ما اشوف شي من معاشي.. ريلي ياخذه كله

[حراير ستايل]

السلام عليكم ورحمة الله وبركاته..

بغيت اعرف راي الشرع في الزوج الي ياخذ راتب زوجته كااامل بالغصب وهي مو راضيه .. ولا يعطيها منه فلس .. ويمنعها انها تعطي اهلها..
وهو ياخذ منه متى ما بغى.. ( البطاقه عنده)..
ومهددنها لو يابت طاري الفلوس بيطلعها من شغلها وبييلسها فالبيت,,

ويقول انه فلوسها من حقه لانه سمحلها تشتغل.. وانه بدونه هو ما بيكون عندها فلوس...
مع العلم انه يصرف عليها من راتبه بس ملوعلها جبدها ويحاسبها على الفلس...
وساعات يعطيها ويرد ياخذهم..


ملاحظة: راتب الزوجه وااااايد زيييين ويكفي 3 عوايل ما شاء الله..
والزوج بعد راتبه ضعف راتب زوجته...


اتريا ردودكم..​

 

[انا لحبيبي .]

هاد طمع حبيبتي ، لانه الزوج ما اله حق براتب الزوجه

الا اذا الزوجه بتعطيه راتبها عن طيب خاطر ، وبدها تساعد بالبيت لانه الوضع المادي ضعيف

بس بما انه راتبه ما شاء الله منيح وراتب الزوجه منيح ، ما اله حق بهالحاله نهائي


بس هو اله حق يخلي الزوجه ما تشتغل ، بس نفقتك من زوجك سواء بتشتغلي او ما بتشتغلي

لا حول ولا قوة الا بالله العلي العظيم ،


ادخلي هاد الرابط

http://www.alftwa.com/

وان شاء الله يفيدك ، موقع فتوى اكتبي السؤال وان شاء الله بطلعلك الجواب

 

[بطوووطة$بيضة]

طبعا من الناحيه الشرعيه حرام ...واهيا شلون ساكته عنه ..ووين اهلها ...

 

[كلنا عشاق لكن]

ومهددنها لو يابت طاري الفلوس بيطلعها من شغلها وبييلسها فالبيت,,
​

حبيبتي دام الفلوس بيده تقعد ببيتها بإجازة طويلة وتقنعة إنها فنشت ويتشطر ويصرف عليها
لأنها من يمين ومن شمال هي هي إتداوم وتتعب وعقبها راتبها له باردة إمبردة ويصرف عليها يعني مالها من هذا كلة الأ دوخة الدوام والتعب وبس
أو أهلها يكلمونة بس يكون واحد حكيم وراية يقنع
عشان يعرف اللي له واللي عليه وليتفاهمتوا بتعطية من كيفها من غير تهديداتة عشان يعرف إن وراها ظهر ويقوله هالكلام بالأدلة الشرعية والتي تقول راتب الزوجة لها
والله يهديه

 

[بنت الكويت 25]

الزوج مالة حق براتب زوجتة واهو المفروض الي يصرف عليها والزوجة شرعا مهما كان عندها فلوس مو مجبورة او ملزومة
تصرف على البيت الا من طيب خاطر الي سواة هالزوج هذا اسمة بوق وشنو يعني لولاة ما كان عندج فلوس لا يكون شاريج بفلوسة اعوذ بالله من تفكير بعض الازواج

 

[زوجي توأم روحي]

تاخذ إجازة سنة بدون راتب وتقعد بالبيت

اذا حس زين واذا عمك أصمخ

ترجع لدوامها بعد السنة وتغير الحساب وتكسر البطاقة على الاقل خل الراتب يتجمع بحسابها

واهوا يصرف عليها غصبن عنه

 

[برستيج دلوعه]

حرام عليه !!!
اصلن شكو يقول لها انا اللي خليتج تشتغلين فلازم اخذ معاشج !
ليش اهيا مو كاتبه بعقد الزواج وظيفه ؟؟؟؟ اذا مو كاتبه راح يذلها .. بس همن مو سبب !!
عييييب ياخذ من مره !! اهو الريال اصلن بالعمس انا خابره اذا البنت موظفه الريال يفتك عشان اهيا تشيل عمرها من لبس وبانزين ومكالمات و .. و... !
ما يصير تسكت لازم لازم اتحاجي اي احد من اهلها او تكلم ريلها نفسه !
واذا ماكو فايده يبا خل تطلع من الوظيفه عشان غصبن عليه يصرف عليها !!

 

[قمر كويتي]

الله يعينها الصرراحه عليه حررام الي يسويه
زين اهو يشوف جم راتبها بالضبط يعرف يعني
تقدر تسوي استقطاع بالبنك وتخلي نص المعاش ينزل ب ببطاقة ثانيه والنص ببطاقته اهو
او انها اذا عاجبها الوضع وعادي متحملته وتبي تكمل معاه خل تقعد بالبيت ابرك لها من انها تقوم كل يوم تروح تكرف وتشتغل واخرها اهو الي ياخذ الفلوس خل تجرب تقعد بالبيت باجرزه بدون راتب وخل يصرف عليها

 

[glby7sas]

حراير لو انا منها اقوله اوكي طلعني من الشغل عالاقل مااكد على غيري وبالاخير اهو ماراح يطلعها لانه يستفيد من فلوسها اصلا
والله يهديه واضح انها مسالمهوشخصيتها مو قويه لو تقوي شوكتها عليه مره وحده وتقوله اذا مو عاجبك من باجر اقدم استقالتي اهو بيطخ لانه اهو اللي خسران مو اهي
اشفايدة اشتغل واتعب عيل

 

[كويتيه شماليه]

اذا ماتبي اتطلق منه لانه حيوان تقعد ببيتها اشرف لها بدون شغل ولاتعب
ويقعد اهو يصرف عليها مثل الحيوان
ناس ماتستحي لا احساس ولا ضمير المفروض يخاف الله فيها نار وشرار ببطنه ان شاءالله
شي يحر

 

[ام كوثر2007]

حبيبتي من حقج تقعدين في بيتج وهو ملزوم شرعا وقانونا يصرف عليج ..

 

[nezgha.85]

اهم شي ان ياخذ راتبي انا اللي اتعب واكرف واخر شي اهو اللي ياخذ الراتب !! لا بالشرع ولا بالقانون يصير هالشي وشكو ان لو ما اهو جان اهي ما تشتغل ليش اهو اللي يمشي لها المعاش إذا بعطيه اعطيه من طيب خاطر ماكو شي غصب وغذا راتبه قوي شيبي براتبها الحمدلله والشكر شنو هالطمع شي يحـــــــــــــــــــــــــــــر​

 

[حجيه هيونه]

ابوها وين
اهلها وين


تكلم اهلها يتدخلون

او تستقيل وتقعد بالبيت مايسوى عليها تعبها

 

[بــــدره]

لا طبعا ما يجوز الي يسويه الزوج
و لو انا مكانها اقعد في البيت مااشتغل و اخليه يصرف علي من معاشه
اما اني اكون عبده لها اشتغل و اكرف و هو يستلم المعاش لا وبعد يبخل علي هذه حييييل صعبه وين كرامتي و عزة نفسي ؟!
الريال اهو الي يشتغل عشان يعطي المره مو العكس !

 

[حبيبي مالكني]

ليش اهيه تشتغل عيل خل تفنش وتقعد بالبيت احسن لها
والله حاله اشتغل ومعاشي بيده
اهي الغلطانه ليش تعطيه بطاقتها اصلا
خل تهدده انها بتفنش وصدقيني راح يتغير
بيخاف الحنفيه تنصك
الله لا يبلينا

 

[جلكسيه اس 3]

ويع شنو . يعني عشان خلاها تشتغل يذلها
سوري بس رايي انه مو كفو يكون مسول عن لا زوجه و لاعايله
بخيل و مادي لو ان متزوجه ريال جذي اطلب الطلاق و السبب اني ما ارضا اقعد عند واحد يذلني جذي
عموما الله يهديه
هو مستان عنده معاشه و معاش ثاني يخشه حق زوجه ثانيه
نصيحه اذا ماتبي مشاكل خل تطلع من دوامها و خل تطلب حقوقها الماديه

 

[Pizza Queen]

هذا مافيه خير

 

[شقرا كويتيه]

وهي ليش ساكته تشتغل وتكرف وياخذ معاشها بارده مبرده لا ومعاشه زين شنو عاجبها الوضع لاتسكتله خل تدخل اهلها بالسالفه اصلا حرام معاشها تعبها وشقاها وياخذه بعد السالفه بصراحه قويه وتحر لازم تدخل احد بالسالفه او تقعد بيتها ابركلها

 

[english muffin]

والله لو انا منها
افنش واقول فنشوني

 

[كليـ دلعـ]

وانتي بالله مالج ردت فعل؟!

ماعندج احساس!

الله يهديج مايصير تكونين ضعيفه جذي!

ماله حق يمد ايده ع فلس موواميه فلس!

ماله اي حق

االلي يتعب ويشتغل ويكد مو انتي؟!

اهوو شكوووو؟!

لايبااا مايجوز ومايصير ومنكر وحرام يستغلج ويبتزززج

وانتي عيب عليج تكونين بهالوضع

صيري قويه واخذي حقج ولااتتهاونين بهالامور

واهو مو ريال ومايستحي وعيييب عليه

قالوها اللي اختشوو ماتووو