صباااح الانوار والجو المغييم اللندني .. لوول
سوري بنات امس طلعت ورديت البيت متأخر رحنا نتمشى عالبحر انا وزوجي وتعشينا من كارينوز >_< ...
...............
تفاااصيل
ياعمري الله يعييينج .. لو توقفين ريجيم اسبوع كامل بس عشان لا تخترب نفسيتج اكثر...
بس صج احس ما يسوى تسوين شفط وانتي باقيلج 7 كيلوات ... يعني ما عندج ذيييج الشحوووم والدهوووون والبلاااااااوي بالجسم !
حالياً جسمج مقبول اتوقع .. فنطري شوي شوي تنزلين ان شالله ... بالعكس انا اشوف ان ثبات ثلاث اسابيع على رقم وااايد زين .. لانه يعطي الجسم فترة يتأقلم مع الوزن اليديد و احتمال تصغر المعدة و بعدها لو شنو تاكلين ما راح ترجعين الارقام اللي طفتيها ...
انا جذي صرت الحمدلله هالاسبوعين من اخربط اشوف للحيني ما وصلت 70 .. وهالشي حيييييل مونسني .. معناته الاسبوعين اللي ثبت فيهم وزني على 69 ما كان عالفاضي ...
وبالاخير ترى مجرد رأي شخصي بدون دليل علمي لووووووووووول > روحييي بررره xd
وشنووو هالنذالة اللي عليييج ههههههههههههههههههه لا لا ابداع .. مو كافي الاجهزة مقفولة بعد فوقهم تقفلين الغرفة كلها !؟ ليش ما تحطين جهاز صغير اللي يبي يلعب عالجهاز يدخل دينار ( قصدي 10 ريال) بعدين يشتغل معاه الجهاز .. لووووووووووووووووول ..
++++++++++++++++
دلوعتهـ
المفروض تتحسفين عالشبس والككاو مو الخبز المفروك >_< ... الله يقوي ارادتج بس لووول
واااااي ضحكتيني على بوسروال وفنيله .. كلللللللللش مو مال رومانسية ههههههههههههههههههههههههه ..
مشكلة لي طلعوا كل الرياييل نفس الشي واي عليهم .. شوي حسوا بحريمكم .. لوووول ..
عاد انا امس قعدت حق زوجي بالمرصاد .. رفيجه رايح البر بغى يروح معاه قلت له ماااكووو والله يعافي دمعتين وشوية دراما تمشي الحال
ورحنا البحر xd
وترى الميزان متوفر بكل مكان ليش العيز وخدامتج ما تقصر بعد علمت عليج لووووول xd
++++++++++++++++
ام فجر
حلوة فكرتج بس اذا حابة اضيف لج تعديل بسيط ..
الصبح تمر وحليب او لبن اوكي ... الغدا تمام من دايت كير ... والعشا خليه فواكه شرايج ؟
وتروحين وتردين بالسلامة ان شاااالله ... وين بتروحين دبي والا لندن .. لوووول الكويتيين نصهم بدبي ونص بلندن ..
انا ودي اروح تركيا ... او ارجع لندن ما مليت منها ياربي هههه
+++++++++++++++++++
اخت خالتهم
لا لا لا مووو من صجج .. وليش ماكدونالز ياربي >_< ...
حتى لو ربع صمونة .. حاولي تشدين على نفسج واسبوع كامل ما تاكلين من المطاعم !
انزين لو ماكلة من مطعم لبناني شي مشوي عالفحم طازج .. وااااايد احسن من الفاست فود !
وزييين سويتي عالتبووولة .. البقدونس حيل مفيد للدم .. يلا خطوة ممتازة .. لو كل يوم تاكلين تبولة ماكو مشكلة .. بس قللي برغل لوووووول ..
ياعمري ما اعصب عشان شي الا عشان مصلحتج .. ان شالله وزنج ينزل هالاسبوع واذا التزمتي اكثر الاسبوع الياي ينزل اكثر .. ^_^ ..
دامج بتدخلين المطبخ ...
سوي شوربة خضار قطعيهم حجم متوسط جزر بطاط كوسة بروكلي زهر فلفل اخضر طماط .. وحطيهم في جدر + ماي + شوية بهار مشكل شوية ملح .. او حبة ماجي او كنور ... وبعد ما يستوون شوي ضيفي شعرية شوي .. وبس~
او .. طاسة كبييرة سلطة خس بقدونس نعناع طماط الخ + شوية كرونيا مفيوحة .. او شوية بطاط مفيوح ..
يعني يا سلطة كرونيا .. او سلطة بطاط ... او اذا تحبين تونة ..
او سندويتش حلووم بالتوست الاسمر ..
اي شي تاكلينه اكلي معاه علبة روب خالي الدسم وعصير اناناس
وبالف عاااافية مقدماً اياً كان اللي بتاكلينه ... ^__~ ..
+++++++++++++++++++
توومييي
انا هناااا .. ههههههههههه
شلونج حبوبة وشنو مخططاتج للعطلة وين بتروحين وشنو بتسوين ؟؟ ^_^
++++++++++++++++++++
تووووووووووووووووووتة
عاش النايت غاارد الفارس البطل الشجاع > آرااغورن هههههههههههههه
بدا عندج البيات الشتوي ؟ > دب دب دب xd
وغريبة ليش الرابط ما يشتغل >_< ... مع انه اشتغل مع تومي .. :/
اييييه على ضريبة الامومة .. =___= .. فعلاً ضريبة الله يعييييننا ويصبرنا .. P:
وشفتي المجلة عليهم اسلوب .. >_> .. اشوه ابوي علمهم شنو يسوون عشان لا يعيدونها ههههههه
ويااعيني عالاجابات الجاهزة ..
اذا ما تحبين الفواكه .. سويها سلطة فواكه ما ينفع ؟ مع عصير برتقال وخوخ وشوية ماي ورد .. > هو المفروض عصير منغة بس سعراته عالية!
..
توقيعج البنت .. يااااااااحلااااااااااااااتهااااااااا مال عض عالخدوود ..
عجبني لون شعرها شكلي بصبغ بعد الرشاقة نفسها .. لوووول احب الالوان الطبيعية جذي .. ولان لون شعرها قريب من لون شعر ولدي .. اللي هو نفسه لون شعري بصغري بس مع الكبر الظاهر خلص الحبر وصار لون شعري الحين كستنائي غامج شوي .. لووووووووووووووووووووول
+++++++++++++++
برييييييييق ..
وحش الطعام يالج مرة ثانية هاااا .. ×_× ..
ولااا تقطعين من التجمع حتى لا يحوشج وحش الطعااام ..
اي شي عندج سولفي فيه واحنا نغرد معاج .. > تويتر xd
