دشتي 2012مع شريفه حياكم

[بحر ونبآت]

مرحبا يا دشتيات ،،،​

اليوم وأنا أتصفح المنتدى شفت تجمعكم وفرحت واااااااااااايد ​

لأني صار لي اسبوع من يوم ما بديت أسوي الرجيم .وحابة أسولف مع​

ناس تسوي معاي نفس الرجيم ، و أفيد وأستفيد..​

تصدقون بنات من قبل كانت ارادتي صفر ، بس لما شفت وحدة من​

أهلنا في بيت خالي ، من زمان ما شفتها ، صعقت وتخبلت عليها ​

ماااااا شاااااااء الله عليها ضعفت واااااااااااااااااايد ، كانت بالستينات ​

والحين 50 ، وخالتها كانت فوق ال100 صارت بالسبعين ولما سألتهم​

عن السر ؟ حلوة السر قالوا لي انهم اتبعوا رجيم دشتي ... الأولى​

اللي وصل وزنها 50 استمرت شهرين ، أما خالتها صار لها 5 شهور ومازالت​

مستمرة لين توصل لوزنها المثالي .....​

عاد أنا أرتفعت معنوياتي وتحمسسسسسسست :ggdw: وقلت وداعاً للسمنة :eh_s(8):​

بديت يوم الأحد اللي طاف كان وزني 92 واليوم الصبح وزنت لقيت وزني 87 :ggdw:​

عااااااااااااااااااااااااااااااااااااااااشت بريتي عااااااااااااااااااااااااااااااااااشت ، شجعوني ​

طبعاً ناوية أستمر لين أوصل للوزن المثالي اللي هو 63 لأني طويلة وطولي 165​

أتمنى نوصل كلنا للوزن المثالي ونصير رشيقات :eh_s(7):​

هلا فيك حبيبتي بريتي .. نورتي يالغلا ..

ان شاء الله توصلين لهدفك بصحه وعافيه ..

وانا وانتي قريبآت من بعض .. بيني انا وياك كم كيلو ..

بأذن الله بنشجع بعض ونوصل لهدفنآ سوآ ..

/

بروح لأهلي بعد 6 شهور اذا ربي احيانا .. وأتمنى اروح وانا شكلي غير وجسمي غير ..:eh_s(7):

 

[Niceya]

هنوودة إيه بنت .. الشهر اللي طاف قالتلي شروفه إن ما اخرب الرجيم استمر عادي واشرب اعشاب عادي مثل ما ابي .. بس انا اضطريت اخربه اول يوم لأني كنت بالمخيم وبرد تعببت حيل صار فيني هبوط بس رجعت عادي بعدها للرجيم وكان الوضع طبيعي الحمدلله

وفترة 6 شهووور جمييييلة راح تتغيرين فيها 180 درجه وتفرحيين بالنهاية :*

 

[السنيوره@]

لي يومين باديه فيه نزلت2كيلو

 

[بحر ونبآت]

هنوودة إيه بنت .. الشهر اللي طاف قالتلي شروفه إن ما اخرب الرجيم استمر عادي واشرب اعشاب عادي مثل ما ابي .. بس انا اضطريت اخربه اول يوم لأني كنت بالمخيم وبرد تعببت حيل صار فيني هبوط بس رجعت عادي بعدها للرجيم وكان الوضع طبيعي الحمدلله

وفترة 6 شهووور جمييييلة راح تتغيرين فيها 180 درجه وتفرحيين بالنهاية :*

ايه حبيبتي هذا الي انا اقصده .. الجسم يخسر .. فـ أكيد يحتآج ..

ع الاقل الفوآكه والحليب ..

ع العموم يالغلا براحتك .. انت ادرى بنفسك وبصحتك :eh_s(7):

/

وان شاء الله اوصل للي ابغاه قبل الـ 6 شهور .. يآآآآآرب ..

تسلمين يابعد عمري ..


/

على فكره Niceya

انتي كم وزنك ؟!

وكم صار لك على دشتي .. وكم نقصتي عليه ..؟!

:eh_s(17):

 

[بحر ونبآت]

لي يومين باديه فيه نزلت2كيلو

مآشآء الله مآشآء الله مآشآء الله ..

الف مبروك حبيبتي ..

وآصلي وربي يخقق لك اللي تبغينه ..

 

[Niceya]

اذا حسيت بتعب قوي بدخل حبة فاكهه والله يسهل

انا مو من زمان بادية فيه .. اول ما بديت فيه قبل لا اطيح عالتجمع سويته بروحي 10 ايام نزلت 3 كيلو مع خرابيط كنت اكل كاكاو وبعد اسبوع خربطت وزدتهم
بعدين طحت عالتجمع التزمت سويته 26 يوم نزلت 4كيلوات ونص ومن بداية هالشهر لي اليوم ملتزمة عدل عدل ب15 يوم كيلو ونص
طبعا لأن ما اسوي رياضه ولأن لي فترة طووويلة اسوي رجيمات تعود جسمي

الحين وزني 74 وطولي 165 وودي اوصل لل58 عشان لا هديت الرجيم وزاد وزني ما اعدي الستيينات
يبيلي 15 كيلووو :$

اول هدف 65
ثاني هدف 60
اخر هدف 58

 

[شريفه 39]

اهلين بنات وش اخباركم ..وارحب باللي انظمو لنا مرحبا الف
برافو للي التزمو نتايجكم ويومياتكم تفرح بس اللي يخربطون ليش ونتو تبون تنحفون وش هالتناقظ مو معقول لازم يكون عندكم عزم الاجازه قربت لازم تحاولون يعني انا كنت همه ماعندي واول مابديت انزل فرحت ووصالت وبفضل الله نزلت 32كيلو ولهالحين مواصلح وصرت مقدر استغني عن الرجيم ..بليز خلونا نسمع اخبار حلوه يوم الخميس يوم الميزان انشاءالله من بكره كل اللي لخبطو بروتين صافي وبعد 3ايام بيكون الوزن نزل اقل شي كيلو ونصف يالله بنات همه ..وحاولو تحطون اوزانكم تحت بالتوقيع موفقين

 

[شريفه 39]

يومي صحيح اني ماتعديت النطاق الدشتي بس حاسه بالذنب لاني مره كثرت اكل مدري وش فيني بنات الله يستر دايم اجوع
صحيت شربت 3كاسه ماء
الفطور2بيضه مسلوقه
الغدا دجاجه الاربع مشويه <<<ياساتر
العشاء 2نقانق 2برجر مقليه بقليل من الزيت وفوقهم بيضتين وقليهم مع بعض مع فيمتو دايت وبينالوجبات 3ك مويه اعرف كثرت بس بالله ...

 

[بحر ونبآت]

Niceya

موفقه يالغلا .. وان شاء الله انك ماتحسين بأي تعب .. وتكملين عآدي ..

ومآشآء الله عليك .. وزنك حليل ومشوآرك مو طويل ..

الله يعين اللي مشوآآآآرهآ طويل .. يبغى لي 30 كيلو .. الله يقويني ان شاء الله ..

/

هلا حبيبتي شريفه .. من طول الغيبآت ..

والتخبيص يالغلا والله غصب .. تخيليك بمكآني .. والله استحيت من الجآرآت .. تخيليني بينهن وكل ما اعطوني شي قلت لأ ..

وربي فشله .. وانا صراحه بيتوتيه .. بس مدري وش هالصدفه .. كثرت الطلعآت .. بس من هينآ ورآيح عتبة البآب تتعذرني ..

مارآح أطلع ..

وأكلك ياقلبي ترا مو كثير .. لأن دشتي يتطلب كذآ .. والمفروض انك مآتجلسين أكثر من خمس ساعات بدون أكل ..

..

وبكرا يومي كله بروتين ..

 

[Niceya]

شروووفه هلا بالغايبه وحشتينآ ..
موو مخبصة لا تخافين دشتي قال الكمية مفتووحة يعني يوم واحد ما منه ضرر انشالله
وماراح اقدر اوزن وياكم هالاسبوع لأن بتكون توها يايتني ومابي يصدمني الميزان
انشالله الاسبوع الياي احط نتيجتي ...

بحر ونبات حبيبتي ومثل دعوووووتج الحلوة لج وزيادة .. مو صعبة شدي الهمه ولا يحبطج الرقم .. انا نازلة 23 كيلوو والله التعب والحرمان تنسينه كله لا وقفتي عالميزان ودشيتي السوق ولبستي كل اللي تبينه وشفتي الكل منبهر فيج راح تحبين الرجيم وتكرهيين الأكل

وبسكم تخبيص العطلة يايه وبعدها ب 20 يوم يدش رمضان
ماتبوووون نيوولوك للعيد؟ تلبسوووون احلى لبس ؟؟ وتستانسون برمضان بدون دايت وحرمان ..
جدامكم اربع شهوور تنزلون فيهم اقل شي 12 كيلوو حطولكم هدف وعينكم عليه خلوو عنكم البلعه والعزايم والمطاعم لاحقين عليها مو طايرةةةة

 

[Niceya]

ونسييت اقولكم تعشيت ستيك دياي مع مايونيز وخس :$

 

[مس هنادي]

هاي بنوتات

بحرونبات وربي ضحكني ردج ههههههههههههههه على سالفة التبديل للملابس
قبل الاكل ماي حارمنقوع فيه ليمون وكمون وزنجبيل ودارسين
اليوم ماتريقت والغدا صينيه لحم قطع مع الخضاربيذنجان وزهره وبصل وطماط
وعقب الغدا جاي الضيافه
والعشاشوي مشويات
وعقب العشا جاي الضيافه واعشاب(قشرقهوه-ينسون-كمون)
وبس افكرالحين امشي ساعه على السير

 

[قمر2]

كويس القروب يشجع اذا قريتي نزل وزني تشجعتي وقويت همتك عساكم على القوه بس الخس في دشتي الكميه مفتوحه او محدده لان لي يومين اكل خس على الفطور والغداء والعشاء
افطرت اليوم تونه مكشنه بشريحتين بصل ونصف طماطه وبيضه مع نصف ملعقه جبن ابيض مع خس لاني كنت جيعانه ما تعشيت انا لخبطت او ما فيه شيء والغداء كفته مع خس ونصف ليمونه والعشاء ما ادري بس بيكون بروتين يمكن بيضه كويس كذه او لخبطت
عندي مناسبه في 6 في شهر 5 واريد انحف 4 كيلو قلولي الله يوفقكم اكل في هذه الايام الباقيه بروتين صافي او كيف الطريقه حتى انقص هذه الاربعه كيلو من اليوم الي يوم 6 الله يوفقكم ردو عليه

 

[بحر ونبآت]

Niceya

دعوآتك يالغلا .. صدقتي وربي .. احس احساس النحف مره حلووو .. وخاصه مع هالملآبس اللي في دولآب غرفتي .. لها اكثر من

سنه ما انلبست ..

الله يقوينا يارب ..

/

مس هنادي .. خخخخخخ

دوووووووم الضحك يااربي .. بس وربي اني صادقه .. حتى الرجال استوذى مني كل ماجيت بغير طردته من الغرفه ..

الله يعين يارب ..

ونصيحه ياقلبي .. لا تكثرين من شاي الضيافه .. خليه مره وحده بالاسبوع .. ترا وربي مامنه الا المضره .. وماينزل غير السوائل

اللي بالجسم ..

/

هلا بـ القمــر ..

يومك تمآم ياقلبي .. والخس مامنه اي مضره .. كولي اللي ودك .. هو والجرجير .. كميات مفتوحه ..

وان شاء الله يمديك يااقلبي .. وعلى قولتهم لو تنزلين 4 كيلو بدشتي .. كنك نازله اكثر منها ..

انتي بس توكلي على ربي وشدي الهمه ولا تفكرين واجد .. ان ضعفتي .. قولي الحمدلله .. وان مانزلوا شدي الهمه اكثر ..

موفقه خير يالغلا ..

 

[بحر ونبآت]

يومي ..

صحيت اليوم متأخر .. شربت علبة مويه .. وفنجال قهوه وحبة تمر ..

طبعآ مآ افطرت ..

الغداء جالسه اتغدى الحين ..

قطع همبرجر شويتهم بشوي زبده .. وحطيت عليهم جبنة مبشوره من برايد .. وحطيتهم بالمايكرويف .. مع كاسة شاي ..

/

والعشاء الله واعلم ..

 

[Niceya]

إختي قمووورة اعتقد بحر ونبات كفت ووفت .. كل الخضار الورقية كمياتها مفتووحة
والدياي والبيض واللحوم هم تقدرين تاكلين بكمية مفتوحة إلا الأجبان والخضار مثل الزهرة والباذنجان لازم تحسبين الكاربز وما تتعدين ال 20 جرام

وسوي الرجيم لا تخافين دربج خضررر

 

[Niceya]

اليوم الصبح تريقت 2 بيض مفيوح و 2 ميني نقانق الصغار + جبنة سلايس

الغدا شيش طاووق مع مايونيز + فيتاميناتي

 

[Pretty Amoola]

مرحبا بنات ،،، شخباركم ؟ إن شاء الله بخير ؟ وشلون الدايت معاكم ؟​

أنا الحمد لله مرتاحة ونتايج هذا الرجيم روووووووعة .​

الصبح أقعد من النوم أحس كرشتي خفت والدهون اللي بين الفخذين كأن​

حد شافطهم :ggdw:وملابسي توسعت علي ...​

بالنسبة ليومياتي كالتالي : ​

الصبح : 2 بيض مسلوق مبشور ، حطيت عليهم ملعقة صغيرة مايونيز ،​

وكلت بعد زيتون .​

بالدوام جعت وكلت شوكليت أتكنز الخاص برجيم البروتينات .​

الغدا : قطعتين ونص همبرجر + سلطة خضرا .​

العشا : للحين ما فكرت ايش باكل ...​

ومشيت بالدوام 20 دقيقة ... هذا اللي قدرت عليه :eh_s(22):​

 

[Pretty Amoola]

بنات ،، تعتقدون ممكن على عيد الفطر أوصل لل63؟

يبيلي 24 كيلو عشان أوصل لل63​

 

[مس هنادي]

هاي
شخباركم
ايه والله بحرونبات يبيلي اخفف من جاي الضيافه

برتي امول توصلين وبالراحه بعد