البطة البلدية و د\ طالب الشمري ...

[توووووتة الحلوة]

وحشتوني بنات
سوري كان عندي ظرف ماقدرت اشارك
توته فديت عمرج الحليب اذا يسوي لج هالاعراض معناته
عندج حساسيه من اللاكتوز اشتري حليب خالي من اللاكتوز او حليب صويا

واحلاتي بعد قلبي والله اللي ما يخربطون حبيبتي
ماشالله عليج عجبتيني بزود لما عرفت انج كنتي فبدايه ال٣ ارقام ونزلتي
والاهم انج مارديتيهم
وبالنسبه لعرض الحوض اذا ضعفتي بيطلع جسمج مخصر ويهبل

ورده عنابيه حياج الله حبيبتي وانا بتابعج واذا خربطتي ياقررررردج
بعاقبج لوووووول
وريجيمج حلو والاهم من الريجيم الاراده كل ماحسيتي بتخربطين قولي لنفسج
لاحقه خير وبالنسبه للرياضه سوي اللي تقدرين عليه واذا مافي مجال
سوي اي شي نظفي البيت رتبي الملابس المهم تحركي لا تمين قاعده
خل جسمج يتعود يحرق الجسم الخامل يقل الحرق فيه مع الوقت يصير ما يحرق

البطه البلديه وينج مشتاقه لج حيل 

فدفد ... اشتقتلج، وحشتيني ... وحشتيني. ولكم باك ... اليوم القمر طل علينا :eh_s(9):
مشكورة على المعلومة بخصوص الحليب ... توني اعرفها

بنات خل نتسلي
كل وحد تحط الوزن الطامه مالها اكبر وزن وصلته
واقل وزن وصلته
مع الطول طبعا
واحلي وزن عليج جم؟!
وانا بتشجع واحط قياساتي لكم قبل وبعد عشان اشجعكم
ببدا بنفسي
انا امتن بالحمال حتي لو ما اكل امتن مادري ليش
اكبر وزن وصلت له بالحمال كان 88 وولدت صار 82 طلعت من الاربعين 76
وخلال سنه صار يلعب بين 68 و70
طولي 163
اقل وزن وصلت له عقب مامتنت طبعا رديت لل65 او اقل شوي
بس ماكان حلو شكلي حيل ضعيف
احلي وزن بالنسبه لي 68
نجي للمقاسات بحط اكبر قياس وقياسي الحين
القياس بالانش
الصدر 40والحين بين 36 و38
الخصر 32 والحين 28 الخصر اضعف مكان
الحوض او الارداف 44 صار 41
الفخذ اكبر مكان 28 ةالحين 25
بنات تلاحظون النزول بالقياس اكثر من الوزن
ويشجع اكثر والانش علي فكره سانتيين وشوي
لحد ينقد يقول مو صاحيه تقيس ومهووسه بوزنها
لا والله بس احب الاحظ نفسي قبل لايفوت الفوت
اللي عمرها ماقايست تشتري المتر وتقايس
وبتشوف شلون النزول بالقياس يونس
لانه اكثر من الوزن
وبثثث
*

فدفد، فكرتج اعجبتني حيييييييل :ggdw:
طولي ما اعرفه تماما لكن اتوقع انو 158
اكبر وزن وصلته: 85 :eh_s(16):
اقل وزن وصلته: 50 ماكان حلو علي كلش ... الكل كان يقول لي اشينيتي
احلى وزن اتوقع 55 او 58 لكن 62 حلووووووو مررررة علي
وزني الحالي 68,7

فدفد انا ما اهتم ... انو اقيس نفسي بالمتر علشان جذي ما اقدر احط قياساتي. ما ادري ليه انا ما اهتم الا بالميزان على الرغم من المتر موجود عندي من سنين. فدفد على طاري الميزان ... ابي اقولج سالفتي يمكن تفيديني قبل امس في الصبح قست وزني طلع 68,5 و امس قست بعد في الصبح طلع 68,7 و اليوم طلع 68,9 ... ايش السالفه، خلاص بستخف :eh_s(16):بالرغم اني ماشيه مضبوط، و اكلي كل شوي يقل

الخصر اقصد اضعف مكان من البطن مو صوب السره لا
اللي بالنص

انشالله عرفتوا قصدي

ايه فهمت قصدج، فدفود

 

[توووووتة الحلوة]

تووووته جم الفترة اللي نزلتي فيها من 85 ال 60 ابي اعرف عشان اتحمس

تقريبا 8 شهور او ستة مو ذاكرة بالظبط، لان السالفه لها اكثر من ثلاث سنين

 

[توووووتة الحلوة]

امس

ما اكلت الا في الليل الساعة 6 المغرب

نص خبزه بر مع 2 بيضة مسلوقة. سلطة وكاس شاي

السناك
حلى شعبي مكون من خبز بر مع تمر و زبدة ... جونان.

الساعة عشر في الليل
نص خبزه سمره مع 2 جبن مثلث مع خياره وكاس شاي

السناك
شوي شيبس كويفز

الرياضة
ما مشيت امس ما كان عندي وقت

و قبل الوجبات
اشرب زنجبيل اخضر مع ملعقة عسل

 

[الفدنه]

شخباركم بنات؟!

 

[الفدنه]

توته ما تشوفيش وحش امواااااااه
بالنسبه لوزنج قاعد يزيد اعشار اتوقع قربت دورتج
وجسمج يعبي ماي او يمكن ماقاعده تشربين ماي كفايه
قللي الملح باكلج وزيدي الماي وشوفي يتغير معاج الوضع ولا لا

 

[الفدنه]

وبالنسبه للاشياء الحلوه تزيد وزنج تري مو قاعده
انا النشويات اللي تزيدني خصوصا العيش
اكل حلويات وكاكاو وعادي ينزل وزني
بس اذا خربطت بالنشويات والعيش والخبز والمعجنات
يا يوقف وزني او يزيد
فالوحده كثر ماتسوي رجيمات تعرف لنفسها
وره عنابيه وينج اليوم؟!

 

[توووووتة الحلوة]

شخباركم بنات؟!

الحمدلله بخير ... عساك بخير فدفد

توته ما تشوفيش وحش امواااااااه
بالنسبه لوزنج قاعد يزيد اعشار اتوقع قربت دورتج
وجسمج يعبي ماي او يمكن ماقاعده تشربين ماي كفايه
قللي الملح باكلج وزيدي الماي وشوفي يتغير معاج الوضع ولا لا

جبتيها :rerrerek: ... اليوم الدودو نزلت. فدفد ... احسن شيء افتحي لج عيادة متخصصة بالتغذية، ماشاء الله، الله يبارك لك ... رائعة :eh_s(15): انا قريت هالمعلومة في كتاب كارلا ياردميان "الريجيم السريع للالفية الثالثة" فلما نزلت اليوم الدودو و نطيت على الميزان و شفت 68,9 تذكرت كلامها ... لكن انا من النوع اللي يتكلم كثيرعن الوزن والاكل اذا سويت حمية >> حدي ازعاج :eh_s(4): ههههههه ... حتى اختي ملت مني من كثر ما اتكلم عن هالاشياء ... تقول لي "كافي ... كافي، ازعجتيني." وش اسوي، ابي افضفض

وبالنسبه للاشياء الحلوه تزيد وزنج تري مو قاعده
انا النشويات اللي تزيدني خصوصا العيش
اكل حلويات وكاكاو وعادي ينزل وزني
بس اذا خربطت بالنشويات والعيش والخبز والمعجنات
يا يوقف وزني او يزيد
فالوحده كثر ماتسوي رجيمات تعرف لنفسها
وره عنابيه وينج اليوم؟!

%100 كلامك صحيح :eh_s(15): ... الاجسام تختلف، تصدقين و انا اكتب تعليقي جا في بالي اختلاف طبيعة الاجسام و انو مو قاعدة ان الاشياء الحلوة اللي تزيد الوزن لكن قلت في نفسي يمكن نسبة كبيرة من الناس مثل حالتي لان من قريب شفت مقابلة لكيم كردشيان و ذكرت انها مبتعدة عن السكر لانو يزيد وزنها. فدفد جزاك الله خير على التذكير ... بخصوص انو مو قاعدة ان الاشياء الحلوة اهيا اللي تزيد الوزن. وردة بليييييييييز لا تاخذين بكلامي بخصوص هالموضوع لين تقرين كلام الفدنة وتشوفين ايش طبيعة جسمك وايش الاشياء اللي تزيد وزنك :eh_s(17):

 

[((معشوقة خالد))]

الفدنــه & توووته .. شخباااركم يالغوااالي ؟

أممم بصراحه أنا أشوف ان وزني يزييييد حيل مع الحلوياات و الككاو

>>>> لكن أكيد طبيعة قابليّـة الاكل بالنسبه للأجسام تختلف من شخص الى اخر ...

بنااات .. مدري شفيني احس جسمي مو راضي ينزل هالاسبوع مع أني رحت الممشى اربع مرات و لا خربطت بالاكل .. بس هم بعد متحبطه من اهلي يقولون مو باين علي أني ضعفت و هذا اللي خلاني ازيد هالاحساس ..!!!!!!

الله يسسستر > والله خايفه و انطر موعدي عند الدكتور طالب بفاارغ الصبررر والله

طمنوني عليكم صبااياا

 

[الفدنه]

توته حياتي حياااااج الله بأي وقت للثرثره عن الريجيم
انا نفسج اللي يبيني اسهههههب في القرقه يجيب طاري الريجيم



معشوقه خالد هلا وغلا
لا تنحبطين ولا شي نطري وشوفي
وانا احب طريقه قياس الوزن تبين اكثر من الميزان
جربيها راح ترفع معنوياتج انشالله
وحتي لو مانزل هالاسبوع بيزل اللي وراه
وانتي خلج وراه وراه لحد ماتنزلين الوزن الزايد عن بكرة ابيه
خخخخخخ موفقه حبيبتي بس شدي حيلج

 

[وحلاتي والله]

السلام عليكم بنات شلوونكم اليووم غطييت عنكم اليوم طلعت وحست ورحت تغديت من ماك وشربت زنجبيل وشوي بنزل سردابنه وبمشي بس عندي مشكله مو طبيعيه ااحس ارحامي بطتني ومو راضيه تنزل مع اني انا اشرب زنجبيل ودارسين يعني اشياء حاره بس مو راضيه تنزل

 

[وحلاتي والله]

بنات خلاص بكنسل الرجيم المشي ما اقدر اليووووم حاطه مطاره ماي حار على بطني
على طاري القياسات الجسم عمري ما قايست وخذيت تفاصيل جسمي بس وايد احس تفرق الملابس علي
وما ابي اوزن الا ١-١-٢٠١٢
وخايفه انصدم صدمت حياتي ما انزل الا كيلوين ولا ٣ لووووووول لانه من زمان مانزلت نزله حلوه
مااااابي اتحبط

 

[الفدنه]

واحلاتي اشربي مرمريه او مرميه
سوي ماي خار وحطيها داخله 5دقايق او اكثر
واشربيها
باذن اللع تنزل عليج
تري عادي اللي ينزل وزنهم تتخربط دورتهم شوي
وبعدين تنتظم
والحين عرفت ليش مو نازله من الدوره
بعد ماتنزل دورتج بتنزلين انشالله خوش نزول*

 

[الفدنه]

افا واحلاتي
ليس تكنسلين الريجيم؟!
ضايقتيني بصراحه

 

[ورده عنابيه]

مرحبا ياحلوين والله اشتقتلكم توته ووحلاااااتي والفدنه

 

[ورده عنابيه]

انا اليوم اختفيت لان زوارة اهلي اليوم وقبل شوي رديت

 

[وحلاتي والله]

لاااااا مستحيل اكنسل الرجيم لحضه انا خرتها بالحجي هههههه حدي دايخه قصدي كنسلت اليوم المشي لاني حدي تعبانه

امي قالتلي مثلج على المرميه وان شاءلله تنزل

 

[ورده عنابيه]

المهم اليوم بديته بكراوسون وسط حطيت فيه قفشه جبن كرافت مع نسكافيه وماخذيت عقيها سناك لان هذي اول زواره مع الرجيم لان ادري باكل حلو في بيت اهلي فقلت اخلي السناك بالزواره مره وحدة

 

[ورده عنابيه]

والغداء صحن سلطه مع تقريبا 4 قفاش عيش مع 4 قطع شيش طاووق ودايت بيبسي

 

[ورده عنابيه]

السناك كان قطعة كيك ككاو صغيرة مع نسكافيه

 

[ورده عنابيه]

واخيرا العشا كان 2توست اسمر مع 1جبنه لايت مع 2همبرجر دياي بدون دهن وقيل شوي شربت شاي اخضر بدون شكر