززي ثقته بنفسه وطلعوا وسافروا وغيروا جوو ريلج على ماعودتيه انتي شكليه وعوديه يمكن اهو مسكين متربي من زمان على جذي غيري ريلج مايخالف دامه يحبج ويسمع كلامج
والله لو تشوفين البنات اللي ليحين ماتزوجوا وجميلات ومثقفات اللي مدرسات واللي محاميااات وكاهم وعليه مقططين في بيوت اهاليهم ماكو ريايل يتمنون ينستروون وانتي حضرتج عندج ريال ذهب وشاريج ويتمنى رضاج وموحامده ربج وشاكرته

وبالنهاية الله يوفقج حبيبتي

 

[Beauty is Me]

ولد عايلة

500 بالشهر


محترم

خوش واحد


مغرقج هدايا


امممممممم


مو قادرة تحبينه



امممممممم



سبحان الله المحبة من الله

وترا انا مصدقتج


خنفرض العكس

واحد مغصوب زوجوه وحده بمواصفات ريلج
وهمن ما يبيها

طبعا راح نصدددق


لان مجتمعنا جذي تفكيره


قعدي قعدة جدية مع نفسج


نصحيه يصلي ناقشيه ليش ما يصلي


حاولي تحبينه مو غصب لااااااااا

بس شلون اشرح لج

يعني قدري احترامه لج

قدري انه ذكرج بهدية


قدري انه مقدر شعورج

وترا الريال يعرف اذا مرته تجامل او لا


هاذي حياه يبيلها اخذ وعطا

مع الوقت خوفج يتغير عليج

حطي روحج مكانه

خل اقولج شغله

اغلبنا اول الزواج مو متعودين علا ازواجنا
لان شي يديد

شخص يديد

طبع يديد

بس شوي شوي

مع المواقف تقدرينه

بعديين تشتاقيله


تفقدينه


تحبينه


يصير جزء ما يتجزأ منج

يمكن الوضع يديد عليج

يبيلج وقت علا ما تستوعبين انج متزوجه

بس همن لازم تساعدين عمرج

وانتي ادرى بمصلحتج

والله يحنن قلبج عليه

ويهديه لصلاته

وهذا اللي عندي حبوبة

 

[مجنونة حبه]

السلام عليكم

اول شي بنات هوبا هوبا شوي شوي عليها كليتوها اهي مو طالبه منكم شي الا نصيحه
كل الي قعد اقراه انتقادات عليها
الي يقول اهي غلطانه وغلط راكب فيها
والي تقول حمدي ربج خوش ريال خير اختي ليش خوش ريال بالاول خل يقظب سيادته ويصلي ولا هالشي صغير
شنو الفرق بين مسلم والكافر عبالكم شي صغير
والي تقول اتبادلين بريلي وين قاعدين احنا

لو مو اهي محتاجه جان ما كتبت مشكلتها اهني وطالبه نصيحه
علشان تسمع ردودكم الحلوه
اهي ترا ماقصرت ذكرت حسناته وسيئاته اهي محتاره ودها اتهده وتطلب الطلاق ودها تستمر معاه يعني متشتته
وما الومها
اول شي اهي بدايه زواج واستغربت ان مافي توافق ولا توارد الافكار بين شخصين
وثاني شي والاكبر انه مايصلي
بس شافت ان له مميزات الي تخليها تستمر معاه
ان مو نفس اغلب رياييل متشدد ولا مايعطي مصروف
او ان اهله مو ذاك الزود
بس مع هذا موقادره اتحبه

تدرين ليش حبوبه شلون اتحبينه واهو مايصلي مايخاف ربه
ادري مااتحسين بطمئنينه او راحه داخليه
لان سبحانك يارب الواحد اذا صله اتشوفون ويهه منور وصافي غير الي مايصلي تكرهين تتقربين منه
الله يهديه
والي يقول قوليله يصلي
ليش وين اهله
ولا اهي تزوجته علشان اتربيه وتعلمه صلاه

بس ماعليه حاولي فيه شوفي طرق الي اتخليه يصلي
قربيه احد من اهلج يخاف الله ويشجعه عالصلاه مثلا اخوج ولا اي احد

بالنسبه حق اسلوبه بالكلام
ممم هذي يبيلها طوله بال
يمكن مو متعود او مايعرف يتكلم مع بنت ولا مرا
يبيلها وقت
بس تقدرين انتي اتباشرين وتبدين فيها سولفي
طلعي سوالف لا تنطرين منه
بالبدايه لاتعتبرينه كزوج تعنبريه كصديق يديد تتعرفين عليه نفس شلون تسولفين مع رفيجاتج شذي
وبعدها بتلاقين انج تتقربين منه
بس بالبدايه حاولي اتخلينه يصلي
كلميه ولا شوفي اي احد موثوق يساعدج بهالشي

وموفقه

وبنات بلييييز بسكم انتقادات الي ايده بالماي مو نفس ايده بالنار
لا كل واحد يطالع موضوع بمنظوره ولا يقارن بين حياته وحياه صاحب المشكله

 

[مجنونة حبه]

امبيه بنات اشغيكم قمتوا عليها


قول الرسول - صلى الله عليه وسلم -: ((انظر إليها فإنه أحرى أن يؤدم بينكما)) إشارة إلى التوافق النفسي بين الطرفين، معنى يؤدم بينكما: أن يتفقا وأن تتآلف قلوبهما، أي: أجدر أن يدوم الوفاق بينكما.

"التوافق النفسي بين الخطيبين:

إن التوافق هو أساس في استمرار الحياة الزوجية وسبب في نجاح الزواج ودوام الألفة، وتعتبر الرؤية هي المفتاح الأول لذلك التوافق، ولها الدور السحري الفعال في القناعة ونحن مطالبون بالأخذ بالأسباب، والرؤية الشرعية للخاطب تساعد على نجاح الزواج وفيها أخذ بأسباب النجاح.

إنما شرعت هذه الرؤية وهذا النظر ليجد كل من الرجل والمرأة ما في الآخر من ميزات وعيوب، وما يستطيع أن يتقبله كل منهما فيمن سيكون شريكه في الحياة حتى لا ينهدم البناء بعد الزواج، وتتشقق العلاقات وتتصدع الزوجية ويكون الانفصال بسلبياته النفسية والاجتماعية من نصيب الطرفين.

وحتى يحصل تمام التوافق النفسي والملائمة بين الرجل والمرأة بحيث يرضى كل منهما بالآخر ويتقبله شريكا له، أباحت الشريعة الإسلامية لكل منهما أن ينظر إلى الآخر قبل العقد، مع أن الأصل في نظر الرجل للمرأة الأجنبية محرم؛ ولكن حتى يتحقق القصد من استمرار الحياة الزوجية واستقرارها خرج الحكم عن ذلك الأصل؛ لأن النظر للمخطوبة قبل الزواج أدعى لدوام المحبة والألفة."

عاد ياحبيبتي انا فاهمه بالضبط قسدج

اعرف وحدة من اهلنا جميلة وذكية وشخصيتها حلوة وتزوجت واحد من اهلنا متييين وفقيروه ماعنده شخصيه وبالزور تخرج واستغفر الله بس ثقيل دم واهما كلش كلش ما يناسبون بعض والبنت كلش مب متقبلته وااااضح من شكلهم مع بعض وهذهما كلا مشاكل مع ان زوجها يصلي لا وكل فرض بوقته

انتي غلطانه انج رضيتي بهل زواج لا والطامه الكبري ما يصلي والي يترك الصلاة 40 يوم يعني كافر حتي معاشرتج معاه حرام وعيالج منه يصيرون عيال زنا










عموما انا ما ابي اعكظ عليح

الحين الفاس خلاص طاح في الراس واللي صار صار

حل مشكلتج ما بتلاقينه في المنتدي

عن أبي عباس عبد الله بن عباس رضي الله عنهما قال : كنت خلف النبي صلى الله عليه وسلم يومًا فقال ( يا غلام إني أعلمك كلمات : احفظ الله يحفظك , احفظ الله تجده تجاهك , , وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام , وجفت الصحف)

انتي استعيني بالله
وقولي اللهم اجعل لي من كل ضيق مخرج






وايد تحمست لموضوعج لان ضرب لي ع وتر خساس

ماشالله على ردج :eh_s(15):
الله يحفظج ويخليج حق اهلج وعيالج

 

[* بنت المطر *]

بقلبج احد ثاني موقادره تنسنه ؟؟؟؟؟؟؟

 

[دلع العتبان]

اذا على الصلاه هذا عذر منج تبين عيب وصحيح هذا عيب بس واضح تتعذرين فيه لانج مومتقبلته حياتي انصحيه وجامليه بالكلمه الحلوه تشوفينه بعد الله والدعاء يتغير ميه وثمانين درجه

وليه ماتحبينه فيه عيب خلقي او شكلي ؟

او انج من الاول ليش ماخذته اذا ماتبينه ماكو شي اسمه غصب حياتي بهزمن والله يهديج بس ماعندي كلام صراحه

وانتي عاقله وتوزنين الامور

 

[aldanaha]

انتي ماتستهالينه تبين واحد يلعبج وياج ويقص عليج وبخيل تصيرين خوش بنت
وماتعرف قديري ليما تجرب غيري

 

[q8dvd2000]

صدقيني اختي والله حاسه فيج ياقلبي وحاسه بشعووورج بالضبططط

مو شرط لانه يحبج ويموت فيج وزين وراتبه ومركزه زين تحبينه
الارواح جنود مجنده ماتوافق منها ااتلف وماتنافر منها اختلف

والحب من الله سبحان الله

اللي يقولون ياما بنات ازواجهم يشربون والا يخونون وصابرين عليهم , مهو يمكن اهي تحب هاللي يخون وهاللي يشرب علشان جذي مضطره تصبر عليه ,,, اعرف وحده زوجها زفت بزفت حشاج لا شكل لا اسلوب بخيل وكله يعاااايرها بشكلها وفوق هذا يخووونها وتخيلي اذا بيعاقبها يحرمها من الجنس !!!!!!!! نقول لها شمصبرج عليه ؟؟!!! تقووول احبه

شفتي شلون ؟؟

الوحده لي حبت بتحب كل شي بزوجها بتحب حتى عيووووبه !!
تخيلي اعرف وحده تزوجت زوجها مكرش ووعنده ريحه بحلجه بس مووايد قويه بس المهم فيه ريحه وتقول اول الزواج ماحبيته كشكل يعني اطالع كرشه واقووول ويع ولما يبوسني اشم ريحة حلجه واقوول ويع

بس سبحان الله بعد جذي شهر من الزواج الله زرع محبته بقلبها تتخيلي تقول قمت اضايق اذا قالي بسوى رجيم تخاااف يضعف ويصير حلو ويخطفونه البنات لوووول وتقول اوكي للحين فيه ريحه بس عادي اقدر اتحمله


باختصاااار الحب من الله .. والمركز والمعاش القوي ماراح يخلي الوحده تحب زوجها وتستانس اذا شافته والا كلمها وتشتاقله لي غاااب
لالازم يكون في حب ياربي

لو الحب بالكيف جان محد تعب بالدنيا