*تجمـع سبعينيـات نبي نوصل الستينيات لـي بدايـة عطـلة الربيـع .. ( حيـاكم شـاركونـي )*

[العذبة]

مرحباً بنات انا معاكم و متابعتكم من بداية التجمع
وصراحة عجبني ماشالله تبارك الله رجيم روعة الخيال

يا ريت تعطينا تفاصيل اكثر ؟؟؟
أشلون توزعين أكلج؟
أشلون تحسبين السعرات ؟؟؟
تلعبين رياضة؟؟
محتاجون نصايحج
والله يتمم علوج بالصحة و العافية

 

[العذبة]

الله يتمم عليج بالصحة والعافية - تعديل

 

[العذبة]

راح ابتدي معاكم من بكرة رجيم السعرات

رجاء للاخت دبة موت تضيفني للجدول
البيانات
الاسم : العذبة
الطول : ١٧٠
الوزن :٧٩

 

[دبه موت]

أبشري من عيوني العذبه

 

[العذبة]

تسلمين حبيبتي دبدوبة



المفروض تغييرين اسمج الى

رشيقة مووووت : )

 

[دبه موت]

يسلمك ربي لمغليك قلبوو :eh_s(22):
الله يسمع منك عاد لين اصير رشيقه مووت :eh_s(15):

 

[العذبة]

ماشالله تبارك الله قريتي من الهدف : )))))


شدي حيلج ما بقى شي على عطلة الربيع وعلى تحقيق الهدف


الله معاج

 

[دبه موت]

ماشالله تبارك الله قريتي من الهدف : )))))


شدي حيلج ما بقى شي على عطلة الربيع وعلى تحقيق الهدف


الله معاج

ايه ان شاء الله
وأنا أبي أوصل الخمسينات قبل عيد ميلادي بس أكيد بوصل بأذن لله
ومعك ياقلبي:eh_s(7):

 

[Orangiya]

صبااح الخيرات ..


دبة حبيبتي في غلطة عندج ... تسجيلي الاخير لوزني 75.4 ..... بليز مسحي ال 76 خليني اتشجع لووول .

وممكن سؤال ..... ^_^ ...
ماشالله كنتي فوق ال 100 والحين بالسبعينات ... اكيد معاج ترهل شنيع والا كله انشد ??
وشلون ناوية تشدين الترهل اللي معاج ?? ...

لان انا عندي ترهل بالبطن بعد ولادتين .. فاحتاج اشد اشد اشددد عدل الحين .. =_= .

تسجيلي امس ...

ريوق .. حليب قليل الدسم .. كلوقز ريدبيري بار واحد .
الغدا ... شابورة ... وعصير برتقال ... كنت مشغوولة حيل ومو يوعانة وماعندي وقت اتغدى ..
العشا .. شوربة طاسة وحدة .. عصير اناناس

انا اذا كان مخي مشغووول مستحيل ايوع .. والحمدلله هالشي يساعد في انزال وزني لووول ..

 

[العذبة]

صباح الخييييييييير


اليوم اول يوم لي مع تجمعكم الحلوووو 29 نوفمبر 2011
الفطور شابورة أمريكانا دايت 122 سعرة
مع شاي احمر بسكر تروبيكانا زيرو كاليري



الغداء و العشاء راح اكتبهم لكم بالليل ،،، ان شاء الله بحاول ما اتعدى ال 800 سعرة


يالله يا بنات شجعوني محتاجة لكم و لتتشجيعكم ))))))

و الله يوفق الجميع و الكل يضعف بصحة و عافية ونشاط

 

[Orangiya]

حيااج اختي العذبة .. اخيرا لقيت وحدة قريبة من طولي هههههه ..
يلا شدي الهمة و خلينا نتسابق و نشوف اي وزن نقدر نوصل بعطلة الربيع بعزيمتنا ..

 

[العذبة]

هلا حبيبتي اورنجية

يالله الهمة الهمة

شنو نظامك حالياً ؟ شكلج بس تخفيف

 

[أم بدير]

امس تريقت نسكافيه
الظهر شربت كابوتشينو
الغدا نسكافيه

العشا نسكافيه

طبعا ماتغديت ولاتعشيت
بس هببت شوي
مو شوي شوي
وايد شوي
شربت ميلك شيك
مو أي ميلك شيك
ميلك شيك باسكن رووبنز
بقطع كاكاو ومكسرات
وصوص كاراميل
وكريمه
بس احمدالله ارادتي قويه:rerrerek:
طلبت الوسط مو العود

اعتقد فيه 3000 سعره حرارية

 

[لعيونك اصير مجنونك]

يومي أمسس

الريوق
2 توست +لبنه + زيتون + كوب جاي حليب

السناك
قطعة حلا + قهوه

الغدا مافييش رديت من الدوام نمت ع طول

قبل العشا
عصير كيوي واناناس

العشا
صحن صغير سلطه + 2م متبل + ربع قطعه همبرقر دجاج

 

[Orangiya]

العذبة ... نظامي السعرات الحراية .. بس اسجله في برنامج عندي بالتلفون .. انا احط شنو اكل وهو يحسب جم سعره باقيلي و شنو حصتي باليوم .واشكثر رياضة اسوي

اهم شي عندي الاكل الصحي .. ما احب الاخباز البيضا .. لازم توست اسمر وجذي .. فواكه خضار لازم وايد .. عصاير طبيعية او بدون سكر .. مقالي احاول اتجنب كثر ما اقدر بس اكل عادي .. غازيات لا ... عيش ابيض مسبب الكروش مانعة نفسي منه باستثناء قفشة ثنتين ثلاث بالاسبووع .. والمعجنات الفطاير طبعااا ابتعد عنها .. كرونيا لزانيا باشاميل غراامي .. بس اكل مقدار قفشة ثنتين ثلاث بسسسس ..

اذا يعت اكل مكسرات و فواكه و كوكيز دايت بدون سكر ... ومع الرياضة والنادي الحمدلله ماشي معاي جذي


ام بدييير لالااالااا مستحيييل !!! .. من صجج الميلك شيك 3000 سعرة !! لووول .. وجبة حق ثلاث اياااام .. باليوم الواحد المعدل الطبيعي الناس تاكل 1000 تقريبا . صراحة بدعتي ههه .. يبيلج رياضة لمدة 5 ساعات الحين عشان تحرقينه عدل هههه

 

[أم بدير]

اورنجيه والله مادري جم سعره في الميلك شيك
بس انتي لو بتشوفين
3 كور ايس كريم
وحده منهم كاكاو مع قطع كاكاو.. يعني مو بس ابس كريم.. مع قطع كاكاو
وثنتين منهم فانيلا بالكاراميل مع مكسرات وهم مو بس ايس كريم.. مع مكسرات وكاراميل
وحليب... كاااااامل الدسم
وصوص كاراميل ... الي اهو عباره عن سكر مذوبينه مع زبره
وطينتعا بكرييييييمه فوقهم

شرايج؟؟
تعتقدين 3000 سعره والا اكثر!!!

 

[العذبة]

ماشاء الله عليج اورنجية وايد حلو نظامج الله يتمم عليج يارب

انا تقريباً نفسج ما احب تخربط نشويات وايد

وأحاول كثر ما اقدر اخلي اكلي صحي

بس اذا ممكن شنو البرنامج خلني انزله في اي فوون؟؟

 

[Orangiya]

ام بدير . هههههههه والله لو نعرف بالضبط جم سعرة حرارية فيه جان طحنا غشيانين هههههه ..
ذكرتيني بالصيف كنت كل يوم ترك اكل ايس كريم البسكوت ككاو فانيليا .. يااويلي مصييبة بعد هذا بالسعرات .. وغير جم ككاو باليوم .. وغازيات .. وبشهر رمضان مقالي و قطايف بدددعت حدددي .. بشهر صعد وزني واايد .. الله لا يعيد ذيج الايام وان شالله استمر متحكمة بنفسي وسادة هالحلج ههههههه

خلاص حاولي تودعين كل هالاشياء اللي فيها سعرات اووفر .. قلنا ناكل كل شي بحدود .. بس عاد اللي مافيه امل نقطعه ههههههه ..

العذبة .. يلااا حبيبتي قرري نظام وامشي عليه و ابدي رياضة من اليوووم .. وان شالله نكون عالخط مع بعض ليما نوصل 65 عالاقل هههه..

اسم البرنامج calorific ... صورة تفاحة بالالوان الثلاثة اخضر اصفر احمر ..

 

[العذبة]

مشكورة اورنجية ؛))))) جزاج الله خير على هالردود والتشجيع


ان شاء اليوم راح أبدا مشي

 

[Laidy n3ooma]

دبه موووت بليييز خلي الجدوووول احلى عشان نعرف شكثر نزلنا وجذي ..

ورتبي الجدول على اساس اكثر وحده نزلت لين اقل وحده .. وبعد لو مثل الرابح الاكبر في خط احمررر حق اللي وزنهم ماتحرك .. عشان اتفشل وتستحي على ويهااا وتنزل اكثر خخخخخخ ...

وانا اشوف خلي الاوزان يوم الجمعه والسبت .. والاحد نزلي الجدول عشان محد يتعذر ان كان مشغوول وجذي

باركولي بنات واخيرا يوم الاحد بروح الجييييييم ان شاء الله التزم ..

امي بعد صراع وافقت لان كله تسجلني وتدفع واروح مره بالاسبوع ولا يومين ورا بعض واقول خلاص مابي هههههههه عاد الحين خلاااااص

اليوم اول ماقمت شربت شاي .. والغدا مسوين لحم بطريقه جاينيز فود كلته بدون عيششش طبعا .. وبــــس ..