تجمع للي تاخر عندها الحمل بعد الطفل الاول

[فتون777]

أنــا طولت بحملــي الاول سنه وبعدها حملت.. كانت فحوصاتنا سليييمه..ورحت لام محمد الرداده اللي بااشبيليه وكانت علي الدوره قالت لي رحمج صااااد شوووي ومرختني 3 ايام وكانت اخر دوره وحملت الحمدالله..وجبت ولدي قيصريه لان الرحم مافتح.. وبعدها اكلت حبوب مانع جنيرا لمدة4 شهور وقطيتهم من شهر 5 وسويت عزل لي شهر 7 وبعدها حاولت احمل بس ماصااار للحين<< أدري تو الناس بس منو يسكت زوجي>>والحمدالله دورتي منتظمه << وكنت بروح لام محمد تمرخني بس طلعت مساافره خيييره دورتين كنت ابي اروح لها بس الله ماكتب وان شاءالله ما اشوف الدوره الشهر الجاااي

ون الناس هاه بشرينا شسويتي

 

[مثايل الوفاء]

سلااام شخباركم بناات
الله يرزقكم ياارب ويفرحكم مثل مافرحني ياااارب

بناات بفيدكم بحاجه انااستخدمت خلطة ام لجين اكتبوا بقوقل وتطلع لكم
الحمدالله وماشاءالله تبارك الله ماشفت الدوره بعده وطلعت حامل

والحين تعبااانه والمشيمه ناازله عندي وعلي المثبتاات ادعولي بنااات
وباقي لي اسبوع واخلص الثالث وادش الرابع وياربي يرزقني بالولدالتام الخلق والخلقه يااارب

والله وياكم حبيت افيدكم بتجرربتي وهومجرداخذبالاسبااب والرزق بيد الله والنعم بالله

 

[شنوووفه]

شنوفه بعد عمري شلونك

وحشتوني انا رحت ابها بعد ماشاف زوجي نفسيتي

والحمدلله انا الحين كويسه

تخيلي كل الكلام الي قالتلي عليه الدكتوره طلع كذب ماعندي تكيس ولاهرمون الحمدلله

ماعندي سبب يمنع الحمل كذا من ربي

وشنو هالتطورات تلقيح صناعي وحركات ياشنوفه ليش ماتسوين مجهري وتخليهم تؤام

شفتي شلون انا صرت افتي من عندي اخذت العدوى من دكتورتي الكذابه ههههههههه

اهلا حياتي كنت اسال عنج :eh_s(7):

زين تسويين ياقلبي غيرتي جووو انا بعد ساافرت ورحت لبناان ياحلالاتها وياحلالات جوها والفال لج انشاءالله
هههههه شفتي اشلوون هيلي الدكاتره ماعندهم غير التخرررع واشلون عرفتي انه مافيج تكيس رحتي لدكتووره ثانيه ؟

لا ماهو تطورات ولا شي انا من كيفي بسوي تلقييح خخخخخخ ليلحين ماقلت حق دكتووري بس قالي يبي يسويلي اشعه الصبغه :eh_s(2): خفت يعور ولالا اهوه طمني قالي انه الطب تطور ومايعور

 

[شنوووفه]

مثاايل مبرووك حبيبتي وربي يتمم عليج والفال حق البنات وحقي :>

 

[فتون777]

مثايل مشكوره والله يتمم عليك
شنوفه حبيبتي رحت لدكتور رجل ف العياده ورجل في القبر ههههههههههه
قالي كل تحاليك سليمه اتوكلي على الله يابنتي
عموما اصلا انا فاقده الثقه فكل الدكاتره
وراضيه بلي ربي بيقسمه
تصدقين عاد
ماشاء الله اختي كان عرسي انا واهيا فيوم واحد والحين تبارك الرحمن عندها ولد وبنت والحين حامل
الله يسهل عليها
سبحان الله مادري ليش لمن شفتها حامل خفت اني احمل
الله يوفقك ويارب تحملين قريييب ولاتخافين حتى لوتعورتي راح يكون بسيط ان شاء الله
بس لو كان يعور موت كان لقيتي البنات منزلين مواضيع عوروني ولا اشعه الصبغه بهذلتني لحقو علي هههههههه
سهليها تسهل صعبيها تصعب
وبالاخير تكونين سويتي الي تقدرين عليه

 

[شنوووفه]

يااارب انشالله يرزقني ويرزققثج عله الاقل الحمدلله والشكر عندنا بيبي ربي يحفظه والفال حق الي ماعندهم كلش الله يرزقهم بالذريه الصالحه الحمدلله والشكر عله كل حااال

 

[حرم_الغلا]

اللــهـ يــرزقنـاا جميعــااا

 

[فتون777]

هلا والله حرم الغلا شنو جديدك

 

[شنوووفه]

مرحبا بنوتات اشلوونكم

فتوون لحقي علي :eh_s(16):اليوم سويت اشعه الصبغه يذبح وصار فيني هبوط وطحت عليهم ومسكين ريلي اخترع تندمت ليش ماخذيت بنج بس الحمدللله طلع اشعتي سليمه مافيني التصاقات ورحمي سليم بس العوار ليلحين وقام ينزل علي شويه دم والدكتوور قالي خلالاص كل تحاليلج سليمه مافيج شي لا انتي ولا ريلج واذا هالشهرين ماصار حمل تعاليلي
ادعووولي بنات احمل بدوون علاج مالي خلق العوار

 

[سيدة الذوق]

8
8
انتي نفسي سويتها وتعور ونزل مني دمي اااح

الله يعين يارب .. ويعوض تعبنا خير

 

[بدوية بملامح كشميرية 86]

ربي لاتدرني فردا وانت خير الوارثين

 

[@ام يوسف@]

الله يرزقكم يااارب عاجلا غير آجلا

 

[أم سيف وسلطان]

هلا حبيبتي
هذا الشهر اخذت كلوميد وابره تفجيريه و كل شي كان تمام

بس للاسف ماصار حمل

سويت فحص منزلي مرتين قبل الدوره وطلع سالب
إن شاء الله هاذي الدوره بسوي اشعة الصبغه

الله كريم

 

[شنوووفه]

ربي لاتذرني فردا وانت خير الواثرين

 

[فتون777]

شنوفه حياتي سلامتك وما تشوفين شر
تعورتي حسبي الله على الدكتور ليش ما قالك انها راح تعورك
حبيبتي تكبرين وتنسين
بس اهم شي ان كل شي شليم والحمدلله ربي يقول اسعى ياعبدي وانا اسعى معاك
يارب تحملين قريب
والله مقهوره من دكتورك ليش ماقال انها تعور شفتي معاي حق ما اثق فيهم ابدا
وله عين يقول لامايعور الطب تطور لو انا كان بعد ماخلص كان قلتله الطب تطور بس انت باقي ماتطورت

 

[فتون777]

سيده الذوق
الله يعوضك
وهلا فيك حبيبتي

ام يوسف جزاك الله خير

بدويه ستايل
الله يسهل علينا كلنا ونحمل يارب


ام سيف وسلطان
معليش حبيبتي صبري
هالامور يبيلها صبر
وانتي مثلي دايم استعجل واسوي التحليل
واعرف شعورك لمن تطلع النتيجه سلبيه
سوي اشعه الصبغه بس هاه خلي الدكتور يعطيك مسكن
شفتي شنوووفه شلون عذبها دكتورها
وماعليه حبيبتي اذا ماحملتي هالشهر يمكن ربي يكتبلك الحمل الشهر الي بعده واذا ماصار الحين صبري اهم شي انك ماتوقفين محاولات وخلك قويه
وصبري ان شالله تحملين في القريب العاجل
ولاتنسين خلك معانا وطمنينا عليك اول بأول

 

[فتون777]

بنات انا مدري شفيني متردده خايفه حزينه محبطه والله مادري
امس زوجي ناظر على ولدي وقالي خلاص الحين نبي اخ او اخت له
شدي حيلك
ضحكت وقلتله اخاف ينقطع
بس تضايقت شوي
انا راجعت والدكتوره قالت كل شي سليم والحمدلله
بس الدوره مادري ليش تجيني سبع ايام وتتركني يومين وترد تجي خمس او اربع ايام
على هالحال صارلي شهرين يعني دورتين
انا ما ابي اروح اي مستشفى
اقوله خلني بدري يقول لا لين تولدين يصير عمر ولدك سنتين تقريبا
الحين ولدي عمره عشر شهور واسبوعين
بس حبيت افضفض لكم
وينك بنات تعالو نسولف

 

[كـ غلا ــلي]

انا تاخري اكبر من التكيس والهرمون هذولي لهم حل وعلاج بس ريلي اللي مو لاقيه له حل للحيني

ما يقرب مني لشهور ولدي الاول غصب يبته عقب سنتين زواج وحنه والحين عمره سنه ونص

ولا صار شي عشان يصير حمل ما اقول الا حسبي الله عليه من خذيته ما حسيت اني زوجه الله ينتقم لي منه انشالله

 

[sweet78]

انا يبت ولد بقيصيريه وطولت بعده بسنه ونص وماكو حمل حملت بعد ولادتي بتسع أشهر بس حملت شهرين ومات البيبي بدون أي سبب

مت من مراجعة الخاص ماظل دكتور بالخاص ما عرفني الكل مادي ومايعرفون سبب تاخر الحمل عندي ..
رحت اليوم عند دكتوره غريسه عنان الكل يمدحها وايد مريحه وشكلها فاهمه وكبيره بالسن ونفسها حيل حلوه وسألتني عن كل شي
وحطت لي موعد علشان أسوي اشعة رحم بعد الدوره اليايه ..
عطوني آرائكم تكفون ...

ومشكورين يا أحلي منتدي .....:eh_s(17)::eh_s(17)::eh_s(17):

 

[فتون777]

انا تاخري اكبر من التكيس والهرمون هذولي لهم حل وعلاج بس ريلي اللي مو لاقيه له حل للحيني

ما يقرب مني لشهور ولدي الاول غصب يبته عقب سنتين زواج وحنه والحين عمره سنه ونص

ولا صار شي عشان يصير حمل ما اقول الا حسبي الله عليه من خذيته ما حسيت اني زوجه الله ينتقم لي منه انشالله

هلا شلونك
حبيبتي مادري شقولك
بس اذا انتي تبين تحملين شوفي يمكن زوجك مايقرب منك يمكن فيه شي خليه يروح لدكتور
غريب والله شهور مايقرب اكيد فيه شي