تجمع((خلص خل نحترم نفسنـا،،بسنـا)) تعالو نشجع بعض ونهزّأ بعض LoooL

[manoooram]

up up up up up up

شدوا حيلكم وموفقين ان شالله

 

[AVE.NJ]

انا برنامجي اليومي نفس الشي بنات عشان جذي ماكتب يومياتي اول بأول ،،

*كالعاده اقعد متاخر الظهر وقت غدا ف ما اتريق يكون عندي بس وجبتين
* مكثره من شرب الماي
* غداي يكون من اي موجود كمية يدام كامل او نص و ٥-٣ قفاش عيش و صحن سلطه كبير
* السناك يا اخذه يا ماخذه بسكوته
وحده او كوب جاي احمر او عصير كيوي بأناناس
* العشا يا روب بخيار يا كورن فلكس فتنس بحليب خالي الدسم

ملاحظه :
1- امارس الرياضه ساعه ، ٤٥ دقيقه منها مشي و ربع ساعه تقريبا تمارين عامه

2-مطارة الجاي الاخضر بلزنجبيل و الدارسين يمي و كلشوي اشرب منها


هذا نظامي و بصراحه احس اني خفيت هالجم يوم بلشت من يوم الخميس كان وزني 90 ،، الخميس الياي راح اوزن و اقولكم جم صرت
و العاده الي اوزانهم ثقيله بلتسعينات و جذي اول ٥ كيلو ينزلون اسرع ،،
و انشالله كلنا ننزل بصحه و عافيه و نوصل للوزن المثالي الي نبي

حلو رجيمج
بس انه مااقدر اسويه لاني مااحب انام ليه الظهر
يالله واصلي وقولي لنا جم تنزلين
موفقه

 

[AVE.NJ]

هاي يا حلوين كيفكم...
اليوم كنت ماشية كتير منيح.. و ما خربطت الحمدلله

الفطور:
1 توست اسمر مع معلقة صغيرة زبدة فول سوداني + 1 تفاحة + شاي أخضر

سناك:
حبة برتقال

الغدا:

شاينيز فوود ( دجاج مع خضار ) صحن صغير + 4 معالق رز + صحن سلطة

سناك:

شاي أخضر + قطعة شابورة + جزر أصابع

العشا:

علبة ضغيرة لبن قليل الدسم مع 3 حبات فراولة و 2 حبة تمر

و أبل النوم :

كاسة بابونج بدون سكر


و الرياضة:

مشيت على التريدميل 40 دقيقة مشي سريع كتير مسافة 5 كيلو


و بس ... صحيح نست أقول اني ما شربت ماي منيح اليوم يا دوب 5 كاسات ...

انشالله بكرة بشرب 8 كاسات...

بالنسبة للباذنجان يا حلوات.. هو من الخضراروات يعني ما بيسمن الا ازا كان مقلي و مغرق بالزيت...!!!

أي أسئلة انا حاضرة محسوبتكم أخصائية تغذية...!!!

إدعولي هالاسبوع انزل لل 59 يا بنات و الله عقدتي ال 60

بماانج اخصائية تغذيه نبي كل يوم المنيو علشان نغش منج
بس مو جنه تمشين وايد
انه 30دقيقه مشي على سرعة 4 اموت
انشاالله اوصل نفسج
بس بليز لاتنسينا كل يوم

 

[AVE.NJ]

still glam mom
عندي سؤال مشكلتي احب الحليب وايد
بس مااقدر اشربه الا كامل الدسم
؟؟؟؟
شنو اسوي

 

[AVE.NJ]

اليوم
ريوق فول 4ملاعق و3شرايح طماط واكلتهم بالخس
اليوم طلعت مااكلت شي بالضحى
الغدا سوسج ديك رومي حمسته بدون دهن مع مشروم وفلفل بارد وخس مع سلطة
العصر جاي بدون سكر مع 3 رطب

 

[um.zooza]

ام مريوومه ههههههههه ضحكتيني خلاص وعد ما يطلع التوقيع

أنا عادتاً بقسم السمنه والرشااقه احرص ان التوقيع ما يطلع مراعاتا للمشاعر :eh_s(7):

والحين راح ابلش انزل معاكم صور الوجبات

​

 

[om MaRyooM]

ave



انتي نفسي بالنسبة للحليب
الخالي يلوعلي جبدي .. بس طبعا اشربه مااشرب الكامل ايام الدايت اخااف لوول








still glam mom

هلا والله


عندي سؤااال

صج نفس مايقولون عصير الانناس والكيوي يحرق ؟؟

انا قاعدة اشربه
بس عادي استبدل الانناس الطبيعي بعصير انناس من كي دي دي
لأن يطلع ثقييل بالطبيعي ووايد قشور

 

[om MaRyooM]

um zozoa

يا حيااتي
تسلمين
بس صج لاتزعلين منييييي والله
بس لأن توقيعج عذاب يخليني اشتهي الحلو ههههه




يلا بانتظار الوجبات ياحلو

 

[om MaRyooM]

manoraam

ثانكس حياتي ..
نورتي التجمع

 

[um.zooza]

حياااتي om maryooma الله لايييب الزعل 

انا نفس شخصياً مااا اقااوم السنيكرز والفستق نقطه ضعفي

خل ابلش معاكم وننسى الحلوً

بغيت اقوولكم عن شغله انا جربته من قبل والله واايد حسيت ينزل الوزن واهوا هذا

هذا اللي يسلمكم (شاي اخضر +زنجبيل+ ليمون + كمون + نعناع ) + تفااحه

هذا السناك صج يشبع ووايد يخفف البطن
​

 

[om MaRyooM]

ام زوزو


صاجة هالخلطة عجيبة كل شي فيها فايدته عظيمة


بس الزنجبيل تشترينه مطحون مثل البهار ولا تقصصين زنجبيل فريش

لأن ناس تقول جذي وناس جذي




وانشالله بعتمد هالشي سنااكي

 

[om MaRyooM]

بنات كل وحدة تقولنا اي جاي اخضر تستخدم ؟؟






انا احيانا

كواليتي بالنعنع


او ليبتون



بس خالتي الحيب يايبتلي من لندن .. صج عجييييييييييب
اخضر بالنعنع والله ريحة المطبخ تصير نعناع
وشكله بيخلص ظايق خلقي لوول

 

[um.zooza]

حبيبتي ام مريومه أنا اقطعه شرايح فرش والله وحده من رفيجاتي نزلت ٨ كيلو بأقل من شهر تقول على الله وعلى تخفيف الاكل وهالخلطه

وبالنسبه حق سؤالج عن عصير الأناناس والكيوي والله أنا مره قالي دكتورةعبدالله المطوع انه شربيه كوجبه عشا يحرق وكنت استعمل كي دي دي وبرتقال

لاني ما احبوالكيوي واللهوكان يسد الجبد وحتى مااقدر اكمل القلاص (كنت أحط علبه عصير أناناس وبرتقاله) وهذا عشاي صج عجيب*​

 

[um.zooza]

بالنسبه حق الشاي الاخضر اما أخذه من محل الشاي اللي بالافنيوز اللي بالكيلو لذيييييذ بنكهه الكرز والليمون والزنجبيلة
ويبيعون زنجبيل مجفف بس تضيفينه عالشاي وتشربينه يصير جنه فررررش ..


ومرات اذا ما قدرت اروح اشتري أخذ من الجمعيه توينكز بس مو الأكياس لا البودر​

 

[zanobita]

بما اني ماشربه الا وقت الدايت ، ف اخذ علاغلب لبتون من الجمعيه :

 

[حاكمة القرية]

بنآت الباذنجان يزيد الوزن ولا العكس بليز ردووا :eh_s(10):

 

[سنفورهـ]

انا وزني الاساسي كان 48 والحين 70 ابي ارده مثل قبل

 

[om MaRyooM]

بالنسبه حق الشاي الاخضر اما أخذه من محل الشاي اللي بالافنيوز اللي بالكيلو لذيييييذ بنكهه الكرز والليمون والزنجبيلة
ويبيعون زنجبيل مجفف بس تضيفينه عالشاي وتشربينه يصير جنه فررررش ..


ومرات اذا ما قدرت اروح اشتري أخذ من الجمعيه توينكز بس مو الأكياس لا البودر​

يبيله والله

عجبتين سالفة الزنجبيل

حق الدوام .. لأن لوية ييبي الزنجبيل وقصصيه لووول
هذا افضل

مشكورة حبيبتي متى ماطلعت باخذ منه باذن الله

 

[om MaRyooM]

انا وزني الاساسي كان 48 والحين 70 ابي ارده مثل قبل

سنفورة مثلم اقريت بتوقيعج انتي توج والدة صح


ترا لاتيأسيييين والله يبيله وقت ميخالف تحملي

ترا مهما سوييييتي ماينزل الوزن عددددل الا بعد 6اشهر من الولادة:bbbiu:

وحيااج بينا

 

[فلونهـ~!]

هاي ..~!!

...انا امس وااولت امس

الريوق حليب مع نسكافيه +7 تمرات

الغدا 3 ملاعق عيش ابيض + نص دجاجه مشويه + اشووية مرق ع العيش

العشا : ربع رغيف اسمر داخله شريحتين مرتديلا :$


اليوم
الريوق : حليب + 3 تمرات
والغدا بيكون كذللك ايضا باذن الله

باحاول امشي ع هالمنوال من الاكل لين انزل عن التسعين !
وربي مليت من التسعينات

ومشيت ساعه من اول قعدت من النوم : )
بس بنات انا مااعرف ادرس الا اذا اكلت كاكاو يعني سنيكرو او جلكسي ساده + حليب

ماكو شئ بديل ويعطي باوور مثلهم ؟؟

وموفقين الجميع
عسسى تضعفوون بالصحه وعافيه عاجلا غير اجلا :$< دعوة ماماتي !

: )