اللي مستغنية عن الخدامة و متحكمة بشغلها برة البيت و داخله اتدش

[مدرسة84]

ملزلزة

مادري ليش تذكريني في اوبرا وينفري

برامجها كلها تعطيج تشجيع

اسم الله عليج.

والحلو فيج تعطين بالتفصيل.

الله يعطيج الصحة والعافية.

سؤالي الدش واشر شنو ماركتة اللي عندج. وهل الجدور يدخلون فيه.

 

[PuPa^^SWeeT]

ويل بوول



هذي الدش وورشر اللي عندها


<<< لقافة




لاا بس قلت ليش تنطرين على ما اتيي

اقولج من الحين


عادي

 

[Melazlaza]

باك
حياكم الله المنضمات حديثاً،،
حبايبي الحياة سهلة بس الانسان يصعبها بالتعقيدات والمقارنة والا لو كل وحدة عاشت بمزاجها بدون نصايح فلانة وعلانة جان محد تشكى من الخدم او الزوج او الدوام او او...

مدرسة مشكووووووورة عالكلام الحلو انتي الي رفعتي معنوياتي حبيبتي
وانا زميلتج سابقاً ترى


بالنسبة للعيال مافي صعوبة اذا بقلبج حب كبير لهم
يعني انا اذا طبخت للبيبي افرح واذا اكل استاااانس ولما اسبحه اقعد اشمشم فيه ولما اعلمه افتخر بمخرجاتي
اذا لكل فعل دااااافع فخلاص كل شي يصير سلس
الياهل كل مرحلة فيها سلبيات وايجابيات كيفيها على ظرفج ترتاحين
اول ما ينولد اغلب وقته نايم حلوووو تقدرين تنجزين شغلج وممكن تاخذينه بعربانته تغيرين جو واهو نايم وجنه ماوياج بيبي لانه رضعته وبس
لي كبر شوي يمشي ويستكشف حلوووو خل يساعدج بترتيب العابه اذا رتبهم له كاكاو او لعبه يديدة او تصفيق قوي بيفرح
وهكذا،،نستغل كل عمر لصالحنا


بالنسبة لغسالتي اهيا ويرل بول ايطالية من الغانم قاعده اكتبلكم واسمعها تشطف المواعين بعد قلبي لا تتحلطم ولا تكسر مواعيني<<<تحب غسالتها


بوبا الله فكني منهم بس غيري مروا باكثر من جذي وعادي ماقاطعوا الخدم
عن نفسي اشتري راحة بالي بفلوس الدنيا كلها
ودايما اي شي بحياتي يعكر صفوها اسويله اقصاء حتى لو احتاجه

 

[Melazlaza]

مدرسة سوري ماجاوبتج
اي حبيبتي تغسل جدور وفيها تعقيم بعد ومعطر

تاخذ ستان ستيل
تيفال
زجاج
بس المنيوم ماتاخذ لانها ممكن تغيرلج لونهم من شدة حرارة الماي الي تغسلهم فيه

 

[*kim*]

مرحبا بنات انا قلت لكم خدامتي بتسافر يوم السبت مصيبه صابتها تخيلو اذا خذبتها الجمعيه كل شي تبيه ماما مافي اجار مافي بصل مافي معلبات اقولها مثلا امبلا في انا شايفإ تقول شويه يمكن يخلص اليون خذيتها الجمعيه مانطقت ولاقالت هذا نبيه ولا هذا ناقص ضامنه سفرتها بعد يومين والله صج طلع كلامكم الخخدامه اذا بالبيت كلش ماكو بركه لا بالبيت ولا بالعيال اولا من تربيتهم وثانيا من بوقات اللي تصير بالبيى ولا ندري عنها

 

[أغلى حبيبه]

انا انا بعد معاكم اقرى اللي طافني وارد لكم

 

[*kim*]

سوري على البدليات اكتب من فوني جلاكسي

 

[أغلى حبيبه]

ماااااشاءالله عطيتوني بووووووووش اقوى شي على قولت مادري منووو

المهم انا صارلي شهر تقريبا ماعندي خدامه بس كلش كلش كلش موووو مسيطره ع البيت

عيالي اسم الله عليهم حووووووووووسه

تخيلو انظف الصاله اروح المطبخ وارد القاها عفيسه والله ساعات اطالعهم ادش الدار ابجيييييي لما اشبع بجي ارد انظف

وانا نوعي مااحب الشغل اي كلام يعني اليوم اللي انظف دار الصبيان لازم تحت الكرافي وفوق الكبت وتحته واقلب الفراش واغير شكل الدار

لويه لووووويه

طبعا يوم دار البنات ويوم الصبيان ويوم داري

بس التنظبف اليومي اسويه الصبح بعد مايروحون المدارس

لو اصورلكم دار اليهال الحين تقولين حماره والده من سنه مو مرتبه

مليون مره يفصخون ويلبسون واذا خذو شي من الكبت باجي الملابس ع الارض

 

[Melazlaza]

كيم
حبيبتي طبيعي انها ماراح تتكلم شنو فايدتها قبل تبلع ومستانسة والا لا يكون حسبالج حرصاً عالبيت تحرص عالاغراض مستانسين مال عمك ما يهمك


اغلى حبيبه
طبيعي جداً الي قاعدة تمرين فيه وبيظل مدة لغاية ما الاسرة تتأقلم منهم انتي والابو والعيال طبعاً
التنظيف غلط يكون عميق والا جان ماقعدت خدامة ابيت تنظيفهم اي كلام
احنا ما انظف اي كلام لكن مانبي نتعب نفسنا
الحل خصصي دار وحدة للعب واي واحد يتعدا عالدور الثانية عاقبيه قعديه بزاوية بكرسي دقيقتين وان قام ردي قعديه احنا مانلعب نبي نظام
خصصي مكافأة قيمة للي ينظف معاج او يرتب وخليها على مرأى الجميع
ملابس التبديل اليومي مو لازم مصفطين بالكبت خلي قطعتين بسلة لكل طفل عشان لا يعفس وهم الي يكسر القاعدة يتعاقب وممكن نحرمه من شي يحبه

صدقيني كل شي سهل بس ببساطة انتي تعودتي عالخدامة
عما بعينهم يعودونه عالكسل واهما قذرين
انا واثقة انج لما نظفتي من عقبها لقيتي بلاوي مخششة ومقططة
اعرف خمالهم

مالج شغل باحد اذا مقتنعة ببيتج بدون خدم الله يوفقج وصدقيني ربي راح يفتحها عليج وكلامي عن تجربة والله

 

[زوجي توأم روحي]

عاد انا الخدامة اللى عندى قطيعة ليش كارهتها:rgewrg:
ايدها مسمومة

ما خلت وبقت شئ ما كسرته:eh_s(14):

تمشى وتكسر عمى بعينها

صج مال عمك ما يهمك
واذا يت بتغسل الحمام عزكم الله تغرقه ماى
الباب اختبرب
براغى المغسلة صدوا

وكليت زفة حلوة من ريلى:eh_s(4):

وطبعا اهيا طاف

تنطرنى اطلع علشان تسوى الحمام بحر

 

[Melazlaza]

امبيه زوجي توأم روحي
تدرين مت ضحك تذكرت خداماتي لوووووول طلعوا كلهم جذي الظاهر فيهم فقرة ماي

شوفي لما كان عندي خدم والله شهرياً تصليحات بالشقة وريلي يزفهم وماكو فايدة تحسين عناد
يا اليدة منشلعة
يا الاوتي مكسور
يا الرسيفر معلق

من افتكيت منهم ماقمنا نصلح شي غير تبديل الليتات

ترى ايدهم مو مسمومة بس حطي نفسج مكانها عايشة بغابة او حواري تتسبحين بالنهر
اتيين تشوفين هالعز ما تحترين؟
ودج تكسرين كل شي وبقلبج تقولين عندهم فلوس يخمونها بالمخمة من كثرها (اسم الله عليج طبعا بس مثال)

الفقر يولد الحقد

 

[PuPa^^SWeeT]

^^^^



اي والله العظيييم

 

[زوجي توأم روحي]

امبيه زوجي توأم روحي
تدرين مت ضحك تذكرت خداماتي لوووووول طلعوا كلهم جذي الظاهر فيهم فقرة ماي

شوفي لما كان عندي خدم والله شهرياً تصليحات بالشقة وريلي يزفهم وماكو فايدة تحسين عناد
يا اليدة منشلعة
يا الاوتي مكسور
يا الرسيفر معلق

من افتكيت منهم ماقمنا نصلح شي غير تبديل الليتات

ترى ايدهم مو مسمومة بس حطي نفسج مكانها عايشة بغابة او حواري تتسبحين بالنهر
اتيين تشوفين هالعز ما تحترين؟
ودج تكسرين كل شي وبقلبج تقولين عندهم فلوس يخمونها بالمخمة من كثرها (اسم الله عليج طبعا بس مثال)

الفقر يولد الحقد

ايه والله صاجة

عاد مسكين ريلى ما ييب الا الشئ الزين والغالى

واهيا طايحتله تكسر

يالله قربت تذلف ربى لك الحمد

واذا احتجت خدامة يم شقتى شكثر يشتغلون بالساعة ويمشون

بس بسالج

سمعت فيه مكنسة تغسل الزل وتنشفه واهوا بمكانه

تعرفين وين أحصلها ؟

 

[Melazlaza]

^^^^
ادورها من مدة ما لقيت لها طاري يعني محد يتحجئ عنها

بس مؤخراً سمعت وحدة شاريتها يقولج بتاع كولو غسيل تنظيف ناشف ومبلول
بس الصدمة






سعرها فوق الألف!!!!!!
هذا الي سمعته بس مو اكيد
بحاول اسأل اكثر وان طحت عليها اردلكم خبر

 

[PuPa^^SWeeT]

اولاااا


فوق الالف



؟؟؟؟؟؟؟؟؟؟؟؟؟؟؟؟؟؟؟؟؟

 

[PuPa^^SWeeT]

وييينكم اليووم

 

[Melazlaza]

بوبا
انا موجودة البنات طاخين


اقولكم الغسالة طلعت ب1300ديناااااااااار كويتي
دينار ينطح دينار
يقولج تغسل زوالي وسيراميك ورخام وبتاع كوووووولووو
اتوقع مدة وبتنزل شبيهتها بارخص بس خلننطر

 

[PuPa^^SWeeT]

اييي ننطر شبيهتها

شورانا


اقووول ملزلزة شوفي المتصفح من قسم المشاكل الاجتماعية



http://www.q8yat.com/t969595.html


نزلنا مواضيع يديدة



واذا عندج راي ولا انتقاد ولا تبين اتردين على موضوع


http://www.q8yat.com/t986952.html

 

[Melazlaza]

يعطيج العافية بوبا خوووش مشاركات لج ماشالله
اصج ابلة 
قاعدة اقرى كلامج

 

[PuPa^^SWeeT]

الله يعافيج ياقلبي


مشكوووورة