ما احب ريلي :'(

[ملح على الجرح]

عادي قولي لا. أهلك. أنا ما أحبه وودي أتطلق ووبعد ما يصلي وأذا رفضو قولي ما أحبه شنو أسوي ما أبي أظلمه معاي

 

[Kamla:)]

بستخير وادعي ربي لاني جد تعبانه مفسيا بس ابجي صارلي شهر على هالحاله
وان شالله اتطلق

 

[ملح على الجرح]

الله يفرجها عليك وييسر أمرك ويكتب لك اللي فيه الخير يارب

 

[بنت المها]

دام كل هالمميزات بريلج حرام تفرطين فيه ! انا بعد لما تزوجت ماكنت احب ريلي بس حاولت احبه ليين حبيته وتعلقت فيه ! حاولي وبتحبينه
الله يخليه لج و يحببكم ببعض

 

[Kamla:)]

بنات بقولكم شي فيه فرق بين مو متقبلته وتكرهينه وبين انج عادي احساسج ماتحبينه بس بنفس الوقت ماتكرهينه

 

[يارب احفظ عيالي]

الله يهديج مرده بيمل وبيدور الحب برع البيت

 

[EleGanZa]

الله يهديج بس

انتي بيدج تغيرينه وتخلينه يصلي دام تقولين مايردلج طلب

الله يسخركم لبعض ...

 

[بنوتة لابشة فشتان منفوش]

ياربي ناس بطرانه حمدي ربج
كله مميزات مدلعج وولد عايلة وطلباتج اوامر
شتبين بعد

مساكين هاللي رياييلهم بخلا ولا عندهم سوالف وخرابيط
ولا من مصايب الدنيا ومتحملين

ولا هالفقاره مثلي معنسين يبون ريحة معرس بس ريحة
مو حاصل لنا

وانتي الخير بين ايدينج اللهم لا حسد وما تبينه

 

[* ياعين أبوووي*]

مااااااااااااقصروا البنات

 

[فديـــتك]

الله يسخركم حق بعض يارب

 

[[كـالا]]

الله ما حلل الطلاق الا لأنه حل

وشخصياً .. اشوف عيوب ريلج مو هينة .. الوحدة تبي شريك حياة .. مو زوج بالاسم

انا اقول اذا ان شالله ولدتي بالسلامة قعدي معاه فترة ماتزيد عن سنة

ولا تحملين مرة ثانية

واذا ماحسيتي بتقبل او بتطور في مشاعرج .. افترقو بالمعروف

بس بشرط تكونين متقبلة تكونين مطلقة والنظرة المتخلفة للمجتمع

حدي تعاطفت معاج ... الله يوفقج ان شالله ويفتحها عليج

 

[[كـالا]]

عفوا انا قصدي ماتقل عن سنة

لان اول ستة شهور من بعد ماينولد الياهل راح تكرهين كل شي من اللوية ^_^

وماتدرين يمكن مع هالياهل ريلج راح ينضج شوي ويصير فيه قابلية ان تتطور شخصية

 

[Kamla:)]

كالا حياتي انا هذا اللي مقرره اسويه ان شالله وبحاول ادعي ربي واشوف اللي يناسبني

وربي يكتب اللي فيه الخير
تخيلو انا زعلانه عليه يومين بس عشان سالفه سخيفه قاعده اتناقش بموضوع اقوله تأكد ولا تتهم احد يقولي ماكو غيرها اهي اللي خذت فلوسي
اقوله تأكد انته قاعد تتهم انسانه امينه وما تطلع منها العيبه تأكد وبعدين اتهم عصب علي يصرخ يقولي باي ويسده بويهي
شفتو انا اقوله انته تاكد بس تاكد تكون متوتر فما تشوف عدل ولا من السرعه ويتهم وحده تعطيه فلوس ماتاخذ
لما تاكد واهو الغلطان قام يدقق وانا اسده بويهه لما نص الليل رديت ويكلمني انا غلطان انتي صح وانا بس اي اي ويرد احبج اقوله يزاك الله خير انقهر وسده
امس يدق واقوله باكل قالي دقي بعد ماتخلصين مادقيت الا بعد ما فريت السوق فر قالي تو الناس قلتله اي قعدت افتر بالسوق
وبس ماعنده غير شلونج وانا اقول الحمدلله وشخبارج واقول الحمدلله واحبج اقوله انزين ويرد شلونج قلتله جم مره تقول شلونج يالله انا تعبانه
مايعرف يسولف واليوم يدزز احبج واموت فيج ورديت عليه عادي
يقولي جذبي على اختج قلتله انا ماجذب بس تمويه قلتله الجذب حرام انا واختي نتفاهم مالك شغل يرد صح

 

[فينوس]

لو انا منج احط البلي ستيشن والعب معاه

يعنى القصد ن هالشي انه انتى اهتمى اول باهتماماته كلها وشاركيه اجوائه

بعدين ابدي تشاركينه اهتماماتج وتعودينه عليج

خليه بدل ما يباري ربعه خليه يتبارى وياج وفوزى عليه ويفوز عليج واخذيها فرصه تصفقين وتضحكين معاه واحضنيه وشجعيه

هو جذى بيموت عليج وبيصير مايعرف يلعب من غيرج

وصدقي اشوى اشوي تتغير الامور

وادعي وغمضى عيونج وفكري انه الدنيا كلها بس اهو وان مالج غيره

والله يهديكم لبعض

 

[بنت.المطيري]

انا لما اقوله صل يصلي ذيك اليوم قهرني جان اقوله ماصليت اليوم كله وزفيته
كانت صلاة العشا قلتله يالله جدامي صل كل الصلوات صلاهم من الفير لي العشا
بس انا كارهته بس جذي ادري اهو زين ومافيه شي وشي ثاني بنات ويع حياتي سخيفه معاه
ممله حتى سفرتي معاه ما استانست معنه والله بنات شرالي كل اللي بخاطري ماخليت ولا شي
مرات احسه انسان ولا شي ماله هدف ولا مستقبل ولا شي يحب يقعد عالبلاي ستيشن يلعب العاب سخيفه
يقعد 3 او 4 ساعات او حتى 6 ساعات وحتى ديوانيات مايروح بنات سامحوني عالكلمه بس احسه مو ريال
يومه يادوام يابلاي ستيشن ياهل حده ولايعرف يسولف ولا يتكلم واكره اتكلم معاه لاني اتكلم مع روحي
ويع ويع بنات موعاجبني لا الوضع ولا العيشه اللي انا عايشتها

هههههههه يمه ضحكتيني تهقين انا احب ريلي ومتولعه فيه لانه حارمني؟؟
سافرت معاه اوربا بس والله ماخلاني اشتري ولااااشي بخاطري مع انه يموت فيني وياكثر مانتهاوش على اتفه الاسباب
بس الظاهر من شاف حالج وحالي يعرف ان القطو مايحب الا خناقه! !!

 

[فينوس]

ترى 22 سنه صغيير

يعنى سالي اى ريال بالثلاثين شوفي شيقولج شنو يعنى 22 سنه يهالووو

والي مثل ريلج بس يوصل لعمر 27 يتغغير ويكبر ويصير بكل شي غير

انا ادرى انج بهالسن تبين واحد يعيشج احلامج وانوثتج بس هذا قدرج انطري ليمن تولدين راح تتغير نظرتج للدنيا

انتى بتغيرين وبتكبرين راح تشوفين هالطفل مايستاهل يعيش ممن غير ابوه او امه

فيمكن يكون تغيير وصالح لج

استخيري وطالعي هالطفل بقلبج وعينج

 

[بنت.المطيري]

كالا حياتي انا هذا اللي مقرره اسويه ان شالله وبحاول ادعي ربي واشوف اللي يناسبني

وربي يكتب اللي فيه الخير
تخيلو انا زعلانه عليه يومين بس عشان سالفه سخيفه قاعده اتناقش بموضوع اقوله تأكد ولا تتهم احد يقولي ماكو غيرها اهي اللي خذت فلوسي
اقوله تأكد انته قاعد تتهم انسانه امينه وما تطلع منها العيبه تأكد وبعدين اتهم عصب علي يصرخ يقولي باي ويسده بويهي
شفتو انا اقوله انته تاكد بس تاكد تكون متوتر فما تشوف عدل ولا من السرعه ويتهم وحده تعطيه فلوس ماتاخذ
لما تاكد واهو الغلطان قام يدقق وانا اسده بويهه لما نص الليل رديت ويكلمني انا غلطان انتي صح وانا بس اي اي ويرد احبج اقوله يزاك الله خير انقهر وسده
امس يدق واقوله باكل قالي دقي بعد ماتخلصين مادقيت الا بعد ما فريت السوق فر قالي تو الناس قلتله اي قعدت افتر بالسوق
وبس ماعنده غير شلونج وانا اقول الحمدلله وشخبارج واقول الحمدلله واحبج اقوله انزين ويرد شلونج قلتله جم مره تقول شلونج يالله انا تعبانه
مايعرف يسولف واليوم يدزز احبج واموت فيج ورديت عليه عادي
يقولي جذبي على اختج قلتله انا ماجذب بس تمويه قلتله الجذب حرام انا واختي نتفاهم مالك شغل يرد صح

تدرين هذا لو تحبينه بتعيشين اسعد انسانه بالدنيا ؟
انتي بس عطيه فرصه وحبيه راح تلقين كل سوالفكم لها معنا وراح تلقين السوالف تطلع تلقائي بس قبل لاتحبينه اعتبريه صديق اخذيه علا قد عقله سولفي معاه لعبي معاه اسئليه انصحيه شجعيه يروح الدواوين شجعيه وقثزيدي ثقته بنفسه انتي تقدرين تصنعين منه احسن ريال بالدنيا وراء كل رجل عظيم امرأة تذكري هالشي وتعوذي من ابليس
والله حرام تسوين فيه جذي وبنفسج بعد لان فرصه لج والله انصحج مثل اختي

 

[laymona]

اكيد انتي مو عارفه ليش كارهته ؟؟

و واجب تره تصارحينه بصلاته و يحقلج تحتجين بشي واحد انه ما يصلي

ولا ما شاء الله تقولين مو مخلي عليج قاصر شتبين بعد

 

[7oor kuwait]

البنات كفو ووفو واختصروا كل الي بقيت اقوله,لكن حطي ببالج شغله,لما يشوف غيرج بتحسين بقيمته وتتعلمين

 

[أميرة الحور]

قريت مشكلتج من أول صفحة لآخر صفحة
في الأول تفاجأت بهالكرم والحب والحرية
بس الصفحات الأخيرة حسيت إنه طفل وتمنيت إنج تقولين عمر صغير علشان أحس إنه فيه أمل يتغير
مو علشان ما تتطلقين علشان حز بخاطري رجال بهالعقلية متى راح يتعلم وشلون ؟؟؟
ما انخلقنا عبث حنا
اسئلة وايد دارت براسي
أولها : ليش شخصيته جذي ؟؟؟ شلون ربته أمه ؟؟؟ انتي تقولين امه وخواته ناس راقين

بس لما قلتي عمره حسيت إنه يحتاج تعليم وتربية

شوفي ياعزيزتي :
انتي ماشاء الله عليج عندج ثقافة عندج شخصية عندج طموح بس ينقصج شي
للحين عمرج صغير وماعندج النضج الكافي في فهم الحياة ولا عندج العمق الكافي
من جانب احسج كبيرة وواعية ومن جانب ثاني احسج صغيرة
لازم تكونين عميقة في فهم جوانب حياتج ككل مو بس تركزين على نقطة وحدة او جانب الزوج وبس
زوجج يحبج يحب رضاج ويمكن يخاف يفقدج
استغلي هالنقطة ولما تزعلين خلي زعلج واضح ومحدد وصارم
وضحي له إنج تفكرين بالطلاق والسبب : مع ان اهم سبب هو الصلاة بس ما يصلح يصلي علشانج

نروح للأسباب اللي في شخصيته :
بس تلعب بلاي ستيشن ماجنك رجال
قولي يا أنا يا البلاي ستيشن في بيتي
الثاني : ألفاظك الخايسة ان سمعتها بروح لبيت اهلي ويمكن ما ارجع ( بعطيك فرصة مرة مرتين ثلاث بعدها لا تتصل علي ابد )
الثالث :توجب اهلك واهلي وتوجب الناس ونفس الشي واحد ثنين ثلاثة وبعدها انساني
الرابع :تحضر محاضرات دينية بالمسجد وأي دورة أقولك عنها تحضرها معاي

بعدين اذا شفتيه ما ينتبه لكلامج صارخي نكدي عليه لحد ما يشوف اواسفهيه خليه يطلع من طوره
وقولي ماني رادة عليك وهدديه قولي اذا ماغيرت شخصيتك ماراح تلاقي وحدة ترضى فيك وانا يمكن اتطلق منك
روح عاد خل اللعب والهبل اللي انت فيه ينفعك ودور لك وحدة موصاحية تاخذك وتلعب معاك بلاي ستيشن وانا راح اساعدك واجيب لك وحدة بهالمواصفات مثلك تعجبك خليه ينصدم من كلامج ويفكر فيه
بسقبل هذا جربي هالحلول :
وتعالي له على يوم وقولي له يا فلان انا لقيت وحدة كله تلعب لعبات اونلاين وكل انواع الألعاب عندها وجايبة مركز في لعبة اونلاين شرايك اذا سبها وانتقدها قولي ليش تسبها عادي تحب تلعب مثل ما أنت تحب تلعب .. أتوقع بيقولج هذي بنت عيب تسوي جذي ... قولي لا هي خلت الاون لاين لأن زوجها تضايق
صارت بس تلعب مع صديقاتها وقريباتها قولي شرايك فيها تونس صح ؟؟؟
وانا أأكد لج راح يقول عنها خبلة ...قولي يعني انت شايف إن عقلها صغير ؟؟؟ وخليه يجاوب وعلى أساس جوابه فكري شنو تردين عليه
وكل عيب فيه عطي أمثلة لناس فيهم نفس العيب وخليه يحكم عليهم

ادري بتلوع جبدج وبتحسين بالإحباط بس هذا قدرج ولازم تمشين خطوة خطوة لحد ما يستوعب

وطبعا لا تنسين صلاةالليل والدعاء ان ربي يغيره ويحببج فيه