اللي مستغنية عن الخدامة و متحكمة بشغلها برة البيت و داخله اتدش

[زوجي توأم روحي]

ساعات يقولى زوجى أخاف منج احس تعرفين كل شئ ههههههههههه


أصلا حتى من حركات جسمه وقعدته أعرف شنو نفسيته

 

[بقلبي انت]

ههههههههه بقلبي هواها عاااادي تصير في احسن العايلات
بس حرام جذي تفرقين بين عيالج بالسنين كل ما قصرت السنين بينهم كل ما تقربوا من بعض اكثر
حتي تحسين انهم متفاهمين واسلوبهم قريب من بعض عيدي النظر بهذي النقطه <<<<يالله باجر تحملين تفهمين ههههه

 

[بقلبي انت]

توأم روحي يبيلنا دراسه علم نفس عشان نحلل شخصيات ازواجنا الغامضه

 

[ليمون ونعناع]

مااحلى الحياه بدون خدم

قبل جم يوم صارت لويه بسبه الخدم


وتناقشنا بالمشكله

وقلت لريلي ترى الخدامه قنبله موقوووته ليش مخلينها

هذي من مراحل غسيل المخ

بس بط جبدي يقول ماتقدرين تعيشين بدونهم
قلت لااااااااا غلطان اصلا راحه نفسيه اصلا مشكله شكبرها صارت من وراها وبعده مو مقتنع



انا ماابيها بس ماابي امشيها ويصير اهو واهلي ضدي
شسوي
كل اهلنا يقولون انهم مشكله وبنفس الوقت يدورونهم ومايكافحونج اذا صرتي بدون خدامه

يتني جم يوم بدون خدامه والله ان الكل قام يتنحش من مساعدتي وانا عندي بيبي ٤شهور وبيت يديد يبيله تسنع

 

[ليمون ونعناع]

ساعدوني ارتب افكاري واقلع الخداااامه ماابيها
اهي زينه بس قنبله موقوته ماتدرين متى تنفجر

 

[اطباق ماي ورد]

زوجى توام روحى ... يسلووووو على النصايح جد مفيده


ونتر حلوه سالف السلال بالعجلات تسلمين على المعلومه

 

[اطباق ماي ورد]

زوجى توام روحى .... النحليل عجيب ما شاءالله

اصلا من كثر ما تدودهت ارسلت الرد قبل لا اكمله الحين شوفيه عدلت عليه وكتبت راى

يلا بعد قولى ههههه احب هالسوالف

 

[ليمون ونعناع]

انا استخدم فيليتي لولدي

انشالله بشوف مكان لغياله ثانيه وبحطها بس ابي غياله مافيها ازعاج وصغيرة شنو تنصحوني

وصابون اريل للغساله التوماتيك وكمفورت ممتازين بس و ملابسي بروح وملابس ريلي بروح

وانشالله اذا كبر شوي ولدي وقام يبقع هدومه بشتري منتجات دكتور الي قالت عنها ونتر

ماقلتولي تحطون النشادر للعبايه ؟؟؟

 

[اطباق ماي ورد]

ههههههههه بقلبي هواها عاااادي تصير في احسن العايلات
بس حرام جذي تفرقين بين عيالج بالسنين كل ما قصرت السنين بينهم كل ما تقربوا من بعض اكثر
حتي تحسين انهم متفاهمين واسلوبهم قريب من بعض عيدي النظر بهذي النقطه <<<<يالله باجر تحملين تفهمين ههههه

واااااااى حمال لا لا تقولين بس الحمدلله على النعمه

بعد بهالعمر مو حلو الحمال كلش ( تعطينى جم سنه عمرى خل اشوف ....)

والسنين بينهم مو بيدى ولا منى من الله سبحانه ما احمل بسرعه يدوبك طلعت هالثلاثه اسم الله عليهم ههههه

 

[ليمون ونعناع]

انا غرفه الغسيل صايرة فوق فماينفع العجلات

احط سله بغرفتي او حمامي مكرمين

وسلتين يم الغساله ثابتين وحدة لي ووحده لريلي

كل ما تجمعوا ملابس افرغ من سله داري حق هالسلتين الثابتين عشان ماتصير ثقيله علي وبنفس الوقت اجمع غسله محترمه.لكل لون

 

[بقلبي انت]

ليمونه اذا انتي شايفه نفسج مقتدره انج تشيلين البيت بروحج من تنظيف وطباخ وغسيل ومدارات اليهال و

زوجج قايمه بحقه والله لو شنو يقولون وشنو يسوون ماراح يهزج اسلوبهم وحركاتهم الحين الناس موللناس

الكل قام يتنحش من الثاني حتي الاهل<<<مقروصه كل ماصار شي قالوا جيبيلج خدامه والوحده عندها ثنتين

الله المستعان ايام قبل البيبان مبطله لبعضهم ويساعدون بعضهم بدون لا احد يطلب مساعده

شوفي اذا الخدامه قديمه عندج خليها لين تكمل السنتين وسفريها قولي مابي خدامه

واذا اهي جديده بعد امرج لله خليها بس للتنظيف مالها شغل بعيالج ولا فيج وانتي عندج بيت

مو شقه صغيره هذا إلي فهمته

عندج بيبي صغير جابليه لين يكبر واهتمي

فيه ودام زوجج موراضي تودينها خليها لين ينتهي عقدها وسفريها بعدين

 

[بقلبي انت]

بقلبي هواها ماابي اكبرج ياحبيبتي بس شكلج باخر الثلاثين يالله عشان ماتزعلين بس اي رقم خليتها لج

والحمدلله علي عطيته الثلاثه هذولي ربي يصلحهم ويهديهم ويسخرهم لج لكبرتي يشيلونج ويتعبون عليج
مثل ماتعبتي عليهم وطلعتيهم للدنيا

 

[اطباق ماي ورد]

ساعدوني ارتب افكاري واقلع الخداااامه ماابيها
اهي زينه بس قنبله موقوته ماتدرين متى تنفجر

ليمو ... عاد بسميج ليمو اشرايج

شوفى يمكن ريلج شايفج معتمده عليها بامو معينه بالبيت ويدرى عندج بيبى من جذيه حاط فى باله انج ما تقدرين بدونها

عادى انا ريلى كان يقولى ودنا نستغنى عنها بس مشكلتج ما تقدرين مستحيل ما تتحملين وظهرج ودسكج وهالحجى

بس لما شفنى جم شغله منهم قررت انى ما اييب وقلت بتحمل وانسق وقتى وشغلى عشان ما اجهد ظهرى وصحتى لان صج اذا ما حافظت على صحتى اكيد برجع اييب خدامه الله لا يقوله

شوفى انتى من الحين وهى موجوده قبل لا تطلعينها حاولى تسحبين منها جم شغله تسوينها بنفسج وخلى ريلج يشوفج اشلون ماسكه زمام الامور وانج تقدرين تشتغلين بدونها

صدقينى شوى شوى ومع الحنه والكلام معاه ان شاءالله بيقتنع
بس اهم شى انتى اول تقنعين روحج وتلاقيلج الحلول البديله قبل لا تخطين اى خطوه

والله ييسر لج الامور ان شاءالله ​

 

[زوجي توأم روحي]

ليمون ونعناع


لا يضيق خلقج

المشكلة ان احنا هنى بالكويت معتمدين عالخدم بشكل فظيع وازرعوا بعقل الواحد ان الحياة بدون خدامة مستحيلة

وان المره اللى تشتغل ببيتها بدون خدامة مسكيينة ومهملة نفسها
والشمعة التى تحترق لتنير درب الآخرين
حتى حتى الوحدة بس تملج قبل ما تروح بيتها تفكر بالخدامة !!!

حتى اذا رحتى الزوارة وولدج تشيطن شوى قالوا
وين خدامته !!!

محد يبى يتعب ويساعد انسى
نظام مجاملات بمجاملات

وزوجى كان متخوف من روحة الخدامة لكن الشئ الحلو ان كان زايع الخدامة أكثر منى
وماكانت تطبخ
ولا تدش غرفتى ولا حمامى كللللش

حدها تنظيف

وتساعدنى باليهال بس

اشلون بديت

استعنت بوحدة سيلانية كانت ساكنة يمى تشتغل الصبح عند عايلة هندية
وكانت تجينتى من الساعة 1 الين تخلص شغلها

وشوى شوى

بديت اضبط الأمور

وقامت تجينى مره أو مرتين بالأسبوع ومشى الحال على ما يقولون

 

[اطباق ماي ورد]

بقلبي هواها ماابي اكبرج ياحبيبتي بس شكلج باخر الثلاثين يالله عشان ماتزعلين بس اي رقم خليتها لج

والحمدلله علي عطيته الثلاثه هذولي ربي يصلحهم ويهديهم ويسخرهم لج لكبرتي يشيلونج ويتعبون عليج
مثل ماتعبتي عليهم وطلعتيهم للدنيا

والله ان ييتى للشكل تقدرين تقولين بالثلاثينات بس بالصج عاد بصكم برقم :d

عمرى 42 سنه ... هاااا من قال زود هههههه

ايه نعم الحمدلله على كل حال واكيد اعيالى نعمه لى من رب العالمين الله يحفظهم ويطرح فيهم البركه ويبارك لكم فى عيالكم ويسخرهم لكم قولوا امين

عاد امى كله تحن على يبيلج بنيه تشيلج وتعينج ...بس اهو بيدى يعنى
كله اقولهم الله ما اراد اييب البنيه يمكن لحكمه هو يعلمها ويمكن تكون علي نقمه مو نعمه عشان جذيه الله ما عطانياها

​

 

[Winter Q8]

ونتر وين احصل منتجات الدكتور صج احيانا تغثني البقع بالملابس ماتروح لو شسوي يمكن بالغسله الثالثه
يالله تروح
وعلي طاري السلال ام تواير بجيبلي منهم احسن من الشيل والثقل اريح

توأم روحي نفس الصابون إلي اتكلم عنه للبيبي احسن شي لهم

انا لقيتهم بجمعية الجابرية و أتوقع موجودين بالجمعيات و مركز سلطان (لان اختي شاريه منظف الباركيه نفس الماركة بمركز سلطان )

ونتر قريتى تحليلج؟

ايي و رديت عليج ..

 

[زوجي توأم روحي]

العمر كله بقلبى هواها

 

[ليمون ونعناع]

بقلبي انت وزوجي توام روحي
مشكورين عل رد ماقصرتوا


فعلا اهو يقول ظهرج يعورج واهي قاعدة تنظف وتغسل مكرمين الحمامات

بس داري وحمامي لا انا انظفهم

يعني مقننه شغلها
وولدي وقت الدوام عند خالتي
والله كريم

شغاله بغسيل المخ والحنه

على طري المنطفات

بشتري ممسحه يديدة ومنظف باركيه
ممسحتي غاليه والله بس تبقع ماادري ليش
جربت ممسحه خالتي عجيبه انشالله اليوم بروح الجمعيه مع وليدي قلبي

وبروح الغانم اخذ غساله صغيرة لهدوم ولدي شنو تنصحون باي ماركه واي حجم اخذ

 

[Dloool_q8]

دلول شلونج

تصدقين عاد انا احسج حساسة ورقيقة وقلبج ابيض
بس تصرفين وايد
مادري عاد مو دراسة بس شعور

هلا يا قلبي انا بخير انتي شلونج؟

عقب ما توفت ام ريلي الله يرحمها صرت حساسه وايد ودمعتي بسرعه تنزل لاني كنت احبها وااايد
وقلبي الابيض اهو اللي موديني بداااهيه


"بس تصرفين وايد " ما فهمت؟

 

[Melazlaza]

قوة
ماقريت الي طافني بس هالصفحة ماشالله دوم سوالفكم ان شاءالله
دلول يعني ماتدخرين الفلوس تحبين المشترا


بنات انا وايد تعبانة مابي أأذيكم معاي بس الخنقة ذابحتني
عذروني ردودي مختصرة وماقمت اكتبلكم نفس قبل