دشتي 2012مع شريفه حياكم

[مس هنادي]

بنات ماادري شفيني من امس منسده نفسي عن الاكل وكل ماتذكرت اني لازم اكل تلوع جبدي

يمكن مفعول الحبوب مع اني امس اول مره استعملهم

 

[Pretty Amoola]

هاي
شخباركم
ايه والله بحرونبات يبيلي اخفف من جاي الضيافه

برتي امول توصلين وبالراحه بعد

إن شاء الله كلنا نوصل للوزن المثالي ونصير مثل الغزلان الشاردة :d

وبالنسبة للأكل ، عادي أنا مثلج تجيني أيام ما أشتهي آكل شي

حاولي تنوعين بالأكل وتزينيين صحنج عشان تنفتح شهيتج وما تجيك اللوعة .​

 

[شريفه 39]

اهلين بنات ياحبي لكم ولسوالفكم ..يوم احس بالضيقه ادخل والقاكم يروح الضيق واحس ودي اكمل ويجيني نشاط وحب للرجيم ساعات يجيني رغبه بالحلى بالرغم من اني ماكله اصلا بس الشيطان ..
بحر ونبات شكرا حبيبتي مع اني اعرف اني اكلت المسموح بس كلامك طمني زياده فديتك الله يوفقك بالنسبه لجاراتك فانتي معذوره بس فهميهم انك تعبتي بالدايت وان هذاعلى حساب وقتك والله حرام عليهم مشكله دشتي لحوم فما مافي ضيافات لحوم عالقهوه هههههههههههههههههههههههههه

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
نايسي خلي الميزان الاسبوع الجاي احسن
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
بنات بليييييييييز اللي تعرف وين نلقى شوكليت حق اتكنز ادعيلها طول عمري واااااااااااو لو القاها بليييييييز بنات

 

[Niceya]

بريتي الله يتمم عليج فرحتج وتنزلينهم كلهم
اكييييد حبيبتي جدامج 5 شهوور
تنزلينهم وتنزلين فوقهم اذا تبين


شروووفة يا عمري والله انتي اساس هالتجمع ولولاج ما شفتيني للحين اسوي رجيم .. كله من تشجيعج والللله رفعتيلي معنوياتي

إييي بلييز وين يبيعون حلويات اتكنز بالكويت ؟؟
مره قريت إن في مندوب تدقين عليه وإييبلج منو عندها فكره؟

 

[بحر ونبآت]

مسائكم خير جميعآ ..

مس هنآدي .. والله الحآله وحده .. انا احيآنآ تنسد نفسي .. لكن اقول لو ما آكل .. يمكن تصير نتيجه عكسيه ..

وأجبر حالي على الاكل ..

اغصبي حآلك .. وقسمي وجبآتك 6 وجبات صغيره ..

/

شريفه فديتك حبيبتي .. بس مآودي ابين لهم اني مسويه رجيم .. الناس لو تدري بيدققون عليك حيل ..

{ وش له , ومآيحتآج , وتعب , وش زينك كذا , بلا رجيمآت بلا هم } .!!

من هالتعليقات اللي تعودنا عليها .. فـ عشان هيك ماقلت شي ..

وياليت فيه لحم مع القهوه خخخخخخخ

لا تغيبين علينا شريفه .. خليك معانا ..

/

وبالنسبه لشوكلاتة اتكنز بحثت بالنت عنها ووين نلآقيها بالسعوديه وبالدمآم خاصه .. بس ماااالقيت ..

..


تعشيت شآورمآ .. من المطعم .. رآيق طعمها .. بس اكلت من ثومهم .. وأدري اني جبت العيد ..

 

[Niceya]

عالساعة 10 يعتتت حيل
سوولي 2 همبرجر فوقهم جبن سلايس وشريحة طماط ومسحة مايونيز لفيتهم بخس وكانو يم يمم + كولا دايت

المايونيز اللي بدون شوجر طعمه استغفر اللللله جنه محزر غير عن العادي ما حبيته
ماراح اكله مره ثانيه


بحر ونبات فعلا ناس محترره حقودة مايبوون احد يضعف ولا عاجبهم المتن اللي احنا فيه
اول كنت مثل الهبله كل شي اقوول
الحين اقول تخفيف وما اكل حلوو وبس

ثووم المطاعم ممنووووع؟

 

[Pretty Amoola]

بالنسبة للشوكليت عندنا في قطر ينباع بشوب رايت ، بس أختي من كم يوم راحت وسألت​

عنه قالوا لها خلص !!! :eh_s(2): مسكينة هي بعد تسوي رجيم دشتي ...​

إن شاء الله ينزلونه بالجمعيات بكل مكان :yaaaaaarb: بالسعودية والكويت وقطر ، لأن الصراحة​

طعمه حلو ويصبرنا على الحرمان من الحلويات .​

 

[بحر ونبآت]

عالساعة 10 يعتتت حيل
سوولي 2 همبرجر فوقهم جبن سلايس وشريحة طماط ومسحة مايونيز لفيتهم بخس وكانو يم يمم + كولا دايت

المايونيز اللي بدون شوجر طعمه استغفر اللللله جنه محزر غير عن العادي ما حبيته
ماراح اكله مره ثانيه


بحر ونبات فعلا ناس محترره حقودة مايبوون احد يضعف ولا عاجبهم المتن اللي احنا فيه
اول كنت مثل الهبله كل شي اقوول
الحين اقول تخفيف وما اكل حلوو وبس

ثووم المطاعم ممنووووع؟

ياعله عآفيه على قلبك حبيبتي Niceya

تدرين وين المشكله ؟

انهم يشوفونك كبر البآب ومآتدخلين معه وجنوبك هذا كبرها ..

ويقولون ليش تسوين رجيم ..

/

واذا انك تسألين الثوم ممنوع او لآ .. حق المطآعم ..

ايه ياقلبي ممنوع .. لأنهم يحطون فيه نشآ واحيآنآ يحطون فيه بطآطس مسلووق ..

بس اختك بالله خذت منه خخخخخ .. ماتتعدى ملعقه ..

/

بريتي ..

آمين آمين آمين .. مشتهيه كآكآو مع القهوه .. حيل حيل حيل ..

/

ونصيحه اللي تسوي دشتي لا تسوي يوم مفتوح لأنها بصعوبه رآح ترجع ..

لان من اكلت الكيك والفطاير عند جارتي .. اعوذ بالله .. فيني رغبه غريبه للنشويات والحلا ..

بس الحمدلله ربي صبرني ..

 

[Niceya]

يا قلبي ربي يعافيج :**
إييييه ما عليج من احد دخلي من اذن وطلعي من اذن ثانية لا تخلينهم يأثرون عليج
اذا اشتهيني حلوو في اكثر من طريقة تقدرين تسوين فيها كيك وجيلي وتشيز كيك من المسموحات اللي بالرجيم
بس لا تكثرين سووي إذا حسيتي انج حييييل محتاجه الحلوو

 

[amool23]

صباح الخير
مشتركه جديدة
وودي اعيد التجربة ((رجيم دشتي)) للمرة الثانيه ^^
يا حلوووه ,,,
البدايه يوم السبت لظروف خاصه
إن شاء الله

أختكم أمووول*

 

[قمر2]

والله انكم تشجعون الله يخليكم الحمد لله ماشيه زين ما لخبطت او خربطت برغم ان امس كان فيه جمعه بس ما اكلت غير من المسموح من دشتي اذا ضعفت تذكرت الرشاقه والبس والاجازه ورجعت قمت وما اكلت نصف لقمه غير من المسموح في دشتي واليوم انا فرحانه حاسه بثقه وقوه اني ما ضعفت واكلت شيء

 

[Niceya]

صبآح النوور اموول حياج اللله بينااا ..
كتبيلنا تجربتج شجعيناا p;

قموووورة عففففيه عليج تستاهلييين بوووسة :***** .. حطي في بالج اي شي شفتيه وكان بخاطرج ما كليتييه بتاكلينه بالعطله متى ما تبين وشكلج مثل ماتبيين
رشااقة وجمال واناقه بدوون ما تحرمين نفسج و تدللين عمرج عدل
والاهم العييد ورمضان مانبي نحرم نفسنا منه عشان رجيم
دام فيه وقت نشد على عمرنا شوي نستااهل صراحة
الله يقوووي ارادتنا وما نضعف جدام هالمغريات محد فرشنا غيرها !

 

[Niceya]

ريوقي جبن ابيض وخس وزيتون
إشتهييت نسكافيه بشرب بعد شوي
غداي لسه ما قررت تو الناس

 

[Pretty Amoola]

أخباركم بنات ؟ وينكم لا حس ولا خبر ؟


بنات بغيت أسألكم ، حد مر بنفس تجربتي ؟؟؟

حايشني إمساك :eh_s(11): ، ما أذكر متى آخر مرة رحت

الحمام وأنتوا بكرامة ... حد صار له جذيه ؟ وشنو

سويتوا لحل هالمشكلة ؟؟؟​

 

[Niceya]

إي حبيبتي شي طبيعي بهالرجيم
اكلي زيتون مسموحلج باليوم 10-15 حبة
وكثري اعشاب تلين البطن

 

[بحر ونبآت]

مسآء الخير على الجميع ..

Niceya

المشكله اكثر الحلويات بدقيق الصويآ .. وانا مآجبته للحين ..

ربك يعين يالغلا ..

أمول 23 ..

هلا حبيبتي نورتي التجمع .. ويلا شدي حيلك حبيبتي .. كلنآ معك ..

وصدق ليتك تقولين لنا تجربتك ..


/

قمر 2 ..

الله يقويك يالغلا .. ويحقق لك اللي بخآطرك ..

/

بريتي ..

اشربي ملوخيه .. مسموح لك بكوبين باليوم ..

رآح تسلك امورك على طول ان شاء الله .. لأن الملوخيه معرووفه بتللين البطن ..


/

يومي ..

صحيت متأخر .. على السأعه 12 ..

سويت لي بيضتين مع جبنه .. وكآسة شآي ..


شربت فنجآلين قهوه ..

طبعآ سويت تخبيصه وحده .. اللي هي اني اكلت ملعقة برغل وانا أطعم ولدي ..<< عآد مدري وش بتسوي لي هالملعقه ..

النفس شينه ..

قبل شوي اكلت صينيه دجآج مع زهره وكوسآ .. بكريمه وجبنه ..

والحمدلله والشكر ..

/

بنآت اللي تستعمل الجبنه بكثره .. تآخذ جبنة برآيــد المبشوره اللي كيسها اصفر .. لأن الكآرب فيها زيرو ..

 

[بحر ونبآت]

بنآت يمكن بعد بكرا بنسآفر لأهل زوجي .. وبنجلس عندهم اسبوع ..

أقطع الرجيم وأرجع ! ولآ امشي على تخفيف ..

صرآحه خآيفه اذوق النشويآت ..

والطبخ مو على كيفي .. لأن بنجلس عندهم بالبيت .. :eh_s(16):

وش أسوي !!

 

[Niceya]

ممم والله مانصحج تخربينه شوووفي

حاولي كل اكلج تاكلينه خالي وتبتعدين كثر ماتقدرين عن الحلوو
الريوق بدال الحليب خل يسوولج ماي حار وشربي نسكافيه وريوقهم اكلي جبن وقيمر وخضرة .. حزة الغدا ساعديهم سووي معاهم سلطة واكلي من غداهم اليدام سواء دياي / سمج / لحم / ربيان
العصر او المغرب شربي جاي ولاتكثرين قهووة عربية .. اخذي معاج حب ومكسرات حطي حرتج فييه والنسكافيه يسد الجبد
العشا نفس الشي اذا من مطعم حلوو عشان تطلبين بروحج كل شي بدون خبز

اذا مانفع الوضع سوي رجيم السعرات لا تكثرين
طلعي جدول السعرات وخليه معاج .. اي شي تاكلينه حسبي سعراته ولا تتعدين ال 1000 سعرره باليوم .. ووووبس

 

[Pretty Amoola]

مشكورة بحر ونبآت على النصيحة ، بس المشكلة إني ما عرف أسوي ملوخية

ولا حتى أحبها :eh_s(11):

وبالنسبة للسفر ، نصيحة لا تقطعين الرجيم ، اصمدي

ترى الرشاقة ما في أروع منها ،،،

إخذي بنصيحة Niceya :eh_s(15):

وتروحين وترجعين بالسلامة ​

 

[بحر ونبآت]

Niceya

تسلمين يابعد عمري ..

الله يعيني .. المشكله بـخآلتي تزعل اذا مآشآفتني آكل خخخخ

شآيفه علي قل صحه ..

شكلي بآخذ عزبتي معي .. يآرب تثبتني وتقوي ارآدتي ..